康和車仔麵串燒專門店

假扮觀塘老店康和車仔麵。中午入去食，煮野嗰個人都未返，得個清潔阿婆煮（佢自己一邊食飯一邊煮）。個冷氣開左等於冇開，仲熱過出面。落單張野設計有問題，個阿婆有一半睇錯我哋選的餸。個車仔面既湯，真係宇宙最難食，淡到水咁。雞翼/豬手 唔知浸左幾耐，已經熟到溶哂夾唔起。仲有墨丸，佢係用清水烚比你分開上。三個人食百幾蚊，比二百蚊都話冇錢找。真係未見過咁痴線嘅食店。…查看更多

雞翼烤到窿曬食落去係苦嘅😭，蒜蓉生蠔嘅蒜蓉又係黑到苦，豬頸肉上來係臭味嘅凍嘅，真係唔敢食呀，茄子烤到黑都係生嘅，牛粒真係塊生肉，特飲係飲緊糖粉水…真係好鬼難食，食物都係好求其甘出，質素真係差呀。服務一D都冇，係門口睇咗好耐都冇人招手，行入去都冇人招呼卑餐牌。倆個人食咗400蚊到，呢個價錢真係唔值咯。不如食茶記算了。如果睇完其他食客嘅食評我都唔會來食。全部係負評。老闆，真心祝你好運，過多排應該會係執笠群組見到你哋👍…查看更多

諗住簡簡單單食個車仔麵 仲要見到康和個名仲以為係之前嗰間 點知伏到離譜叫咗個雞翼尖豬扒辛辣麵湯底冇味都算 塊豬扒硬到 又係無味仲有佢d所謂特飲 見住個廚房徒手去放d冰真係見到都唔敢飲真係唔好俾佢門面同埋個名呃到都真係好耐好耐未食過咁難食嘅嘢一碗車仔麵都可以煮到咁 究竟呢間嘢係想點？都好耐冇出食評 佢真係難食到我忍唔到手仲有如果真係去試 真係要小心地滑 個地下跣到飛起最後相都真係唔想去影 如果唔信 有興趣直接黎挑戰。。。…查看更多

第一次寫咁差劣嘅食評，食完真係好嬲。食物質素差劣 自助落單沒有服務可言 只收現金 食得車仔麵都唔期望有咩衛生叫左沙嗲醬 點知嚟到篤沙嗲醬 係平時沙嗲牛肉麵透明加咗生粉嗰啲沙嗲醬 放咗喺碗麵正中間一睇落去都唔開胃 沙嗲醬都冇誠意。隔籬樽菜譜算啦，照食 試埋其他牛柏葉沒有處理，好一大陣漂白水味豬頸肉凍冰冰唔新鮮都算，一陣臭豬味😪都唔知邊度買返嚟 呢間餐廳直接back list，唔會再食。用晒啲心機搞舖頭啲霓虹燈裝修，不如放啲心機搞好啲食物。…查看更多

凌晨路過見到未閂門原來開24小時但係車仔麵好一般…..燒賣成舊粉咁鳳爪 豬紅 魚皮餃 酸齋味道ok墨丸有陣酸味 第一粒冇事 第二三粒中招嗌咗沙嗲腩汁湯 冇乜味道河粉又碎濕濕 成碗嘢都冇味道 自己喺屋企都煮到唔洗出黎食啦仲要$62一碗 性價比低凍檸茶冇乜茶味燒雞軟骨唔似燒 係濕濕地既冇乜味道 好似未燒熟咁😅😅第一次見咁樣上嘅串燒好似半成品叮熱咁樣而且仲有兩粒 店員睇都冇睇就收走…..整體味道都比較差唔推薦！！下次不會再幫襯…查看更多

好難食 叫咗兩碗麵 分別係清湯同麻辣 所有嘢無味 清湯完全冇味 極不環保 所有餐具器皿都係即棄 價錢貴 檸檬茶 簡直垃圾 服務態度差 侍應全部凶神惡煞 勸未試過嘅人千祈唔好試整餐評分體驗2/10 2分係比孜然雞翼 做得唔錯 …查看更多

無咩餐廳可以整既野食難食到呢個地步魚旦燒賣凍既， 燒賣未熟， 魚旦連翻熱都冇燒茄子都係未夠熟既燒雞皮難食，一塊過， 冇質感冇口感碗仔翅同鼻涕冇分別羊架同雞軟骨一啲味都無牛舌收40定45蚊得兩塊仔呢間野伏到一個點 , 有機會可以挑戰一下…查看更多