巴辣仔烤魚雞煲 (加連威老道) (已結業)

晏晝行過尖沙咀見到呢間巴辣仔食烤魚都好似幾出名就行咗入去食佢啲嘢食都唔係太貴$108有一個烤魚套餐包一杯特飲包一個主食仲有得揀白飯或者水晶薯粉條魚都幾大條，同埋係好香口，因為佢炸過嚟烤魚入邊都有幾多配菜有好多豆卜又有雲耳又有菇$50左右多一個水煮牛肉飯或者薯粉水煮牛肉都幾入味，同埋算幾多肉片同埋最緊要嘅係佢都包一罐汽水嗌多咗一個$30嘅炸糍粑都幾好食冇記錯好似仲要唔使包+1所以成餐食完夾埋都係唔使$200尖沙咀嚟講可以食到烤魚同埋水煮牛肉佢真係好抵…查看更多

今天下午，有点肚饿，又想吃鱼，于是走到巴辣仔烤鱼店，要了一个烤魚。店员把鱼煮好半熟，用热辣辣的爐连这一条鱼一起上台，教导我要等待酱汁滚熟才吃。不到几分钟鱼就滚熟了，辣椒及鱼味香气扑鼻非常好吃…查看更多

好少行過嚟呢邊食lunch，原來呢條街都臥虎藏龍，同事話呢間巴辣仔幾出名，就連唔食得辣嘅我都要試試佢。大大碗自選粉面只係40幾蚊起，叫左碗牛底嘅麵再加午餐肉同凍檸樂都好似$60幾蚊，抵到爛😭其他同事嗌咗幾樣小食share ，有炸腐皮卷、麻辣豬耳同埋紅糖糍粑。啲小食都幾好食，尤其係豬耳，煙煙韌韌味道又唔算太辣，連我呢個唔食得辣嘅人都食到。小食嘅話跟餐仲可以半價加配。其實佢仲有啲一人烤魚套餐，不過我哋趕住走，所以冇嗌到下次可以再嚟試吓。…查看更多

本身一開始好有禮貌地問烤魚配菜嗰個雞係有冇骨? 但係侍應們嘅語氣態度都十分惡劣, 收銀呀姐仲要係勁大聲話”下，雞梗係有骨”，重複咗至少5次. 其後我無奈表示我以為可以係無骨既滑雞 (其實我只係好細聲係佢隔離講) , 但當佢聽到我咁講就即刻好大聲答”呢到雞係全部都有骨. 仲有, 我同我同事講雞有骨, 唔係同你講“..仲要即刻對住同事講”以後有人問雞有冇骨都要答有骨”. 全程大嗌… 態度差到…. 對住其他客人嘅態度同樣地無禮貌無尊重…查看更多

一向食開荃灣分店一人烤魚，因為唔係間間都有一人烤魚餐，自從荃灣分店轉晒用烤魚機之後就好失望冇再去食，有次好想食特登去尖沙咀分店食！用左學生證仲平左！！！而且啲魚係炸既！勁香口好食！好彩佢冇轉用烤魚機整咋！下次一定會再去呢度食！…查看更多

好食係真嘅，大大條魚🐟，三個人都食好耐先食得嗮，飲品30+大大杯好誇張消費滿600仲送一支紅酒。不過……食完半夜屙都係真嘅！凌晨五點屙一次，第二日早上屙三次，我都食得辣嘅，應該唔會係辣到屙，我諗衛生要再檢視下……三個人都屙好大機會就係衛生唔過關值得贊嘅係我地互相都以為對方book位，點知大家都冇book到，店員都可以體諒我地俾個位我地！值得十個like …查看更多

之前食lunch 成日都來巴辣仔因為好近公司，之前都係吃口水雞多，今次叫左蕃茄湯底1人烤魚，宜家做緊優惠，有8折。唔係好食得辣，唔敢叫辣，所以叫左蕃茄湯底。條魚都好大條，肉質好實，好抵食。不過lunch 食烤魚，時間有d 趕。下次收工去食比較好。唔知係唔係落雨，餐廳有d 暗。…查看更多

👨🏻‍🍳巴辣仔烤魚雞煲 (加連威老道) (尖沙咀)📍尖沙咀加連威老道58-60號幸福大廈地下及1樓 「無得北上時的另一烤魚選擇😋」 #latergram #想留個記錄憑記憶re-post返手機的食物相🙈 Encore左好多次，不過對上一次已經系上年🙈服務好好，以前打機個陣，系我地主聚腳點之一🤣有兩層，有時二人去食，都有張卡位，好寬敞的😝p.s., 仲有張大卡位枱比我地班機友坐😝 烤魚好夠味，凌波魚、江團魚都好大條、啖啖肉、無乜骨，辣到任君選擇，多醬料、多配菜😋 👍🏻🍽️手切安格斯肥牛每次必點😝有賣相、又厚身，好有口感😋 宜家無打機，少左聚，都幾懷念以前日子🙈🤣但系巴辣仔系我擁有回憶的餐廳🫶🏻 #巴辣仔 #香港烤魚 #香港美食…查看更多

🍴「巴辣仔烤魚雞煲 (尖沙咀)」《原條烤江團魚》💰$388魚滑唔多骨，揀咗少辣配菜萵筍片、薯仔、鮮腐竹、秀珍菇，湯底濃味香口，少辣都有多辣椒，食落去好惹味，非常適合愛吃辣朋友《香炸午餐肉》💰$55午餐肉上碟嘅時候 ，排列成心心形狀，炸午餐肉打邊爐非常夾《炸紫菜響鈴》💰$38響鈴卷沒有特別，但係打邊爐配料必備食物《雙拼餃》💰$68水餃同雲吞算是大粒，但係不太喜歡太多粉係上面，而且鹼水味比較重，不太推薦《大大杯龍鳳檸樂》$35份量有意外嘅驚喜，超級大杯，一餐打邊爐都夠飲^ 店舖有自助調味料區，可以調配鍾意嘅配料。偶然有想吃辣嘅時候，不妨嚟呢度都係唔錯嘅選擇。👽星人指數👽👅味道：7/10🛸環境:7/10💫CP值：中🚀回頭Encore:✅📍 巴辣仔烤魚雞煲 (加連威老道) (尖沙咀)尖沙咀加連威老道58-60號幸福大廈地下及1樓…查看更多

😋😋😋抵食又好食的雞煲烤魚～4大一細，人均二百幾蚊就食到飽飽了～因為有小朋友所以雞煲叫左無辣。姐姐建議我地鵝腸放埋落雞煲度炒好入味🤤 又爽口～ 剛剛好 🉐魚肉好滑，揀左小辣，剛剛好好開胃～紫菜響聆塊紫菜好大片，也好好吃❣️ 之前去第二度食嘅紫菜勁細塊🌚有等於無…嘢飲勁大杯😆😆一個人真係未必飲得哂～整體用餐體驗非常滿意～食材優質，店員姐姐仲好貼心～有機會會再來返check😆口袋名單Get ✌🏻…查看更多

沙巴龍躉～加了娃娃菜、豆卜、金菇及冬瓜片作配菜，冬瓜片絕對是吸汁首選，吃魚到最後才吃超好吃；而烤魚十分大條，2到3人都夠吃，很多魚肉，不太多魚骨，魚的另一面還烤得金黃焦香才再放到鍋內煮，超好吃～招牌肥腸～份量很足，是小腸來，吃起來沒有大腸那麼肥，更好吃～紅糖糍粑～炸得外脆內軟，內裡是米糕來的，沾上紅糖漿及黃豆粉同吃，甜甜的很好吃～大大杯雜果水蜜桃茶～比想像中大杯很多，大慨是1L左右，味道還不錯，茶味香，帶點微甜的水蜜桃香，很抵喝～…查看更多

星期五晚約左個朋友食晚餐，朋友話想食烤魚，所以就黎到呢間巴辣仔，試一試。一去見到都坐左7成人，唔使等就立刻有位安排比我地，見到枱枱都有盤魚同大大杯野飲，我地d口水就係咁流，我地揀左388 蚊既原條江團魚，因為朋友唔想食太辣，所以我地揀左酸菜味，小辣。一條魚重可以免費揀多4個配菜，感覺好抵食，我地兩個人重叫左一杯水蜜桃share添。落完單，傾左5分鐘就上菜啦，嘩，條魚超級大條，我地有少少比佢驚訝到，魚上面蓋滿左香蔥，辣椒，同香菜，加上大量酸菜，嗅落已經相當野味，我地加左娃娃菜，薯仔片，金菇同蘿蔔。首先條魚係炸過既，魚皮咬落有口感，肉質實得黎都算滑身，而且相當肥美，我地點果4個配菜完全吸收晒湯底既鮮味，份量都恰到好處，唔會小氣，本身重想叫其他配菜，但我地兩個女仔真係食唔到咁多，所以就放棄左，不得不提杯野飲，好在我地只叫左一杯（35 蚊），我地兩個share 係岩岩好飲得晒，無浪費到。埋單一共502蚊，兩個人平均都係250，勝價比極高，埋完單先發現原來成為會員重可以首單-15蚊，下次消費滿500，減100添，咁我下次醒目，成為會員又可以多個藉口食多餐。正…查看更多

熱辣必食嘅麻辣豬耳畀我哋嚟個開胃，豬耳切得薄片，腍身多汁，夠辣夠麻，真係下飯又下酒，完全控制唔到食多幾塊！跟住上嚟嘅深海大班，仲記得佢上枱時發出陣陣滋滋嘅聲音，佢嘅新鮮程度就係用嚟形容嘅，肉質鮮嫩，火炭烤得啱啱好，外皮微微焦香，內裡保持住咁嘅多汁。淋上餐廳特製嘅秘密醬汁，真係啱晒呢啲魚味！最後嚟咗酸菜魚片飯，一大碗香氣撲鼻嘅飯，上面擺滿咗鮮嫩嘅魚片同酸菜，食落爽滑又夠味，令人食完有種滿足感。食物嘅好味唔免令我哋開始講起以前嘅趣事。一陣開懷大笑之後，我哋開始談論嗰啲近況，發現大家嘅生活都好豐富多彩。呢餐真係完美，唔知不知不覺食咗幾耐，食飽嘅我哋都唔捨得離去。結帳嘅時候，發現價錢都相當實惠，性價比高。…查看更多

🐸🐸愛烤魚最近無論糧頭定糧尾都會想食巴辣仔因為真係太扺食啦～500幾蚊三人餐份量大到4個人都夠食仲要係超好食🥰🐟2-3人江團魚套餐🐷麻辣豬耳開胃小食，香料夠足料麻中帶辣，口感爽脆🐟烤江團魚香辣味(小辣)江團魚油脂豐富肉質嫩滑少骨又唔腥係烤魚既好選擇鍋底有🥦薯仔，窩筍片，蘿蔔片，蓮藕煮耐啲就會吸曬麻辣汁食完烤魚到打邊爐🐮美國肥牛質素不俗🐷招牌肥腸洗得超乾淨，食落仲好香，強烈推介大家食🍢雜餃混丸拼盤每樣都有啲，質素甚佳 🥬精選時菜雜錦拼盤，樣樣菜都有啲，岩哂選擇困難嘅我🍜薯粉，麻辣湯底同佢係世一夾㗎🥤汽水三罐平時成日去堂食冇諗過takeaway 都可以咁高質呀～…查看更多

烤魚都可以外賣⁉️好方便又抵食，依家外賣仲有7️⃣折😍屋企老人家想食又唔方便出街食，今次就買外賣返屋企比佢哋品嘗下🤪叫咗個2-3人餐，份量十足！話明份量十足，記得要預返兩個人去拎呀😝🐟揀咗「沙巴龍躉」香辣味（小辣）🌶️ 好惹味😍條魚勁大條呀🤤，煎咗勁香，魚皮香脆勁香口，魚肉鮮嫩，厚肉又少骨，仲可以揀四款烤魚配菜，金菇、豆卜、萵筍片同娃娃菜食到咁上下，落埋餐廳自家熬製嘅豬骨湯開始打邊爐，配料有美國肥牛、招牌肥腸、雜餃混丸拼盤、精選時菜雜錦拼盤同薯粉不得不提呢個精選時菜雜錦拼盤勁豐富，有白柏葉、水魷、鵝腸、松葉蟹棒、萵筍、蘿蔔、凍豆腐、豆卜、鮮枝竹、時菜前菜-麻辣豬耳好爽脆👍🏻跟三罐飲品…查看更多