巴蜀烤全魚 (已結業)

我平時唔多鍾意食淡水魚，辛好今次唔係我點菜，先會試到咁好味嘅淡水魚。聽朋友講個大廚之前響大角咀好出名，加上舖前相片有蔡籣滿足的笑容，所以就算呢間舖只係開咗幾年都可以有信心。手抓餅- 好好食! 平均每塊$5，真係平靚正，可以食到飽飽然後用慳番嘅錢來食魚。小食拼盤- 味道剛剛好尖椒皮蛋- 又係好味到一叫再叫的菜式。擔擔麵- 雖然不是我喜歡的造法，不是濃濃的花生醬，但換來椒香也不錯。烤清江全魚- 主角來了，為了完全吃到魚的鮮味，所以配了酸菜味。肉質嫩滑，味道香甜濃濃，配菜也吃到停唔到口。烤海鱸- 鱸魚都是要用炸，配四川芽菜味，今次相反地由配菜成為主力今人吃到停唔到口。蒸粉絲帶子- 大大隻帶子，濃濃的蒜香。…查看更多

🐡四圍游，周圍食 - 巴蜀烤全魚🐡路過九龍城，見到呢間小店有賣魚湯米線，好似幾吸引咁，所以就試試佢。佢嘅Menu有D位幾Fun，例如：魚咀嘅英文係 Fish Tsui XD，增添一點喜感。🐟酸菜魚片米線 ($70)🐟無諗過佢碗米線會咁大碗！勁足料！酸&辣Balance得好好，唔會太酸，又唔會太辣，正😄！魚片都煮的好嫩滑，唔會Overcooked。米線都爽口，好食！🐟鮮魚片米線 ($48)🐟試埋佢嘅鮮魚片米線，湯底係好香濃嘅魚湯，Feel到係好足料咁煲出嚟，而且冇咪精，會想飲多幾啖佢嘅湯。魚片都係剛剛好，嫩滑。米線，我特登叫佢寫淋D，可以試到唔同質地嘅米線。淋米線都好食😋。食物：🐠🐠🐠🐠🐠環境：🐠🐠🐠🐠價錢：🐠🐠🐠🐠🐠服務：🐠🐠🐠🐠Overall：🐠🐠🐠🐠…查看更多

食物味道正常。不過份量非常少！！最重要係店內企係櫃檯前疑似老闆娘的姐姐態度極差。一入去坐低叫野食，我哋諗住叫烤魚，個姐姐問我哋要邊隻魚，因為有三兩種魚選擇，咁我哋問返姐姐想佢介紹下邊隻魚好啲。佢竟然用寸寸貢既態度話純粹大細分别。好！！！算數，我哋求其揀。到野食來到，一試味道正常，不過發現份量其少，咁我哋諗住再叫其他野食打邊爐，個姐姐又埋來落單，佢俾我既感覺係：你班友食完條魚仲唔走，仲諗住落單！！既態度來幫我哋落單。我哋幾個朋友都覺得呢位姐姐態度好差，不過既然來到就算，今次食完永冇下次！！！！…查看更多

喺九龍城工作真係好多美食選擇，今日就嚟食熱門川菜烤魚"巴蜀烤全魚"聽個名都好特別！而且有好多款湯底嘅味道任君選擇，配菜仲可以另加添，我就鍾意食酸菜味，酸酸哋零舍開胃。😁酸菜味烤魚-小邊$228小邊都好大盤呢！埋相吸引而且盤下面仲有火keep住溫度，熱辣辣進食非常美味，小邊配菜有酸菜/大蔥/蒜頭/唐芹/紫洋蔥等等。非常入味，鯇魚鮮嫩，魚肉質又滑，食過不停。👍燒烤半打優惠$102侍應生介紹半打優惠價，便選擇3款秘製風味串燒，大漠羊肉串/鹽燒元貝/烤孜然雞中翼，每人都有1吋啱啱好！推介👍自家製嘅勃然粉好香，少少辣配羊肉真係好配搭啊！羊肉有少許騷味肉質嫩滑，元貝有8粒，燒烤過好香口濃味，當然唔少得勃然粉喇好美味啊！重有勃然雞翼，雞翼皮脆肉滑，好味啊！配飲品一流！👍飲品：百香果蜜$13/青島$25烤全魚美味又惹味就唔使講啦，估唔到就連秘製風味串燒都非常出色好味。👍👍…查看更多

去到九龍城除左食泰國菜，還有川味烤魚。朋友介紹左去試巴蜀烤魚，近西鐵綫。泊車又方便！餐廳設計風格簡單，廚師仲介紹左烤魚正確食法，一盤烤魚到左之後，用個汁淋上魚，再等一下先食，咁樣可以令到魚更加入味。如果怕魚多骨，最好叫海鱸魚🐟，今次試左香辣味，濃郁的味道真令人懷念中國地道的烤魚風味！加上冰凍的果汁飲品就更加好！烤羊肉串都不錯，用上不同的香味粉加上去，令到羊肉串的香味更好味😋燒雞翅更加好味😋下次可以再試試其他👍🏿…查看更多

九龍城有好多正宗特色餐廳，今日就試呢間巴蜀烤全魚。巴蜀係先秦時期地區名，主要在今四川境内。烤全魚就係將整條新鮮鯇魚，熱高溫烤至金黃色。因為今晚得兩個人食，所以我哋叫咗鯇魚小邊，配小辣嘅香麻辣味湯底，有辣椒、葱、洋蔥、豆豉等調味。烤全魚魚皮烤到有少少焦香，鯇魚肉則肉質偏腍，而且入哂湯底嘅麻辣味。健康啲加咗萵筍同娃娃菜，萵筍好配合辣嘅湯底，既帶少少清涼感覺，可以減辣。烤全魚上菜時用火烘住，唔怕會凍咗，而且越耐越入味，煮得耐可以加湯。朋友加咗薯粉，吸收咗湯底之後又入味又彈牙。大漠羊肉串，羊肉片肥美多脂肪，烤過之後油脂感滲哂出嚟，加上大量孜然粉，香氣同風味十足。手抓餅，好重香蔥味，非常惹味，就咁食或者點麻辣湯底都好合適。…查看更多

出九龍城會諗起這個烤全魚，這店有多種四川味道選擇，香麻辣味、剁椒味、泡椒味、鹹鮮香辣味、鹹鮮麻辣味、酸辣豆角味等等。今日食鯇魚小邊烤魚，揀選酸菜味，上菜時整盤魚熱辣辣，香噴噴，盤下面仲有火keep住溫度，配菜當然有酸菜，今次個酸菜炆得好淋好香口，仲有大蔥、蒜頭、唐芹、紫洋蔥等等，這店酸菜味是不辣的，但依然惹味十足，鯇魚上面鋪滿各種配菜，魚好新鮮，眼見片片魚肉好吸引，肉質非常嫩滑，一啖接住一啖，吃不停，索滿汁嘅魚肉入口非常美味。大漠羊肉串~羊肉必配孜然粉，完美配搭，羊肉肥肥哋，騷味特別強烈，羊肉愛好者食到舐舐脷。…查看更多

九龍城真係好多嘢食，但就唔一定係泰國菜🤭今次就嚟試吓九龍城居民推介嘅烤魚😂⭐麻香辣烤鱸魚一嚟到見到Menu真係眼花撩亂，因為有超過10款口味可以揀。我哋就揀咗麻香辣小辣，配菜叫左萵筍、薯粉、響鈴。一來到份量真係好大，驟眼睇兩個人都食唔晒，應該叫多個friend嚟！滿滿既京蔥、芫茜擺係魚上面，好香，叫咗最貴嘅鱸魚，所以質素一定有返咁上下😂魚肉緊實，香滑。一開頭食嘅時候冇乜味，店員提醒我哋話應該要一路將啲汁淋上面先會更加入味，過咗一陣真係食得出唔同有晒川菜要求 - 麻、辣、香，好食！配菜方面，響鈴真係麻麻哋，唔建議叫。薯粉都OK，吸晒啲湯汁，萵筍就最好食，好新鮮！兩條友食at the end真係食唔晒😂⭐️泡椒魚皮除咗辣魚之外，呢度仲有唔同嘅川式串燒/小食可以叫，我哋就叫咗泡椒魚皮，我自己鍾意食爽脆嘅魚皮多過炸魚皮，泡椒味後勁凌厲。下次嚟九龍城諗唔到食咩嘅話都可以試吓呢間💗…查看更多

今日是颳風日，早上補習改左下午，系九龍城補完習，梗係食埋lunch 先返屋企，大約2:30 左右經過獅子石道，見到巴蜀烤全魚唔使等位，二話不說就衝左入去，下午2:30 都差唔多坐滿80%，這裏還有卡位可供選擇，可以坐得舒舒服服👍👍食烤魚一定要去巴蜀，淨係口味已經有十二款給你選擇，有香麻辣味、剁椒味、咸鮮香辣味、豆豉味、香辣味、炮椒味、四川芽菜味、咸鮮麻辣味、酸辣豆角味，也有提供三款（不辣） 四川芽菜味、酸菜味、酸豆角味，大人細路的口味都有👍👍👍👍👍我同囡囡揀左咸鮮麻辣味烤海鱸魚 $ 368店員從廚房裏拎碟烤魚出嚟，已經聞到陣陣香味，賣相相當吸引，佈滿我們最喜愛食的蔥，加了豆豉非常金香，首先條魚非常大條，肉質非常爽滑，味道仲要很鮮甜，配合咸鮮麻辣湯底相得彰，$368 食到這麼高的水平，真心好食🤤🤤🤤🤤🤤這裏仲有很多配料可供選擇，如果多幾個人嚟食可以食到好多配菜，價錢相當優惠，大約$25-45左右，有紫菜響鈴、薯粉、秀珍菇、肥牛、土豆、午餐肉、生菜、腐竹等等等…查看更多

九龍城真係好多嘢食，但就唔一定係打邊爐泰國菜🤭今日大佬同朋友就嚟咗九龍城食酸菜魚之前間唔中都會北上食，而家就周圍喺香港搵好食😋嘅酸辣豆角味清江魚全魚就算得兩個人食都好，我哋嘅食量足以可以食晒全魚🤭味道就揀咗酸辣豆角。酸同埋辣嘅味道平衡，唔會互相搶味。爽口嘅豆角同埋嫩滑嘅魚肉，呢個組合係勁match 除咗辣魚之外，呢度仲有唔同嘅川式串燒可以叫，我哋叫咗大漢羊肉、串燒肥牛卷/同孜然雞中翼。串燒係即叫即烤嘅，雞翼皮脆肉滑，羊肉味道香濃，面頭有孜然粉調味，又香口又惹味。竹蔗水/ 百香果始終都係食咗辣嘢，要返兩支飲品你飲吓，清爽晒。…查看更多

難忘x生日烤魚烤魚的確很適合香港人想吃肉又愛健康的飲食習慣，本店烤魚串燒味道嘗算能偏國內口味，味道辣道可為不錯， 店員推介我們點麻辣味，辣度適中，但吃不出麻味蒜蓉粉絲蒸扇貝是我推薦的本店食物，大小適中，粉絲蒜蓉足料，蒜蓉海鮮雖然很普通，但做到基本但價目跟現在的九龍城地段，性價比偏低清江全魚$368 題外話：吃飯當日為我生日，我沒想到吃什麼就讓家人挑選，媽媽當日下班從屯門出來，因為車比較慢，我們在店等了20分鐘，一名女性年長店員，態度不好地問我們是不是可以先點菜！當時店外沒有在等候的顧客還有帶顧客上2樓或許他要求我們先點小食飲料，我覺得相當公道我本身做服務行業也非常懂餐廳難處，對此態度及安排十分之不滿外觀：👍👍味道：👍👍👍服務：👍*滿分=5👍#我是吃貨組長 #Nicky的味道 #吃貨的態度 #美食 #巴蜀烤全魚 #私房菜 #川式料理 #川菜 #中式 #foodieleader #foodie #foodiehk #blogger #九龍地 #kowlooncity #香港 #hongkong…查看更多

今年夏天真係熱得好交關，日日都三十幾度，越熱越想食辣野🤭，想食左烤魚好耐😅，無奈真係太熱，所以一直都無去食🥲。今日終於落雨啦，第一時間book左呢間 “巴蜀烤全魚”，我相信係香港數一數二既烤魚食肆👍👍。一坐低已經急不及待，叫左個香麻辣鲩魚（ 大邊）$248咁耐無食，緊係要食大辣啦😁🔥。香麻辣味真係好惹味，汁料除左麻辣椒，仲加入豆豉，提升到麻辣既香味，辣而不嗆喉😋，味道啱啱好。食得烤魚一定要跟薯粉 $28薯粉真係絕配，吸收晒所有辣汁，煙煙靭靭，食唔停口😋😋😋。另外再叫左串燒，半打有優惠價 $102（秘制鷄肉，串燒肥牛卷，孜然雞中翼各兩串）串燒味道以孜然味為主😏，比較喜歡雞中翼，真係好夾孜然味道🤭。肥牛卷就略嫌韌左D。因為飲啤酒既關係，緊係要有送酒小食，我覺得必叫鹽酥雞 $40炸得香酥軟熟🤩，大大碟，我覺得好抵食。總括好滿足既一餐，啱晒重口味既我😋😋…查看更多

<<從頭烤魚始祖懷抱🐟>>我好鍾意食烤魚，但平時食開個間冇咗我心水又要另外搵食，醒起最初係幫襯"巴蜀烤全魚" 終是諗住番焯試試🙊點知原來搬咗去九龍城，不過近地鐵站都方便。.裝修依然平實路線，菜式及烤魚款都冇大變，keep 住有十幾款。反而之前未試過串燒，今次就試下.🟥 香麻辣鯇魚大邊（小辣）🍜 $228🟧細邊係1/4, 我哋叫了大邊即半條，另加豆芽秀珍菇金針菇及芹菜 (+$42),不過我哋唔食芹菜佢就俾多少少其他代替。湯底除咗蒜頭辣椒，仲有豆豉更添鹹香味，而湯開頭覺得唔夠辣，點知愈煲愈辣，先辣後麻好過癮。而鯇魚肉都嫩，但比起江全魚冇咁滑同冇咁吸湯。.🟦串燒 🟪半打有優惠價，所以我哋每樣叫咗2串大漠羊肉串 $16/串 ⏩調味惹味但唔過鹹炭燒豬頸肉 $16/串⏩夠哂香口，爽口厚肉秘製雞肉串 $16/串⏩最好食，外表香烤但仲鎖住肉汁.🟨扇貝 $58 (3 隻）🟩超多粉絲及蒜蓉，十分惹味，帶子雖然較細粒但鮮味.…查看更多

打後book唔駛留資料同電話，心已經諗平時冇生意？我問駛唔駛留貴姓先主動問，重點黎到，話安排唔到卡位。而家36度一定要人坐門口位，山長水遠同女朋友過黎換黎咁既結果。晒時間…查看更多

巴蜀烤全魚(22/9) 星期三 下午3點左右特式：呢間舖專食烤魚，以前係紅磡蕪湖街，之後搬左去九龍城，佢特色係有唔同味既烤魚，總共有十幾款唔同味咁多。食物：四川芽菜味烤魚 - 佢有太多唔同味選擇，但另一半唔係好食得辣，我又唔鍾意食酸味，所以叫比較冇咁辣嘅味道，佢條魚好新鮮，又大條，我叫呢個四川芽菜味，雖然好紅，但事實唔係好辣，但好香好入味，兩個人食晒成條魚啱啱好，都唔洗叫其他野食。火鍋配料 - 其實佢有好多火鍋配料可以揀，食完條烤魚就可以用嚟淥火鍋料，但我當日無叫。飲品 - 有一般汽水/啤酒/王老吉等等環境：餐廳環境ok，比起係紅磡個時間舖舒服同光猛，有8-10張枱，都鬆動闊落，當日平日既紅日下午茶時段都有4-5枱客。服務：服務態度好，問職員每隻唔同味道既烤魚有咩分別，佢又會主動介紹下。價錢：大約350一條烤魚。總結：呢個價錢唔算好平，佢既烤魚都做得好出色，因為始終係烤魚專門店，點都有返一個高既水準，鍾意食烤魚嘅朋友可以一試。…查看更多