康年餐廳

补完牙有啲肚饿就去下附近嘅茶餐厅之前一直听到屋企人话呢度嘅菠萝油好食就谂住试吓一入到去见到几满座，原来呢度有两层。最后因为冇位一个人要同人搭枱。食物选择款式唔算多，但见到对面搭枱嘅叔叔自己一个人叫咗菠萝包同蛋挞配奶茶已经好想食 ，见到一个下午茶餐红豆冰配菠萝油$39 ,即刻叫。原来下午茶时段佢哋会出好多唔同种类嘅面包一出炉就会即刻大叫，令到你好想再食，不过一个人嘅食量有限只可以食到一个。菠萝包入面嘅牛油应该落咗少少盐，冰冻嘅牛油再配热辣辣嘅菠萝包口感好正，冰热冰热嘅感觉。而且要揿扁嘅菠萝包嚟食，入面有空气感而且非常之软熟又咬口。下次要再试吓佢其他面包。唯独杯红豆冰入面嘅红豆煮得唔系好够熟，呢样扣咗少少分，不过成杯红豆冰整体嚟讲唔算好甜，非常之啱香港人嘅口味。个人嚟讲比较钟意煮到好绵嘅红豆。…查看更多

只是买外卖18分钟时间已经感到呢问康年餐厅职员态度极度恶劣还直接赶客，全世界最难食的茶餐厅，永不再帮衬今日我2人去康年餐厅买2份正价外卖共$150 1) 红酒牛尾煲 2) 焗咖喱牛舌饭，职员话要等15分钟，要等咁耐我们就坐下等，坐坐下有客入来 ，职员要强迫我们起身 (当时还有其他坐位的)，还直接摆明赶客，我当时说我都有帮衬外卖要等咁耐点解唔比我坐？职员说你唔系堂食，你就要起身，我即时火都来，买外卖都竟然一肚气，之后回家后吃外卖，极度难食，牛尾硬到咬崩牙，根本食唔到，最后要掉了，而焗牛舌饭劲咸，牛舌就无味，焗饭超级硬又劲干，唔明点解重咁多人去食，今时今日香港饮食业咁差，就是有呢种赶客餐厅，极度恶劣职员，呢间康年餐厅列入黑名单永不再去帮衬…查看更多

真系激气到一定要打下评论，本身常客，今日照旧食一个餐，加一杯冻柠茶，加一个包再加一个细罗宋汤。之前一路细罗宋汤都系收我$13。今日睇个单收佐我$21。侍应讲电脑单系呢样计，我咩讲落单前都有再问加多一个细罗宋汤几钱，知道13先再落，点解收我21。再问经理，经理系度大大声讲餐跟了一杯野饮，所以再加罗宋汤，冻柠茶变返正价。1我食佐好多次，收费一路都系13细罗宋汤2就算你宜家今日新制度都好，客人落单前问了价钱，假钱有变化系咩应该知会或者通知客人先，而唔系一句跟电脑单就推卸晒所有责任3客人一肚气，你仲大大声闹返个客本身都算了，个经理仲大大声话返我，真系激到我一定要评论下。原来个餐厅之前都有好多负评讲态度问题，心想，宜家食肆生意都唔好，但都唔使闹客赶客，唉😞…查看更多

太子金鱼街人人都识，咁你又知唔知你都有一间好出名嘅康年餐厅？ 呢间餐厅可以话系我嘅饭堂，由于佢全天候二十四小时营业，所以当我谂唔到食咩嘅时候佢，当你宵夜时段揾唔到嘢食嘅时候，佢都一定会为你打开大门😆今日我拣咗佢晚市推介嘅鸳鸯杂扒餐，一块猪扒再加一块牛扒，配一个餐汤，另外再跟一个白饭或者意粉，加多一杯冻柠茶，成个套餐都只系80几蚊，真系超级抵食！！ 瑞士鸡翼捞出前一丁，每次嚟到都一定要食，佢𠮶只鸡翼真系超级入味，肉质仲要好嫩滑，食过一定会想再encore。亦都好推荐佢嘅蛋挞同埋菠萝油，一样系全天候供应，即使唔系下午茶时段都一样可以享受到😊😊…查看更多

入到呢间茶记，装修唔花巧，带点旧香港味道。今次试咗「中式牛柳饭」加「菠萝包」，简单得嚟最见真章。 中式牛柳饭👍一上枱色泽诱人，牛柳煎到外层带焦香，肉质唔算嫩滑细腻，但胜在厚实有咬口。配料调得好平衡，白饭一沾酱汁即刻变得开胃；加埋青椒洋葱炒香，令味道更立体。份量够大，食落有实在感。 之后咬落菠萝包👍，焦脆嘅金黄外皮散发牛油香，裂纹薄脆，入面面包松软微甜，唔会过干。趁热食，烟韧同松化交错，单食已经好满足，如果中间再加牛油就更加邪恶。 成餐最大感觉系亲切——冇矫饰，够直接，平价但带住熟悉嘅香港味道，系会想嚟返再嚟嘅comfort food。…查看更多