幸亭拉麵

麵難食，湯重味噌，食完飲咗好多枝水，口好乾，條行已經空氣唔流通，仲要有幾個人食煙，煙頭食完仲要放碗入面，餃子一般五粒，呢間店就四大粒，難食，唔會再去🚬🚬🚬…查看更多

Counter其實只得幾個位⋯ 午餐時間，冇得坐counter，要坐後巷，摺枱摺櫈～ 睇住後巷d街喉呀，洗碗，等等⋯感覺真唔多好⋯ 冬天還好，夏天唔多妥⋯唯一好，播住日文歌！Menu ~朋友叫既黑亨拉麵。少少中伏既感覺⋯ 極普通。選了濃味，都係好淡味道⋯ 我既黑胡麻拉麵。選了角煮，算入味。但湯底好重味精⋯ 食完要不停飲水⋯加左做餐，有餃子同罐裝汽水。煎的還好，煮的就不要了⋯試過一次就算了～不會再食⋯這個價錢可以有好些的選擇～…查看更多

價錢對比地點同食物質素都還可以，但比佢好嘅大有人在。唔算有特色，配菜都係平時見開一類，木耳蔥一類，紫菜不算脆，湯底係平常貨色...我會比較想去下其他睇下有無驚喜...p.s.:點解呢一種拉麵鋪都咁鐘意加椰菜? 其實我好唔鐘意拉麵裡面有椰菜......但不得不提吧台哥哥們幾親切好有禮貌，所以要加分!…查看更多

其實去幸亭每次都叫拉麵，但今次來到店員介紹了新餐牌多了幾款燒丼種類，拉麵也算出色，不知丼飯味道如何 一於試試。等了十分鐘，終於上枱，賣相非常吸引，平時唔影相的我都要相機食先。無諗過豚肉咁軟滑，肉汁美味。連我平時也不是太喜歡燒物的都覺得非常美味。這家小店又多一樣吸引之處，下次一定介紹朋友一齊來吃。…查看更多

去左灣仔辦完公事，屋企又無飯開，一個人愁緊食乜好之際，見到幸亭拉麵竟然唔多人排隊一於去試下啦。好好彩十分鐘就有得吃了。拉麵湯底主要為豬骨湯底，點菜紙上可以選擇軟硬度，仲可以選擇少油少蔥多蔥，十分細心。今日出完差特別肚餓，所以叫左一碗黑胡麻拉麵及追加拉麵底和一客自家制餃子，拉麵觀感十足至湯底夠濃但又唔會太咸，黑胡麻好香，餃子亦做得相當出色，肉饀相當豐富而且有肉汁，唔錯的選擇。湯底十分出色，必定要試。…查看更多

我從來唔會系開飯喇寫食評但我今次真系好嬲, 午飯時間o黎呢間好多正評o既幸亭拉麵, 諗住實無死喇! 點知就出o左事!! 嗌左個索價$78一人前套餐,叫黑胡麻拉麵,湯底味精極重! 飲左兩啖已經好頸渴! 叉燒又肥! 隻蛋算最正常但得半隻麵條我填左正常,o黎到又係硬彬彬,咁你地比張紙我填o黎做咩o者?? 曬氣喇!!雖然呢個價錢系灣仔o黎講唔貴, 但質素完全唔掂!食完之後心諗系咪我味覺有問題? 間野明明好多正評!重新睇過一次o的食評 發現好多食評都系新手戶口而且只有一篇, 真系好嬲 我都忍唔住開戶口"讚揚"下你地!建議o的人咁得閒開咁多戶口打食評不如花時間改善食物質素喇灣仔有咁多拉麵店鳥x亭同黑x屋都好過佢多多聲!!!唔會再o黎食!…查看更多

舖頭店內只有七至八個座位。可以選擇喺舖頭外，冇冷氣嘅地方坐，好有大排檔氣氛。由於當日落著大雨，加上天氣好熱，所以我都堅持排隊等店內有冷氣嘅位。不過店內都幾迫，要膊頭掂膊頭……(白) 豚骨拉麵湯底幾濃郁，麵有彈性，可以揀叉燒或者係角切豬肉。碗麵其實有一隻溏心蛋，但係個侍應俾漏咗，好彩我發現到，佢先後補番俾我。朋友叫咗一個饅魚飯，因為我對鰻魚麻麻地，所以無試到，但睇落個樣都唔差。根據下面張order單，拉麵同鰻魚飯都係$78，加五蚊可以多餃子一客(兩隻)及汽水,其實都幾抵。 但係張單就顯示，鰻魚飯要$88。 我問個侍應點解個價錢同order紙上面嘅價錢唔同。佢就話鰻魚飯係$88嘅, 我就同佢講成張order紙都搵唔到“$88”嘅字眼，佢係咁同我講唔好意思，不過都係收我$88。 其實$88食個鰻魚丼嚟計，價錢ok，我只係想溫馨提示佢改返好個價錢，唔好再誤導其他人…… …查看更多

6月份有不少生日飯局，其中一日就同朋友去左灣仔吃拉麵，本來想試試神虎，但係朋友又想吃串燒，所以去了幸亭。其實我工作的公司在附近，經常都行過 好想試，但係中午經常都無位。呢次晚上無咁多人，因為坐在出面 所以我地都叫了黑武王冷沾麵，賣相好靚。小吃最值得推介的除了餃子 還有芝士年糕。冷沾麵好清新，麵條爽滑。而燒鰻魚有香味可口。服務親切有禮 地方不算大但好有日本小店味道。…查看更多

每次經過都好想試，這家的店鋪很小感覺好似在日本街頭的拉麵店。大約可坐10-15人 店員也算有禮貌，地方也算乾淨。坐下後我立即order ,我點了一個味噌拉麵湯底，味道都幾鮮甜，最重要個麵底，沒有鹼水味。因為之前吃過的拉麵總有一陣鹼水味，這裡就沒有所以覺得不錯。而且枱面也放了些生蒜和前菜作開胃小吃。…查看更多

兩個人又唔想食太多，突然我又好想食拉麵，於是朋友就陪我去幸亭食拉麵。坐位很少但是很有特色，我點了黑亭拉麵，而我朋友因為想食飯，所以佢點了鰻魚飯。麵來到我很自然地「嘩」了一聲 很香濃的豬骨味，麵條口感比較煙韌 硬度適中，叉燒方面個人比較喜歡半肥瘦令人回味，秘製蒜油很香，而我朋友的鰻魚飯賣相很靚，服務都好有禮貌，值得俾個讚。…查看更多

看這間小店這麼多年來屹立不倒一直都聽說這間幸亭拉麵以特濃豬骨唯主今天終於有時間坐下來細嚐地獄拉麵$78 （3辣）很少會吃到合口味的辣湯底，這個湯底辣度恰恰好適合鐘意吃辣的我，叉燒美味滑口 入口即融的感覺 肥瘦均勻 十分軟滑，而且吃下去非常足夠的肉味。真的是要推介這家小店的拉麵，價錢也比較廉價，可以抽空嚐嚐！…查看更多

工作完畢，「要吃拉麵」這句說話一直掛在口邊，來到灣仔朋友一直推介的幸亭拉麵。最初還是想來一碗湯拉麵，可是敵不過這炎熱的夏天。所以只好點了一碗凍的沾麵，特別在他的沾麵汁也是凍的。和那塊煎香的五花腩肉 香滑可口及凍凍的沾麵汁也非常開胃，流心蛋非常好食。在炎熱的夏天來一碗冷拉麵真的涼透心了。…查看更多

響附近做完野, 見餓餓地就搵野食, 呢間拉麵雖然唔就腳, 但又好多人等, 好奇心之下一於試下先.要左個黑胡麻拉麵, 係豬骨湯底既, 豬骨味濃郁, 夠杰身, 唔會太咸. 而且有淡淡既芝麻味, 唔會搶左豬骨味, 唔錯. 拉麵彈牙夠爽口, 义燒都算幾厚肉飽滿, 唔會太肥, 入口即溶, 口感唔錯.仲有隻流心蛋, 蛋醬爆瀉, 有蛋味. 整體食完無口乾.…查看更多

見假期, 外出走走~ 行行下見到間細細地的拉麵店~ 上網睇下先知原來 來頭不小~ 即刻坐底食~ 叫左個 黑胡麻拉麵, 一口炸雞 , 炸軟殼蟹沙津~落單紙可以選擇湯的濃度，麵身的軟硬度, 可以依個人口味點自己喜歡的拉麵炸軟殼蟹沙津-好有驚喜~ 因為我見到成隻軟殼蟹, 唔係得d腳~x雜菜沙律同軟殼蟹一齊吃，好香口,好爽脆，卻毫不油膩一口炸雞, 炸粉不厚而且不油膩, 雞肉好滑又爽口, 值得一讚最後出場~ 黑胡麻拉麵 加糖心蛋 *重豬骨湯底味加上 胡麻好香, 個湯不太油膩, 麵條夠爽正合我意糖心蛋一流!! 一定要試~…查看更多

和同事每逄星期五都會外出睇下公司附近有咩野食。今次就去左灣仔聯發街。過馬路時見到好大個燈籠應該係拉麵。我們異口同聲都話去試下囉，去到入面得7個位 出面都有位坐，好好財剛剛有人埋單，我地就坐入面，我叫左碗「御品咖哩拉麵」湯底濃淡同拉麵的軟硬都有得選擇，岩晒有要求的我。過一陣，我碗熱呼呼香噴噴的拉麵終於上枱，先飲了啖湯，岩晒重口味的我，再試一口麵，麵質彈牙爽口，難得叉燒唔會太肥之如又唔會鞋口，入口溶化，好味。足料夠大碗。店鋪細細 但製作認真。下次一定會再來…查看更多