巴蜀軒豬扒酸辣米線

营业中

休息中

食麵嚟講不過不失, 其中比較推介手撕雞擔擔湯烏冬, 烏冬嚟講比其他舖頭份量唔會太少另外小食就覺得一啲都唔抵食, 例如長洲大魚蛋 同埋手拍青瓜, 30幾40蚊, 貴得呢份量少又唔係特別好食其實一直對間舖嘅印像都唔係咁好, 首先因為唔包嘢飲, 第二就係紙巾都要畀錢, 感覺好寒酸 

西營盤附近冇咩野食，唯有行遠啲去堅尼地城站食巴蜀軒我最愛係麻辣豬扒四川粉，比薯粉幼啲爽啲 雖然冇咁煙un 但都會叫四川粉。當然 豬扒冇得輸 必叫麻辣豬扒食。食辣的人可嘗試中辣，小辣可能比較淡，配料有酸荀、炸菜、蔥，豬扒都有好幾塊，唔會只會一兩舊，40蚊都叫抵食 另外必叫小食紫菜蟹柳卷，真係好好好好味，香口又香脆，一碟50蚊，大約10件，第一款必食小食。第二必叫係黃金芝心丸，好香芝士味，炸完好香口，50蚊約12粒左口，愈多人食可叫多幾款小食。朋友叫了雞扒麻辣薯粉，雞扒另上，試過我的豬扒後，終於明白點解咁多人叫豬扒了

之前同朋友係西環碼頭影相，嗰日又落雨，所以我哋求其喺附近搵嘢食就算，見到呢間幾吸引所以入咗嚟食炸雞扒酸辣米線成碗野都係好油，好重味精，但係肉碎夠多，酸同辣味唔夠重，炸雞扒份量少得可憐，有少少薑味，好奇怪，本身仲以為係好大大雞扒嗰啲味.豬軟骨酸辣米線呢碗係唔辣，同上面一樣都係有嗰啲問題啦，同埋豬軟骨份量都係好小，肉碎有啲辣，又係食到我朋友出晒汗豬扒撈麵呢個叫咗小辣都好辣，豬扒應該落咗鬆肉粉，上面嗰啲炒辣椒都幾夠味但係淨係得個辣字

中午出街搵食之道：lunch time都仲得小貓三，四隻的食店可以唔洗食，行經西營盤見到一間人山人海，門口貼上大量什誌剪報及迫滿外賣人仕，品質一定有保証，因為太多人，我都係外賣算lu款式選擇有很多，主打酸辣麻辣，個人比較喜歡酸辣，花多眼亂都唔知自己想食嘜。。。。一於試下招牌既豬扒酸辣米缐啦！豬扒貼心地切成細件，炸都金黃香脆，入口鬆化，唔怪得成為招牌食品話就話酸辣，食落條脷都有小小麻配上花生酸菜芽菜。。。入口醒胃，岩哂夏天冇咩胃口時食。

在西環山道跑完步，準備吃晚餐，就想起了很久都沒有吃的巴蜀軒，我點了一個"酸辣招牌豬扒米線"(要小辣)和凍檸水，一共用了45元米線店內在環境還算舒服，但是冷氣不足，吃起米線來，會出大汗 店內有電視可以看，還不錯~今次的米線有點失水準，豬扒很入味很軟淋，但是米線湯底很淡，小辣基本是不辣的 ，於是我額外叫侍應多加辣 這是酸辣米線但是酸味不足，整碗米線內只有一件酸菜 米線份量比較小，豆芽份量很多這餐來說…我是不太滿意的…因為水準不達標…

叫走辣佢照放辣，無服務態度，啲人企係到傾賭波，唔理啲客，廚房啲人又係到食煙。啲餐具仲有上一手啲芽菜，都唔知有無洗。叫支可樂黎半個鐘，重點全場都唔過10個客。點個餐要講幾次先聽到，仲要聽得唔準，全走有花生同蔥。

之前同K先生去西環行下，試咗巴蜀軒酸辣米線，價錢都幾平，可能我唔係咁食得辣所以覺得味道一般，但K先生就幾鐘意食。不過豬扒幾入味。另外，我地點左去個新產品豬扒乾撈拉麵，啲拉麵太淋，不好食，我哋覺得佢地個酸辣米線好食d。

Came in this little shop famous for sour and spicy noodles, unfortunately I can’t take spicy food these days, so I went for the udon today.爽脆豬肚絲涼撈烏冬  $45 – Quite nice eating cold udon in this hot weather, but the 豬肚 didn’t have much taste,all I taste was the sesame sauce, I won't recommend this dish. Maybe I will come try the spicy noodles next time. 

肉燥招牌豬扒飯,其實就麻麻地，如果喜歡小麻既感覺可以嗌呢個，因為豬扒係有小小麻辣，但餐牌無講。成個飯咸左d~炸芝士丸中辣米線，夠晒辣，可以一試，米線就當普通麵店食開個d~

作为巴蜀轩四川菜完全找不到任何四川菜的元素。老板娘服务态度烂。肥牛很大腥味。这件餐厅把烂服务当成习惯，顾客都是会为此买单的。你問有沒有辣椒油。她會先翻一翻白眼，然後極不情願理直氣壯地說一次沒有，可惜聲線仍是那麼微弱，說話依然含糊一片。你惟有付錢，他找贖，並說一句「側邊等等」，然後拖着疲累又緩慢的腳步，帶着黑色的面口，轉身到後面倒汽水。從此，不會再有人關心你等了多久，不過，還是建議你不要催促他們，因他們只會冷冷的說：「整緊。」跟着，你會迫不得已的懷疑：「難道我在乞食麼？」。

今日咁啱去到西環行下行下見肚餓咁就走咗去 呢間 麻辣 米線專門店之前都有試過嘅 覺得幾好味有幾抵食於是我今次又再嚟過坐落嘅時候其實已經諗到食咩啦位置方面都應該係街坊生意距離地鐵站都有一段距離大概五分鐘 但係係一間好普通嘅雲南米線鋪但見佢有咁多新聞好似好出名但我相信應該唔會有人專登去食位置方面我去嘅時候冇乜人但係相信多人嘅時候應該都係要搭枱一般般啦冇乜特別又有電視睇都唔差食物方面我嗌咗炸雞扒今次係陪烏冬平時都係配米線嘅 烏冬份量唔多所以唔係好夠飽質量都一般但係湯底幾好味 加上佢嘅炸雞扒係首本名菜 可惜唔係新鮮炸起而且炸粉較多雞肉份量少其實整體分量都好細有少少失望服務冇乜特別呀姐態度ok啦但係 我食到流曬鼻水想要張tissue都要賣都預咗嘅但係唔係好貼心嘅感覺都係總括而言都係一個ok嘅食物選擇冇乜特別嘢好講大家經過咪試下囉

午飯時間入到來搭枱，環境普通係有啲迫。不過平民價錢係咁架啦。叫咗個酸辣豬扒米線要小辣，佢嗰種酸辣帶有小小嘅麻。如果有朋友係完全唔鍾意食麻，應該唔太喜歡呢種味。個豬扒煎得恰到好處好香好入味。配埋酸辣粉味道一流, 配菜都係嗰啲，有酸菜肉碎花生芫荽等等。加埋杯熱檸茶總數唔使＄50雖然唔係平但亦都唔係貴。

附近掃完街 撐住肚皮都要一試酸辣豬扒米線 豬扒符合期望 Juicy 惹味 今次份量略少...只食了幾啖肉正常-配菜米線正常-凍檸水再叫可以是大辣加支玻璃樽裝可樂 爽~~~~

本身係呢頭返工,都食過好多間,特別呢間我都成日食佢的豬排系列,真係堅好味同埋有麻+ SPICY的感覺,好鬼正!試過佢地嘅薯粉,米線,今次就試飯啦!佢有LUNCH SET FOR 飯餐,但我覺得散叫都係一樣姐,散叫可加錢配野飲。呢個飯一睇就知重口味,豬排份量唔算野,又搭多2條菜,好好味!豬排又唔乾身,有肉汁

又到公司午飯時間，天氣凍凍地約同事去公司附近的巴蜀到食碗麵先。豬扒又不感興趣所以叫了麻辣脆雞扒粉要大辣同救命可樂，鋪內地方唔大但好多人等位，所以要預五到十分鐘到先可以入坐。粉先上雞扒後上～大辣真係夠麻好正而且雞扒炸得好脆，值得再試