影片
舖头鲷鱼烧系即叫即整🐟，系OpenRice落单唔洗等咁耐，去到拎都好多人排队。😵💫😵💫我叫左红豆传统鲷鱼烧，即整真系好香好脆，又热辣辣，多到爆既红豆馅真系好满足！🤤🤤食一个都半我都够饱🤭🤭红豆鲷鱼烧（$25）🐟下次试试自家制牛乳吉士味先☺️自家制牛乳吉士鲷鱼烧($28）🐟之后问店员如果唔想等佢地都有小量即日整定既鲷鱼烧，可以买番去叮番热佢。🤭🤭🤭加$5有麻薯呀🤤🤤
继续阅读
呢间舖近天桥位，有时经过新商场都见到，最近终于第一次食 我叫咗酥皮黑糖麻糬鲷鱼烧 。大概三、四组客人等紧，最后等咗10分钟拎上手热辣辣，店员几nice，提醒我要小心烫口咬咗一啖，黑糖味好鲜明，苦苦甜甜，味道好好！麻糬好大旧，可能加热咗，所以口感比较偏水，唔算好烟韧，食落几得意成块三十几蚊，食完唔会好济，都算抵食 。食落其实同平常嘅鲷鱼烧完全唔同，反而比较似黑糖布甸+酥皮，真系几特别～下次再试试传统皮，富良野牛乳都好似几正！
继续阅读
第一次食！系新新地既加点商场，位置唔近地铁站，其实就唔太方便，但想试下，就特登行过去。元朗西铁站都要再行起码5分钟有多先到。去到冇人，铺头细细，但一落桥就到。橱窗前放左几款鲷鱼烧，多d 款式就可以系落单位置有个menu见到。传统鲷鱼烧同酥皮鲷鱼烧各叫左一个，一咸一甜。等左15分钟左右，就有得拎。见到佢系橱窗拎左个红豆入去翻热，都有d 担心唔系即叫即整会唔会冇咁好食，但食左之后就发觉多虑了！首先我拎住两个鲷鱼烧都唔系即食，拎左15分钟返左屋企先慢慢食。 依然系热，同埋香脆。红豆鲷鱼烧外脆内软，但软得黎有d 烟韧口感，食到最后有少少偏湿，但唔太影响味道。红豆大粒，甜度我自己觉得刚好。明太子芝士竹轮，口感更酥脆香口。明太子比例上唔多，但反而唔会变到太咸太抢味，芝士唔系熔哂流出黎个种，系比较有咬口，整体都好唔错，但价钱就比红豆贵double😂。店主都有礼，仲提我如果唔想等太耐，下次可以电话order 左先。等候期间都有三四个客人黎买，但可能当时铺面得店主一个，佢入左去整野，铺面落单位冇人，所以最后有位先生企左阵见冇人又冇出声就走左。等个阵发觉左上呢幅人生地图几有趣，有时间大家都可以望下。
继续阅读
等咗好耐，终于喺元朗重开啦！今次都系食最钟意嘅十胜红豆麻糬酥皮，我唔钟意太甜，但呢个红豆嘅甜度啱啱好，麻糬都够QQ。同行朋友第一次食，佢就唔多钟意食甜品嘅，试咗明太子芝士竹轮酥皮，都觉得好食，佢话再多啲芝士就更加好。都仲系有得加配冷泡茶，今次试个新口味，茶甘同红豆嘅甜，都几夹。新舖装修都有心思嘅，继续有life map，而舖头正面仲有一块「航班显示牌」，有啲去旅行feel呀！舖面都系细，虽然有2个位坐，不过都有啲逼，所以都系行2步入商场凉住冷气等。
继续阅读
自家制牛乳吉士鲷鱼烧🐟🐟🐟之前见foodie介绍完之后，有特登去大角咀食过，好好食有去咗日本既感觉☺️☺️ 之后佢哋突然冇做 ，香港周围都食唔返传统皮鲷鱼烧既味道🥲🥲🥲前排行行下街发现竟然开咗系屋企附近既新商场！！梗系即刻要试下！！味道不变，自家制牛乳吉士依然好香唔甜好好味😋😋😋 之前系大角咀食过明太子芝士竹轮酥皮鲷鱼烧都好好食，不过今次食完饭太饱试唔到其他口味🙈，下次再继续试其他口味。
继续阅读
您可能会有兴趣的...