幸腹滿屋日本料理

公司樓下嘅餐廳，午市經常爆滿，就同個朋友夜晚黎食啦！呢間餐廳門面係睇唔到入面嘅，好神秘。餐廳入面唔算大間，晚飯時間嘅人客都唔算多。我同朋友就揀咗一個四人卡位坐。冷喬麥麵（$78）✨我叫嘅喬麥麵係用一個裝滿咗冰嘅大盆裝住嘅，上面擺咗個竹蓆隔住，放咗啡色嘅喬麥麵同一啲紫菜喺面頭。凍嘅喬麥麵好好食，一齊上嘅仲有麵汁、蔥、鵪鶉蛋。冰凍嘅喬麥麵加上室温嘅汁唔止更易入口，仲豐富咗佢嘅味道。加埋蔥同鵪鶉蛋就更香。呢個我會比4.5/5分，如果夏天先黎食就更正啦～立魚豆腐湯（$88)✨朋友叫咗立魚豆腐湯，入面嘅材料非常豐富，絕對真材實料。除咗立魚塊之外，仲有粉絲、菜、豆腐。好鮮甜好好味。4.5/5分！海鰻長卷（$78）✨之後就係我最愛嘅一樣嘢食——海鰻長卷。顧名思義，佢就係鰻魚壽司啦。但佢唔係普通嘅鰻魚壽司，唔係普通嘅壽司飯、紫菜加鰻魚。佢係一個壽司卷，入面有蟹柳、青瓜同玉子，然後再加上面嘅鰻魚。鰻魚仲非常肥美，十分正。5/5，爆分！…查看更多

#fafafoodblog #fafafoodblog日本菜 #fafafoodblog荔枝角🍴滑蛋雞肉飯 98 蚊🥚🍚外表其實成堆野甘 但食落好有驚喜 首先蛋整得好香滑 連埋紫菜 加左少少脆口感 洋葱幾香甜爽口 雞扒 大細適中 👍🏻口感彈牙 佢既醬汁豉油味偏甜 十分唔錯🍴雜錦魚生飯180 蚊 🐟魚生好多好豐富 香滑海脆 肉味濃既赤身 juicy既魚子 鮮甜帶子同甜蝦🦐 肥味左口魚 仲有三文魚 馬刀魚 油甘魚等等 壽司飯都幾有口感🍚 撈埋豉油同少量 wasabi好味👍🏻#魚生 #刺身 #三文魚 #雞飯 #炒蛋 #日本菜Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#幸腹滿屋日本料理 荔枝角長沙灣道912 至914 號 時信中心地下 1 號鋪~~~~~~~~~~~~…查看更多

朋友之前介紹我食呢間魚生丼，見今日咁岩經過荔枝角，一於試下佢！門面都幾隱蔽，一唔覺意其實好容易走過龍，建議店員可以擺多啲招牌，令門面明顯少少～講返呢度價錢，價錢唔算平，走中價日本料理路線呢個雜錦丼真係不得了😻有齊哂我最鍾意既吞拿魚蓉、三文魚子，最緊要係有埋海膽！！！全部用料都好新鮮，解雪技巧好🤓加埋一只係$180，有丼飯、前菜同麵豉湯，以呢個質素黎講，價錢算不錯～總括來講，如果呢度經過呢邊，可以試一試，但就冇必要特登過嚟幫襯啦！.👅好食：⭐️⭐️⭐️⭐️⭐️💰抵食：⭐️⭐️⭐️⭐️🖼環境：⭐️⭐️⭐️⭐️⭐️🙇🏻‍♀️服務：⭐️⭐️⭐️⭐️⭐️（最高為五粒星）…查看更多

同個好耐無見既朋友聚聚舊想搵間近地鐵站既餐廳~見到荔枝角依間日本菜只離mtr幾分鐘就過來試試了餐廳有種家庭料理既感覺裝修好有日式感平日既晚上客人不多完全唔洗等位menu上有好幾款食物都寫不供應有點可惜～不過定價合理幾抵食我地叫左一款卷物、一款小食同一個飯✨明太子玉子燒 $68鬆軟既蛋卷夾住好多明太子鹹鹹地既明太子同蛋卷好夾～✨海鰻長卷 $78一客有6件而且海鰻夠新鮮！食完佢都飽飽地啦✨和風燒牛肉飯$108蔬菜同肉既份量都好多牛肉汁送飯一流~飯餐仲有冷盤同麵豉湯送…查看更多

唔可以話難食一般一百蚊水平賣二百蚊牛肉鍋得個咸字，刺身飯唔係話唔新鮮，好過放題果啲咁囉。味噌湯，普通日本餐廳果啲，呢個價錢，我expect 係自己煲落真味噌果隻。…查看更多

呢間「幸腹滿屋日本料理」，好近港鐵站，係荔枝角C出口，上到地面過對面馬路，直行見到門口有個日式燈籠🏮個門口推開厚厚實實既大門口就係ga la😂呢頭日式料理唔太多，所以呢間幸腹滿屋既店主都好幸福，日日lunch都好爆🤣呢度既set lunch餐飲熱既先可以order奶茶、咖啡、檸茶、檸水；而凍飲就得罐裝飲品，都試過熱飲無茶底😅食物呢set lunch都有魚生飯、刺身、拉麵、日式定食，最近多左「日式便當」，但呢款便當都唔平架，要$1xx，有沙律前菜、刺身、金菇牛肉卷，同白飯，份量都好夠飽既，味道就一般般無咩特喇，收呢個價錢，CP值就有dd落差la🥺…查看更多

老婆同我都係荔枝角返工, 是日為結婚週年記念, 想搵間好食又抵食嘅日本壽司店, 價性比最高就係依間幸腹滿屋, 是晚一試係值得一試嘅：廣島生蠔刺身蠔肥大肉厚, 鮮甜, 有蠔味, 但海水味唔重, creamy, 酸汁唔太酸偏辣, 好吃。牡丹蝦刺身好甜, 熔雪處理做得好好, 肉質彈牙爽口, 蝦子甘甜, 配合得宜, 好吃。炸牡丹蝦頭炸得剛好, 脆卜卜, 鹽花比例剛好, 好吃。秋刀魚刺身10-12係秋刀魚最靚嘅日子, 剛晚嘅秋刀魚肥美, 肉甜, 師傳刀工好好秋刀魚多細骨, 佢起得好仔細刀法利落, ,配酸汁同吃絶品！炸秋刀魚尾秋刀魚二食, 炸剛好, 脆卜卜, 鹽巴落得適宜, 好吃。赤貝刺身新鮮貨, 好吃, 肉質爽脆, 食味鮮甜。海膽壽司當晚係北海道赤海膽, creamy, 好甜, 海膽分量好多, 紫菜係有烘過, 脆口, 好吃。金龍卷其實係加洲卷改版, 有蝦肉, 食味豐富, 蟹籽, 玉子, 熟蝦配合得宜, 同樣好吃。蟹籽魷魚魷魚唔粉, 新鮮貨, 爽口, 鮮甜, 好吃。燒玉子一般般, 正正常常, 唔會死實, 上枱時係熱辣辣嘅。牛旁麵豉湯唔太鹹, 足料炸大蔥唔淋油, 內裡蔥件還清新爽口有辛辣味, 好吃。免治雞肉串日本蛋好香蛋味, 免治雞肉串內有雞軟骨, 有增口感, 好吃。當晚訂枱時我係特等同店員講話想座BAR位同係結婚記念日, 佢哋特別安排留返啲新鮮貨俾我哋先可以咁好食。埋單960, 食咁多靚貨, 係好抵食。…查看更多

本身呢日lunch約好左食韓食，點知老細臨食lunch先發神經話要改report既cal數method，邊有可能15分鐘內重新cal一次兩年既數呢，佢唔食，人地要食架，好無？！遲左成15分鐘先出得門口，勁多人等lift，又要趕住食完返上office再趕數，最後就揀左就腳既日式料理食lunch set，但呢日既餐茶係無茶既，因為無茶底，熱飲得檸水同咖啡。咖知係咪生意唔好定咩原因呢，個角切魚生飯，越黎越少魚生粒☹️另外一款熱食牛肉定食，賣相同味道都okay架，但就等左成半粒鐘以上😔…查看更多

之前都去過一兩次呢間餐廳，不過都係食定食，所以今次就決定試下佢d魚生飯。一行兩人lunch去食，我朋友叫左個三文魚飯，我叫左個吞拿魚腩蓉飯。朋友個三文魚飯就唔方便評論，因為我無食，只係見到賣相都唔錯。每一個套餐都會包一個salad，一個湯同埋一杯熱飲。上菜既速度都好快，賣相都幾靚幾吸引。我習慣將wasabi+豉油倒落飯度一齊攪拌食，開頭都幾好唔錯，吞拿魚腩都算新鮮同幾肥。不過食到最後幾啖就會感覺飯唔太夠，幾啖都淨係食緊魚蓉。份量唔算大，我自己本身唔肚餓都可以輕易食曬，不過之後3點幾4點就會感覺想再食野。坐位方面都十分舒適，同朋友傾下計都幾理想，不過當滿座既時候就會有少少熱。埋單兩個人大概170，我覺得價錢偏貴，但係都會間唔中去食下，唔錯，可以一試。…查看更多

今日苦惱緊Lunch食咩野既時候，有位Foodie既同事向我推介依間餐廳。一點半左右到達，食客唔算多餐廳環境都幾寬敞，一坐低侍應就送上熱水，態度唔錯！Lunch Menu足足有四十款以上，都幾多選擇，最後我揀左日式牛肉鍋定食。每份定食都配有沙律同味噌湯，十分鐘左右就送上熱辣辣既牛肉鍋，見到有一隻生蛋打左係上面，鍋既餘熱足夠整熟隻雞蛋，牛肉質素唔錯，唔係一般食落鞋口既牛，最欣賞佢既壽喜燒湯底唔會太甜太鹹，成件事食落好舒服，味道亦都好好，再配埋白飯，簡直一流。最美中不足係佢既價錢，以荔枝角餐廳午市黎講係偏貴，但算係對得住知價錢！…查看更多

同事話日日返工都會路過呢間食店，由於今日太熱大家都唔想行太遠，終於都搵到著口入黎試下呢間日本料理「幸腹滿屋」。裝修格調都係一般日式小店差唔多，木枱木椅細細張勁慳位feel。Lunch Menu都多款式揀，揀到最後要2選1:日式牛肉鍋定食 or 角切魚生飯？！由於未試過呢間食店怕魚生唔新鮮，最後都係穩陣d揀左熟食牛肉鍋。前菜沙律好fresh，味噌湯not my cup of soup無飲到，牛肉鍋份量好多，肉質剛剛好唔硬好夠味，餐茶都係港式奶茶feel，整體感覺all pass 👍🏻…查看更多

呢間餐廳門面好隱蔽，如果唔係喺附近返工，都好難察覺。同埋呢間餐廳最好一定要預約，如果唔係wall-in好難有位。今日同班同事出去食lunch，我就叫咗個泡菜豬肉定食。呢個餐包括左湯、沙律、一杯餐飲、泡菜炒豬肉同埋白飯。湯呢就唔算好鹹，沙律就普普通通好正常。泡菜唔算好鹹同埋辣，豬肉片係簿切嘅，好入味。…查看更多

今次已經第四至五次幫襯, 一次俾一次差, 一次比一次貴, 明明已過哂食飯繁忙時間冇咩客, 二人去食, 點都唔肯俾我地坐大堂四人位, 入坐時有2-3張四人空台的, 每次都因為是2人便硬要編你去走廊廚房出入口, 如果是爆場的話, 我覺得冇問題囉, 但明明很多位, 硬要你坐超級衰既位, 從一既然98蚊加1既SET, 加了很多次, 今次變了$148+1 但質素沒改進之餘, 壽司上的魚生變了薄切, 朋友吃魚生飯, 魚生當然都是超薄切幾片, 飯非常硬同痴埋一舊, 也許想顯示刀功吧?  從前午餐的飲品可選罐裝汽水, 現在加$4才有.  附近D2裔場日本餐廳價錢差不多但質量和服務好很多. 以為都冇可能再幫襯呢間野. …查看更多

同事們話未試過幸腹，又同佢地癲下！黎親都係叫呢個飯，之前飯量同刺身量都好勁下...對比下差左！當然刺身都仲係好新鮮既！但 CP 值已經冇咁高！明明之前件拖羅係厚，依家薄如紙！…查看更多

想嚟食魚生丼好耐，今日係附近睇完醫生，順道醫埋個肚。😁可能正值午飯時段，佢問我有冇訂位🤨冇呀！好彩有兩個位，連埋我地全場滿座。午餐選擇都幾多，除魚生飯定食外還有壽司、鰻魚飯、拉麵。今日係為魚生而來，所以點咗兩個魚生飯定食。鮑魚海鮮飯定食珍寶魚生飯嘩！魚生鋪滿飯面，分量十足，而且每樣食材都好新鮮冇腥味，蝦好大隻、帶子、三文魚非常嫩滑甘甜，隻鮑魚入味又爽口彈牙。今日食到咁正嘅魚生，感覺好幸福。但我個人唔太喜歡壽司醋，覺得啲飯偏酸，食到條脷嚡拾拾😖個餐包麵豉湯和沙律，湯味道較淡，內有海帶和滑滑豆腐，沙律Ok但好細兜。餐飲點咗咖啡、奶茶～有生以來飲過最淡嘅咖啡🤨…查看更多