平昌

营业中

休息中

見到有d差評，以為會中伏，Vivian勇者本身冇乜期望，食完發現野食唔錯之餘，服務都唔錯，唔明點解d comment講到咁唔好Menu👉🏻👉🏻👉🏻👉🏻（揀左大君御膳😋$251/位） Vivian都算係食過唔少韓燒飲食，呢間真係做得唔錯：首先竟然會有蛋漿店員換燒烤盤都換得好勤力，超愛😍😍野食多選擇，燒烤嘅雞牛豬肉都有，非常推薦呢款：LA牛排，應該係類似牛仔骨，好嫩，而且用嚟燒烤好夾，仲要連海鮮都有，而且冇沙，LA牛排除左燒肉/燒海鮮，仲有湯麵飯，竟然有vivian最愛嘅水冷麵😍野飲任飲

兆萬中心樓上嘅一間韓式燒肉舖頭，呢個位置真係超級方便，食完今次之後我諗以後去旺角行街玩完之後都會幾常嚟呢間舖頭。平時比較少食韓式嘢，不過都幾鍾意韓流嘅影視作品，入到舖頭裏面個環境真係幾似韓劇裏面嘅燒肉店呀😂地方闊落又乾淨，特別係啲員工仲幾細心有禮貌。嗰陣員工見我同朋友手拎住一袋二袋，主動拉啲凳過嚟俾我哋擺低啲個人物品👍🏽 喺呢種價錢貼地嘅餐廳都有咁嘅服務，欣賞放題套餐方面我同朋友食咗個最平嘅 ’大君禦膳‘ 套餐，因為感覺性價比好高，豬牛羊雞海鮮一樣不少，上菜速度快之餘仲有好多熟食小食可以喺燒緊嘅途中食，例如1號芝士、蟹肉薯餅、炒年糕，仲有我好鍾意食嘅辛辣麵😂😂而食燒肉梗係唔少得生菜配燒肉呢個組合，所以蔬菜嘅乾淨新鮮程度好重要。我同朋友嗰晚應該拎咗三盤生菜，每一盤我都望得好仔細，因為驚洗唔乾淨或者有蟲。但我可以同你講呢間舖頭真係洗得好乾淨，每份生菜望落去都好健康新鮮😂👍🏽可以放心食！最後想講多點烤爐外圍嘅蛋漿煮熟咗之後真係好好味！唔夠食可以問店員再拎過

朋友今日午餐想食燒肉所以早兩日book左位嚟食一開門就嚟食肉類方面有各種牛肉豬肉雞肉仲提供已調味同未調味俾你自己選擇除咗有各種肉類可以燒，都有好多嘢食選擇仲會倒嗰邊蛋俾你食，而嗰啲蛋係可以無限fill俾你前菜上咗泡菜生菜可以包住啲燒肉食解膩叫咗海鮮煎餅好香口入面都有魷魚同埋蝦大醬湯都滾熱辣好有韓國風味炒粉絲好香，忍唔住食咗兩碟唔少得嘅仲有水冷麵飲品方面都有唔少選擇，例如有忌廉溝鮮奶一啲韓國嘅梨汁同菠蘿汁值得一提嘅係呢度嘅樽裝水都係韓國牌子嘅如果想食多啲唔同嘅韓式食品呢度嘅燒肉放題都係一個選擇

位於旺角呢間平昌燒肉店，座位寬闊，燒肉爐上面掛有抽油煙吸咀，可以吸走啲油煙，唔會整到好大浸油煙味。睇啱左世子餐，呢個餐最特別之處係可以任食醬油蝦同埋醬油蟹。兩個味道都醃製得好香，尤其是醬油蝦，非常香口之餘又爽脆彈牙。燒肉放題選擇包羅萬有，食咗牛仔骨、豬頸肉、卜卜脆嘅雞軟骨、彈牙雞腎、雞肉串等等，食材正常冇雪味。韓國炒粉絲，唔會太油膩，有啲蘿蔔絲同埋香菇篇等等，味道香香甜甜。辣豆腐海鮮湯，好多唔同嘅海鮮、豆腐同蔬菜，味道香辣啦，份量唔會太多，幾醒味。叫咗好多唔同海鮮，有海蝦、蠔、魷魚同埋帶子等等。蝦同埋帶子都非常爽口彈牙，啱晒鍾意食海鮮嘅朋友。水冷麵叫咗兩次，非常清爽嘅湯底，加埋煙煙韌韌嘅水冷麵，好清新好開胃。

因為太耐冇食過韓國嘢啦，所以今日特登約朋友去旺角食呢間韓國燒烤間舖頭全家都係韓國風嘅裝修，但係如果指數一看就會見到有香港好多特色人物都喺個漫畫入邊，好搞笑雖然係用QR code落嘢食，但係都有張紙本嘅Menu俾我哋做參考，都真係幾多嘢食㗎一坐低就已經有一大碟嘅泡菜、韓式芽菜、仲有生菜自助飲品櫃，讚吓佢都有無糖嘅梳打水同埋凍水供應，啱晒唔飲甜嘢嘅我哋牛肉既選項，我哋叫咗LA牛同辣味烤牛肉乳豬肉我哋就嗌咗豬頸肉同五花腩特別推薦辣味牛肉，用嚟夾生菜超級好食海鮮方面我哋都嗌咗蝦、貝、魷魚、青口等等熟食方面有炸蝦我覺得係幾可以試吓呢個海鮮煎餅好好食，我哋覺得最好嘅食飯就係佢擺上個爐度再煎香最後嗌咗個海鮮辣豆腐湯作結食到好飽好滿足呀🥰🥰

食後感：第一次食韓燒，估唔到依間韓燒店咁多人幫襯，星期一至四幫襯最平個餐（大君set) 都只係$228（需+10%），埋單預$251，已經包左豬牛雞海鮮同韓式料理，岩曬食我呢D食肉獸。味道：前菜（芽菜、泡菜、生菜）任添芽菜：小小麻油味撈埋爽脆芽菜，幾開胃泡菜：我唔太食得辣，如果鍾意食辣應該覺得唔錯。生菜：新鮮生菜包住舊肉，好清新。牛肉：最正係LA牛扒，姐係牛仔骨，夠嫩夠滑重有小小甜甜地既燒汁醃料，食多幾舊好快回本。豬肉：最易燒係調味豬梅頭片，每塊豬肉切到岩岩好厚薄，擺落個爐到一陣就食得啦，調味都係甜燒汁，好惹味。雞肉：最嫩滑係調味雞腿肉，姐係燒汁味雞扒，雞扒夠厚夠肉汁。辛拉麵： 真係好夠辣，至小中辣程度，麵質岩岩好，夠煙韌，食完一大碗已經好飽。總結：依個價錢，依個質素，都算抵食既。

早幾年好鍾意食，過咗疫情之後終於約到朋友同我食一直都覺得呢度抵食，兼且質素唔錯冇諗到依家質素變差咗咁多，呢個價錢我唔要求要啲好靚嘅肉，但係我冇諗到差到食唔落啲肉上嚟凍冰冰，未溶雪燒出嚟根本仲好腥，腌肉啲色好似就快變質咁 真心好失望，我好多朋友都鍾意食呢間以前一直都幫襯開，冇諗過左疫情之後變得咁差應該冇下次啦希望質素可以變返正常啲，其實價錢唔算好平，如果咁樣寧願食其他囉 ，如果食材加價個價錢就應該加返而唔係令到啲食材質素變差

講到韓國燒肉，呢間位於兆萬既平昌燒肉應該好多人都食過，由於太耐無食，路過都想試多次 餐廳有3個價位既套餐選擇，我地就揀左中間既世子御膳，佢會比大君御膳多左包括醬油蟹、醬油蝦、石蠔、西班牙豬腹肉等等既食材。 如果有budget當然可以試埋最高價位既餐，會有埋和牛LA牛扒、醬汁牛同五花腩等等既肉類本身調味得好好，所以燒完後其實都無需沾上醬油，一試難忘 🤪🤪 我地叫左個洋蔥，自製左一個洋蔥爆炒辣豬肉，十分之出色，另外點左水冷麵亦都好惹味呢個價錢可以食到呢種級數嘅韓式燒烤，喺香港嚟講係十分抵食，會推薦朋友!!

上個禮拜去「兆萬」買完化妝品😍就去咗任食韓燒放題🇰🇷 環境好有feel整體唔會好大油煙味～抽風系統👍🏻Staff會加爐邊蛋🥚自動自覺換烤盤小編今次無漏單情況 （好lucky🙌🏻）📍國王御膳 ($588)包100款肉類、海鮮、炸物、韓式料理🥘最正係可以任食醬油蟹 （細隻）🥩肉類 （重點推介）🍴M5韓牛肉眼牛味好重🐮 成個口感都好腍身🍴韓牛小排雪花分佈好靚😍油脂感極重 （最推薦🤣）🍴 LA牛排骨調味剛好👅肉質好嫩 可以起骨包生菜🥬食🐷豬肉🍴香草五花肉韓燒必食‼️ 肥瘦比例👌🏻好惹味🍴豬頸肉成個口感好爽口、又帶少少辣味🌶️🦐🦪海鮮🍴 醬油蟹可以任食「細隻版」醬油蟹🦀如果想大隻需要另加$168～「超多蟹膏」可以撈好多白飯🍚 （記得單食先）但味道真係有少少咸…🍴牛油扇貝有2個version！！加左牛油好食10倍🙌🏻🍴魷魚、沙白快熟海鮮🤣 食落無雪藏味 都不錯🇰🇷韓式料理：🍴炒粉絲、牛尾湯、醬油鮑魚+帶子比較推薦呢幾款🩵食得太膩可以飲啖湯🥄 清下口腔粉絲好重麻油味🫶🏻 堅正鮑魚、帶子 醬油醃得好入味 又爽口😈🍴海鮮蔥餅、炸雞❌不太推薦海鮮蔥餅好厚粉、無咩海鮮😭食咗哂位！炸雞🍗偏乾身… 好可惜🥤飲品、雪

先講肉類嘅選擇，佢唔係剩係得普通嘅豬牛雞，而係每一種唔同嘅部位鐘頭得你揀🥩🥩🥩🥩🥩，牛嘅話就牛板腱、下肩胛肉、牛脷、一口牛，應有盡有。仲要大部份都係油花均勻，不論視覺味覺都係一大享受！有各式各樣嘅醬料俾大家自由調配，無論你係重口味，定一話想食得清淡啲，都有得你揀！所以咁多款肉，咁多款醬，組合千變萬化，只有你意想不到，冇你嘗試不到的！🤩🤩🤩🤩除咗肉類款式極多之外，仲有超多韓式餸菜任你點，有小食、有炸雞、有泡菜煎餅、有韓式蛋卷⋯⋯🍱

美味韓式放題～位於兆萬商場內的食肆～呢間韓式放題係平日晚上都人頭湧湧。餐牌分了三個級別，今次同爸爸就揀了中間的級別～任飲任食兩小時～有自助飲品同雪糕櫃～餐廳環境很好氣氛～圓型的檯配上了韓燒既抽氣煙通～坐下後，店員更隨即送上唐生菜、泡菜跟芽菜～透過QR code下單～好多款唔同既肉類，牛、豬、雞當然唔少得，而且每款類別都有多種唔同部位，相當吸引同花多眼亂～所以我地都點左幾款，試下唔同部位既唔同口感～仲有海鮮呢，扇貝、大蝦、鯖魚、帶子、鰻魚⋯⋯⋯超多唔同款式除左肉類豐富，仲有好多小食、鍋物、湯類⋯⋯相當吸引，韓式食品當然唔少得韓式炸雞同泡菜湯、紫菜飯、醬油蟹等等啦，相當之多種類及好好味的。下單後，上菜速度好快，所以唔洗怕兩小時唔夠時間食呢。好喜歡一邊韓燒，一邊可以食到熱烘烘的蛋呢，又嫩又好味。把肉類燒成金黃香脆，再以生菜包著，既可減卻油膩感，口感仲會爽爽脆脆更清新～相當唔錯呀。醬油蟹都是我十分喜歡的韓食之一，醬油蟹簡直是白飯神偷，又惹味又juicy…拌飯來吃大滿足呀。食飽飽再食埋雪條。下次再帶家人或朋友來暢食一頓，既有氣氛又好味！

今日去左旺角兆萬中心一間食韓式燒肉既平昌，一開𨋢門會好surprise,係個韓風滿溢嘅地方，會即刻感受到佢嘅獨特風格同氛圍，好似置身喺韓國一樣。佢嘅環境裝修真係滿滿嘅韓式元素，感覺就好似去左東大門個邊既燒肉店咁，佈置得好正丫👍👍勁鍾意用手機下單簡野食💖，真心方便，又唔洗等侍應路過先比到單佢，又唔會忙得滯張單唔見左咁，而且好快送到d野，感覺唔到五分鐘d野食就到咁👍👏👏咁我簡左個大君御膳，食物選擇好多，牛肉，牛舌，豬肉同雞肉。而且，佢哋嘅食物質素絕對唔會令你失望。每一款肉都新鮮嫩滑，一燒就散發出誘人嘅香氣。仲有配菜同湯品，例如新鮮嘅生菜，泡菜同芽菜，令你可以自由搭配，創造出屬於自己嘅獨特口味。佢哋嘅服務仲好貼心，會留意你嘅需求。例如，佢哋會主動問你需唔需要換燒板，確保你嘅燒肉體驗始終保持最佳狀態。佢哋嘅團隊真係好細心，照顧到每一位客人嘅需要。下次我會想食君子御膳，多d海鮮食，重點可以燒蠔丫，又有埋醬油蟹同蝦🤤🤤🤤

位於旺角兆萬中心 一入去就見到店鋪充滿特色 食物款式多 有燒肉、有韓食😍-《世子御膳 $318》呢個係星期一至四既價錢 有120分鐘食 有多款食材 仲有爐邊蛋😜店員會不停幫忙換烤盤 可以減少燒燶既情況～▫️肉類🥩有牛、豬、雞😳牛肉推薦牛前胸腹肉、牛舌同照燒肥牛片 而豬叫左辣調味豬五花腩 味道幾特別 香口😋▪️韓食有多款湯品 有牛尾湯、泡菜豬肉湯等 泡菜豬肉湯超正😍有特色韓國味道 另外仲有炸雞、醬油蟹、醬油蝦、醬油鵪鶉蛋等 ▫️飲品、雪糕可以任飲任食 食埋甜品做Happy Ending🫶🏻

之前聽朋友推介旺角有間高質抵食韓燒放題，今晚經過終須可以一試🤩🤩 估唔到幾正丫👍總共有三款任食套餐選擇，我地兩個人就叫左「大君御膳set」，120分鐘任食到飽🤤❣️❣️ 唔係高價位但食物都有好多選擇！包括牛肉、豬肉、雞肉、海鮮、各款熟食料理座位闊落乾淨，亦唔會好大油煙味，職員上碟、換鐵板嘅速度都快👍👍真係食唔停😂 職員會先幫我地加爐邊蛋同上前菜，有生菜、泡菜、大豆芽，好食到refill！！ ◾️牛肉：醬汁牛肉、辣味手肉、牛舌🥩🥩🥬 食材都新鮮，好多款都醃咗唔同調味，唔洗另外點醬都好夠味！！肉質嫩滑而且牛味濃，相當惹味🤤🤤🤤👍 ◾️豬肉：香草五花肉、辣調味豬頸肉🐷🐷 五花肉入口即溶，肥瘦比例好好，黎逼出油香勁惹味，口感豐厚👍調左味既豬醃得都好入味，配飯一流🍚🍚🍳 ◾️雞肉：調味雞翼、香草雞柳🐔🍗🍗 ◾️海鮮：扇貝、魷魚🦐🦪🦪 扇貝不錯，鮮甜無雪藏味 ◾️蔬菜：唐生菜、茄子、杏鮑菇🥬🥬🍆 生菜可以用嚟包住啲燒肉，加埋泡菜一齊食 ◾️熟食料理：炒粉絲、牛肉海帶湯、海鮮蔥餅 Overall呢個價位既韓燒放題黎講水準高，環境氣氛、服務、食物質素都唔錯，食得好飽好滿足🤤👍👍📍 平昌 (旺角)旺角西洋菜

大病康復後, 終於可以約朋友大吃一番, 當然要食放題先夠滿足啦!揀咗旺角嘅放題集中地兆萬中心13/F嘅一間主打韓燒烤肉餐廳---平昌, 一打開lift門為開放式座位, 環境裝份樸素, 幾有韓國地道風味。到店目測有已有7成左右滿, 但都唔會話好油煙, 抽風做得幾好。晚市分別有三個價錢套餐選擇, 我地就揀咗個中位價---世子御膳。入座起限時120分鐘任飲任食, 店員先送上韓式泡菜同埋大豆芽, 再注入爐邊蛋。所有食物均scan QR code落單, 食物上檯速度快, 而且當晚冇漏單。肉類選擇都幾多, 有齊牛、雞、豬、海鮮, 仲有數款韓式料理。生蠔算不上肥美, 但味道唔腥。而帶子同埋帆立貝都冇調味過, 主要吃出原汁原味。肉類方式order咗多款牛, 嫩紅新鮮, 烤嘅時候滲出鮮紅血水; 牛舌烤至金黃, 有咬口。芝士腸炸至爆開, 流出流心芝士, 美味。雞翼醃得入味, 雞腎又爽又有咬口, 雞軟骨好爽脆, encore咗好幾轉。蝴蝶蝦配他他醬: 蝦幾爽, 配上鹹甜他他醬, 提升味道。醬油蟹: 蟹肉偏林又入味, 不過嫌過於鹹。醬油蝦: 原隻蝦去醃, 都好入味, 蝦肉爽口, 而且冇醬油蟹咁鹹。炸物叫咗個一