川火堂

营业中

休息中

每次一想食川菜個個都話要返大陸，其實香港都有好食嘅川菜㗎🤤今次拉埋朋友仔同我去試吓銅鑼灣呢間川火堂，一心就係想食佢哋嘅酸菜魚😍🌟金湯酸菜魚（正常辣）$228酸菜魚份量最少係二人份量，魚片都俾得好多😍無骨又滑嫩，入口即化，湯底夠酸夠辣，仲有少少麻嘅椒香，湯頭表面嗰層油起到保溫嘅作用，食足成餐都係熱辣辣，好食！另外配料都好多，有豆芽菜、寬粉、萵筍，有魚有菜好啱我🫶🏽🌟農家小炒肉 $98材料簡單，有豬肉片同埋虎椒，虎椒都已經去籽所以唔辣，調味都係偏濃味🤤川菜就係要食呢啲，勁就勁在冇搶走食材本身嘅味道，都食到肉嘅鮮味-另外仲叫咗兩碗白飯，所以食到好飽😋整體嚟講調味上都算好正宗，唔使特登返大陸，價錢又合理，可以一試啦😗

今日同朋友去銅鑼灣食川菜"川火堂"餐廳中式風格的裝修銅鑼灣地鐵站行8分鐘左右到我們點了濃湯番茄魚 $228川式口水雞 $72燒椒金色皮蛋 $48濃湯蕃茄魚 $228蕃茄鮮甜，濃濃的鮮蕃茄酸酸甜甜的湯底，黑魚魚肉肉嫩，內面有窄粉，分量都幾大。好好味👍🏻👍🏻👍🏻👍🏻👍🏻川式口水雞 $72香香辣辣，雞肉嫩滑。😋😋😋😋😋燒椒金色皮蛋 $48金色皮蛋比黑色味淡，好香蛋香。😋😋😋😋🤤🤤🤤

人嘅口味真係會轉變，以前唔食得辣嘅我，近年竟然越嚟越鍾意食辣嘢，酸菜魚係我其中一樣最鍾意嘅食物。銅鑼灣呢間餐廳見到雖然店舖唔大，不過就非常多人幫襯，同埋價錢大眾化，所以一於試吓。首先嚟個前菜叫咗個拍青瓜，非常爽脆而且味道酸味味， 十分開胃。之後再點咗個蔥爆牛肉，份量都幾多，好多蔥連埋牛肉一齊食，用嚟送飯就啱啱好。我嘅主角嚟啦，就係酸菜魚，估唔到份量咁多，仲要有好多魚，魚塊好嫩滑，入邊仲有好多配料，酸菜芽菜都做得好出色，成鍋酸菜魚都係$200左右，我返大陸食都要百幾蚊，價錢真係唔貴，我真係好鍾意酸菜湯用嚟撈飯，簡直係絕配，成碗飯K.O.，好味。

《惹味抵食二人餐🌶️》———————————————-#川火堂 🔥-👩🏻‍❤️‍👨🏻 二人餐Set 有齊前菜、兩款主菜同兩款甜品～🌶️ 經典香鍋配料豐富，裡面有牛肉、薯仔、蔬菜等竹，辣椒嘅味道令到成個香鍋都好惹味香濃，撈飯一流😍-🐽 膠原脆皮豬手長條形嘅擺盤超好打卡，豬手炸到脆卜卜，大大舊充滿骨膠原，配搭辣椒同其他香料，非常之惹味🤗-💫 燒椒金色皮蛋個前菜食落超特別，皮蛋溏心做得啱啱好，非常惹味😍 十分開胃，口感煙靭，味道咸香帶微辣😌-甜品款式多元，包咗熊貓冰粉同手工紅糖糍粑，冰粉上放左超可愛既熊貓裝飾，冰粉口感滑溜，冰冰涼涼可以解辣🐼糍粑出面好香脆，而入面既糯米好彈牙，甜度適中，味道香甜😉-🌟 金湯酸菜魚Lunch set 嘅酸菜魚都好大份，湯頭入味，風味十足，味道正宗！魚肉亦好嫩滑，配料仲有萵筍、豆芽、薯粉等，足料又入味😊-⭐️ 參考價錢︰二人餐：$238金湯酸菜魚：$79🍌抵deal 指數：8/10

天氣涼左,  朋友話想食D 辣野, 咁一於去食烤魚，喺銅鑼灣揀咗呢間試下. 叫左個套餐有烤魚有干鍋又有甜品. 先黎個小食燒椒金色皮蛋 -  係溏心嘅金黃色皮蛋 再配上酸菜,蔥花同生蒜粒 , 香辣油嘅汁勁開胃. 經典干鍋，非常吸引 ,  辣椒,麻子,椰菜花,蓮藕片,薯仔片,洋蔥,雞肉粒,牛肉,蔥段同花生炒成色香味俱全,  相當惹味微微辣味送飯一流主角萬洲烤魚酸辣味, 青花藤椒. 烤魚超大條，辣味啱啱好，麻道十足勁香 , 配菜有滑滑豆腐, 大豆芽等等,   條魚全都係大骨好容易分開, 皮脆肉嫩配埋個湯汁飯都食多左. 。大碗花菜 -  爽脆首花菜, 配埋香口半肥瘦肉, 口感一流. 最後甜品 手工紅糖糍粑 -   煙韌有咬口外層薄脆 灑上黃豆粉配埋紅糖醬汁 味道不錯熊貓冰粉  -  解辣最啱嘅  冰粉小小甜 配埋可愛熊貓  女士打卡一流. 川火堂地址: 銅鑼灣駱克道401-403號榮華商業大廈地下B號舖

今次我地黎到銅鑼灣呢度行街，呢區都有好多野食，我地就揀左間川菜小店試下，見佢餐廳入面都好滿人，估計都唔錯😏呢度用QR code落單，佢地坐位唔算多，有卡位，不過我地2個人繁忙時間就冇卡位比到，枱面有紙巾提供，又要讚下呢d餐廳一下😛燒椒茄子（$52）呢個睇名以為係串燒果種茄子，原來係前菜黎，佢係用d類似泡椒放面，我又咁岩鐘意泡椒，一夾少少泡椒同茄子一齊食又幾好食喎🍆膠原脆皮豬手（$128）呢個菜式我覺得幾創新，出到黎都好驚喜，佢新鮮出爐熱辣辣，炸到外脆內軟咁，個皮脆但咬落去又有豬手果種膠質口感，d炸蒜頭同洋蔥粒又夠惹味🐷川式口水雞（$72）食川菜我都鐘意食口水雞，呢度既口水雞個調味唔錯，辣度滿意，唔會過辣，雞件都幾滑🐥農家小炒肉（$98）呢個小炒肉炒得幾香，有小小辣椒，但食落唔太覺得辣，d青椒都好味，有勁多塊，炒得淋淋地，有鑊氣👍🏻黃金小饅頭（$46）呢碟饅頭一共有6粒，炸到脆卜卜，點埋煉奶食真係一流😋呢間餐廳雖然細細間，但係野食佢做得幾好，我最鐘意個豬手，好有驚喜，冇咩地方試過呢個做法，呢味餸可以話係招牌菜，黎到記得要試🤩

呢間門外有得租充電真係對我黎講加曬分雖然好想食辣但不幸地當日去喉嚨開始不適所以唯有點左兩人份量蕃茄魚另加白飯蕃茄好多而且一望成碗都係魚片最重要係佢塊塊魚片都無骨同埋魚肉鮮嫩一啲都唔柴塊塊都滑口蕃茄切得教大舊有咬口 ，又唔會煮到好爛由於唔辣所以當埋蕃茄湯我地一碗白飯對我同朋友都比較多兩個女仔或者女士建議一碗先分享唔夠再點因為我地白飯係兩碗食唔曬而且二人份量既蕃茄魚本身都好足料飲埋啲湯 ，真係食唔曬會浪費左見隔離枱食水煮我睇到流口水但無得食所以食完蕃茄魚都決定喉嚨好返再搵朋友黎食麻辣底！！

今日就同朋友去左川火堂食飯餐廳主打新川式江湖菜, 食物選擇唔少燒椒金色皮蛋呢款前菜超開胃, 皮蛋蛋白晶瑩剔透, 口感煙靭, 溏心效果出色, 味道咸香帶微辣, 好香口金湯酸菜魚 份量超大, 湯底較重麻香味, 有超多魚肉片, 肉質滑嫩入味, 無骨啖啖肉, 底層仲有芽菜, 萵筍, 同薯粉等配料, 足料又入味蔥油煎餅兩邊烤香左, 煎得比較乾身, 咬落有陣陣葱油香味熊貓冰粉面頭放左超可愛既熊貓裝飾, 冰粉口感滑溜, 加埋提子乾, 花生碎等配料, 冰冰涼涼剛好解辣

今日又去銅鑼灣搵食，今次目標係食川菜🤭去咗鵝頸橋附近嘅川火堂食～佢哋香鍋可以自己揀配料～同埋入邊都好多料可以配搭～我哋揀咗土豆片，萵筍片同豬手土豆片好入味呢個豬手醃過之後應該炸過之後再翻炒口感唔會太腍之餘好有彈性🤤口水雞🐔佢口水機拎出嚟嘅時候都真係幾凍，建議可以攤一陣先再食😂香菜梅鍋肉～整體嚟講都好惹味🤭同埋份量都幾多，幾足糧👍🏻你可以午市仲有好多不同套餐，價錢合理唔貴都係介乎50至70左右

💙川火堂 📍銅鑼灣駱克道401-403號榮華商業大廈地下B號舖⭐️2人餐A $238* 燒椒金色皮蛋 帶酸嘅黃金皮蛋好開胃✨* 經典香鍋裏面有牛肉、蓮藕、薯仔、福花等等嘅配料，加埋大量辣野同花辣，係食辣之人嘅最愛🤣🌶️* 膠原脆皮豬手 IGable豬手，一板拎岀黎幾靚仔* 手工紅糖糍粑 是日mvp! 糍粑fans🫡最鐘意佢有勁多黑糖，食辣野嘅時候食一啖可以解下辣🤣* 熊貓冰粉 🐼有可愛嘅熊貓綿花糖係面，分量好多，食到最後太飽食唔晒🙈* 白米飯X2⭐️螞蟻上樹 $88朋友冇咁食得辣，同左樓面講，佢即刻同左廚房講整得冇咁辣，勁好服務🥹 勁大份，撈飯食啱啱好⭐️可樂 $15 食辣野緊係要飲可樂！超爽🤣啲嘢又大份又抵食，而且仲有水煮魚等等嘅辣野，食得辣嘅朋友仔可以一戰！🌶️

📍銅鑼灣突然之間勁想食烤魚，經過見到呢間幾多人就揀咗呢間。揀咗青花藤椒烤魚，另外仲加咗啲配菜。烤魚勁大條，奶味啱啱好，唔會太辣，應該好少味精，因為我飲晒啲湯都唔覺得口渴。魚肉好大塊，冇乜細骨，大骨好容易吐出來。魚肉都好嫩滑。配菜方面加咗牛肉，水晶粉，大腸。份量都好多好抵食。牛肉好嫩滑，性價比高。大腸處理得好乾淨，唔會有異味。朔晒啲湯好惹味。另外水晶粉薄身，好容易煮熟，勁鍾意食呢隻。另外本身烤魚配菜有酸菜，青花椒，豆腐，芽菜。過豆腐，勁出色，好香豆味，好嫩滑。另外嗌咗兩罐汽水，咁多加埋都係三百幾蚊，性價比好高。

今晚我哋去左食辣嘢。要了酸菜魚，酸菜是靈魂，帶有獨特的酸味，能平衡魚肉的鮮香。酸菜的發酵過程使其更具風味，也增加了菜餚的層次感。生薑、大蒜、紅辣椒和花椒，這些配料不僅增添了香氣，還帶來微微的麻辣感，使整道菜更為激發味蕾。酸菜魚的口感十分豐富。魚肉鮮嫩滑口，湯底酸辣，酸菜的脆爽和魚肉的滑嫩形成了對比。螞蟻上樹是由粉絲、肉末和青蔥煮成。調味料為菜餚增添了豐富的層次感和鹹香味。螞蟻上樹是一道非常適合搭配白飯🤤🤤熊貓冰粉食完辣嘢就最啱配搭冰粉，熊貓超可愛。🐼好甜Suan Cai Yu (Sour Pickled Fish)Suan cai is the soul of this dish, offering a unique sourness that balances the freshness of the fish. The fermentation process of the suan cai enhances its flavor, adding layers to the dish. Ingredients like ginger, garlic, red chili, and

🥢潑辣水煮牛肉｜$142🍖麻婆豆腐｜$65🐷蒜苗回鍋肉｜$79🥚燒椒金色皮蛋｜$43.⚡️雖然小女子唔食得辣，但偶爾都會有股食辣癮🤣路經銅鑼灣試主打川菜嘅🔥川火堂，小店裝修好乾淨企理，而且好光猛食得舒服，影相都好讚！.⚡️第一次試川菜嘅🥢潑辣水煮牛肉，睇落成盤紅噹噹，但食落其實冇咁辣😂雖然個底墊左好多芽菜，但牛肉嘅份量都唔少，而且醃得幾霖同埋入味，配菜仲有蘆筍、豬紅、寬粉，都幾抵食～.⚡️麻婆豆腐好有水準，因為豆腐好容易出水，但個芡汁冇被影響，勾得比較濃，豆腐好嫩滑+冇碎到，好加分.⚡️本身睇相🐷蒜苗回鍋肉唔特別吸引，但食落最好食，富有鍋氣、辣度適中🥚燒椒金色皮蛋用咗內地常見嘅黃色皮蛋，皮蛋本身味道比較清淡，但配埋辣汁就岩岩好

🌶️潑辣水煮牛肉$158超級大碗，保守食咗最少15至20片牛肉，而且每件牛都好嫩滑另外超級多芽菜，芽菜係偏幼身嗰一種，所以係朔晒水煮麻辣嘅味道，而且都有少量寬粉，煙煙韌韌好味🌶️川式香鍋 $200-300最少要加五款餸，所以我揀咗萵筍，魷魚，娃娃菜，蓮藕片，土豆片識食嘅一定明白點解我叫呢5款，全部餸都非常入味😝😝😝呢款香鍋算係微辣至小辣程度，而且唔算超鹹嗰款，所以啱大部份人食，唔會鹹或者辣得滯最後再加咗一罐王老吉，食辣嘢必配😋

川火堂是一家以新派四川菜的餐廳，有好多款傳統同埋新派四川菜式，包括烤魚、麻辣香鍋、水煮牛肉等，晚市仲有二、四人套餐等。🐟金湯酸菜魚 $228招牌菜金湯酸菜魚湯汁濃郁而酸辣，帶有微微的麻辣風味。生魚片新鮮滑嫩，一點也不帶腥味，配上大量的牙菜和酸菜，還有彈牙的寬薯粉，份量十足。油渣手撕包菜 $78即叫即炒，菜的脆嫩度拿捏得恰到好處，豬油渣和辣椒惹味川式口水雞 $72雞皮Q彈有嚼勁，雞肉則是極其嫩滑。配上獨特的調味料😗🎈川火堂🎈銅鑼灣駱克道401-403號榮華商業大廈地下B號舖