康年餐廳

補完牙有啲肚餓就去下附近嘅茶餐廳之前一直聽到屋企人話呢度嘅菠蘿油好食就諗住試吓一入到去見到幾滿座，原來呢度有兩層。最後因為冇位一個人要同人搭枱。食物選擇款式唔算多，但見到對面搭枱嘅叔叔自己一個人叫咗菠蘿包同蛋撻配奶茶已經好想食 ，見到一個下午茶餐紅豆冰配菠蘿油$39 ,即刻叫。原來下午茶時段佢哋會出好多唔同種類嘅麵包一出爐就會即刻大叫，令到你好想再食，不過一個人嘅食量有限只可以食到一個。菠蘿包入面嘅牛油應該落咗少少鹽，冰凍嘅牛油再配熱辣辣嘅菠蘿包口感好正，冰熱冰熱嘅感覺。而且要撳扁嘅菠蘿包嚟食，入面有空氣感而且非常之軟熟又咬口。下次要再試吓佢其他麵包。唯獨杯紅豆冰入面嘅紅豆煮得唔係好夠熟，呢樣扣咗少少分，不過成杯紅豆冰整體嚟講唔算好甜，非常之啱香港人嘅口味。個人嚟講比較鍾意煮到好綿嘅紅豆。…查看更多

只是買外賣18分鐘時間已經感到呢問康年餐廳職員態度極度惡劣還直接趕客，全世界最難食的茶餐廳，永不再幫襯今日我2人去康年餐廳買2份正價外賣共$150 1) 紅酒牛尾煲 2) 焗咖喱牛舌飯，職員話要等15分鐘，要等咁耐我們就坐下等，坐坐下有客入來 ，職員要強迫我們起身 (當時還有其他坐位的)，還直接擺明趕客，我當時說我都有幫襯外賣要等咁耐點解唔比我坐？職員說你唔係堂食，你就要起身，我即時火都來，買外賣都竟然一肚氣，之後回家後吃外賣，極度難食，牛尾硬到咬崩牙，根本食唔到，最後要掉了，而焗牛舌飯勁咸，牛舌就無味，焗飯超級硬又勁乾，唔明點解重咁多人去食，今時今日香港飲食業咁差，就是有呢種趕客餐廳，極度惡劣職員，呢間康年餐廳列入黑名單永不再去幫襯…查看更多

真係激氣到一定要打下評論，本身常客，今日照舊食一個餐，加一杯凍檸茶，加一個包再加一個細羅宋湯。之前一路細羅宋湯都係收我$13。今日睇個單收佐我$21。侍應講電腦單係呢樣計，我咩講落單前都有再問加多一個細羅宋湯幾錢，知道13先再落，點解收我21。再問經理，經理係度大大聲講餐跟了一杯野飲，所以再加羅宋湯，凍檸茶變返正價。1我食佐好多次，收費一路都係13細羅宋湯2就算你宜家今日新制度都好，客人落單前問了價錢，假錢有變化係咩應該知會或者通知客人先，而唔係一句跟電腦單就推卸曬所有責任3客人一肚氣，你仲大大聲鬧返個客本身都算了，個經理仲大大聲話返我，真系激到我一定要評論下。原來個餐廳之前都有好多負評講態度問題，心想，宜家食肆生意都唔好，但都唔使鬧客趕客，唉😞…查看更多

太子金魚街人人都識，咁你又知唔知你都有一間好出名嘅康年餐廳？ 呢間餐廳可以話係我嘅飯堂，由於佢全天候二十四小時營業，所以當我諗唔到食咩嘅時候佢，當你宵夜時段搵唔到嘢食嘅時候，佢都一定會為你打開大門😆今日我揀咗佢晚市推介嘅鴛鴦雜扒餐，一塊豬扒再加一塊牛扒，配一個餐湯，另外再跟一個白飯或者意粉，加多一杯凍檸茶，成個套餐都只係80幾蚊，真係超級抵食！！ 瑞士雞翼撈出前一丁，每次嚟到都一定要食，佢嗰隻雞翼真係超級入味，肉質仲要好嫩滑，食過一定會想再encore。亦都好推薦佢嘅蛋撻同埋菠蘿油，一樣係全天候供應，即使唔係下午茶時段都一樣可以享受到😊😊…查看更多

入到呢間茶記，裝修唔花巧，帶點舊香港味道。今次試咗「中式牛柳飯」加「菠蘿包」，簡單得嚟最見真章。 中式牛柳飯👍一上枱色澤誘人，牛柳煎到外層帶焦香，肉質唔算嫩滑細膩，但勝在厚實有咬口。配料調得好平衡，白飯一沾醬汁即刻變得開胃；加埋青椒洋蔥炒香，令味道更立體。份量夠大，食落有實在感。 之後咬落菠蘿包👍，焦脆嘅金黃外皮散發牛油香，裂紋薄脆，入面麵包鬆軟微甜，唔會過乾。趁熱食，煙韌同鬆化交錯，單食已經好滿足，如果中間再加牛油就更加邪惡。 成餐最大感覺係親切——冇矯飾，夠直接，平價但帶住熟悉嘅香港味道，係會想嚟返再嚟嘅comfort food。…查看更多

上星期六練完歌過嚟食晏，叫咗個西冷扒意跟紅湯配意粉，餐茶配凍啡加蛋撻。食物質素一般般，羅宋湯偏喊，啤水西冷雖淋但冇肉味。蛋撻偏硬且凍不見得如網絡吹噓咁出色，只比地鐵站X心餅店質素略高。本來冇諗過為75蚊晏仔走上嚟爬文，但跟住經歷實在令我不吐不快。我埋單時我用手機八達通畀錢，我記得佢入面仲有百幾蚊，應該係夠畀的。我今個月洗凸咗仲未出糧，我八達通會自動增值，我呢段時間我儘量唔想扣凸而自動增值。每次都咬我500都幾溶。我畀錢時我部手機有反應應該嘟到的。但姐姐話佢未出到單屈我過唔到數。我果時真係以為扣唔到畀佢再嚟多次，今次就出到單。但當我出門口時我再 check check 真係餐廳連扣我兩次數，仲 trigger 到自動增值。我再搵姐姐理論，姐姐要我留低電話要搵八達通。check check 。check 到扣多就會退返錢。我等到星期二都仲未有錢退返我，但八達通就追我錢。原因係我當時自動增值唔成功，八達通幫我畀住錢。我打返餐廳問個姐姐，個姐姐講咗另一個銀碼又講錯我個名，原來我唔係唯一收多咗錢，我估計呢啲事情時有發生，我唔 check 單又側側膊。最後姐姐有退返錢，多謝康年畀我美好的一週。…查看更多

平時好少幫襯，但今日經過諗住外賣一個火腿通粉＇咁我問吓佢有冇常餐或者散嗌，這個收銀阿姐不僅態度傲慢，仲叫我搵其他人幫忙並不樂意協助，語氣非常惡劣咁話你自己喺出邊個牌睇，其實如果個牌有我唔使勞煩你囉～當我俾錢嘅時候，佢係咁叫我拍八達通＇我即時同佢講我係要比Alipay ＇並對佢表示沒有八達通，佢勁不耐煩咁話你有咩咪俾咩囉～咁嘅服務態度真係令人則目，之後一定唔會再幫襯服務業講求溝通，此店的職員沒有跟跟顧客好好溝通，令服務質素下降＇真係得不償失…查看更多

呢日行年宵行到凌晨兩三點，個肚餓到咕咕叫，周圍搵食。行咗好耐，終於喺太子搵到呢間「康年餐廳」。餐廳燈火通明，入面有唔少同我哋一樣深夜覓食嘅人。我哋點咗乾炒牛河、焗豬扒飯同羅宋湯。乾炒牛河一上枱，鑊氣撲鼻而來。河粉根根分明，唔會黏埋一齊，牛肉嫩滑，搭配蔥段、豆芽，食落好過癮。焗豬扒飯嘅芝士烤到金黃微焦，拉絲效果超正，豬扒厚身又多汁，咬落去超滿足。羅宋湯材料好豐富，有紅蘿蔔、西芹、洋蔥等，但就略嫌鹹咗啲。另外叫嘅菠蘿油，菠蘿包熱辣辣，外皮酥脆，夾住冰涼嘅牛油，一熱一冷，口感好特別。呢個菠蘿油真係好食到我哋幾個都唔記得影相。呢間餐廳喺深夜提供咁多美味嘅食物，真係深夜肚餓人士嘅救星！…查看更多

我哋啲開夜班嘅經常會喺茶餐廳醫肚，康年亦係經常幫襯嘅一間，呢度大部份嘅嘢都食過𦚵，今晚食嘅係薯仔牛柳粒，但同往日嘅牛柳粒完全唔同，多筋、超肥，我覺得係次等貨充正等，真係食得落肚嘅一半都冇，就算免強吞得落肚嘅都係韌夾冇牛肉味，認真唔惦，雖然啲配菜（青紅辣及洋蔥）都冇問題，炒亦炒得幾好味，但成個餸已經大打折扣，令人失望。早前在石䕃街的新金豐茶餐廳已有類似嘅經歷，我以為係個別餐廳嘅啫，點知原來並非如此，難怪依家咁多人上大陸消費，唔係冇原因㗎，真心希望佢哋都可以能改善，做好美食之都…查看更多

與朋友一齊食，點咗個豬軟骨水餃麵，但水餃唔熱。典型香港趕客餐廳一樣，一食完已經立即收拾，跟住大約食咗35分鐘之後，杯飲品都未飲完，有個侍應突然雙手大力拍枱，嗰吓真係嚇咗一跳。原來個侍應已經帶咗人企在旁邊同趕我哋走。真係完全冇禮貌，亦已經無預期有咩服務，同埋好聲好氣叫話有客等緊叫我哋走咪OK囉，你咁樣拍枱真係算咩意思，以後都唔會再去。呢間餐廳今時今日嘅服務態度，真係冇得頂，就係有啲咁嘅餐廳搞死香港。…查看更多

脆皮菠蘿飽新鮮出爐熱辣辣，面頭菠蘿皮係脆，內裏麵包超級軟熟。脆皮香滑蛋撻新鮮出爐熱辣辣，奶皇墨西哥飽奶皇餡料十分多，麵包超級軟熟。菠蘿油 配紅豆冰（少冰）咬落熱凍交雜，牛油融化喺口裏，美味又十分邪惡。再配紅豆冰，完美嘅結合。紅豆唔太甜，粒粒入口即化。…查看更多

叫咗個雞髀沙律加朱古力朱古力稀度好似水咁雞髀還好，但係好似未係好發育得晒雜果沙律，變咗青瓜，紅蘿蔔薯仔沙律🫡又送錯野野食到要自己舉手認，如果唔係會送錯😅啲蛋撻1/5分杯紅豆冰好似飲水咁…查看更多

依間茶餐廳既麵包好好食，佢地既奶油包外面酥酥的，裡面軟軟的，奶油餡料滑滑的，食完都想再來一個。仲有佢地的奶茶，味道濃郁，港式風味十足，真的很特別。另外，菠蘿包也是一大特色，外面有一層脆脆的皮，裡面又鬆軟，搭配奶油或者豬扒，簡直是絕配。店裡既多士都好受歡迎，外焦內嫩，淋上煉乳後吃，特別好。每一款麵包都是用心製作的，選材都算新鮮，保證好味。無論是當早餐、下午茶，還是隨便吃點心，這裡的麵包都會讓你感受到茶餐廳的簡單美味！…查看更多

康年餐廳開業甘耐，第一次惠顧，食物質素幾好，體驗唔錯其中最推介比大家嘅，就係呢到嘅鐵板扒餐，鐵板扒餐有四款選擇，板燒雞扒拼大蝦、荷蘭牛柳、美國西冷牛扒，同公司雜扒我哋order 嘅公司雜扒有牛扒、豬扒、雞扒、司華力腸、煙肉鐵板上枱好夠熱，發出治癒嘅渣渣聲；各款似類都味道不俗…查看更多

如果出太子食早餐，我倆多數會去康年！因為佢嘅羅宋湯通粉無得輸👍濃濃牛香味👍雜菜又多👍早餐份量剛剛好！跟餐腸仔煎蛋菠蘿蛋包(早餐)菠蘿包脆脆再加入炒蛋，滿足👍凍奶茶熱奶茶…查看更多