彼之丘

以前住西營盤，疫情期間WFH差不多每個禮拜都幫襯，買返屋企食，個麵包真係好好味㗎。今日同老公返西營盤，一於再幫襯。有comment 話，味道大不如前，本身都有啲擔心。好彩冇令我哋失望，個包依然係好好味。我最愛嘅豚肉生薑燒熱狗，加咗少少七味粉，味道再提升咗。繼續努力，下次再返西營盤要再幫襯PS: 有套餐，炭燒珍珠咖啡仲係咁好飲❤️懷念以前有堂食嘅裝修，好舒服…查看更多

應該轉左手，質素大不如前，啲麵包又硬，又唔夠熱，又冇咗以前啲套餐，堂食又冇櫈坐，環境差咗又貴咗， 仲有落柯打叫咗小食五件的芝士條，返到去打開睇得三件😡，唔通要我攞落去叫你比番咩，浪費時間同都凍哂喇，以前每星期都幫襯， 尤其是2019 - 2022期間，當時店面裝飾好靚好正，而家除咗冇櫈坐，仲喺店面放咗個凍櫃，賣埋啲啫喱咁嘅嘢，不如專心造番好啲啲麵包好過，佢以前出名就係自家製嘅麵包好好味，早兩年去都覺唔同哂人，今次會係最後一次食😤…查看更多

原本諗住叫個套餐黎食，點知套餐唔係套餐，好失望。唔知仲係原本個老細去經營，定係轉咗另一手去經營。個所謂套餐（只係得包1個），店員話小食和飲品要另外加錢，咁樣仲係叫套餐咩？！加加埋埋都差唔多要100蚊，超誇張。以往bake out食個餐，一個人都係40蚊左右。再問個店員，佢又話啲小食和飲品係原價減（套餐既話）🙄 一時又話加，一時又話減，都唔知係加定係減啦！算啦～唔會再食呢間，良心小店西環仲有，我幫襯另一個算…查看更多

話說，做為一個咁愛嘆熱狗嘅人，我對於搵到一間正嘅熱狗店真係興奮過發現金礦！🤤呢間店嘅熱狗，叫做美味就一啲都唔過份，真係揼晒嘴！首先，試咗佢個熱溶芝士珍寶腸熱狗，芝士香味撲鼻，搭配嗰酸酸甜甜嘅茄汁同微辣嘅芥末，真係咬落去口感層次豐富到爆煲，芝士流出來啫喱咁，好過癮！跟住再嚟嘅，熱溶芝士肉醬珍寶熱狗呢，攞墨鏡嚟都遮唔住佢光芒！隻熱狗流晒出嚟嘅芝士跟嗰濃郁嘅肉醬，兩樣一齊嚟，真係食落去滿足到喊出嚟！😍熱狗嗰個包，唔係平時隨便咩包，係佢哋自家製嘅，軟綿鬆化，好食得嚟又唔會搶鏡，真係好似啱啱由雲彩落嚟嘅軟墊，啫喱嘅珍珠加埋口感一流嘅芝士，啖啖肉味嘅肉醬，咬落去就係一個字—正！唔得啦，呢啲美食，真係得閑嚟一試，絕對令你欲罷不能！顛覆你對熱狗嘅所有想象，準你食完阿塗都要讚好！👏🏻…查看更多

每次經過都覺得好有趣 居然有家賣熱狗🌭️的小店在上環西環這邊但這家熱狗🌭️店不是往西式方向發展 而是台式方式向 哈哈哈😆他們除了賣熱狗🌭️外 還賣手搖杯 及台式甜吐司🍞其實好多都好想試 畢竟也太久沒去過台灣了嘛不過當天還沒吃飯 就想吃😋點熱熱鹹鹹的熱熔芝士七味辣椒粉三文治🥪（厚切薯條 + $10）$53 辣辣芝士 吃得好爽😆再加上司華力腸～～ 這才是熱狗🌭️完全想不到這是一家台式小店耶當天的厚切薯條🍟都賣光了 他們就換成了 薯格～好久沒吃薯格了 若不是去KFC 應該就不會吃到了不過他們的薯格 不乾耶 熱🔥騰騰 炸得剛剛好日式炸魚柳 （可口可樂 + $10）$50想不到熱狗🌭️也可以這樣夾魚柳耶 薄薄的 脆得非常酥脆而且炸魚柳就是要配美奶滋醬～～～ 加上椰菜絲三個夾在一起也不會過膩 再喝一口可口可樂 ERR～～～吃得過癮 不過他們屬於小小份的那種 天氣太熱逛街逛久了經過想找個位子吃點小東西 喝個小飲料🥤 聊聊天 實在不錯👍…查看更多

食物：🔸️牛油果蓉吞拿魚沙律三文治($37)+跟餐小食及飲品($10)😋3.5/5包鬆脆，料沒特別驚艷；標注日本野菜的薯餅也很正常，有日本進口家庭裝薯餅的感覺。想要輕食所以點了牛油果蓉吞拿魚及野菜薯餅，意外地飽，這個價錢一個有包有小食有飲品，有點小幸福感。聽說日本牛肉黑松露漢堡早已售罄，可能是因為這次我未有點香口類的，也沒能點熱賣的，所以未有驚艷感，想必下次要再試試其他款。🔸️熱溶芝士肉醬珍寶熱狗($42)😋4/5已經二刷😁今次黑松露仍然售罄，於是選了這個，香口，更滿足熱狗癮。🖼環境：整潔的小店，自助形式。菜單全有圖，方便挑選。食物用藤籃盛，有日本某連鎖店的感覺。✴總結：這價錢可以再試，想試熱賣款！…查看更多

平時從來唔寫食評，一嚟懶，二嚟覺得多我一個唔多少我一個唔少。但今次發現好似未有人講返呢個變差嘅情況，所以決定要寫一次。食前冇影相，因為本身無諗住寫評價。但Openrice無相又話個食評會跌落底，所以影咗張食完後嘅相。一兩個月冇食BakeOut，今日諗住叫外賣自取。叫嘅時候唔記得個包叫咩名，所以睇下Openrice，結果發現轉咗menu，同埋加咗價。唔緊要，經濟差百物騰貴，唔加都唔正常啦。咁我就叫返我最中意食嘅 熱熔芝士七味辣腸熱狗 跟餐要薯條同熱咖啡。入到去，發現menu的確係換曬，連個最出名嘅粉筆畫都比人抹走咗，癡咗張menu上去野食到嘅時候，我話比visa，個店員就話部機壞咗。我話咁八達通吖，個店員就問我可唔可以用現金，但又冇講特別原因。咁好啦唔緊要，雖然就咁落樓外賣自取，但我都有帶張100蚊紙傍下身。我問佢拎膠袋裝熱咖啡，佢話要收一蚊。下，熱辣辣嘅野飲唔比膠袋我要我徒手拎？但係為咗慳一蚊，我決定唔要。結果拎返去途中熱到轉咗幾次手，返到去直情連手都紅曬。終於可以開餐。佢哋啲薯條以前真係幾好食架，係好厚身嘅薯角嚟，外賣自取完返到屋企都仲熱辣辣又挺身。點知今次見到嘅薯條上面全部都係鹽，又軟臨臨濕曬咁，未食已經唔覺得好食，食落口真係同以前差太遠。而個熱熔芝士七味辣腸熱狗以前都係好好食，腸又長又juicy，七味粉又溶埋係啲芝士入面，好足料。結果今次換嚟嘅係條廉價嘅黑椒腸，咬落去係又鞋又乾身，而啲芝士少咗好多，七味粉就咁嬸係上面，食完唔知自己食咗啲乜。唯一無乜伏嘅就係杯咖啡，除咗無膠袋辣手之外。總結返，各式各樣嘅慳到盡表現：1. 收現金唔洗比信用卡/八達通收手續費2. 膠袋1蚊3. 廉價材料4. 用料唔再大方連粉筆畫都抹走埋，應該已經唔再係黃店，綜合以上各種情況，懷疑間舖已經換咗老細或者換咗管理層。今次應該係我最後一次食BakeOut，sa yo na ra。…查看更多

難得老細請食tea 食呢間手作三文治，一直都冇試，因為係外賣店，好少去買，今次可以係公司食，就試下啦有得揀甜既或者鹹既，甜既就果jam，鹹既就有餡，個人麻麻地果醬，加上無食lunch,就揀啲有餡既飽啲，所以我一睇就望向鹹既，最為吸引我既就係黑松露啦啦啦我就揀左黑松露芝士炒雙蛋，料都好足，爆滿的，黑松露味都好足，都未打開已經聞到啦，蛋炒好好，好滑，但包係熱既脆既，兩者配合得好好，作為下午茶會好滿足，食完飽哂…查看更多

之前睇openrice見呢度幾吸引，一直想試😂但通常收工就直接返屋企，一係就ot過左佢營業時間😢今日要ot，但比預期中早收工，所以即刻過來食包😎去到餐廳大概係七點半左右，坐左幾枱客，就來食完~餐廳地方細細，一眼望晒，布置得幾舒服，好簡潔😎坐嘅位唔多，兩邊有長枱，中間兩張細枱仔~所以用餐期間，除左我，都係得一個外國人係堂食，其他人都係外賣😂睇左陣餐牌，諗左一輪，見🌭熱狗好似唔錯~但最後揀左🐷豬扒煎蛋三文治套餐😎因為係即叫即整，所以都等左一陣😂🐷豬扒煎蛋三文治套餐 ($44 + $10)本身呢個三文治係有🍅番茄嘅，不過我叫走🍅番茄😂個包一攞上手，熱辣辣🔥🔥🔥🍞包身都幾軟熟🐷豬扒睇落幾厚，咬落唔韌😋餡料仲有🧀芝士片、🥬生菜同🍳煎蛋~汁醬係沙律醬來，但醬唔夠多，所以一開頭食覺得有D乾爭爭🤦‍♀️三文治加 $10就可以轉套餐，包一個小食同一杯熱飲或者可樂~小食可以揀🥔薯格、🍟薯條、🥔日式薯餅或者🌽粟米杯~我揀左🥔薯格~份量以小食來講，都算適中😚🥔薯格炸得幾脆👍自己可以去收銀前面嘅調味站度攞沙律醬、茄汁同芥辣~🍵飲品方面，可以加錢轉🍹特飲~但自己諗住茉莉綠茶可以消滯，所以就冇轉特飲了😂🍵茉莉綠茶又係熱辣辣，食完個🥪包同🥔薯格之後飲，都仲好熱😳🌸茉莉味幾重，有D意想唔到😂一位 $54，以西環來講，幾經濟實惠~🍔食物都幾高質，有機會會試下🌭熱狗😚💁‍♀️服務方面，店員都幾有禮貌~同埋呢類型嘅餐廳唔係好多，可以支持下😎…查看更多

這條街都幾多食店，呢一間門口放左一條布既banner，加上啡色既裝潢都幾吸睛走過去望過D 食物類型，岩我個晚趕時間食個簡單既quick dinner 入到去幾舒服，裝潢新淨，有少少日系feel場內座位唔多，約十個位，所以我見都好多人外賣為主2人枱有兩張大部份係對牆坐既bar 位，約6個位，好岩一個人去食野由於餐廳門口係玻璃造，有兩個bar位係設係對住街外既位置所以一路食野一路望住街邊既路人靜靜咁經過，別有一番寧靜既感覺牆上掛左好多木牌寫有售賣既主食加小食簡潔企理,而且咁樣都可以當做裝飾咁如果想睇埋圖片，佢counter 位都可以有圖既餐牌呢度主食係’’三文治’’, 其實睇落有D 似熱狗三文治有12款，可以單叫三文治加$10 可以跟一款小食加一杯茶/咖啡/罐裝可樂小食有厚切薯條﹑日式薯餅﹑粟米杯佢都有12款既手搖飲品，升級叫呢類特飲都可以，正價減$10就可以如果想多重享受，仲可以加錢加配料加炒蛋﹑珍寶腸﹑辣腸等就$12加芝士片﹑墨西哥辣椒片就$6加煙肉﹑黑松露醬就$8形式係自助式咁去counter 俾錢落單跟住食物準備好就會叫你的單號碼，自己再去拎食物counter 位有自助配料可以免費拎例如有蕃茄汁﹑芥末醬亦都有飲管﹑小碟器皿﹑紙巾等擺位都好乾淨企理過程好快手當時只有兩個人等緊我落左單等好似10分鐘都冇，食物就已經ready➽黑松露芝士炒雙蛋 $36 用一個木籃裝住個三文治而且仲有一張好厚身﹑堅韌既紙包住所以都幾衛生黑松露味好濃郁，加埋洋蔥，整體真係好香蛋算幾滑，雙蛋既份量真係好多加左芝士係雙重享受試過就咁咬個蛋，個香味不及加埋芝士咁正個飽加左D醬，所以食落甜甜地咁整體幾好食➽粟米+熱伯爵茶 $10粟米份量都唔少有加適當既糖份，甜度都OK不是加牛油的款熱伯爵茶用外賣杯裝住味道係正常發揮前後食過兩次，都幾滿意而且係呢條街都冇呢類型既食品所以喜歡三文治/熱狗類既人可以一試味道質素幾好，份量晚餐黎講都幾飽肚價錢係呢區也實惠，所以性價比幾高…查看更多

上個禮拜去開西營盤揾食，見到有間小店主打自家製手作麵包，感覺幾吸引又唔算太貴，因為舖頭堂食位置唔多，晚餐時間等咗一陣先有位。｛牛油果蓉吞拿魚沙律 $37｝自家製麵包扎實綿密又香，配上濕潤牛油果果蓉吞拿魚沙律好滋味！｛熱溶芝士肉醬珍寶熱狗 $42｝呢款麵包就比較鬆軟，芝士味唔算太濃，肉醬加埋珍寶腸超惹味，如果可以更熱更多芝士就好啦！另外加$10可升級做套餐，粗薯條即叫即炸，外脆內綿，日式薯餅除咗香口，內餡仲有蔬菜料，非常可口！｛手打黑糖珍珠奶茶 $22｝黑糖珍珠好高質，味道香濃，口感煙韌，奶茶茶味幾濃！｛宇治抹茶拿鐵 $19｝奶味較抹茶味濃，比較淡。Ü…查看更多

在西環覓食，你會發覺呢區其實好多美食中西日越，打邊爐，乜都有！最多嘅係小店，而且有不少間漢堡店！漢堡店當中當然有啲好食有啲普通!今次要寫呢間漢堡包店，裝修簡單，價錢都算公道，食物好味&飲品OK，都絕對唸住會再encore佢啲包整熱完，又脆又軟，裏面嘅漢堡好味夠肉味，汁又調得襯！炸雞炸得好味又夠脆，魷魚鬚咸味適中，雖然份量較少，而飲品調得甜度適宜，啱我心水！同行人都話食物好味，價錢可接受而服務方面係正常，後生女收錢，整食物嘅速度亦都頗快，落單後唔使等好耐就食得！…查看更多

👧🏻牛油果蓉吞拿魚沙律牛油果蓉食落又唔算好出味🥑食落有少少失望 但好在有蕃茄🍅同青瓜🥒提升番吞拿魚嘅鮮味🐟 係一個偏清爽嘅三文治🥪加💲1️⃣0️⃣套餐包一款及飲品👧🏻厚切薯條薯條厚切就是無敵🍟外脆內軟😋👧🏻熱伯爵茶伯爵茶茶味濃🍵一杯濃熱茶可以解去油膩感覺💯…查看更多

第二次嚟食，上次食過好味，所以今日搵食經過，就嚟左喇。今次叫左 經典芝士珍寶熱狗，升級要咗： 薯條、可樂。熱狗真係好好味！ 唔係咬一啖就林哂嘅包，唔係縮水包，係煎到熱熱地，口感似似地嘅法包，而又唔會話好硬；另外有塊厚厚地嘅芝士+珍寶腸+熱狗醬，成個熱狗都好好味，冇得輸！而薯條係新鮮炸起，鹽岩岩好，好正！係可樂爭dd，係罐裝，不過唔夠冰凍，夠冰就perfect喇！整體嚟講，值得推薦！唔會話平嘅包而做得馬虎，欣賞欣賞，會再嚟光顧。…查看更多

同事話佢屋企樓下有間幾得意既手工三文治店,今日返工前有d 時間,就過去睇下有咩食.店鋪唔太大,有少量坐位可以現場食,但我都係買返鋪頭食啦XDD唔夠時間慢慢嘆XD手畫既粉筆畫好可愛 好可愛呀見到都想食.大銀幕餐牌,居酒居style木牌餐牌XD易拉架餐牌,更有一款你睇到XDD最後揀左日式魚柳三文治,小食要雜菜薯餅,飲品要左伯爵茶.雖之叫做三文治,做其實唔係悶蛋方包,烘脆左既包包,入面有菜絲,吉列魚柳同沙律醬.魚柳脆脆唔乾身,沙律醬調味剛剛好.可愛既雜菜薯餅.伯爵茶脆卜卜表皮,軟綿綿薯蓉,好味.以哩個質素,幾十蚊係好唔錯…查看更多