強記大排檔

营业中

休息中

試左招牌避風塘炒蟹！上桌即聞爆炸性蒜香、豆豉、辣椒的鑊氣，螃蟹巨鉗爆殼，肉質鮮甜彈牙，沾滿金黃酥脆的蒜酥，辣度勁道卻不掩鮮味，連蟹腳都吮到停唔到口！搭配冰凍啤酒，簡直人間享受。 大排檔環境喧鬧，但風味百分百原始地道，人均$300略貴，但為這份風味，絕對值回票價！推薦辣魔與海鮮控必試！

呢间小店叫强记，店面细细嘅，得两三个灶台，用猛火即炒，食材生猛又新鲜。但係环境就真系唔敢恭维喇，如果唔介意呢点，呢就系一间会令你食得好幸福嘅大排档。食嘅几味餸都好正，推荐几个我觉得好有特色嘅：🐔砂姜鸡，鲜嫩滑溜好惹味，仲有好浓嘅鸡味（虽然鸡胸有啲老，但真系鲜到不得了！）炒豆苗好好嫩，镬气十足，一食就知系用大火快炒出嚟嘅，但又冇落好多油，完全唔油腻！🥘酱爆生肠好干净，而且口感系爽脆嘅，食出咗黄喉嘅感觉，调味重左少少。💰我哋点咗好多嘢，仲加咗啤酒，人均都唔使💵180，抵食

嗌左西檸雞，火腩豆腐煲，豉椒炒蜆，椒鹽鮮魷。入座15分鐘左右先上第一碟西檸雞，味道其實幾好，之後又等多15分鐘以上先黎個煲，全部都肥肉黎，再等多15分鐘以上先黎炒蜆，D蜆質素好一般，之後又繼續等，等左陣去對面買糖水返黎前後至少20分鐘都仲未黎，頂唔順cut左鮮魷。好心做唔切就唔好係咁開新枱啦，等到變宵夜啦，越食越肚餓，3碟野加2罐汽水、2碗白飯埋單361，仲話收平你360蚊😂絕對冇下次！

嘩！今次去嗰家食堂，真係給我驚喜到喇！啱啱食完，手指還有豉椒鵝腸既香味！😋 鵝腸腍滑得嚟，青椒爽口，簡直係口感雙重奏。不過佢個蝦醬通菜豬肚就有零售，通菜爽囉，但蝦醬韻味就稍嫌遜色。嚟到椒鹽鮮魷方面，呢個先叫一絕！炸得香脆，又唔會過咸，嗜口到飛起，每一啖都嚟個酥脆返聲，啖啖肉真係好過癮。姜蔥魚頭煲都唔錯，特別係個燒肉，香辣味十足，但就係魚頭少咗少，想再嚟多幾啖！食嗰陣，廚房嘅炒菜聲都係另類調味品，聽到都想再加碟！😄 果然，食物樣樣過癮，唔會咸過頭，好適合我哋嘅口味。雖然坐喺路邊啲地盤車會吵少少，但係嗰份熱鬧，配埋手頭上嘅美食，都值得喇！仲有，我發覺凡係好嘢食，一定會吸引咁多人，即係呢家啦！坐低冇耐就滿座，下次記得早啲嚟！😉 總括來講，呢家食堂嘅廣東菜做得嚟，記得唔好錯過佢哋嘅手工藝術。下次我仲想嚟試多啲佢哋嘅招牌小菜！

我真係好耐冇嚟呢種大排檔啦，今晚難得剛好行過，雖然寒風凜凜，我都忍唔住坐低再感受一下路邊小炒的鑊氣～嚟得大排檔，就唔好介意環境，特別是這種冇入鋪的大排檔，環境較差叫做風味椒鹽鮮魷大排檔必選菜式，而這裡的椒鹽鮮魷可選是相當好食。表面的炸醬不算厚，而且夠脆。鹹味剛剛好，唔點汁都夠味，點咗喼汁，更有另一種味道享受，坦白講，唔多地方炸得好食～豉椒炒蜆另一大排檔必試美食，不過這次較為遜色。炒蜆要重味先好食，這裡味道略淡，而且可能天氣太冷，上枱時不夠熱。不過也有值得一讚的地方，我好少見差不多隻隻都有肉，冇乜甩殼。魚香茄子煲煲仔菜上枱夠晒熱，食完即時暖晒。味道唔差，如果多一點魚香的咸味會更好，伴飯首選。呢啲大排檔真係買少見少，尤其是這幾年隨著香港不斷改變，唔知幾時會完全消失。我一路食，一路有食環嘅人响度影相，希望這些已經不多的老香港特色能有空間繼續生存吧～

說實話，今次去試咗呢間店，真係有啲驚喜。首先，佢嘅豉椒炒蜆🐚，簡直係顧客嘅心頭好！啲蜆煮得啱啱好，肉質爽滑，豉香醬汁淋倒上頭，令人回味無窮，每一啖都令人想即刻叫支啤酒嚟配！說到豉汁生腸，又係另一場味蕾嘅狂歡。那生腸嫩滑之餘，又保持住咯吱嘅口感，加埋那豉汁，哎喲，差啲讓人喺凳上跳起。轉頭食過粉絲雜菜煲，嘩，就感覺低啲，啲菜嘅口感實在係太老，但金銀蛋同菜心就真係挽救番場面。金銀蛋🥚滑溜溜嘅，同埋菜心清甜爽口。食喺呢度，你會感受到濃濃嘅香港人情味，夥記勁有禮，幾得體。最正係，間廁所又潔淨。當你同鄰桌客人傾下計，就彷彿時光倒流，搞到人好舒服，真係梗係要再嚟幾轉！🍺

見到個環境好崩潰，通常啲人都係坐喺路邊都幾有風味，但係有啲枱下面全部都係垃圾。佢有房嘅，但係房入邊係勁大浸煙味，個地下又係超污糟。所以最後都係坐咗喺出邊，嗰日仲落緊微微雨，成個感覺好唔舒服。比既碗感覺係未洗乾淨，重油油地。西蘭花豬頸肉，西蘭花爽脆，豬頸肉入味，鹹味啱啱好咕嚕肉，幾有鑊氣，不過個汁偏甜醬爆生腸，第一次食，口感極度爽脆，非常惹味，一口接一口，停唔到。送啤酒一流。要讚下個姐姐，服務態度十分誠懇又有禮貌又勤力。

自從開關之後，真係多咗勁多遊客，以前唔使排隊嘅餐廳都變到超多人🥲今次同frd食大排檔，竟然要等40個位，等咗半個鐘淨係郁咗幾個，果斷去第二間食😤-呢間強記大排檔都好多人，好彩去到仲有一台，不過真係伸手不見五指，亦唔好expect環境好乾淨～始終都係街邊，不過服務算係咁，起碼唔串先！同埋因為太黑，完全唔知自己夾緊咩😂=====================🐓麻辣雞煲 $120定價係有少少高，不過啲雞都幾大舊，份量3個人share都夠，雞肉唔嚡嘅，但就試唔到麻辣味，同樣有味道唔夠嘅問題🥲🥔黑椒薯仔牛柳粒 $100薯仔似係冇煎過，所以冇外脆內軟嘅效果，牛柳粒亦有少少韌，而且食落唔太鮮味，重點係一碟有好多椒同洋蔥，味道麻麻，同埋唔好睇佢色水好深，但其實唔太夠味🥴🦑椒鹽鮮魷 $100呢個見有人推薦所以叫嚟試下，果然係咁多個入面最好食嘅😂口感酥軟，炸粉唔會太厚，幾爽口，椒鹽可以再重手啲會更好食🫢🥬粉絲雜菜煲 $70呢個真係勁清淡，可以話冇乜味😂入面有菜心、生菜、木耳、粉絲等，食到最底試到有少少南乳味(?)但都係救唔返整體嘅味道😮‍💨=====================整體嚟講，小炒最緊要有

路過問吓，今日專登去撞下以前耀東街強記沒有了，上open rice找到一家同名的，但發現餐牌唔見有墨魚餅嘅，唔知係咪同一間強記？不過佢星期日休息. 無得問下，唔知有冇人知道呢？

5點幾路過見到已經坐滿 6 成，好奇一間路邊大排檔有咩咁吸引就坐低咗。坐低咗之後呀姐極速拎咗碗筷嚟，落單後十五分鐘已經到齊。 期間聽到隔離枱都唔係住附近，有遊客、有學生、有專登揸車嚟食嘅，未夠 6點半已經差不多滿座。 豉椒鵝腸，鵝腸洗得乾淨，份量都夠多，好難得鵝腸多過青椒😂蝦醬通菜豬肚，完全無蝦醬味，豬肚唔臭，但唔係好夾 椒鹽鮮魷夠爽口，炸漿夠薄，而且唔會死咸 姜蔥魚頭煲，有燒肉有炸豆腐 ，魚頭炸到夠透，但份量略少 。一路食，一路聽住廚房炒菜嘅聲，真係好夠獲氣，嘢食唔會太咸，食完唔駛狂飲水，不過坐係路邊對面有個地盤，如果有重形車出入真係飛沙走石，除時加餸，而且要有心理準備，啲路人會好好奇你今日叫咗咩餸 😂😂  

街邊大排檔食吓風味 !平時夜晚食佢大排檔,夠鑊氣架,好耐冇食😋試下下午西多都不錯喎😌😆西多奶醬多都味道正常 !凍檸茶叫左走甜冇走 !!😂茶走最正 !  岩我個人口味 !!兩條友埋單盛惠 $60

上網見到有食評講深水埗集眾菜館唔錯, 見到門口方便泊車, 於是揸車落去想話幫襯, 見到有多張吉枱但姐姐都話無位, 連籌都唔俾唔派!無計！唯有轉場! 落到基隆街強記, 居然都爆場! 擺到對面行人路! 重熱鬧過疫情之前！ 好彩啱啱有客離場, 重要係風扇位, 即刻泊底部車霸翻個位先.好耐無食過佢地嘅雞，所以點咗半隻沙薑雞，椒鹽鮮魷同西蘭花豬頸肉.係，無錯，成本 menu 都無寫有西蘭花菜式，但我經驗所知..... 正常大排檔都有西蘭花供應，果然一問之下係有西蘭花！今次嘅沙薑雞就差咗D，雞肉鞋咗D，唔夠嫩滑，有D失望，希望只係一時失手！西蘭花豬頸肉係水準之作，西蘭花爽脆，豬頸肉入味，滿意.單單睇椒鹽鮮魷嘅顏色已經吸引，唔似D千年油炸出嘅深啡色，而係淡黃色，外脆內軟一D都唔韌，唔需要點喼汁已經好好味.三碟小菜份量足無偷工減料，由其係沙薑雞，因為依家經常出現假滿足，D雞得皮同骨無咩肉.不過.... 實在太熱，相信秋冬先會再嚟幫襯.

由於疫情，我同朋友少咗出街食飯，但係心血來潮好想食大排檔！一於就去咗強記，我朋友體脂係日頭嚟過附買布料，未試過喺呢度食大排檔， 咁我就一於帶佢出嚟試吓，首先當然要叫必食嘅豉椒炒蜆， 新鮮味道鮮甜，不太咸，另外，當然唔少得要叫椒絲腐乳通菜，同埋好想有啲香口，一於就叫買椒鹽鮮魷，我哋兩個女仔食都咁多嘢，都算好厲害，下次一定要多啲人一齊食， 先可以叫多啲餸😋佢正正就係對面買點心嘅大排檔，呢間大排檔同埋對面點心都係我好鍾意你食嘅!一定要介紹俾大家

新年前嚟強記大排檔幫襯, 爆場!新年后再次幫襯, 8點幾已經開始冷場.....再次嚟強記, 當然係將就我果位開車嘅朋友啦!咪就係方便泊車囉!強記嘅雞出色, 但今次轉口味, 點鹽焗雞.另外點咗客金銀蛋莧菜.朋友問伙記有咩推介 (其實我一向唔會問伙記有咩推介, 原因? 大家董的....) 伙記推介醬爆生腸, 好, 就噤決定!金銀蛋莧菜係朋友點, 雖然唔係我杯茶, 但莧菜鮮嫩, 而且份量足夠.又係果句, 明知鹽焗雞唔係新鮮制作係預制組件, 但雞肉實在嫩滑唔鞋口, 唔需要點沙薑汁雞肉已經有鹽焗味道, 點上沙薑汁更加係神來之筆, 更加惹味! 推介！醬爆生腸外表細細粒, 第一次食口感極爽脆, 以為好辣嘅醬爆一D都唔辣而且非常惹味，送啤酒一流. 伙記無介紹錯！ 讚！傾吓傾吓，傾到好多食客都散，以為好鬼夜，望望隻錶，九點幾！九點幾就水淨鵝飛？

去強記大排檔有兩個原因, 方便泊車, 又可以邊食飯邊食煙!見到每一圍枱都點雞, 而記憶中奇味雞又真係好似味道奇怪, 所以點D大路菜式，半隻沙薑雞.另外點咗個黑椒牛仔骨同蒜蓉炒豆苗.沙薑雞 - 最滿意嘅菜式, 好明顯隻雞唔係新鮮制作, 但雞肉超嫩滑無渣, 再點上沙薑惹味滿分, 難怪圍圍枱都點雞啦.黑椒牛仔骨 - 首先油份過多, 牛仔骨入味, 肉質鮮嫩 juicy, 份量適中無偷工減料.蒜蓉炒豆苗 - 同樣地油份過多, 蒜蓉略為不足, 但份量都係無偷工減料.下次幫襯落單時, 如果講明少油會唔會被人話玩野?