彩福皇宴 (安達中心)

营业中

休息中

今日和媽咪去尖沙咀逛街, Lunch就和媽咪去彩福皇宴先嘆個靚茶食點心。睇menu, 得知彩福皇宴連續5年榮獲點心大奬。未食已對這裡的點心有信心。要了得奬點心的原隻鮑魚燒賣和海皇太子餃原隻鮑魚燒賣$35鮑魚燒賣賣相靚,蝦肉彈牙鮮嫩,燒賣面頭是一隻原隻鮑魚仔,未食已經覺得矜貴, 食落爽口,正~海皇太子餃$30海皇太子餃皮薄餡靚, 美味!彩福蝦餃皇$35蝦餃大粒, 皮薄通透,裡面是满满的蝦肉,真材實料~香茜牛肉腸粉$30牛肉腸粉又香又爽滑。香芋西米焗布甸$16布甸細細碗,食落似奶黃,都幾香滑,中間有香芋,唔錯。埋單$266，每人承惠$133。

同家人食飯最開心就係食中菜，一人點一兩碟自己中意食既餸，圍埋一齊邊食邊傾計，嘻嘻哈哈又一晚，重點係可以慢慢坐，又舒服，熱熱鬧鬧咁~黑松露秋葵帶子炒滑蛋 $88黑松露帶子炒蛋比較常見，加埋秋葵落去還是第一次見，估唔到都幾夾，炒蛋非常滑，帶子鮮甜，黑松露夠香~客家風味炆豬肉 $118用上肥瘦相間既腩肉去炆，腍身入味，配上咸香惹味既汁醬，成碗白飯輕易就可以扒完~然後叫左份好抵食既三寶，$368有三樣野~叉燒拼海折呢度既叉燒係得獎叉燒，亦係招牌菜之一，每食都一樣咁好食，唔會令人失望，肉質夠腍，燒得香而不燶，每件都掛住甜甜既蜜汁醬油，好味~條魚size適中，4人食有叫埋其他野食都好夠分，勝在夠鮮嫩，唔會蒸過火~仲有個啫啫惹味蝦乾芥蘭煲爽脆既芥蘭拌以蝦乾，辣椒，無肉無海鮮，菜就係主角，看似簡單，但味道惹味得很~仲有好多甜品選擇~叉燒同燜豬肉都係必食~紫醉金迷 $20最後食埋甜品就大滿足~紫薯味香濃，唔太甜~

難得兩位大學同學都身為人母 一個帶住大女兒 一個迎接即將出生的兒子大家當然要快點聚一聚 又大又細咁 最好當然是飲茶一開google map 是但走入最近的彩福皇宴門口好靚 睇黎好多人會擺酒席樓底又夠高 當日都好似有公司午餐聚會 睇睇下 見到佢有張得獎點心套餐啵 4人餐都係298🤭咁抵既 大肚婆要食酸酸地 俾個陳皮開胃菜佢又真係好開胃🤤食燒腩仔真係要去酒樓 外脆內軟見到佢肥瘦分明已經好想食哂佢其餘各樣點心一人一隻 簡簡單單 鮑魚燒賣係真心成隻鮑魚架🤭🤭🤭下面仲有大大隻蝦 好抵食😆去酒樓好怕食呢d炸野 好似炸左好耐咁 但叫餐 即叫即做 黎到仲熱既 想食清淡點 選擇左個紅米粟米炒飯 大人細路都岩食 炒好乾身 大大碟 好滿足😀去酒樓真係好想食蝦餃 佢近排做緊特價8蚊一粒 一人一粒😀😀尖沙咀飲茶都只是140一個人 仲有個小朋友抵到呢 仲要台同台之間唔會好迫傾偈都係一流😃😃😃

今天同家人去飲茶，這裡嘅午市套餐都幾抵食，喜歡嘆一盅兩件嘅朋友或一家人想搵個地方飲茶都係一個唔錯嘅選擇，位置都方便，又唔難搵，而且這裡地方夠大，全層都係酒樓，有廳房，茶介費用一樣，傾談食飯完全沒有問題，今次就點了個午市套餐$298，因為家人都係好喜歡吃點心，而個餐亦包了這裡獲獎點心的其中四款外，還有啱吃嘅小碟，濃湯浸菜，粉麵飯嘅選擇，當然計落去就係抵吃啦！這裡亦可以利用手機落單點菜，亦可以用傳統嘅點心紙，照顧不同人事需要！原隻鮑魚味賣，大大粒嘅燒買上面有煙韌彈牙嘅原隻鮑魚，不單賣相已經贏了，燒買入口嘅感覺一樣ok，肉質爽彈，還有鮮蝦！芝心海皇千絲春卷，手工心機一望就知，外面卷了香脆嘅脆絲包住溶溶地嘅芝心同啲海鮮一齊入口，外脆內軟嘅感覺超正！真功夫蒸潮州粉果，呢個味道就好似以前食到嘅味道一樣，足料之餘，配埋個辣椒油入口就更加完美，金獎旋風流沙包，一分開個包就感覺到個包外面軟熟，見到裡面就係溶化嘅蛋黃流心，入口甘香滑溜，喜歡吃流沙包就一定要試了！而個餐嘅小碟有喜愛嘅脆皮燒腩仔，皮脆肉香，中間夾埋啲脂肪一齊入口，正！而份沙薑大雞腳，除了大份外，雞腳還十分入味，加埋個沙薑汁入口就更加配合！濃湯

彩福似乎係外父嘅心水樓家，每次同佢去食飯都好滿意，而今次就去咗尖沙咀分店。相隔幾個月仲新裝咗個大舞台作宴會用途，氣派十足。首先就點咗個小食麻香牛蒡金錢絲。少許麻辣，拌入彩椒大葱，開胃涼拌，而且金錢肚口感軟身易咬。另外點咗份食家三寶，有海蜇拼叉燒，叉燒今晚有點失色，因為肉質偏瘦，失去外層焦蜜入口即溶嘅回憶。啫啫芥蘭煲鍋氣爆燈，送飯真係一絶。清蒸老虎班仔，雖然話班仔，都唔會太細夠四人享用。追加咗一個客家風味炆豬肉，炆豬肉加入酸菜的確又另有風味，如果將肉切細少少，再入味啲就滿分啦。黑松露秋葵帶子炒滑蛋，帶子露笋就食得多，炒秋葵真係第一次原來又出奇地夾，我個人好中意。

好耐冇係假期晨早同媽媽去飲茶 ﹐今日就同佢去尖沙咀飲茶同埋行下街。好彩早少少到，遲多10分鐘都要等位。見到點心紙有啲得獎點心，所以我哋都點d試下。得獎原隻鮑魚燒賣皇 - 燒賣嘅蝦大隻爽口，鮑魚亦都好夠味。得獎龍皇野菌腸 - 腸粉包住春捲，春捲再包住啲菇同埋魚肉，夾埋一齊食好得意嘅口感，魚肉香滑。份量都算大。香煎上素腐皮卷 - 剛剛炸起，非常脆口。得獎海皇帶子餃 - 平時去酒樓食呢類餃，個皮、餡都會覺得好油，但呢個餃竟然唔油! 咁先至食到材料原本嘅味道。海蜇小青瓜 - 個汁好好味， 甜酸辣度剛好，配埋蒜粒，perfect! 海蜇爽口，青瓜係切一條條長條狀，都好新鮮。金箔芝麻卷 - 實在太少酒樓有得食呢個傳統甜品，所以必須要點，仲要有金箔，十八蚊實在太抵!鯉魚芒果布甸 - 鯉魚下面仲有一浸薄薄嘅啫喱，有少少顏色，好似條魚係水度游水咁。唔會太甜，呀媽都話好。

黎開尖沙咀呢頭同朋友想搵間環境好既酒樓食飯，睇到呢到評價都唔錯。虎皮椒安格斯牛柳粒$120牛柳粒份量足夠，好大粒，又唔un, 夠juicy 。加埋豉汁，青椒等等，味道好夾。紅燒豆腐$78豆腐炸得唔錯，都幾足料的，有冬菇，菜心，包羅萬有。紅燒汁好惹味。清炒西蘭花$62西蘭花炒得干身又入味，食蔬菜都唔怕淡。脆皮南乳雞$68呢個係特價小菜，但一d 都唔hea 雞皮炸得好香，雞肉好入味唔會好鞋，仲有南乳汁點的。叫到成台都係，埋單都係$400蚊，四個小菜十分抵食呀。

話說SOGO thankful week, 我係尖沙咀排除萬難，又排隊又要人撞人，先可以買得齊我所有想買嘅skin care同埋運動衫，攰到飛起！跟住為咗孝順幫我拎戰利品嘅 daddy 媽咪，我哋一於去附近飲個茶休息一下。媽咪指明要去彩福，因為佢係粉絲嚟嘅！仲所以即刻訂位坐VIP房，座位寬敞舒適，仲有最潮嘅 QR CODE 落單，話咁快就有嘢食啦！最吸引我眼球的就係香港旅發局美食之最大賞得獎點心，你得彩福梗係要試吓啦！估唔到得獎點心竟然有套餐，仲好抵食添！$298 足夠四位享用，二話不說係咁係個手機度 選擇喜愛嘅食物，睇清楚價錢其實真係好抵食，得獎點心都係$30起。仲有我嘅必食推介$8/隻蝦蝦霸霸！ 我覺得隻蝦餃真係霸王級的大隻，蝦肉鮮甜唔再講，原隻蝦咁大粒都係$8。套餐包左燒腩仔，皮脆肉嫩又多汁，daddy 讚不絕口！用行動支持食咗半碟。原隻鮑魚燒賣王，真係成隻鮑魚放喺粒大燒賣上邊，口感彈牙，肉質鮮美。仲有叫我姪女最鍾意食嘅流沙包，淨係聽個名都夠震撼，旋風黃金流沙包！又香又滑，熱辣辣放入口，囗感更加軟棉。最後甜品時間，仲叫咗個原隻椰皇燉燕窩孝敬一下媽咪，$45 已經可以氹得媽咪開心啦

今日星期日搭港鐵成人有半價優惠，咁難得! 就同媽媽去尖沙咀東部行街，食下午茶享受一下😊於是選擇了「彩福皇宴」聴講由香港旅發局榮獲得奬點心食，就決定試下啦！👍👍進入酒樓環境寬敞，座位舒適☺️點心紙上有榮獲得奬點心大獎👍，真係好吸引喎😍😍服務員很細心❤️提示有蝦餃皇＄8一隻，不過要微信點單，非常方便🌟🌟先來一籠《蝦餃皇》，好大隻呀😍，食落爽口彈牙😋😋再來一籠得獎點心《原隻鮑魚燒賣皇》＄35，每粒燒賣配有一隻鮑魚上面😍，咬落鮑魚夠淋，燒賣肉豐富食材用蝦膠，爽口彈牙😋😋又來一籠得獎點心《旋風黃金流沙包》＄30食落流沙包爆漿流出👍👍，香濃可口😋😋又點了《脆素鵝拼燒腩仔》＄55，雙拼可以品嚐多款食物，啱晒我是眼闊肚窄嘅人👍👍最後來《鴻圖蟹肉帶子鍋伊麵》＄93非常豐富食材，帶子爽口，味道一流😋😋總結：得獎點心👍👍值得一試👏👏

彩福皇宴聽就聽得多，但係呢到食中菜都係第一次呀。 酒樓裝修都比較時尚，感覺新淨和舒適。當日都有啲宴會， 好彩地都係等咗一陣間就好快有位了。脆皮南乳雞雞皮整得好脆好有光澤，南乳味夠香，雞夠 嫩滑兼且juicy，用南乳整嘅雞原來都幾好食，味道幾特別呀。帶子海鮮雜菜煲當中主要有珊瑚蚌，蝦，帶子和蟹柳，份量夠曬多， 珊瑚蚌煙韌，帶子大粒兼彈牙，蝦夠晒爽口， 蟹柳軟熟， 再配西蘭花，菜心和唐生菜， 一個煲裏面有咁多料，呢個煲真係好抵食。蒸元貝由於我係帶子控，點少得叫個粉絲蒸帶子呀。 清蒸帶子夠曬清甜嫩滑， 火喉控制得好好，粉絲夠曬入味，落少許豉油非常惹味。黑松露秋葵帶子炒滑蛋第一次咁樣食黑松露炒蛋， 輕輕既黑松露味，再配上爽口嘅秋葵， 當中夾雜少量帶子， 炒埋一齊原來味道都好夾。椒鹽鮑魚粉薄香脆， 即叫即炸，新鮮出爐所以熱辣辣的， 鮑魚煙韌，椒鹽夠晒惹味，唔會太鹹。清蒸沙巴龍躉斑魚好大條，夠晒滑和新鮮，烹調時間控制得好好， 鮮味十足。三大優惠我都唔執輸叫咗兩樣， 真係超級抵食!如果唔想煩可以選擇孖寶餐，都係一個唔錯嘅選擇。四個人食每人都係食咗200蚊左右，真係飽到一個點。

今晚約一大班朋友去唱k，想喺附近食晚飯，位於唱k樓上安達中心有一間名叫彩福酒樓，又咁就腳，又喺附近，不妨去試一試。椒鹽鮑魚，粉絲蒸元貝：成隻鮑魚蓋滿薄薄粉漿， 帶上少少辣， 仲可以食得出鮑魚的鮮味。元貝方面，好多粉絲連埋大量蒜蓉，帶子帶出甜美。脆皮南乳雞半隻(半隻)雞外層炸到金黃色，南乳味非常重，雞亦都好鮮甜，食雞胸都唔會覺得鞋。黑松露秋葵帶子炒滑蛋：第一次食依個菜，健康嘅秋葵，帶上有層次嘅黑松露，配埋滑蛋炒得非常香滑。調味得剛剛好，餸飯非常一樓。帶子海鮮雜菜煲：原隻帶子上，珊湖蚌，兩者都清甜，連埋大隻蝦球，再加埋雜菜，上湯吾會覺得好淡。 整個餸食完好滿足，好健康。最後清蒸沙巴龍躉， 魚嘅份量都好大，魚質鮮甜，肉質夠嫩滑，連同大量蔥同甜豉油一齊食。

中秋節出街做節就係常識吧! 好彩預先訂咗酒樓, 去咗彩福, 個環境非常之開揚, 樓底好高, 仲好光鮮, 因為佢係專辦婚宴嘅地方黎首先叫咗個孖寶, 就有龍蝦同埋一品燒雞, 當紅炸子雞, 個皮炸到卜卜脆, 又唔算油膩, 仲係啖啖肉添! 肉質非常之嫩滑另外就係上湯加拿大龍蝦,  龍蝦配咗伊麵底, 面底非常之掛湯, 又有龍蝦, 又有伊麵, 真係非常之飽肚! 龍蝦份量非常之多, 啖啖肉, 斬開咗, 令到我哋非常之容易食, 唔需用鉗都可以進食到另外再散叫咗一個 有菜有海鮮嘅xo醬翠肉瓜炒龍鳳蚌, XO醬炒到非常之惹味, 蚌非常之q彈, 又唔痴牙, 翠玉瓜炒到非常香, 夠爽脆

夜晚想食下中菜想坐耐d 歎下茶, 又唔想同人逼, 自然就會諗起酒樓喺尖東呢邊既安達中心13樓就搵到呢間彩福皇宴, 門面氣勢磅礡樓底高, 空間感十足, 座位通道都非常闊落, 大大減低左焗促既感覺, 同埋條路闊d, 撞到人倒瀉熱湯既機會都會細左都有幾多抵食套餐架晚爐燒鵝皇揀左食家孖寶B餐, $328 有兩樣餸, 此為其中之一, 皮香肉嫩, 放一舊入口, 咬落去中間既油香即時爆發, 香氣在口裡徘徊😍薑蔥炒肉蟹孖寶B 餐另一道菜就係呢隻1斤重既大肉蟹😍用薑蔥炒最能保持蟹既原汁鮮味👍而且d 蟹肉都好爽甜, 口感極佳椒鹽鮑魚始終都係炸過既, 加埋椒鹽既味道已經完全蓋過左d 鮑魚味🙈不過28蚊一隻都算係咁啦杞子濃湯花膠泡勝瓜係時候食番d 蔬菜先, 花膠份量十足而且質素唔差, 收你$79 咋, 有瓜有花膠仲可以點😂清蒸沙巴龍躉最重要就喺酒樓食蒸魚, 唔知係咪d 魚係即劏即蒸, 通常都會好鮮甜, 所以好鍾意喺酒樓叫蒸魚食🤤旋風流沙包見個造型幾掂, 就叫黎食下啦4個人埋單都係200蚊位

今晚同朋友來尖沙咀行街，到晚餐時間就搵下附近有咩好食，見到安達中心呢間彩福才想起好耐無食過中菜，就同朋友上來試下。餐廳入面環境乾淨舒適，寬落，多大檯。食家孖寶B 餐，$328, 其中一樣係晚爐燒鵝皇，燒得皮脆肉嫩，色澤鮮艷，有好濃郁的油脂香味，咬落啖啖肉，唔肥膩，肉質嫩滑多汁，有嚼勁。孖寶另一樣餸，薑蔥炒肉蟹，肉蟹夠大隻新鮮，蟹肉好飽满，嫩滑鮮甜，用薑蔥炒更能帶出蟹肉的鮮甜，食落惹味。杞子濃湯花膠浸勝瓜，$78, 勝瓜份量多，煮得軟稔，咬落爽脆，吸收晒湯汁的清甜味，花膠都煮得淋身，咬落彈牙。清蒸沙巴龍躉斑，$148,魚肉厚身，一啲都唔腥，蒸得剛好熟，肉質嫩滑軟稔，淋上上鮮甜的蒸魚䜴油，味道好夾。椒鹽鮑魚，$28/隻，外面炸粉好薄，夠惹味，少少咸味，咬落好彈牙煙韌，肉質鮮甜。

中秋節同爸爸食飯，節日要book位是常識吧？好彩一早book左，去到人山人海咁，無book實有排等呢！我地叫左個孖寶精選！上湯加拿大龍蝦配伊麵底再加半隻一品燒雞加拿大龍蝦好大隻，龍蝦肉好多，又爽彈無比！伊麵就吸哂上湯既精華好入味！好滋味呢！一品燒雞外皮燒到剛剛好，外脆內嫩，雞肉唔會乾爭爭又無味，食得出係即叫即燒，好新鮮！係大時大節都保持到呢個水準值得一讚！我地仲叫左個小菜 黑椒牛仔骨，呢個小菜夠哂鑊氣，黑椒汁好香濃，牛仔好嫩好juicy ,十分惹味！今日雖然好多人，但上菜速道都好快，無miss單既情況 非常好！