彩麵 (已結業)

黃色暴雨下去石塘咀食日本拉麵，非常值得。這間品牌是 Tori Mama 的拉麵店，位置隱身於小巷之中，出品卻是頂級。舊日的拉麵店大多主打濃厚的豬骨湯或味噌湯，但近年拉麵風潮回歸精緻與純粹，特別是在東京，清湯底已成為主流。而這間店正是走在這股潮流尖端，一心一意專注於雞湯底的極致演繹。#湯這裡只提供兩款湯底：雞白湯與鹽味雞清湯，兩者皆以雞為基礎，卻呈現出截然不同的風格。兩碗湯都被我們喝清光。雞白湯經過長時間熬煮，再用攪拌棒高速乳化，湯色變成奶白，表層浮現細膩泡沫，濃郁而不膩。碗邊點上一撮柚子鹽醬，吃麵時輕輕拌入，柚子的清香與鹽味提升整體層次，為濃湯注入一絲清新。 相對之下，鹽味雞清湯則輕盈澄澈，加入貝汁，把海鮮的鮮味融入雞湯之中。湯中只以少量鹽調味，口感清爽，餘韻悠長。#麵麵條選用「彩」品牌的中太麵，質感彈牙，最重要的是毫無鹼水味，這點在香港極為難得。主因是廚師會以清水反覆沖洗麵條。客人可選麵條的硬度，包括有硬、適中、和軟三種，還可挑選原味或柚子味版本。原味帶有淡淡小麥香，柚子味則加入日本柚子皮，入口時清香撲鼻，與雞湯相得益彰，為整碗拉麵增添獨特個性。#餸配料方面也毫不馬虎，以唐揚雞胸、低溫慢煮雞腿、豬叉燒和海鮮為主角。唐揚雞胸外酥內嫩，保留肉汁；慢煮雞腿嫩滑，雞皮經炙燒增添香氣；豬叉燒則厚薄適中，油花均勻，入口即化；海鮮則有蜆或蠔。每碗湯麵還配有糖心蛋與紫菜。…查看更多

想試屈地街的「彩」很久了，原來有一間叫「彩」，另一間叫「彩麵」，窩夫日前光顧的是主打雞白湯的「彩麵」。等位期間已經決定要點海鮮雞白湯拉麵($98)。等了約30分鐘，海鮮雞白湯拉麵($98)終於來了，一放下便香氣撲鼻，先喝一口湯，味道濃郁。配料方面，鮮貝和廣島蠔的水準都不錯，稍嫌廣島蠔偏細隻。拉麵可選原味或柚子味，窩夫選了柚子味，細嚼下會滲出淡淡柚子香味。…查看更多

Happy Friday想同朋友一齊食餐happy lunch支持小店，不過唔好話happy，原來今時今日食lunch都咁難🥲所以話做人呢樣嘢timing真係好重要，同枱前後腳叫相同嘢食相隔唔夠3分鐘，結果人哋食哂，我哋等咗八個字連條毛都未見到🥹明白小店經營不易嘅，但都想提個小建議：如果真係做唔切可以考慮增聘人手或者縮減規模（俗稱無咁大個頭唔好戴咁大頂帽）而唔係當個客反映等咗八個字未有嘢食問有無漏單時直接對個客「咪整緊囉！」（姐姐我哋餓住個肚望住同枱食已經好慘，又咁講其實大家都係搵食啫你真係唔使咁🥹）或者擺哂爛咁話「我哋小店嚟」（我哋知呀所以咪嚟支持下囉，啊不過可能你哋唔需要咁算啦）雖然唔會有下次，但都祝店家生意興隆…查看更多

在西環買完東西，友人說想食日式拉麵，踫巧走過此店，我們一於入內一試。叉燒雞白湯拉麵的雞湯純粹的醇厚順喉，極香雞味，明顯是用鮮雞熬出來的。拉麵粗幼適中，很掛湯，而叉燒亦煮得腍滑不已。此外，紫菜和溏心蛋也很出色。貝汁鹽味雞清湯拉麵的雞湯保持雞湯的清香，還增添了貝汁，相對有層次，同樣飲盡乾碗。蜆肉和雞叉燒皆很細嫩，雞叉燒更燒得表面很香，是另一種的享受。唐揚雞肉用的雖然是雞胸，雞肉卻竟然神奇地超級嫩滑，還滲有肉汁，是個驚喜！表皮非常酥脆，更不油不膩，無需食到一口的油，絕沒有超重的罪疚感！純粹雞湯已令人欣賞。…查看更多

在這一條小巷中有一間拉麵店，雖然店舖少少，但係拉麵非常有特色！👍🏻真心推介🩷人氣No.1嘅雞白湯拉麵，雞白湯非常濃郁Creamy，更打到起泡，視覺和味覺都非常享受！重點是完全沒有味精，用心熬的雞白湯，可以喝光光👍🏻而且拉麵是由日本「彩Tori mama」品牌的自家製拉麵，拉麵的口感風味純正，口感細腻！淺草唐揚鷄胸叉燒雞白湯拉麵 $95淺草唐揚鷄胸以正宗的製法，雞胸的大小較闊和扁，叉燒半肥瘦適中，薄身的，推介要飲湯！太好味！貝汁鹽味雞清湯拉麵 $95選用新鮮蛤蜊，注入海洋鮮味，雞清湯的層次，以少量海鹽調味，保持口感清爽自然，同樣也是可以喝光光的湯！太清新好味！這碗拉麵選用鮮雞雞腿，以低溫慢煮保持肉質嫩滑，使整碗拉麵充滿濃厚鮮味與細膩層次！必食必食✨…查看更多

呢間位於小巷中嘅彩麵採用日本拉麵店彩嘅鮮製中太麵但就用與彩拉麵店用上不同嘅全新雞白湯食譜並創作出新品牌tori mama雞白湯用上鮮雞熬製不加牛奶或麵粉只靠乳化作用令到雞湯呈奶白甘甜足料程度可見一斑以至於與彩嘅雞白湯完全不同味道除左雞白湯彩麵更推出時下東京最流行嘅清湯以雞清湯作基底加入貝汁去增加海鮮鮮甜味相當吸引！餐牌入面每碗拉麵都寫明蛋白質含量完全乎合而家追求健美嘅飲食潮流👍用點餐紙落單侍應黎收嘅時候仲會留意點餐食物提醒會否量多或重覆點油炸食物比凍冰冰嘅QR code多返一份人情味❤️等待嘅時間發現到餐廳用上懷舊嘅中式餐桌同拉麵似乎有點南轅北轍侍應介紹原來係彩嘅主理人山田先生特意保留原鋪舊式粉麵店一磚一瓦並添置相配嘅中式桌椅保留傳統之餘加入拉麵新元素唐揚雞胸。豬叉燒雞白湯雞白湯似cappuccino咁充滿奶白泡泡入口油潤得黎有層次豬叉燒輕薄完全無厚叉燒可能有嘅乾柴問題柚子中太麵會配上一點柚子胡椒令味道更多添層次麵身煙韌彈牙掛湯力一流唔會軟腍冇口感唐場雞胸用左淺草style所以唔係平時常見細粒狀大大塊雞扒炸得香脆同時保留肉汁好好味！碗邊仲配七味粉同生椒粉自己調節風味相當細心貝汁鹽味雞清湯清雞湯底為主軸再加少少貝汁唔腥唔膩飲完唔口渴夠晒清新有種乾淨、回甘嘅感覺配上慢煮雞胸入口juicy非常滿足彩麵店店子不大但拉麵同湯底落足心機整適合鍾意清爽口味嘅朋友一試就知有料…查看更多

作為一個雞白湯迷，喺香港搵到一碗正宗又好味嘅雞白湯真係難能可貴！最近喺西環石塘咀嘅彩麵（Tori MaMa旗下）試咗佢哋嘅唐揚雞胸配豬叉燒雞白湯，完全係我心目中香港最正嘅雞白湯！仲有佢哋嘅貝汁鹽味雞清湯，雞白湯迷同清湯愛好者都必試！先講雞白湯，湯面有層幼細泡沫，入口濃郁又滑溜，店員話每日用新鮮雞熬製，濃而不膩，飲得出雞嘅鮮甜同深度。碗邊加咗柚子胡椒醬，食到中段加少少，清新嘅柚子香即刻減低濃湯膩感，層次感即刻提升，呢個做法真係好正！配料有大片軟嫩豬叉燒、流心溏心蛋同海苔，麵條係用本地日本師傅「彩」嘅手工麵，掛湯一流，咬落彈牙。唐揚雞胸外皮香脆，薄切雞肉嫩滑，同濃湯好夾，食完真係滿足到不得了！另一碗貝汁鹽味雞清湯，店員話呢款湯底係跟隨東京而家嘅流行趨勢，用新鮮貝類同雞湯熬製，湯底清爽但有濃郁嘅海鮮鮮味，入口帶點蜆嘅甜味！湯底仲配咗低溫慢煮雞腿，肉質嫩到入口即化，仲有新鮮蜆同海苔，層次感好豐富！香港最正嘅雞白湯？我覺得Tori MaMa絕對係我心水之選！💥…查看更多

喺香港大學站樓畀我發現在一間隱世日本拉麵店！彩麵，佢係喺香港大學站B出口附近嘅石塘咀屈地街入面，行到入去會見到佢個紅色燈籠。唔講你可能唔知道，彩麵原來係嚟自日本有名嘅麵食， 西環呢間彩麵其實係由Tori MaMa 經營嘅，但Tori MaMa 為咗用彩麵中嘅中太麵，不惜暫時放低自己品牌名，將店名叫彩麵。不過彩麵嘅中太麵真係好彈牙，非常好食！Tori MaMa 除咗對麵食嘅要求好高之外，佢對湯嘅風味都好有堅持。佢嘅雞白湯真材實料，冇落半點牛奶，啖啖湯都係雞嘅精華，十分濃郁，但又唔會好個一pat pat 嘢咁，做到湯嘅臨界點，鎖住晒啲雞味喺個湯度。你哋睇下啲泡泡，幾綿密！佢個雞白湯，我真心覺得一定要飲晒！另外，Tori MaMa 依家仲有個最新嘅期間限定 — 淺草唐揚雞胸。咁大塊平面嘅唐搪炸雞，你哋又試過未呢？跟住，我哋仲試埋佢個貝汁鹽味雞清湯拉麵。呢個清湯雖然冇雞白湯咁濃郁，但佢加左啲clams, 令到雞湯嘅鮮味更出，鍾意食清淡啲朋友就可以叫呢個喇！大家去開西環、香港大學，堅尼地城，記得去埋彩麵食返個日本匠心拉麵喇！🍜📍 彩麵 (西環)西環石塘咀屈地街18號地舖…查看更多

西營盤必食雞白湯拉麵🍜❤️1. 叉燒雞白湯拉麵配淺草唐揚鷄胸 $95係torimama 嘅拉麵 食落粗幼適中 軟硬適中 仲可以揀柚子麵 食落有淡淡柚子清香 再加埋佢個秘製柚子醬 食落小小辣得黎又釣到柚子嘅濃味 好特別 而個湯簡直係我心目中雞白湯嘅Number 1 一入口smooth得來又好有雞味 真係食得出 係新鮮雞熬製出嚟 仲要飲晒成碗湯 一啲都唔口渴 真係好難得 仲有個雞胸都好出色 第一次見雞胸用唐揚去整 外皮酥脆得來 又唔係好重負擔 入面個肉 好明顯經過慢煮 係十分之嫩滑 真心正 呢次已經係第二次嚟食 下次一定會再返嚟🤤2. 貝汁鹽味雞清湯拉麵 $95呢個係清湯系 簡單啲嘅鹽味 同貝汁嘅味道 同時仲保留到雞清湯嘅味道 所以飲落好舒服好清澈 啲配料都好好食 個蜆好鮮甜 個雞燒香左 但仍然好滑好嫩 隻蛋係糖心蛋 熟度啱啱好 都好好食 唔食雞湯嘅朋友都可以一試📍彩麵 (西環)西環石塘咀屈地街18號地舖…查看更多

今日再訪埋呢間女老闆用心打理嘅雞白湯拉麵小店。位於一條小巷子裡竟然收藏住呢間個人覺得香港最好味嘅雞白湯拉麵，一定要介紹俾大家💁🏽‍♀️佢啲拉麵大概每日晚上8:30都已經賣完，就知道佢嘅質素有幾高😌今日同朋友點咗呢幾款嘢食做晚餐🍜海鮮雞白湯（$98）🍜 唐揚雞胸，豬叉燒雞白湯柚子麵($95)🥟 雞皮餃子($20)🍗 明太子雞翼($20)雞湯非常濃郁，充滿着滿滿嘅骨膠原，真係好味到成碗會飲晒🤤🤤拉麵可以配上柚子麵，老闆娘介紹呢個係日本嗰邊嘅代理，獨家售賣呢一款拉麵，加上旁邊有少少柚子醬點綴一下，加落個雞白湯食，神奇地提升咗佢嘅質素😱另外海鮮雞白湯拉麵都係佢嘅熱賣產品，呢款就加上好清甜嘅海鮮味，再配上廣島生蠔，係另一種食法🤗呢間暫時覺得係香港食拉麵嘅天花板，如果路過西環又想食啲高質素嘅美食，就一定要bookmark住佢👍🏻…查看更多

經歷完疫情之後，好多好好味嘅拉麵店都執咗，同屋企人一直喺度搵緊一間好味嘅拉麵店，今日終於比我哋搵到啦！一碗好嘅拉麵，除咗啲面OK之外，個人認為最緊要係個湯底。呢間Tori MaMa品牌嘅拉麵湯底係自己熬製，有濃郁嘅雞湯，同埋都有清澈嘅雞湯俾你揀。屋企人揀咗好creamy 嘅香濃雞湯底，好適合補充蛋白質！配合香脆嘅炸雞扒，真係好正！飲完個湯之後，將日式芥末撈落個面度食，又係另一番風味！一個拉麵有多種層次，真係好令人欣賞我揀咗清湯底，配合近期喺日本好流行嘅蜆肉，加上香煎雞扒，仲有原隻嘅流心蛋，真係世一！未離開餐廳就已經諗緊介紹朋友過嚟食希望喺唔同嘅locations開多幾間分店，方便我可以成日食啦…查看更多

彩麵Tori MaMa 旗下, 位於石塘咀小巷. 距離HKU 地鐵站好近, 平日都好爆場叉燒雞白湯拉麵配淺草唐揚雞胸 $95店員介紹, 雞白湯每日用新鮮雞從 2am 熬煮. 面層打成幼細泡沫, 口感順滑呈乳白色, 味道頗濃厚碗邊放上柚子胡椒醬, 食到後期膩可以加一點, 即時減膩更加清新豬腩肉叉燒大片幾軟滑小麥麵條, 好掛湯幾香. 個人口味再硬身點麵口感溏心蛋半分熟剛好一邊淺草唐揚雞胸肉質唔鞋, 唔講都唔覺係雞胸.又有雞又有叉燒, 滿足貝汁鹽味雞清湯拉麵 $95湯底以雞湯同新鮮claims 熬煮，湯比較清d用左低溫慢煮雞腿, 肉質更軟嫩. 不錯📍 彩麵 (西環)西環石塘咀屈地街18號地舖…查看更多

話說呢間拉麵舖好隱蔽，每次行過經過想入去都已經話賣晒未夠九點就關門！最近佢租多咗個舖位，我終於有得食啦！開頭都係諗住試吓，點不知一試就知道不得了！入到去都係有起碼六成嘅食物位已經賣晒咁就唯有食買剩嘅啦！但係好有驚喜！雞白湯叉燒拉麵真係一絕！👍🏻👍🏻不過最令我驚喜嘅，就係個蠔我平時係絕對唔會叫熟嘅蠔但係真係好好食，可惜我已經唔記得咗個名😬仲有柚子麵及蕎麥麵可以選擇我個人最鍾意就係柚子麵我一定會再去食👍🏻…查看更多

因為睇完《孤獨的美食家》，跟住好想食拉麵，西環有間好食嘅拉麵叫＂彩麵＂，上個月食完就已經好掛住，小店主打雞白湯，走平實親民路線，同＂彩＂沾麵一樣。🥢W雙湯頭 $98 （廣島蠔、蜆、豚叉燒、溏心蛋）配 柚子麵⭐️⭐️⭐️⭐️啱晒鍾意食海鮮同心大心細嘅人，蜆鮮甜，蠔味重，叉燒香軟嫩滑，溏心蛋creamy入味，柚子麵爽口彈牙初食會食到淡淡柚子香，其後要靠碗邊柚子wasabi 加強味道，而湯頭有海鮮味同時亦有些少雞白湯味，好神奇。🥢雞白湯慢煮雞胸·豚叉燒+溏心蛋 配 小麥麵 $90⭐️⭐️⭐️⭐️如果鍾意雞白湯，就一定要試呢個，首先個煙燻雞胸真係令我顛覆對雞胸嘅想像，會好想一口接一口，而小麥麵係我首選，有淡淡麥味同樣爽口彈牙，湯頭一啲都唔油膩，味道香濃入口細滑，最後成碗飲晒真係有骨膠原嘅黏口感。（p.s. 請尊重不要塗香水影響別人嗅覺味覺）🥢蝦多士 $20⭐️⭐️一客兩件大過不失，唔鍾意啡色大阪燒醬搶晒味。🥢炸蠔 $20⭐️⭐️⭐️一客兩件幾好味，但同蝦多士醬一模一樣，太鹹了。二人共消費：$228…查看更多

Went to this ramen resto near HKU with my sis..I ordered Ramen in Chicken Soup with Pork Char Siu & Custard Egg. The broth was rich yet not heavy at all. The wheat noodle was on a thinner side and had an al dente texture. The char siu was evenly-sliced, soft and smooth. The custard egg with its runny egg yolk added an appeal touch to the ramen. My sis ordered Ramen in Chicken & Seafood Soup with Japanese Oyster, Fresh Clams & Pork Char Siu & Custard Egg. The broth had a robust oyster and clams aroma. She chose yuzu noodle, which exuded a fragrant yuzu essence. The seafood was fresh, and the oysters were in a rather large size. .The resto was somewhat small, with only two staff helping out during our visit. We waited for around 15 mins before being seated. The prices were budget friendly for ramen, and I thought its cp value was high. …查看更多