強記鳳爪

每次去開大埔街市都會買一磅返去食,買一磅可以拼其他 $85一磅我本身好鍾意食D滷水同食D有軟骨嘅嘢😋😋而依間小店有賣無骨鳳爪,雞腎,豬耳,雞翼尖..等最特別平時無點聽過嘅雞滕頭🐥🐥佢同雞軟骨個分別就係除咗軟骨仲D肉,變咗除咗爽,個肉仲可以索埋d汁,雞滕頭好食之餘,當然唔少得撈個汁,味道有香辣,麻辣,泰式,沙薑…等迎合晒鍾意食辣同唔食辣嘅人但我每次都係香辣🌶️🌶️,另外有包汁酸酸辣辣好惹味😋…查看更多

雖然佢出名鳳爪 但其實我係去買佢個芋頭魚 $30食 ⁄(⁄ ⁄ ⁄ω⁄ ⁄ ⁄)⁄好耐無食過啦 真係好懷念(´▽｀) 買到返屋企就咁氣炸幾分鐘唔點汁都好夠味❤️ 童年回憶 下次要再試埋佢啲甜酸齊先 ❤️❤️要搵好食嘅齋係幾難…查看更多

每次入大埔街市都必定會買一盒，呢間店的姐姐好好，自備食物盒俾佢地完全無問題。今次買咗無骨鳳爪，雞腎及生腸。無骨鳳爪：家人最愛，白雲口味，口感夠淋易咬開，我哋點了小辣味道剛剛好，唔會太酸。雞腎：雞腎最怕食落好靭、好難咬開，呢間做做得幾好，每塊都易咬開。食落好香麻油味，又唔會太咸，撈左芝麻食落十分香口。生腸，一睇就知爽口，食落乾淨無腥羶味，咸味適中，同雞腎一樣滿滿麻油香味。$80有晒3款，加餸一流！再次想讚一讚呢間店歡迎裸買，自己帶盒嚟買，走塑減膠愛地球就係咁簡單～…查看更多

由細到大都好鐘意食白雲鳳爪，呢間真係必食！！大埔街市內的一間小店。除左招牌有骨及無骨鳳爪之外，仲有雞翼尖、豬手、雞膝頭。醬汁亦有香辣泰式、麻辣、白雲選擇。最推麻辣口味，雞膝及無骨鳯爪，爽口香辣，帶少少酸，勁正 生腸味道普普通通，下次不會食…查看更多

..............................強記鳳爪由細食到大！！！！！最中意叫佢隻香辣味小辣！！！ 好正！！！！但佢既豬耳仔真係麻麻可以唔駛試雞膝頭都ok~~ 但鳳爪最好食～～～唔辣唔好食記住叫辣！！！！！..............................…查看更多

喺大埔街市周圍行吓行吓，居然比我地搵到一間好特色，好多人嘅白雲鳳爪。香港其他地方好少見到！老闆娘仲好好人，介紹邊款有咩特色。果然名不虛傳，色香味俱全。我鍾意食有骨嘅鳳爪，因為可以啜下。配合埋個酸辣汁，好惹味。…查看更多

有時候，晚餐真係諗唔到食咩，天氣熱熱地，不如買d涼泮小食加餸！去大埔街市買整番盒雞腳，正！強記鳳爪，我幫襯左好多年，水準仍然keep著！食物款式多，有鳳爪、豬手、豬耳等，讓讓都好新鮮，即磅即撈，有辣有唔辣。鳳爪有咬口，而且味道十足！另外，隔離冇個凍櫃賣齋也不錯！…查看更多

知道爸爸會去大埔，就落order買鳳爪屋企附近都冇得賣，所以都好耐冇食過，一知道大埔街市有，就必定幫襯買回家加餸。依間店舖，我雖然未到過，但見到落單紙設計得咁有心思，都覺得有質素。外賣盒仲貼有店舖logo，真係識做，顧客回頭率一定多。除左有骨鳳爪，我地曾經買過無骨鳳爪、豬生腸、雞膝軟骨。不過，都係有骨鳳爪最抵食，$48一磅，可能有18隻左右。雞軟膝骨咬落有多d肥膏，喜歡食軟骨都可以。其他店舖可能提供一種味，依到有8種。首選是白雲，當中的麻油係好香，芝麻增加口感。沙薑和黑椒係第2之選。而我地都試過泰式和酸甜。另外，抵讚的是可以混幾種滷味或口味，一次過滿足幾個願望呢～下次有機會，想試下豬耳和豬手…查看更多

家人建議我去強記鳳爪店買 無骨鳳爪。 到了後才發覺有其他食品 （腎，粉腸等等）， 好吸引，所以我沒有留意有價錢牌，亦不知道用什麼行量。 見到美味食物就失去理智！.店內叔叔十分友善，耐性地介紹每種食品。 心多多的我就買了無骨鳳爪，豬軟骨，咖哩齋和酸齋。 選擇了無骨鳳爪和豬軟骨後，就要選舉調味， 我選擇了泰式，但叔叔好好人，額外給我 麻辣 和 酸甜 各一包。 .一磅無骨鳳爪和豬軟骨$76，初初感覺都幾貴，但再想想在餐廳裡的價錢就覺得超值了。 鳳爪十分爽口，調味料味道酸味剛好。 建議享用時再攪拌，味道會更均勻。 齋的味道就普通，但不防一試。…查看更多

#美食推薦一間隱世鳳爪專賣店，應該話係隱藏係街市既鳳爪專賣店—強記鳳爪。住左大埔甘耐都係近排先發掘出離，我食過一次就好上癮，間唔中就會去買，可能係我食過最好食既鳳爪！！鳳爪白雪雪，本身就滷過，有少少咸味，而且非常爽，佢會配以即場調味，有好多種嫁沙薑、白雲、麻辣、香辣等等......仲有其他，大家可以自己慢慢揀，撈埋就好野味。個人覺得沙薑（咸咸香香）同麻辣（麻的好過癮，食辣既朋友最愛）最好味，食過之後一定會番轉頭買，回頭率好高，記得叫佢放多啲芝麻，佢啲芝麻炒得好香，可以話芝麻令鳳爪更錦上添花。鳳爪有分有骨同無骨，無骨就貴啲，但我鐘意食有骨既，食鳳爪梗係要啃下啃下，啲味會更出。除左賣鳳爪出名之外，佢仲有好多其他冷盤小食，有雞軟骨、雞腎、豬手等我，今次買左雞軟骨，真無非常爽脆，配以麻辣，可以話係送酒佳品。大家經過大埔新街市千萬唔好錯過，買番盒離試下，買幾多都得，冇話一定要你買幾多，例如買一磅都可以揀唔同味，比你試多幾種，非常貼心，店員服務態度非常好，和藹可親，非常欣賞。地址：強記鳳爪 (大埔)大埔鄉事會街8號大埔墟街市及熟食中心一樓SM04舖ig: year19.92 #喜歡比個like #美食 #美食分享 #開心share #food #foodie #大埔友 #金舌頭 #不定期分享 #產品 #鳳爪 #白雲鳳爪 #啃 #麻辣 #沙薑 #小店 …查看更多

又去大埔。離開前雖然唔係太順路，但點都要去大埔街市內的「強記鳳爪」，買我心目中全港最佳的白雲鳳爪。白雲鳳爪看似簡單，但整得好與壞真係有天淵之別，尤其是最怕那些得個外表白淨，本身毫無味道的。這裏最基本的白雲鳳爪已浸過白滷水，加上一點白芝麻相伴，就咁食已經十分爽口甘美。不過，大部份人都會在白雲、泰式、香辣、麻辣、沙薑、魚露、黑椒或酸甜八種口味的選擇一款。老闆便會拿去鐵盤上幫你加調味攪拌一番。另外，你亦可選有骨或去骨的鳳爪。我這種傳統並要追求口感的人，當然要有骨啦。口味方面，我選了沙薑加辣，就咁食已好味到震，加點點附送的酸汁，味道更變得酸辣鹹錯縱複雜，太正斗了。…查看更多

我都係經朋友推介同各大傳媒先識強記大名，試過一次自此以後都有再惠顧。一次平日放工時段買，另一次係星期日下午時間買，分別在於排隊時間快與慢，但服務唔會因為人多而敷衍客人架老闆娘話平日6：30前要買，遲左部份搶手小吃就會賣光光。最出名的鳳爪必點，有骨$43/磅，去骨$70/磅，價錢比其他街市檔口更貴。原味鳳爪事前由男老闆浸過滷水，不加調味都可以空口吃。想調味亦有8大款選擇 (白雲 沙薑 泰式 麻辣 魚露 香辣 酸甜 黑椒)，甚至可以要求混味∼中麻辣味半磅，沙薑混魚露半磅：點解稱為人性化呢？除左味道自由可以要求之外，一個價錢又可以拆幾份幫你調味分盒。老闆娘會問客人辣要大中小，要唔要麻油芝麻等等，令我覺得麻煩到人地添 睇住一大匙滷味放份膠盒，佢地好細心會合埋蓋倒返水份唔呃稱而且，醋汁都有兩款，辣味配甜辣醋，唔辣既配甜酸醋。鳳爪的皮非常爽，有點類似泰式鳳爪的口感，作佐酒小食一流。因為係白滷水味道唔會濁，各種香料配合不怕喧賓奪主。小麻辣半磅：白雲半磅：沙薑一磅：令我最驚喜的是雞膝頭軟骨。或者用既雞比較年輕，骨頭軟骨輕易就可嚼開，口中感覺清爽不會有骨碎的嚼感。同時細細粒特別吸調味，個人推薦麻辣味，有重慶街頭燒烤的調味粉味道！ 辣度方面唔食辣的人食小辣都可以接受，若然食慣辣可以由中辣開始。老闆娘建議醋不要直接倒入膠盒，其一辣味會沖走，其二蒜味會蓋過滷水味。下次經過大埔bbq或踏單車買一盒加料都幾好∼…查看更多

說來真的汗顏，一直自詡為大埔人，卻從未聽過強記的大名，真夠丟臉。認識強記 ，全因facebook上的大埔群組。某天某日，忽爾見到不少人為新街市內的一家小吃歡呼喝采，留言不絕。「終於回來了！」「等了三年，終於可以再回味。」「吃了十幾年了，由車仔檔到入店，到今天再開新店。」看到潮水式留言，說我好奇又好，說我貪吃也好，這家小小的鳳爪店成為我必訪目標。翻查資料，才得知這家強記鳳爪已植根大埔十幾年，老闆曾於不少大酒樓作過掌廚，晚上於家中，閒來沒事，便作起鳳爪小吃，推車仔檔幫補家計。當時光顧的小朋友，今天都成了大朋友。側聞強記早年前入店，過不了一陣子，因問題，暫時結業。睽違三年，終於再度上場。難怪，一眾大埔街方，難得跟老朋友重逢，興奮得大叫。早上八點已營業，真的是大埔人的作息時間。七點多到新街市熟食中心吃個早餐，然後買菜，順道買些小吃回去就剛好，更早聞晚一點來，門外不時人龍不絕。光猛店面，一半賣酸滷味，另一半賣鳳爪等小吃。鳳爪分成有骨無骨兩款，口味則有麻辣、沙薑、白雲和泰式四款。所有鳳爪預先處理好，待點好口味，才立即加入味粉，麻油撈好。人懶，點了兩款無骨鳳爪，一款麻辣一款沙薑口味。鳳爪去了骨，吃上來一口接一口，極方便，沙薑口味就像極吃鹽焗雞般，鹹香有風味。聽聞老闆為了令沙薑味更香，沙薑於陽光下曬幾天，才乾磨成粉。麻辣口味則辣中生香，不過火，一點點麻，剛好刺激過癮。除了鳳爪，也賣其他小吃，像雞翼尖。冷盤作法的雞翼尖，也是自行挑選口味。麻辣口味一樣精彩，翼尖更隻隻大而肉厚，不吃像雞肋一般，食之無味，棄之可惜。此時，眼尾看到一種熟識的小吃，雞腳筋？這裏則叫作雞膝頭。不理會名字，立時要了一份。跟老闆說：「這東西很難做，又花心機。」老闆邊調味笑笑：「對呀！所以也不是天天供應。」吃過阿鴻小吃朋友也不會對這雞腳筋陌生，吃的就是一份爽脆。現在能買回家細細品嘗，太滋味了。…查看更多