峴港越式料理

营业中

休息中

附近整完頭髮，見有越南小店就想試試。最愛生牛肉湯河粉 $50送熱飲湯頭味鮮甜，牛肉唔鞋有牛肉味。河粉正常發揮。味道好。越南炸春卷 $483大條春卷剪成6小條，炸得不錯，味道也可以。不過，只跟2塊生菜，唔夠分黎包春卷食，有點可惜。整體好味。店員應該係越南人，對話都係越南話。

嗌咗個越南牛肉包走芫荽跟一杯熱飲好耐冇見到PP膠蓋，一定要珍藏可能外賣嘅關係幾分鐘之後攞返去咬落去個包唔係太脆少少韌牛肉有味味嘅豉油味（或者魚滷味）整體嚟講$50又唔係太貴OK

第一次來，星期日12點半入座後，門外已經開始排隊。侍應妹妹好忙但好有禮貌。雖然座位不多但餐牌選擇豐富，今次食咗火車頭湯河，好味到我食到見碗底，小朋友食燒豬頸肉湯河都不斷添食。仲叫了橙汁特飲，上枱好靚仲有兩片橙裝飾，完全唔求其。價錢又好合理，一定會再幫襯👍🏻👍🏻👍🏻我仲想試撈檬粉同埋濱海

大部份時間都係食啲大集團餐廳食到有啲疲勞～路經見到呢間小店，用青色同埋木系做主打而且都幾多街坊用餐所以決定入去試一試佢💪🏻座位比較窄少少 單人去用餐預咗要搭枱但小店嚟講完全可以理解本身想叫佢地既house special, 但係最後一刻轉軚叫左個🥘咖喱香茅豬頸肉飯 + 熱阿華田 = $ 58.00豬頸肉好香脆～配埋啲蔥油 👍👍👍咖喱好香濃～薯仔都好腍👍係一餐性價比好高嘅晚餐😍P.S. 每台都有紙巾提供～仲要唔係個啲薄到要 2、3張夾埋一齊用既紙巾～讚！

街坊客很多，可能要在門口等下，正宗越南人廚師🧑‍🍳，收費唔貴🤭冇可去大陸食，幾拾蚊個河、飯，但好好味🤤，沙律法包🥖也不錯👍，食咗好多次咖喱飯⋯甜咖喱🍛，味道很好，越南㕑師值得來試試，班後生仔女做樓也很服務周到！很讚😎👍🏻

行過見到新店，又係附近無乜既越南店就試下店鋪細，無乜位，坐近門口都可以啦，諗住等有位再調，落單後，埋邊有人埋單，見到位比較矮既女伙記抹枱就問聲可唔可以調枱，當時亦有2人入左黎想坐呢張枱，然後呢位女伙計聽到問可唔可以調枱就回頭碌大對眼望過黎，個樣直情係「你無野嘛！」咁既款，算！唔調喇跟住隔離枱情侶碗粉食晒追個豬扒飽，男伙計追單先發現無晒豬扒等餐時望下張單，嘩，越南文，要對返餐牌先知有無落錯單我地叫左雞翼飯同豬頸肉飯，上菜速度合理，但個雞翼飯係凍既由於坐近門口，所以聽到等位同伙記講野好清楚：1. 等位係無飛禁既，你企下伙記得閒會行出黎招呼你，問你幾位，無位就等，要主動問係咪派飛先有手寫飛，唔問就無，大家一齊排2. 門口等緊既人想拎外賣紙睇下，都係等下先，伙記記得就會拎比你，唔記得就等3. 伙記無交流，4位等緊，轉頭另一個又問，未有枱，等下，無限的等4. 終於走左2枱2人，但1位叔叔坐左4人枱，伙記已忘記出面4人等候，只幫叔叔落單，叔叔主動調去搭枱，4人終於成功入坐最後結脹，行到最入，又係女矮伙記叫我等等，招呼位姨姨叫飲品，姨姨醒唔起有乜飲，呢位伙記好不情願行2步去拎餐牌，拎到姨姨就醒起叫青

暫時食過豬頸肉同埋香茅豬扒都唔錯 食過越南三文治包又好脆 湯個湯底都正正常常 總之總括嚟講都係幾好嘅 更何況呢區真係冇乜好食嘅越南菜 呢個價錢嚟講好抵食 都算幾大份 賣相擺盤都好靚