得閒飲茶

我是一個好鐘意「飲茶」嘅人~ 香港地而家除左茶樓有茶飲~ 仲有「得閒飲茶」呢類小店可以止到我嘅「茶癮」!!!首先，呢度嘅茶葉係以袋裝茶葉方式沖泡~ 所以沖出黎嘅茶係唔會飲到茶葉，而且我個人覺得以小店質素的大茶包來說~ 呢度嘅茶我覺得幾好飲，唔會過濃同過淡~ 就算加水沖泡多幾次都唔會無味!!! 然後今次我地叫左以下點心~蝦餃之王 - 呢個真係非常出色! 果然係佢地手指公推介! 蝦非常爽口彈牙! 調味剛剛好, 皮不算過厚~ 果然係得獎蝦餃!!!最緊要配埋佢地的辣油同豆瓣醬 ! 真係好食到極致 !灌湯京滬小籠包- 這個就有點失色，皮就厚了一點點，內裡湯汁都有~ 但我個人覺得有點咸了一點點~ 和蝦餃比較就有對比了~春風得意腸- 這個就是中間包了油炸鬼~ 似炸兩咁，腸粉皮非常清透薄又滑，加埋蟹籽，粟米粒! 口感好夠~ 真係好好味原籠牛仔骨蒸飯- 呢個係咁多款蒸飯入面我覺得係大推嘅~ 佢嘅牛仔骨味道真係好出色，醃骨嘅味道也是完美~ 加埋用金鳳米加荷葉做底蒸成嘅飯~ 真係100分滿分嘅蒸飯~!!! 真係豉油都唔洗加太多~姬松茸燉排骨湯- 呢個係每個月的15-31號提供可選的湯品~ 湯品真係必點~ 呢款燉湯足料到痴線~滿滿姬松茸及排骨~ 湯味非常濃郁~ 0味精~ 正到癲~呢度一定會成為我解茶癮嘅好地方~ 而且有時想飲啖湯都可以黎呢度了! …查看更多

💖元朗呢間連鎖點心舖除左傳統點心，仲有好多創意料理，價錢合理，好多街坊幫襯～1️⃣點心🥧🔸蝦餃之王：經典必食，皮薄滑內餡飽滿，蝦肉鮮～🔸灌湯京滬小籠包：皮薄餡多，滿滿帶肉香嘅湯汁🔸千島醬脆皮蘿蔔糕：外皮炸得香脆，咬落係暖笠笠嘅蘿蔔糕，唔軟爛，搭配酸甜開胃嘅千島醬同木魚花。🔸紫薯流沙煎堆仔：推薦！賣相可愛，香脆外皮咬落去係軟糯嘅紫薯餡，仲有鹹香嘅流沙🤤🔸豆沙QQ小白鼠：推薦！好得意🥰，小白鼠🐁造型嘅mochi咁，裹上椰絲，咬落係香甜豆沙餡🔸3.6牛乳太陽蛋：3.6牛乳布甸味道香濃，口感嫩滑，太陽蛋黃係橙子果凍🍊，帶黎一絲清新果香～2️⃣茶位🫖💖$6一位仲唔使加一！要左壽眉～💖服務態度好而且做野快手，位置方便，係大棠路輕鐵站附近🙆。…查看更多

最近同朋友講好想又飲茶🥰我就約左佢去元朗得閒飲茶度食飯😛依度主打傳統和特色創意點心，所有點心即叫即蒸，用心製作，點心價錢又平民化。老闆曾擔任大酒樓的點心部總廚，有30多年做點心經驗。仲拎左好多唔同獎項🏆茶位$6@位🍤蝦餃之王 $36好熱辣辣，口感好爽滑，隻蝦好爽脆彈牙☺️🥟灌湯京滬小籠包 $30皮薄且湯汁飽滿，豬肉好鮮嫩啖啖都好滋味🥰🥠春風得意腸 $42好岩打卡，好創新，口感有啲似食緊炸兩，包住脆脆腸粉皮，入面有蝦、粟米、蟹籽及馬蹄粒，口感十分豐富🤪🍚原籠牛仔骨蒸飯 $46要加鼓油去撈飯先昇華🤣牛仔骨好入味同夠淋，飯既口感同味道岩岩好😗🫖姬松茸燉排骨 $30依個燉湯真係要叫！好多松茸，仲要飲落去係係無味精，唔會飲完好口渴😳😳同我一樣鍾意飲茶既朋友真係要黎依間試下😛😛佢地仲有其他分店架🥰得閒飲茶 (元朗)📍元朗谷亭街13號傑文樓地舖…查看更多

呀媽冇煮飯又話想食點心，上網搵到附近有間得獎點心店「得閒飲茶」就決定一試，見到點心紙後會見到呢間鋪有別於傳統點心鋪，有好多創意點心。最吸引我嘅係紫薯流沙煎堆仔，佢嘅外表有少少似荔枝，紫薯外皮好香脆，一咬開超流沙! 而且有蛋黃嘅香，好好食  。而XO醬菜苗餃做得好精緻，每一粒都有滿滿嘅菜苗同蝦，上面再鋪有XO醬，有別於傳統點心鋪，呢間嘅菜苗餃嘅皮並冇完全包合，上開打開反而更睇到真材實料而且賣相更吸引  。叉燒腸都皮薄餡靚，食落好香滑。唯一較失望嘅係千島醬脆皮蘿蔔糕，雖然都係創意點心，但食落外表較厚，而且千島醬付到食唔到入面嘅蘿蔔糕味，真係會覺得傳統香煎蘿蔔糕比較好 。整體而言，食物質素普遍都偏高，但價格會比傳統點心鋪高一點。…查看更多

今晚我唔想煮飯，我就問瑤瑤你今晚想食咩啊？呀女就話想食點心，咁我哋等埋爸爸放工就出發去食點心。我地今晚落左元朗，去左「得閒飲茶」度食晚餐，間餐廳賣點係全日都可以叫點心食，仲要即叫即整，咩時間想食都可以食到點心。今晚我哋叫左：蜜汁叉燒包 $22麵包鬆軟，熱辣辣辣，甜甜既蜜汁配粒粒叉燒，啖啖滿足潮州粉果 $22皮簿煙韌韌，精選蘿蔔餡料足XO醬菜苗餃 $32鋪面的XO醬足料，將整隻菜苗餃鮮味提升懷舊鵪鶉蛋燒賣 $27醃過既豬肉特別軟腍但又十分有口感，配上鵪鶉蛋兒時回憶返晒來🤭韭黃鮮蝦腸 $32皮薄晶凝通透每啖都細滑，而且原隻蝦都大隻彈牙原籠香菇章魚飯 $42醃製的肉餅配香菇加上章魚粒入味兼軟腍，荷葉鋪底蒸飯特別軟熟及帶荷葉香味👍🏻@letsyumcha 得閒飲茶 (元朗)元朗谷亭街13號傑文樓地舖…查看更多

間唔中卡卡會同卡佬送完仔返學之後兩公婆會一齊去嘆返個早茶先去買餸我就最鍾意去 得閒飲茶•letsyumcha 度飲茶因為佢夠抵食，食物水準唔錯每次食完係會飽到中午都未食得落午飯全日免收加一服務費已經慳唔少免咗嘅加一錢絕對可以叫多籠點心食呀！加上呢度水滾茶靚4款茶葉任揀，普洱、香片、鐵觀音、壽眉就連茶錢都只係茶錢$6/位早茶時段好多點心都做優惠添呢度飲茶真係好相宜唔怪得佢地人流keep唔停咁入嚟最鍾意佢所有點心即點即做雖然點心紙上寫需要等候15~20分鐘但我等了大概10分鐘咁上下點心就開始慢慢上枱，全部點心新鮮熱辣今日我地兩個都食咗唔少嘢飽到連午飯都食唔落🤭❤️懷舊香菇燒賣(優)$27▶️燒賣中嘅蝦都幾大隻，夠彈牙兼帶有香菇鮮味的燒賣真係幾好食😍❤️龍蝦湯鮮竹卷$33▶️新鮮油炸鮮竹卷再放入鮮味十足的龍蝦湯中，脆軟口感同時有，好好味呀！❤️家鄉蒸蘿蔔糕(優)$19▶️呢個絕對必點，蘿蔔足料又夠滑，不會像其他咁重粉感，配埋其自家炒嘅麻辣油，絕配呀！❤️蜜味叉燒腸(優)$27▶️腸粉皮夠嫩滑，一食就知唔係翻蒸，係新鮮蒸嘅腸粉，必點👍🏻❤️沙爹金錢肚(優)$27▶️沙爹味夠濃又夠汁，豆腐卜索哂d汁正❤️家鄉咸水角(優)$19▶️新鮮炸起夠香脆而內裡軟糯，隻隻都漲卜卜，外皮唔會過厚，餡料適中，我一個人食咗2隻就知有幾好味🤭值得回訪再回訪的手工製點心店卡卡已經諗定下次要試原籠蒸飯因為枱枱都有叫咁制…查看更多

係元朗夜晚想飲茶就會諗起呢間點心專門店食物選擇種類都好多而且大多卡位，坐得舒適仲要全日唔使加一茶錢都只係每位$6，平過買支茶可以揀普洱、香片、鐵觀音或者壽眉📌得獎蝦餃之王🎖️🏆🦐能夠獲獎嘅都非等閒之輩皮薄餡靚又煙靭，晶瑩剔透蝦肉彈牙粒粒飽滿📌灌湯京滬小籠包🐷皮同肉嘅比例配搭得宜一咬D湯汁就會爆曬出混沾下有薑絲嘅醋，更能提升豬肉嘅鮮味📌黑金流沙包⚫🔔🍞好吸晴嘅黑金色，猶如藝術品咬左啖夠曬鬆軟嘅麵包之後，滑嫩嘅奶黃蜂擁而出熱辣辣襯熱食更滋味📌原籠蒜蓉蒸蝦飯🧄🦐🍚幾隻大大隻嘅開邊蝦放係以荷葉墊底去蒸嘅飯上面令人食得方便，而且蝦同飯吸收曬荷葉嘅香味岩曬依家天氣凍食，食完暖笠笠📌芒果布甸🥭而家仲有活動送甜品添份量都足夠，識食一定加花奶充滿奶香又啖啖芒果肉，口感豐富無論大人定小朋友都鍾意📍得閒飲茶元朗谷亭街13號傑文樓地舖@letsyumcha#夜茶#點心專門店#蝦餃#小籠包#蒸蝦飯#芒果布甸…查看更多

話説今日到屯門青松仙苑拜山，原本再到元朗“大榮華”下午茶，可惜去到已過了下午茶時間，所以就在附近覓食，路上見到一間“得閒飲茶-點心專門店”，故且試一試，希望唔好太伏啦，畢景香港有很多質素唔好嘅餐廰，做事得過且過，完全唔想有回頭客，今日只叫了四款點心，真心講無樣得，其他不説，只講叉燒包，上枱時，目测已覺唔多好，外型細细隻，實得得，一啲鬆軟感覺都無，好像在雪櫃拿出来蒸熱，但又蒸唔夠時間，內裏叉燒及酱汁又唔多，難聽講句超市货還好過它，唐記點心啲燒賣仲好食，話自己喺點心專門店？真喺唔好同我講笑吧！…查看更多

近年多左好多新派點心鋪，唔再好似以前咁，想食點心一定要到酒樓飲茶才可，而且夜晚都可以叫點心食😋。行開元朗就見到這間鋪「得閒飲茶」，鋪名夠得意，就去試試。得獎蝦餃之王 $36粒粒原隻蝦，彈牙爽口，攞獎實之名歸懷舊香菇燒賣 $32豬肉香菇很有口感，啖啖實在👍🏻醬皇蒸鳳爪 $25叫得醬皇真的密製醬汁，濃濃醬汁配鳳爪美味白灼菜心 $25菜心很清甜啖口不留渣，必定新界菜心，連BB都愛不釋手🤭原籠蒜蓉蒸蝦飯 $54師傅細心將蝦開邊，再配蒜蓉荷葉鋪底蒸飯，鮮蝦味及荷葉滲透每粒米，感覺暖笠笠😅…查看更多

想食點心醫肚但又唔想係酒樓慢慢坐？晚夜收工想食點心但酒樓得小菜？近年多咗點心鋪流行，但多數都係新派點心，唔係唔好食，但又好似有啲太fancy～今次嘅得閒飲茶價錢實際，可能係適合嘅選擇，路過可以一試。【得獎蝦餃之王】 - $36蝦仁爽口彈牙，調味恰當，配搭聲稱自家製嘅辣醬有提鮮效果。辣醬較似xo醬，以乾貝類為主，辣味來得快，但唔會持續太耐，令人驚喜。【龍蝦湯鮮竹卷】 - $33鮮竹卷即炸香脆，再淋上龍蝦湯有不錯的口感。而用呢個價位有龍蝦湯都無乜埋怨，不過湯頗淡，加上稠糊嘅口感似汁多啲。【XO醬菜苗餃】 - $32菜苗餃嘅餡並無包實，而係放咗XO醬係頂。XO醬都唔少，為菜苗同蝦提鮮。啲皮無包實反而令菜苗保持口感唔會爛，可見大廚嘅小心思，亦令味道層次更豐富。【懷舊香菇燒賣】 - $32食到結實肉粒，菇粒同蝦，感覺到真材實料。【陳川粉蒸排骨】 - $32陳川粉似係街市買啲，隱約有啲酸味，粉漿厚身，蒸完之後做唔到條理分明反而痴埋一舊，口感太淋，有種蒸太耐嘅感覺。綜合推薦度：🌕🌕🌕…查看更多

起唔到身飲早茶唔緊要，而家飲夜茶都好多選擇!🤩🤩今日去左元朗呢間 得閒飲茶茶錢每位都係$6，真係幾抵!👍🏻👏🏻見到蝦餃係拎埋獎，咁就一定要叫😆蝦餃皮唔厚，蝦肉彈牙!又唔係落勁重調味😝愛蝦之人必定要叫~~🫶🏻另外就係叫我最愛嘅燒賣!水準一樣唔差豬肉同蝦比例剛好，加埋香菇口感好好🥰🥰之後見到個龍蝦湯鮮竹卷幾得意就試下😂雖然龍蝦湯唔太濃，不過鮮竹卷幾索湯夾埋又唔錯😌XO醬菜苗餃，上面XO醬份量好多，調到味令整體鮮味提升!!🤤沙嗲金錢肚味道香濃，金錢肚夠彈牙又入味😍😍排骨蒸陳村粉唔係咁多酒樓有，所以見到就叫左黎食陳村粉好滑好彈，排骨好軟🤓整體點心質素都好好，仲要平均都係30幾蚊，一啲都唔貴!真係可以得閒就去飲茶啦😎…查看更多

好耐未試過夜晚飲茶喇今日就揀咗元朗既得閒飲茶做晚餐❣️六點去到已經差唔多爆場多數都係街坊 所以一入黎店員已經知道飲咩茶好親切熟悉既感覺❤️❤️❤️今次我地嗌左6樣野-陳村粉蒸排骨唔係度度都有呢樣嘢食所以一見到即刻嗌咗排骨啖啖肉 陳村粉索晒豆豉同肉香味 好正🫶🏻-蝦餃之王皮薄餡靚 大大粒蝦仁 爽口彈牙😍-XO醬菜苗餃XO醬令菜苗餃鮮味提升左每隻都勁足料 脹卜卜🤤-懹舊鶉蛋燒賣豬肉夠滑有肉味，肥瘦適中🥰-千島醬脆皮蘿蔔糕第一次食呢種食法外脆內軟 加埋千島醬同木魚食口感有啲似食小丸子 好香口💯-原籠牛仔骨蒸飯牛仔骨夠腍又惹味撈埋自家製豉油食 好快就食晒成碗飯❗️全部都係即叫即蒸 包保熱辣辣而且全日仲唔收加一 價錢夠實惠唔怪得keep住都有客人黎食💯…查看更多

聽聞得閒飲茶呢間餐廳既點心好有水準，所以今日嚟試下。蝦餃之王蝦餃大大粒，皮薄餡靚，入面既蝦好鮮甜彈牙，果然唔錯👍潮州粉果粉果既皮煙煙韌韌，夾埋入面精心製作既蘿蔔餡料，有豐富既口感，好味！醬皇蒸鳳爪鳳爪吸收左特製醬汁既精華，好入味，而且好腍好好味😋蜜汁叉燒包叉燒包熱辣辣，好鬆軟，咬落去有甜甜哋既蜜汁叉燒，甜中帶鹹，正！韭黃鮮蝦腸腸粉晶凝通透，食落去好滑，入面既鮮蝦又大隻又彈牙，再加埋佢哋自製既鼓油，好好既配搭，好滿足😍千島醬脆皮蘿蔔糕呢個絕對係創意點心，估唔到蘿蔔糕可以咁樣配搭，同埋整得咁靚😍配埋千島醬，真係好正！呢間點心好味，價錢又唔貴，值得試👍…查看更多

夜晚有時都會想點心店食飯，因為啲蒸飯幾抵食又飽肚，然後叫幾碟點心，$200內都搞掂。呢間得閒飲茶系元朗都開左好耐，有部分點心幾有創意。春風得意腸 $42呢個創意腸粉每次黎都會叫，腸粉入面有啲脆網，餡料有蝦、粟米，再放左啲蟹籽，令成個腸粉咬落幾脆口，有種炸兩既feel，口感豐富。蒜香蝦春卷 $283條春卷，已經預先煎開，炸得夠脆，吾系太油。餡料都幾多，有蝦之餘仲有啲菜絲。牛肉球 $25牛肉球都大細，幾腍。沙嗲金錢肚 $31金錢肚大約有5-6件，都幾腍，底下用豆卜墊住。鳳爪排骨飯 $42用荷葉裝住啲飯去蒸，排骨都幾多，飯偏濕。…查看更多

唔知有冇人同我一樣成日都好鍾意放假去飲飲茶，嘆返一盅兩件。今次喺元朗行街嘅時候就比我發現咗一間茶居。鋪仔細細，但係成日都坐滿晒人。🤔我諗應該都品質唔錯，就去試吓舖頭以卡位為主，都坐得幾舒服嘅，茶位每個人就$6，都算合理。⭐️沙爹金錢肚（$31）記得每次細個去飲茶一定會叫金錢肚。金錢肚好入味而且好腍👍重點係佢最底嘅豆卜吸晒啲醬汁😍⭐️灌湯京滬小籠包（$29）呢個小籠包係必試，佢嘅皮好薄，而且好多湯👍一咬落去呢係爆汁🤭配埋醋一齊食就Perfect啦⭐️蝦餃之王（$36）佢嘅蝦餃啲蝦都幾彈牙，而且份量都幾足，不過如果個皮再薄啲就100分啦⭐️蜜汁叉燒腸（$29）佢用嘅叉燒係半肥瘦叉燒，所以食落去有淡淡嘅油香味👍但係又唔會太油膩，腸粉嘅皮都算薄身嘅👍唔錯⭐️原龍鳳爪排骨飯（$42）佢呢個排骨飯性價比真係超高🤭佢嘅份量好足，而且餸都好多😍每一粒排骨都係好入味👍而且佢係用荷葉包住嚟蒸。真係幾有風味㗎🤭佢哋呢由朝頭早6:30開到夜晚11:30 ，無論係飲早茶定夜茶嘅你都一定啱🤭去開元朗想飲茶嘅記得試吓佢啦🍴得閒飲茶 (元朗)📍元朗谷亭街13號傑文樓地舖…查看更多