幾好餐廳

星期日行山由愉景灣行了3-4小時後到達梅窩. 剛好下午4點左右,朋友介紹去梅窩碼頭附近食平價下午茶.我們4人選了,三份下午茶餐+1份小食. 人均消費大約$72左右.雪菜火鴨絲炆米粉 （下午茶價$48)雪菜份量比較少, 一絲絲的烤鴨肉絲比較乾身. 欠缺少少鑊氣. 瑪莎曼咖喱牛腩飯 （下午茶價$50)今餐最好食的就是它了,咖喱充滿椰奶香.牛腩也很嫩滑😋瑞士汁雞翼撈公仔麵 (下午茶價$40)~ 估唔到有4隻雞翼, 瑞士汁都入味. 不過公仔麵比較乾. 所以乾撈一般.香煎黑松露墨魚餅 （$108）份量都算多,沒有黑松露味但有蝦醬味🤣口感都算彈牙有少少墨魚味總結：梅窩街坊店, 質素及價錢都可以. 酒水兼樓面00後小弟弟服務很好又細心👍🏻…查看更多

午餐✧ 馬沙文咖喱雞肉配白飯 $50咖喱好重椰香味 唔會辣 雞肉似係用切雞件 好處係啲雞肉唔會太乾柴白飯粒粒分明 唔會痴住一舊舊✧ 干炒牛河 $48呢碟麻麻地 唔夠熱同埋冇乜鑊氣 份量都偏細整體唔會太鹹 牛肉唔會韌 下午茶餐✧ 沙嗲雞串配 火龍果.梨.蜂蜜汁 $65有4串雞肉 每串都燒得幾好 望落有啲乾但食落去啲雞肉都算嫩滑 最欣賞係個雞皮燒得好香脆 沙嗲醬唔辣 反而幾甜下 個人比較鍾意偏重花生香同辣辣地嘅沙嗲醬火龍果.梨.蜂蜜汁主要係梨味 飲得出係鮮窄果汁 仲有火龍果嘅籽不過就飲唔出落咗蜂蜜…查看更多

放假入梅窩住返晚，本身諗住夜晚Barbecue，點知天氣不似預期，所以就去熟食中心睇下有咩食。-椒鹽金沙骨 $88肉質扎實，重蒜香味，偏鹹。-黑椒牛柳煲$98牛肉都算嫩而且都幾多，配菜爽脆，黑椒汁都有啲鹹。-玫瑰豉油雞(半隻)$98果真好食，非常入味，肉質嫩滑，色水亦夠，必嗌。-粉絲什菜煲$68每款蔬菜都好新鮮，個湯亦可攞嚟送飯。-海鮮炒麵$68魷魚同蝦仁都爽彈，炸魚外脆內滑，麵底炸得好香脆。白飯$10一碗…查看更多

本身係想係梅窩食pizza，點知嗰間餐廳冇開，朋友就話附近有間食小炒都不錯，於是就去左食「幾好」。可能本身冇咩期望，所以就覺得好大驚喜😍😍😍叫咗四碟餸，全部都超好食！姐姐通菜煲雖然鹹左少少，但落咗蝦乾，好惹味椒鹽豆腐塊皮好薄，仲要超級脆🤩🤩沙拉骨好有驚喜，本身以為佢外層係軟林林既肉質，冇諗過佢外層炸到好脆，仲脆過咕嚕肉！最後，黑松露墨魚餅又係勁好食，外層同樣係炸到好脆，黑松露味仲要好濃😋😋😋…查看更多

阿媽加阿妹生日，入梅窩staycation. 入到幾餐廳, 老闆極力推介砵酒蠔, 椒鹽鮮魷,黑松露墨魚餅,炸大腸.一定要試炒麵. 有鑊氣及價錢都好平及服務很好！ 松露墨魚餅外面食唔到，值得一試 ！ 餐廳 家庭式作業， 好有人情味…查看更多

兩小口子傻下傻下入咗梅窩。。。。好耐之前都嚟過呢間餐廳食嘢。。。今次不防又再嚟。。。！因為我哋都好細食。。。所以只係叫咗兩個餸。。。霸王雞 ＆ 炸菜豆角煎蛋霸王雞好滑。。炸菜豆角煎蛋有驚喜。。。好香口。。好脆口。。。最後一讚就係。。。員工們服務一流。。。。加油呀！！！…查看更多

黑松露炒蛋多士 + fruit juice blend (~$60)椒鹽九肚魚！An overflowing mix of fluffy scrambled eggs with black truffle sauce! The dragonfruit at the side adds just the exotic flavour! The fruit juice blend refreshes those scorched by the sun. The fish is deep fried on demand with a thin batter crisp on the outside and meaty inside. The spices are just right! 人唔多，雖然裝修未算最好，但係入面真係避暑上極清涼~ 入過去嘅就知道啦！In all, a cha chaan teng cafe that looks unassuming, but very satisfying. …查看更多

梅窩最短缺的，其實是比較像樣的食肆。鬼佬餐廳不算，比較有名的是德仔記與福聚來，勝在比較通風開陽，口味其實也是一般。在碼頭旁邊的冬菇亭，比較突出的是在單車路旁的「幾好」。它在裝修風格上比較不那麼「大排檔」，菜式也比較幼細，加上有幾款手工啤，也吸引了不少稍為講究的街坊食客。今晚叫的其實都只是家庭小菜：蒸烏頭、椒鹽鮮魷、沙茶牛肉粉絲煲、小炒王和啫啫通菜，除了口味略為偏重，也算是中規中矩。埋單時反映口味偏咸，伙計即解釋重口味較宜飲啤酒，一般晚飯的話，可以在下單時說明，廚房會作適度調校。這有待日後印證。…查看更多

梅窩一日遊，好多唔同餐廳選擇，一落船就係碼頭隔離嘅market醫左肚先再出發。一入market已經見到餐廳呢個特別吸睛嘅水牌，而且價錢都十分吸引，直接坐低叫左三個午餐，仲包汽水。推介咖哩燜鴨，因為好似出面比較少見，而且咖哩都好惹味…查看更多

炒蜆好多沙，食到成口都係沙，火都嚟埋， 限聚令後比較多人幫襯，起菜比較慢可能人手不足，福建炒飯保持水準好味足料，酥炸豬腸唔夠脆，因選料太肥肉厚，椒鹽魷魚正路，黑松露墨魚餅算幾好味同彈牙，蒜蓉菜心正路，海鮮炒麵OK啦！總括嚟講水準時好時壞不過不失，不收加一價錢區內算抵食，仍然可以一試…查看更多

雖然份量比較少,但免收加一,煮得有心好味，福建炒飯用料足鮮蝦魷魚大大隻,椒鹽鮮魷鬆脆彈牙粉漿唔多,不過美極不太搜,咖哩蝦正路,加多個白飯都係352,啲食客話炒蜆好味下次會去試試…查看更多

同女友慶生，喺梅窩4日3夜，4月1日晚同女友諗住食海鮮，但冬菇亭附近都好貴，呢間炒蟹158幾平，加上魚缸有得見真身，叫咗避風塘炒蟹（呢個價錢蟹size正常、新鮮）、椒鹽鮮魷（香脆爽口）、豉椒炒蜆（無浸過熱水先炒），總結‘平靚正’抵食，2本藍妹+凍檸茶，結帳3百五。後來知道有醉雞窩，心思思明晚想試吓。今晚終於試咗，藥材味十足，雞新鮮，叫咗龍躉肉&蠔（新鮮、大碟），原來加湯係雞湯，湯愈煲愈甜，加上老闆熱情貼心服務好，讚👍🏼！…查看更多

「臥虎藏龍」父親節黎到梅窩玩，唔知食乜嘢， OpenRice又冇乜相關食評，所以行過見到樓面乾淨、菜單又幾吸引就入咗去食野。最初叫嘢食都幾保守，因為未食過，諗住求其食就算。叫咗苦瓜倉魚、蒜蓉牛油雞翼、炒蜆同埋蒜蓉炒西蘭花，加埋西瓜特飲（原個迷你西瓜打蓉）。先嚟咗個苦瓜魚同炒蜆，一食就覺得（驚為天人）。忍唔住同老闆講「好好味」。絕對唔似「餐廳仔」嘅質素。食咁多樣嘢都係＄400。下次一定大膽再叫炒蟹等貴啲嘅嘢。因為其實係個廚師煮野煮得真係好好味。…查看更多

行山行到去梅窩, 搵食都係一種樂趣。今次同舒生及大咪來到這個地方, 人生路不熟, 所以見有位, 價錢又OK, 就入去食一個late lunch!這一間「幾好」都幾多人食, 因為就眼所見, 都七八成full!當時已是下午三時左右了。燒鴨飯 HKD 43.00因為太耐無食燒鴨, 所以我覺得好好味。雖然燒鴨很多都是得皮及骨, 但味道真的正!行了數小時山, 流了一身汗, 當然整個飯都食晒!我揀了咖啡, 但後悔了!因為咖啡不太好飲, 好少奶, 很稀。大咪點的魚香茄子飯 HKD 43.00佢話都OK, 而且又是整個飯食完, 一點都不浪費!最後是舒生點的乾炒牛河 HKD 43.00這個份量十足, 但還是被KO了!可想而知, 我們都是數碼暴龍!最近因為家事, 而沒有辦法行山, 真是太可惜了!希望來年2018年, 能夠抽出更多的時間, 去欣賞更多的大自然景色!…查看更多

經常來大嶼山，但第一次試這間餐館，見人頗算多，便嘗試一下....Order 了豉椒炒顯味道還好，可惜炒蜆非常多沙... 每一隻都有,仲要係大粒，下次一定不會再order... 還有咖哩鴨飯味道不錯…查看更多