得閒飲茶

【油尖旺區】【得閒飲茶】有晚踢完波好攰，所以美女朋友搵我食飯，都唔想去太遠。喺太子旺角警署嗰頭見到呢間食點心嘅就入咗去，佢唔係呢頭名物嗰間，不過是但啦，$6 茶位都叫咗「壽眉」咯，飲啖茶係舒服嘅。仲叫咗阿二燉湯 $36 嘅「姬松茸燉排骨」，降膽固醇喎，一般啦。冇晒春風得意腸，所以叫咗 $42 嘅「脆脆紅米腸」，工夫菜都咁快上咁犀利嘅，味道就比較一般喇。而 $38 嘅「蒜蓉粉絲蒸墨魚仔」就有屋企 feel，都夠濃味。跟住 $30 嘅「灌湯京滬小籠飽」係小籠包嚟，得三粒，質素亦都非常平庸，肉餡無亮點，一般。之後到 $36 嘅「得獎蝦餃之王」，今次有四粒，質素就好得多，算皮薄餡靚，難怪係招牌菜，值得一叫。最後上 $22 嘅「家鄉鹹水角」，感覺好似唔係即炸，同埋個餡唔係太好食，高要求嘅朋友可以避一避。埋單兩位夾埋 $216，應該都未必會有下次㗎喇。。。（地址：太子運動場道7B號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #太子 #旺角 #旺角東 #得閒飲茶 #點心 #壽眉 #阿二燉湯 #姬松茸燉排骨 #脆脆紅米腸 #蒜蓉粉絲蒸墨魚仔 #灌湯京滬小籠飽 #得獎蝦餃之王 #家鄉鹹水角 #1am1904 #1ambackup…查看更多

尋日嚟過見排晒隊，今朝一早再嚟「挑戰」⋯⋯早嚟唔使排，真係「得閒飲茶」⋯⋯二條友已經好勞力，特登叫多幾款試真啲～沙爹金錢肚(優)得獎蝦餃之王糯米雞龍蝦湯鮮竹卷春風得意腸千島醬脆皮蘿蔔糕3.6牛乳太陽蛋瑪卡燉竹絲雞先嚟春風得意腸～咬落去口感層次好豐富，腸粉皮有水準～好食。招牌蝦餃～同樣個皮一樣出色,入面淨蝦仁調味啱啱好，係比一般嘅酒樓好。龍蝦湯鮮竹卷，賣相同色水都唔錯，但個龍蝦湯無味，鮮竹卷亦一樣，淨係個色同「相」可以，無「內涵」。千島醬脆皮蘿蔔糕，上網睇果時同上一個鮮竹卷都有啲期望，但現實係當你食第一啖之後，你會諗～又千島醬又咁厚炸漿入面又係粉～肥死🤣，所以我第二舊係，整走晒啲炸漿至食，發覺原來入面淨粉連臘肉都無，而且仲要無味，原本啲味淨嚟自個醬同上面啲柴魚片。糯米雞，正常味道，入面唔係傳統多啲蠔油色果隻，而係你見到右下角橙橙紅紅果隻。沙爹金錢肚，都幾重沙爹味，正常發揮，唯獨啲豆卜，好似事後放落去，個色同一般放底入晒味的不同，都收貨。燉湯，好清，味唔濃，唔知係咪因為一早，所以未夠火，我個人覺得欠火喉。呢個甜品，我個人幾欣賞同鍾意，口感有啲似燉奶，真心不錯。回頭度：6/10食咗八樣嘢埋單$270,呢個價錢同今日係星期日，真係好扺 扺食。暫時覺得唔係所有點心都出色，整體合格有餘，下次試吓其他。以上純粹個人食後分享，絶無收取任何報酬或優惠，對以上言行，本人原意承擔一切責任。…查看更多

☸️寶石媽媽美食好介紹☸️寶石媽媽一直都愛去酒樓飲茶架，但寶石媽媽唔鍾意一早飲，因為一早飲茶太飽了。所以今次介紹全日都有得一盅兩件既好地方。得閒飲茶 Let’s yum cha 有好幾間分店，我最鍾意去太子分店，好近太子港鐵站，鐘意幾時去去得！今次約了三五知己一齊去，因為咁樣先食得多款式呀。得閒飲茶 Let’s yum cha主打傳統和特色創意點心，所有點心即叫即蒸，用心製作，點心價錢又平民化。老闆曾擔任大酒樓的點心部總廚，30多年做點心經驗。曾參加香港旅遊發局主辦的比賽「2011美食之最大賞」﹣榮獲至高榮譽金獎、甜品創意大獎、蝦餃之王美譽。蝦餃係一定要叫的點心，這是飲茶的規矩，亦係對飲茶的專重。之後要叫返個蟲草花魚翅灌湯餃好好懷念以前，當爸爸媽媽叫得灌湯餃，一定係有好事發生了。醬皇蒸鳳爪，山竹牛肉球係媽媽至愛，而我最愛的是鳳爪汁同牛肉球的喼汁。黑金流沙包絕對係一款武器，因為熱辣辣貪快食，一定會焫親架，就算放凍左都係好好味，但真係要小心，流心包好流好容易滴到衫架。春風得意腸係香脆可口。鍋巴什果沙律絕對係童年滋味。千島醬脆皮蘿蔔糕係大推，因為我好愛佢個種外脆內軟既口味，配左千島醬既香甜，我一個可以食一碟囉。最後叫左蒜蓉蒸蝦飯，用蒸籠蒸，真係乾爽而且蝦味入晒啲飯入面。正！原來最近大眾點評頒發必吃榜榮譽，Yahoo Food ，多間港媒，大陸媒體都有採訪蝦餃之王。如果飲茶飲到悶悶地，想食不一樣的點心，就真係要去得閒飲茶試試啦！✳️得閒飲茶 Let’s yum cha ✳️✳️香港太子運動場道7B號地舖✳️#太子 #太子美食#食好西#美食#聚會#foodie #高質 #香港美食 #pollywings_foods#香港探店 #香港必食#吃吃喝喝的日常 #美食日常#香港美食 #香港旅遊攻略#飲茶#點心#一盅兩件#燉湯#腸粉#流心包#叉燒包#蝦餃#燒賣…查看更多

牛肉腸粉 牛肉味道鹹淡適中 腸粉皮煙靭酸味蝦春卷炸得剛剛好 不是太油膩 春卷皮入邊的餡非常清爽 排骨陳村粉 排骨滑嫩 陳村粉充分吸收汁液味道雖然雖然店舖地方淺窄，但其食物質素的確讓人不得不想再回頭試其他點心…查看更多

呢度專食傳統同創意點心，全部點心都係即叫即蒸，落足心機整，價錢仲要好貼地。老闆嚟頭唔嘢小，做過大酒樓點心部大佬，累積咗超過三十年點心功力。佢曾經參加香港旅遊發展局搞嘅「2011美食之最大賞」，仲攞到金獎、甜品創意獎，連「蝦餃之王」個朵都贏埋！呢度啲嘢食雖然係傳統茶樓一定會有嘅嘢，但係款式都特別與眾不同，例如大家最愛食嘅蘿蔔糕，呢度嘅蘿蔔糕外面包咗層脆皮上面仲有木魚絲，超特別！呢度嘅手拉腸粉我都好推薦，脆脆紅米腸又好味又有得打下卡，包得好靚~以下是圖中菜式及參考價錢💵・　得獎蝦餃之王 ($36)・　灌湯小籠包 ($30)・　春蛋燒賣 ($27)・　脆脆紅米腸 ($42)・　千島醬脆皮蘿蔔糕 ($33)・　鳳爪排骨飯 ($42)・　茶位 ($6) …查看更多

黎到太子呢邊都算係多食店可以揀既，今次黎到呢邊想飲茶，就揀左呢間去食了。唔駛等就有位。睇完menu之後最後點左黑金流沙包，蜜汁叉燒腸，懷舊燒賣，章魚肉餅飯。黑金流沙包，算ok,有三隻而且都夠熱同真係算流沙，整體黎講味道ok.蜜汁叉燒腸，唔錯，腸粉唔會太厚同叉燒都算係足料，食落去有口感，唔會太乾。懷舊燒賣，4粒，沒有太特別不過不失。章魚肉餅飯，ok. 份量正常飯又唔會太硬，都算係夠熱，肉餅唔會生，夠熟。。。。總結。。。唔錯既夜茶選擇。…查看更多

喂！「得閒飲茶」, 唔得閒都要飲餐茶. 呢個係香港人嘅飲食文化. 太子呢間「得閒飲茶」真係要推介畀大家. 價錢平, 冇加一, 傳統點心味道好, 特色創意點心好精緻, 滋補燉湯我又好鍾意.晚飯時間兩個人食咗咁多嘢, 平平地、夠曬飽、又好味. 得獎蝦餃之王 $36蒜蓉粉絲墨魚仔 $38黑金流沙包 $36脆脆紅米腸 $42咸水角 $22紫薯流少煎堆仔 $32 茶位 $6得獎蝦餃之王聽聞係必點嘅點心. 食材採用新鮮大隻的蝦仁, 口感爽脆彈牙, 鮮味十足. 皮薄餡靚, 外皮晶瑩剔透, 薄而帶有韌性, 好有口感.極力推介紫薯流沙煎堆仔. 外觀討喜. 口感層次豐富. 外層酥脆帶有芝麻的香氣. 中層由紫薯製成的軟糯外皮Q彈有嚼勁. 紫薯的天然微甜和香氣，與「流沙」餡的鹹香濃郁形成了完美的平衡，甜而不膩，鹹香可口.得閒飲茶 Let’s yum cha地址：太子運動場道7B號地舖 (港鐵太子站A 出口步行約1分鐘）電話：2398 3183粵菜(廣東)/港式/點心餐廳簡介：主打傳統和特色創意點心，所有點心即叫即蒸，用心製作，點心價錢又平民化。老闆曾擔任大酒樓的點心部總廚，30多年做點心經驗。曾參加香港旅遊發局主辦的比賽「2011美食之最大賞」﹣榮獲至高榮譽金獎、甜品創意大獎、蝦餃之王美譽。最近更獲大眾點評頒發必吃榜榮譽，Yahoo Food 、多間港媒、大陸媒體也前來採訪蝦餃之王。飲茶飲到悶悶地，想食不一樣的點心，去「得閒飲茶」試試啦.…查看更多

由朝都晚，任何時間想飲茶就可以去飲茶，嘆返一件兩件😎😎Li度全日免加一，仲有多款蒸飯選擇😍😍尤其推薦蒜蓉蒸蝦飯，真係原隻海蝦開邊蒸😋😋😋😋而點心比傳統酒樓點心精美💗💗薯媽推薦：得獎蝦餃皇🥟啖啖都係蝦肉🦐及紫薯流沙煎堆🧆一咬開流沙汁已經湧哂出黎😋😋😋😋另外佢嘅蟲草花魚翅灌湯餃都非常足料，除左食餃外，細佬仔係連湯都飲哂😋😋小朋友最岩食，又開胃又可以當湯飲，一舉幾得👍👍…查看更多

📌太子水滾茶靚 一盅兩件實不相暪，平民食堂其實系由細飲茶飲到大，傳統點心就食得多，而要保留傳統手藝之餘加入新派創意其實真系吾容易。而，依間酒樓吾止有得飲早茶，而且仲可以一個人靜靜地飲夜茶 一 得閒飲茶 @letsyumcha🐷香茹燒賣 $32傳統點心，豬肉燒賣口感紮實充滿肉香😋👍🏻👍🏻🐤醬皇蒸鳳爪 $25我其實好鐘意噒鳳爪，個醬惹味得黎帶些小香辣😋👍🏻🐷蜜汁叉燒包 $22叉燒包亦系由細食到大，鹹中帶甜既經典味道😋👍🏻🦞龍蝦汁鮮竹卷 $33新派創意點心，用龍蝦汁代替平時常見既蠔油汁，而最令人驚豔既系鮮竹卷食落仍然脆脆地😋👍🏻👍🏻🦐得獎蝦餃之王 $36蝦餃皮晶瑩剔透，蝦肉帶鮮味，而且爽口彈牙😋👍🏻👍🏻🍠紫薯流沙煎堆仔 $32新派創意點心，賣相有d特別，算炸得幾脆，一咬開面既奶皇流沙餡都幾香😋👍🏻整體而言，點心價錢算親民，水準都可以，同三五知己飲啖茶食個包又或者想要自己一個靜靜地飲夜茶都系吾錯既選擇📍得閒飲茶地址：太子運動場道7B號地舖…查看更多

最近去咗太子嘅 得閒飲茶，老闆係有「蝦餃皇」美譽嘅點心師傅，仲榮登 大眾點評必吃榜2024，真係要朝聖一下。 🔸 得獎蝦餃— 招牌必食，蝦肉爽彈鮮甜、皮薄透光，咬落仲真係有筍尖，數過起碼有三粒蝦。 🔸 鵪鶉蛋燒賣 — 傳統燒賣加鵪鶉蛋，口感層次豐富，肉香同蛋香融合得啱啱好。 🔸 春風得意腸— 腸粉滑溜，餡料有滿滿蝦膠，加上脆皮，好好味🔸 魚翅灌湯餃— 真係有翅係個湯到，餃入面爆哂餡🔸 滋補燉湯試咗羊肚菌燉水鴨同五指毛桃燉豬骨，暖胃養生。 🔸 「太陽蛋」奶凍原來係以 3.6 牛乳製作，造型似太陽蛋，蛋黃係jelly黎，奶香濃郁，口感香滑，打卡味道兼備。 由傳統到創意款式，全部點心都見到師傅嘅心機同功夫，味道有水準之餘，賣相仲好精緻。無論係想同朋友輕鬆飲茶，定係搵靚景打卡，呢度都係一個好選擇。 …查看更多

星期日差少少十二點去到門口，等兩張枱，好快就有位。蝦餃（$36），餃皮夠彈性，夾起唔易穿，蝦肉餡一般，唔算太爽口。燒賣（$32），豬肉餡紮實，有彈性，不錯。鳳爪（$25），醬汁夠濃味，鳳爪有咬口唔會太腍身，不錯。潮州粉粿（$22），一般，梗係好似差啲嘢咁，但又講唔出。蔗糖馬拉糕（$30），鬆軟，微甜，可以。龍蝦湯鮮竹卷（$33），個汁真係唔錯，將脆卜卜嘅鮮竹卷浸滿湯汁一齊食，味道更豐富，推薦。紫薯流沙煎堆仔（$32），即炸，外層脆脆米，中層紫薯糯米皮，最入面流沙蛋黃，三重口感，而且味道亦不錯，推薦。京蔥香煎菜肉包（$26），即煎，油咗少少但可接受。包底微脆，餡料京蔥味欠奉，一般。茶錢每位$6，免收加一服務費。整體食物質素可以，收費合理，但座位較逼。…查看更多

假日午市人氣爆棚，首推「得獎蝦餃之王」（$36），皮薄透光卻韌性十足，內餡塞滿兩隻爽彈鮮蝦，中間夾雜筍粒提升層次，不愧為2011年「美食之最大賞」金獎之作。創意點心「千島醬脆皮蘿蔔糕」（$33）顛覆傳統——炸成圓柱形的蘿蔔糕淋上千島醬與柴魚片，外脆內軟如港式章魚燒，酸甜解膩。另「黑金流沙包」（$36）視覺吸睛，撕開燙手包身鹹蛋黃奶黃傾瀉而出，濃郁流心令人驚艷。人均$90-$100可嘗多款創意點心，蝦餃、流沙包必試，蘿蔔糕創新有驚喜。環境懷舊舒適，唯部分蒸飯稍普通。整體瑕不掩瑜，假日想避開酒樓人潮享受「即叫即蒸」點心，值得專程到訪。 …查看更多

晚餐突然好想食點心😋所以搵咗間全日供應點心喺太子嘅點心舖試吓🫶🏻呢度有唔同種類點心，例如即叫即蒸點心、腸粉、煎炸食物、蒸飯、燉湯等等，價錢幾親民，唔收加一服務費都算抵食👍🏻💛得獎蝦餃之王個名聽落好犀利所以一定要叫😂蝦餃大大粒有好多鮮甜爽淡嘅蝦肉😍💚醬皇蒸鳳爪醬料好惹味但唔會太鹹，鳳爪炆得好淋又入味👍🏻💛黑金流沙包唔算好流沙，不過餡料有蛋黃同奶黃香味🤩💚懷舊鵪鶉蛋燒賣好少地方有呢款懷舊點心😙豬肉餡肥瘦適中，有淡淡嘅冬菇香味😋好推介‼️💛蒜蓉粉絲蒸墨魚仔粉絲份量好多，墨魚仔索晒蒜蓉味😌有少少嚼口💚香脆鮮奶卷最後呢款當做甜品🥰就算唔係即刻上菜食，春卷皮仲好香脆，鮮奶餡淡淡甜味，加埋脆卜卜嘅外層食落好滋味🤤…查看更多

夜晚想食點心🥧搵到系太子地鐵站附近就有呢間點心店，地理位置好方便。落單系用QR code📱茶位每人$6，無另收加一。我地兩個人總共叫左6樣野😌點心全部都系即叫即蒸😚𖤘 得獎蝦餃王｜ᴴᴷᴰ𝟹𝟼見到呢個名 無辦法吾嗌啦！蝦餃皮薄煙韌 裡面蝦肉爽口彈牙😋𖤘 沙嗲金錢肚｜ᴴᴷᴰ𝟹𝟷呢個我超中意！沙嗲汁極濃郁！金錢肚完美地索晒d汁 好入味！😍𖤘 龍蝦湯鮮竹卷｜ᴴᴷᴰ𝟹𝟹呢個組合幾創新！賣相好吸引🤩鮮竹卷索晒湯汁 咬落去爆晒d汁出黎 勁滿足🤤而且雖然佢浸系湯度 但表皮仍然保留到少許脆度👍🏻不過美中不足系 吾系好食到龍蝦味.🤔𖤘 蜜汁叉燒腸｜ᴴᴷᴰ𝟸𝟿由細到大 飲茶都必叫腸粉🤣呢度嘅腸粉皮頗透薄，可以從表面睇到裡面嘅餡料。而且個叉燒餡都幾足料，塞滿滿的😋𖤘 千島醬脆皮蘿蔔糕｜ᴴᴷᴰ𝟹𝟹有別於傳統嘅香煎蘿蔔糕.呢款蘿蔔糕絕對夠創新！加入左柴魚片同埋千島醬，即刻變左好似食章魚小丸子咁！估吾到呢個組合又幾match 喎！𖤘 蒜香蝦春卷｜ᴴᴷᴰ𝟸𝟾春卷炸得香脆乾身 吾會好油.內餡有蝦肉，另外仲有d椰菜。食起上黎除左口感更豐富之外，加入左蔬菜中和一下 感覺無咁膩添！整體點心質素都吾錯😋😋下次可以再黎encore試多啲其他款式😌…查看更多

突然好想飲茶， 因太晏有好多茶樓都準備落場， 所以唯有搵點心店， 睇咗好多間食評， 好多都讚呢間食品唔錯， 所以抱住嘗試心態一試。 由於得兩個人食， 可點有限， 只點了6個點心， 潮州粉果， 醬皇蒸鳳爪， 蜜汁叉燒包， 而以下3個是店舖推介， 蒜香蝦春卷， 蝦餃之王， 千島醬脆皮蘿蔔糕。 頭三款點心味道都不錯， 粉果皮薄餡適中， 叉燒包的皮無蒸到腍晒，鳳爪亦無蒸過火， 店舖推介的蒜香蝦春卷滿滿的餡， 外皮真的好香脆， 唔會食到滿口油， 真係好好味😋， 蝦餃王皮薄同埋係原隻蝦， 超有誠意👍🏻， 千島醬脆皮蘿蔔糕炸粉唔厚， 非常脆口， 面頭加咗d柴魚乾再多一點味道層次。 總括嚟講， 食物方面真心好食， 唔係hea😋👍🏻 希望可以keep住水準啦。…查看更多