幸·會

营业中

休息中

好耐沒有來到這區，原本打算去海旁找一找食店，後來見到條街太多人，於是同朋友決定行返入細街找找一些小店來支持一下. 今次能夠吸引到我入去係因為沙薑雞飯，真係好耐都冇食過. 估唔價錢咁抵，不只是得雞和飯，賣相精緻，仲有2個小配菜和半隻糖心蛋，真係用心製作，朋友要了一個娘惹咖喱豬頸肉飯，豬頸肉爽口，個汁不辣好好,配飯一流，好味到要加飯👍😄年輕老闆亦自動問客人飲品意見，絕對不會敷衍客人. 真係直得支持，會再度光顧.

偶爾來到堅尼地城，繞來繞去，不知道想吃什麼，走到厚和街時，被店名吸引，便走入看看。店裏播放輕柔音樂，氣氛溫暖，甫進去便得到2位店長親切的招呼，就像店裏寫着，真的有家的感覺。我點了口水雞飯，對我來說辣度恰到好處，而且有我喜歡的「麻」的感覺。有青瓜絲墊底，口水雞也很大份，令我驚喜的是厚切口水雞件已處理成無骨的狀態，入口啖啖肉，配合醬汁，一流享受！隨飯也送麥茶，可選冷熱，也好喝。可惜本身不是住在堅尼地城，也不是在這邊工作，不然我一定會常去。推薦大家支持。

開張不久已經想寫一則食評支持一下，但原來最近先開始登陸此平台。小小店舖由一個親切大男孩很用心去煮理，有時更全店一腳踢，雖然每天只供應幾款食品，這就可以更用心更集中去好，已經試過豬軟骨，鹵肉，蔥蔥雞，燒牛肉等……，尤其喜愛豬軟骨，軟淋入味，配菜的蘿蔔更美味，不得不提一下跟餐小食，絕不馬虎，牛蒡，蕃茄，小露笋，蘿蔔都出色。

其實已經食過幾次但一路都的唔起心肝寫下食評我搬咗入k town半年，見到呢區真係有劣幣驅逐良幣嘅情況開到周圍都係大陸嘢而幸·會我覺得算係k town嘅良幣，好嘢嚟佢哋成個menu都幾出色，食得出係有用心做兩位店長都係好nice好有禮貌嘅人講下今次食嘅川味口水雞我本身唔食辣(譚仔食清湯)，但之前見人食得好開心，又想試下個雞食落係好香，同埋佢唔係話真係好辣，但係係好麻我會形容係食完個嘴好似睇電視睇雪花咁鍾意麻辣嘅人真係必食順帶一提係佢哋嘅前菜，每次食都係唔同款嘅(某程度上我每次都會期待)最深刻嘅係有個柚子梨，勁好食其他菜式好似招牌嘅蔥蔥蔥去骨雞，同埋佢有個雞湯都係高質但我冇相喺手，建議大家去試下

好可愛又溫馨嘅小店，菜色都充滿年輕老闆嘅創作熱誠同小巧思 ：）咖哩牛舌彈牙得來一咬就斷嘅感覺真係超正~ 💕 咖喱汁入面各種香料濃郁又配搭到恰到好處，簡直係「白飯殺手」 🤩日式豬軟骨一入口就充斥鮮甜又濃厚嘅風味！♨️豬軟骨燉到入晒味，但仍保留微微脆嘅口感; 蘿蔔更加係點睛之筆，醬汁嘅甘甜令蘿蔔本身嘅甜味無限放大，入口輕輕一抿就溶化嘅口感真係由味蕾療癒到入心~ 整體就好似日式家庭料理一樣咁溫暖~ 🥰前菜嘅醃番茄仔亦超級有驚喜喔！舌尖一接觸便嘗到一絲冰冰涼涼嘅香甜，咬開後隨即溢出一股淡淡嘅梅香及花香 🌸，酸酸甜甜嘅爆汁感覺真係一食就愛上。味覺上嘅精巧設計、層次之豐富，話佢係一道精緻嘅甜品亦不為過~ 驚喜程度爆燈! 大推~