幸福四季椰子雞 (譽發廣場)

之前食过铜锣湾 ，味道ok 但偏贵，咁铜记佢地服务几好既，贵少少都唔紧要。今次见岩时间，约左朋友5点，仲有配料七折，谂住再去试下油麻地分店。点知即日下午两点几，经理打来话呢个优惠只限六点前离座，叫我地早啲黎，否则只有一小时用餐时间。但如果我早到，我便不用订五点了吧？ 我打开openriceAPP 谂住同经理对下条款，但openrice 的优惠真系无写，唔系我地无睇清楚。经理话佢地一向系咁样offer 所以先会打电话过黎。最后争论左几分钟，我表明未能早到，及距离订枱时间只余下2.5小时没有预留足够的时间再安排，你地有时限要求应该系优惠详情讲清楚。最后佢愿意offer返6点前埋单 ，但唔需要即时离座既offer。但态度已经同一开始好唔同，有啲串咁话我地收十一点半，而且话条款有一句餐厅保留最终决定权。Fine, 咁即系你随时又改都OK，咁又何必再讨论。其实，如果系openrice写清楚，我地决定订座前时就会将呢个时间一并考虑。 优惠唔系餐厅第一日推出，公司有好多时间调整，讲清楚要求。佢唔写清楚，好似就系想引你订座，再吸引啲唔想麻烦嘅人唔改Booking。人均消费都预左$300-400，咁既餐厅我同朋友都唔会再㨂，未去食已经食饱气 。 最终我地都系取消左订位，以后都唔想再去。…查看更多

超好服务水准，店长姐姐好好招呼，每位同事极有礼貌，野食次次都keep 到高质素，系我经常返寻味既原因，系香港食椰子鸡既必然首选。400蚊食到超越内地质素，平日唔驶下下一上一落，留香港消费要紧，港人撑港店。推荐美食数到海鲜鱼三宝，脆骨鲩+鳝片+龙趸片，绝对系街市既新鲜质素，渌半分钟左右捞起，鱼油鱼香无鱼腥味，$188每款5片，唔驶自己处理，整好哂上台，放心食用第一次食推荐去邻住买 买套餐 非常抵食食野要食好质素 呢间交足功课…查看更多

今次系我哋两个，第二次嚟食，两次都系叫咗原味椰子鸡锅(半只),主要系用咗原只椰子汁加肉一齐做汤底，非常清甜可口，配埋呢个文昌鸡，够晒滑溜，简直一流。唔食就走宝啦。仲升级咗二人煲仔饭添，非常好味，又有蕉㶶底，味道一流😋😋😋。我会再帮衬😊😊…查看更多

在openrice上找到这家店，油麻地誉发广场三楼，使用OPENRICE PAY有8.8/折优惠，初感觉抵食，但吃过食物以后更认为食物跟价格，是非常抵食。2/人套餐$318/位椰子鸡汤用纯椰子水，汤底清甜 。文昌鸡嫩滑，店员提醒先饮汤，后食鸡配合青桔仔+沙姜+小米辣更野味四色手打丸，明显用新鲜吃材，跟预制食物不一样，全手工，仲有现煲腊味饭，饭焦野味。自家制雪梨茶，有冻有热，甜品椰子奶冻更加划上幸福句号…查看更多

之前系网上见到知名艺人推介，所以嚟试下个4人餐，有椰子鸡汤，1只文昌鸡，2款小食，2份牛肉，1份虾滑，1份墨鱼滑，1份即炸鱼皮，1份肉丸，1份鱼片（有龙趸片，脆鲩片及鳝片），1份韮菜饺，一酌自家煲雪梨茶，仲有甜品。椰子鸡汤好清甜，即时放两个椰子水入汤，加埋鸡入去煲，饮左两碗，好味。牛肉渌一渌就食得，爽不韧。虾滑同墨鱼滑弹牙，足料。最钟意食即炸鱼皮，够热够大份，好鬼脆，我地4条友争住食。韮菜饺自家包，皮薄韮菜多，涨卜卜，好可爱。龙趸片够厚身，脆鲩片同鳝片够薄但唔会散。牛肉花胶丸入面真系有花胶，女士靓靓恩物。佢地个雪梨水够清甜，打边炉饮一流。女经理服务一流，成日走嚟走去招呼各枱客人。refill鸡汤够快，个炉够晒热度快滚，仲要冇限时，冇人走嚟清晒我枱，等我地食得好写意，慢慢倾偈都冇问题。会再嚟Encore。…查看更多