幸匠燒 (海運大廈)

营业中

休息中

因為有幾張海港城coupon揀咗呢間試試，平時都唔捨得去食🤭午餐時間有Lunch set，附前菜、御飯同味噌湯可以+$10御飯升級至：稻庭烏冬或溫泉蛋飯前菜係蟹子沙律，菜新鮮，分量適中味噌湯好多腐皮圈圈，濃郁夠味今日叫咗兩個set，都會附送埋一碟小小漬物👉🏾極上牛舌丼👅牛舌鋪滿飯嘅表面，上面再灑咗啲木魚絲，賣相100分下面淹沒咗隻溫泉蛋，影佢唔到🥚牛舌係薄切嘅，食落會無咁漏又爽口而且燒得香口，唔乾身，唔錯👍🏻👉🏾幸の刺身丼🍱三文魚籽•油甘魚•赤海蝦係必有嘅另外有時令直送兩品，今日係赤身&吞拿魚蓉油甘魚，赤身，赤海蝦都好新鮮尤其赤海蝦，肉厚爽口，蝦頭嘅蝦膏都好鮮甜三文魚籽應該有兩匙羹咁多，入口之後爆開嘅感覺好治癒☺️☺️☺️食到最後仲有咖啡蛋糕仔做甜品但無咩特別，可以skip咗佢🤪總結💭💭成個lunch set食晒都好飽計埋佢嘅環境同海景，午餐都值得去試吓

黎到海港城食飯 要揀靚景餐廳 係海運大廈有唔少選擇～今晚揀左間食日式串燒主打既餐廳用膳🥢我地揀左$888 二人前套餐 套餐有前菜、小食、刺身、蔬菜、串燒、主食、甜品～淨係主食要二揀一 其他都跟menu set好晒😋好幸運book到窗邊位 係望全維港景 好正 去到8pm仲可以一邊食野一邊觀賞幻彩詠香江🌃薄切白魚🐟清甜口感略帶微甜😋食入口既時候有少少回甘 令到口腔圍繞住清香清甜既氛圍 非常適合作為前菜的刺身👍🏼牛舌👅熟成度剛剛好 外表燒得十分香口🤤咬落去熟度同堅韌度把握得剛剛好 👍🏼唔會太硬又唔會太淋 而且牛肉的香味濃度高 咬落去既時候 即刻散發住濃濃牛香味道😆鰻魚飯🍱食完串燒同前菜都已經有六成飽 再食埋鰻魚飯就岩岩好 鰻魚有兩件 配埋蛋絲同紫菜再加日本米飯一齊食 簡直係一個完美既配搭👏🏼鰻魚都燒得好香 如果鰻魚汁可以再多少少就更加好啦～整體黎講食物質素 服務質素同埋環境都好好👍🏼仲有露台可以出去欣賞維港景觀～唯獨可以改善係上菜既速度😇幸匠燒 (尖沙咀)尖沙咀廣東道3-27號海港城海運大廈4樓OTE402號舖

星期六約左朋友去海港城行街，之前仲有幾張卷，揀咗一間吃日式串燒好出名的居酒屋幸匠燒第一次去比個無敵海景吸引，服務員帶我地去了卡位，風景真系好正！整間店的裝修模仿日本的鳥居，坐低點了一個二人套餐再加幾樣燒物，一邊傾計一邊望住海景，人生一大樂事❤️沙律丼飯都唔錯，燒物即叫即做，啱啱燒出黎熱辣辣吃好好味，我和朋友都讚不絕口，推薦招牌福岡豚肉草莓卷，牛舌和雞軟骨，好似置身於日本🇯🇵下次有機會再試一試其他燒物

刺生質素好一般，拖羅及油甘魚刺生都有筋，帆立貝欠鮮甜！所謂的嚴選牛排都只係正常，完全稱不上”正”! 總括而言有失所望！幸好環境氣氛可以幫手爭取一點分數，否則全軍覆沒

呢排疫症反覆係咁升，攪到冇乜想話約人出街。聖誕期間，一約就一大班總有幾個唔識，出去都冇所謂，一齊食飯就免得過都唔會了。如是者成個假期屋企休息同埋只探屋企人。我哋相約在尖沙嘴行陣街買下野，再去食串燒。由於有小朋友，所以都會選擇好坐而洗手間又企理嘅餐廳，所以選咗嚟呢度。訂左6點早啲食怕人多。前菜～太咸雞心同腎串燒～第一次食心係切到薄片，份量少亦少左口感，但雞腎唔錯。雞膝軟骨～叫四串但只嚟兩串，不過燒得幾好。香港冇乜地方有雞胸軟骨，有就更正。炸豬扒黑松露蛋飯～要求佢蛋要熟啲因為俾小朋友食，alter左佢所以comment唔到佢蛋滑唔滑，但黑松露就好香。燒雞翼～燒得好好，所以encore多兩串青椒仔～比平時食嘅大隻，唔係平時食開嗰種，不過都好食。天婦羅～我試左蠔同唔記得乜菜，正常。佢係每人有一個汁，幾好唔洗用同一個。草莓豚肉卷～第一次試，學得荔枝豚肉好食啲。酒盗芝士～成份係買返嚟放在同一個盤上，所以唔係餐廳煮，送酒一流，不過好細份。鴨肝鰻魚丼～好食嘅燒多春魚～得兩條我冇試。難得出去食緊係要飲返杯啦。

因為coupon仲有兩日就過期了，所以就快手用埋佢。我哋揀咗幸.匠燒來試吓。平時見呢間餐廳口碑都唔錯，我哋見午餐性價比什高。我哋係食午餐的，大約中午1點到餐廳，好快職員就安排我哋入座。餐廳環境以和式風格設計，好似去日本的感覺我哋叫咗2個定食，套餐包括一個沙律前菜。嚟得幸.匠燒梗係要試吓出名嘅串燒，所以我叫咗份幸之盛，裡面包括雞翼，和牛，月豕肉，雞肉，雞軟骨，香菇，翠玉瓜。我覺得雞翼和和牛係最好味的，香脆可口之餘而且保留肉汁鮮甜。其他都燒得唔錯，全部都好評。鹽燒牛扒肉味香濃入口即溶，令人難忘。最後仲有個小甜品，咖啡味蛋糕，味道就一般

因為有優惠，我姊提前為我慶祝生日，網上訂座及預付了２人前廚師發辦，包括以下的：#前菜兩品：蕃茄、海藻，都是開胃菜，不錯。#刺身三品：帶子、油甘魚、赤身，３樣都新鮮，yummy！#小食併盤：南蠻炸雞、南蠻炸池魚，雞塊juicy；炸池魚香囗，兩樣都好味！#燒時令海鮮兩品：生蠔和大蝦，生蠔有鮮味，大蝦淡而無味(忘了調味！？)#串燒兩品：牛舌和紫蘇雞肉串，牛舌有點韌，失望！雞肉串juicy，好味！#天婦羅三品：大蝦、蕃薯、南瓜，葷素搭配，不錯。#香脆豬脾伴焦糖菠蘿：本餐亮點，豬脾皮脆肉嫩，不油膩；焦糖菠蘿好好味！#鰻魚飯：鰻魚不夠肥美。#豆乳咖哩烏冬：烏冬有勁度，挺好吃的。#甜品：開心果雪糕併紅豆抹茶蕨餅，好好味，滿足！餐廳送上朱古力慕絲蛋糕１塊，甜而不膩，已經好飽，但也吃得下。總體滿意的用餐體驗。

一直都認為，買呢啲Package 都唔會有好多嘢食同埋抱住一半一半的心態，但居然有意外驚喜，服務態度友善，質量唔錯，仲要好飽，忘記了仲有個維多利亞夜景陪住你，我很少留言，但覺得要鼓勵一下，加油！P.s 駕駛人士，車駛到最後一落車就到，好近唔駛行😂

終於等到秋天，一心唸住嚟食秋刀魚剌身，點知坐低侍應話賣晒，心情即時跌落谷底；多謝經理幫手問多次，原來啱啱到貨，即時點咗一條，好新鮮！另外，又叫咗二人剌身拼盤，全部厚切。呢度串燒同其他專門串燒店比未必第一，不過，呢度有刺身同和食選擇，種類比較多元化，啱貪心嘅人。最緊要係枱椅唔會細細張，又唔嘈，十分舒適，今晚六點多D到，天色慢慢黑，中環夜景真係冇得彈！感覺價錢比一般居酒屋略高，但食物質素、環境同服務俾返足。

今日到訪海港城吃日式串燒午餐。午餐有十款，除串燒外還有其他日式午餐如剌身、鰻魚飯不等，價格由$208-$348。幸之盛$308先送上豆腐沙律，豆腐香滑，沙律用日式沙律汁，味道比較清爽和淡口。串燒共有六串：和牛串、和牛舌串、雞肉長蔥燒、燒車厘茄、燒翠肉瓜、露筍豚肉串和牛燒得幾香口，肉質軟身，帶一點嚼勁，又有濃濃肉味，味道調到剛剛好，不錯。和牛舌切得夠厚，滿有口感，牛舌口感爽彈脆口，完全唔會韌，充滿油花和脂香，好吃。雞肉燒得香嫩，唔會好乾，加上長蔥的清新氣息，味道比較清爽。燒車厘茄一咬爆汁，味道清甜，配上和牛，又可解膩。燒翠肉瓜十分軟嫩，滿有瓜的清甜味，味道清新輕盈。露筍豚肉串味道不錯。那豚肉帶黑椒風味，豚肉脂香加上黑椒和清甜的露筍，是不錯的配搭白飯十分軟滑，又有飯香；而那面鼓湯味道濃郁，唔會死鹹，帶一點鮮味，幾ok.甜品是芝麻紅豆糯米糍。糯米糍一啖一口，滿有芝麻香，加上香甜的紅豆蓉，和式風味，是ok的。

今晚有朋友請食飯、有食神😋輕談淺唱、朋友發板、揀咗間有無敵維港海景及裝修頗有日式鳥居⛩️形格嘅日式串燒居酒屋、一共點咗九種串燒、分別有：1.）免治雞肉棒 正常發揮、雞肉及蛋夠香濃2.）和牛串燒雖然係厚切、但係一啲都唔會硬唔會癡牙、生熟度啱啱好、非常香3.）燒秋葵正常發揮、只加上七味粉食用4.）燒日本蠔大大隻非常滑口、而且有回香、唔腥5.）白燒活鰻皮脆內軟、魚肉厚切、燒嘅時間啱啱好、正👍6.）山葵雞腿肉雞肉夠厚夠滑、連埋山葵一齊更香口有層次7.）雞肉長蔥燒雞肉夠口夠嫩滑、而且連雞皮+蒽一齊食用非常香口8.）燒絹豆腐外脆內軟滑、正常發揮9.）蘆筍豚肉野菜卷豚肉太薄、平平無奇***好多人覺得有無敵海景、而且舒適用餐環境嘅餐廳一定價值不菲😌但係其實如果大家仔細比較下、此類餐廳其實比好多市面上中價但唔好食嘅餐廳只係高出10%-15%左右🤷🏻‍♂️所以今時今日海景餐廳未必CP值低⋯

海幸 天婦羅盛合 , 熱辣辣 辣漿夠薄夠脆, D 蝦係入面保持鮮嫰彈牙, 露筍同菇勁鮮嫰多汁, 這就是價值所在吧?燒谷飼牛扒嚴選部位 - 肉質幾嫰唔洗再切開或者扯開佢, 可以入口就咁咬得斷, 而且牛味幾重,  正~~~~燒魷魚筒, 燒得幾香, 有少少街邊炭燒魷魚乾果種香味,  大大隻夠肉地口感飽滿而且唔會燒乾晒, 好食。兒家都仲有海港城COUPON 用添。不過之前係消費兩百蚊減一百(超抵) 兒家要消費三百蚊先減得一百, 即刻貴晒無咁抵食LU 

平時講開日本菜，第一下都一定諗起刺身壽司呢啲生既食物🍣，但係日本傳統嘅串燒料理都好值得人去尋覓去試😚呢間居酒屋既串燒質素普遍都獲得大眾嘅好評，我都覺得真係幾好食😋而除左佢嘅料理得到大家既青睞之外，佢既裝修都好特別架，門口以日本鳥居作為隧道，帶領住客人進入餐廳，整個主題以神社為概念，令人有種置身係日本神宮🥰另外佢對住尖沙咀海旁，坐窗邊位置仲可以望到絕美海景添～正呀～✎ 雞皮 幾爽口，落左好多調味料，但有啲鹹😕✎ 明太子雞腿肉有好多明太子醬😍😋雞肉好嫩，有咬口，鹹鹹地👍🏻✎ 谷飼牛扒 有酸醬，沾黎食幾開胃，牛五成熟，幾有口感，肉紅紅地，少少血水🤤✎ 法國鵝肝 表皮燒得夠焦，靭靭地，入面腍身而濕潤，濃郁鵝肝味！👏🏻✎ Sashimi 有五款刺身，款款都好新鮮同夠冰凍🥰✎ 九州槍魷魚燒 呢個真心好食，燒得好香口，表面掃滿醬汁，口感好Q彈，充滿魷魚味！！✎ 露筍野菜卷 露荀爽口，好大條，肉少焦，薄身，食落其實似齋啪露筍😂😂✎ 海之盛 呢個盤有蠔、蝦同元貝。蠔多汁，肥大又嫩滑😘；蝦既殼有鹽，令口沾滿鹽味，再咬開殼，試入面嘅肉個陣，令蝦肉味道更鮮更突岀，蝦肉都好濕潤，食落唔會粉！😋元貝好彈牙，燒得好

市道好返，海港城而家dining coupon只可以$300減$100, 好多餐廳都有加價，食野冇之前咁抵了。不過有coupon總好過冇coupon，同事farewell選擇左黎呢度試，因為佢set lunch都可以用coupon。一嚟到俾佢門口嘅裝飾吸引，鳥居嘅設計成了打卡熱點。餐廳入邊好多窗，就算今日天氣唔好，都好光猛。Set lunch由$208-$348，選擇都幾多。今日我哋叫咗：1）燒谷飼牛扒嚴選部位 $308分量偏西，牛肉亦都好有咬口，個人認為非常唔值得呢個價錢，似出邊$1xx食到嘅貨色2）刺身五品定食 $348有帶子，赤身，油甘魚，蝦，拖羅，各兩件，刺身新鮮，質素幾好嘉欣之後埋單$722，減完coupon實付$522咁嘅價錢我覺得海港城有更好嘅選擇，下次未必會再返嚟。

位於海港城OTE 主打日式燒物同串燒 食物質素的確唔差 每樣都會食到係有用心準備 賣相味道都合格 雖然唔係走抵食路線 但整體絕對對得住價錢 餐廳設計亦加咗鳥居⛩️元素 環境開揚座位寬趟 如果想搵個舒服既地方食串燒 呢個decent版既居酒屋會係好選擇🤟🏻【佐酒小食 𝐬𝐧𝐚𝐜𝐤】· 雞泡魚干 $78 [😋7/10]𝘨𝘳𝘪𝘭𝘭𝘦𝘥 𝘱𝘶𝘧𝘧𝘦𝘳 𝘧𝘪𝘴𝘩飲酒所以叫既小食🍻 煙韌唔腥正常發揮!【燒物 𝐠𝐫𝐢𝐥𝐥𝐞𝐝 𝐝𝐢𝐬𝐡】· 九州槍魷魚燒 $168 ⭐️ [😋8.5/10]𝘫𝘢𝘱𝘢𝘯𝘦𝘴𝘦 𝘴𝘲𝘶𝘪𝘥 非常推介🤩 魷魚彈牙爽口 真係彈 而且好厚身 燒過再有燒汁調味 惹味唔會太鹹 好食!!· 和牛小排 $288 [😋6.9/10]𝘸𝘢𝘨𝘺𝘶 𝘴𝘩𝘰𝘳𝘵 𝘳𝘪𝘣𝘴肉呈粉紅色 係偏瘦既牛小排 質地軟腍唔會乾但會想raw啲多啲肉汁(๑•﹏•)鍾意木魚碎😝 呢個唔差但感覺未去到和牛質素【串燒 𝐬𝐤𝐞𝐰𝐞𝐫】· 雞肉長蔥燒 $92/2pcs ⭐️ [😋7.7/10]𝘤𝘩𝘪𝘤𝘬𝘦𝘯 𝘸/ 𝘭𝘦𝘦𝘬大蔥+雞肉係我好鍾意既combination 大蔥好juicy頗粗亦唔乾 (好難得) 雞肉嫩滑頗厚身 有連雞皮的