峰壽司

✨壽司牛肉烏冬定食✨漬物係蓮藕片咬落脆口👍🏻事先有醃過，食落鹹鹹的✨沙律🥗沙律有生菜，粟米粒，車厘茄🌽🥬沙律有黑醋dress 過食落好清新✨是日炸物係炸薯餅🥔🔥有兩件，上菜時仲熱的🔥食落好脆口👍🏻✨牛肉烏冬🍜🐮烏冬份量剛剛好碗上有少量蔥同埋肥牛👍🏻肥牛有三片，唔算真係好肥湯底飲落唔咸烏冬食落少許彈牙🤟🏻✨壽司有十件，一字排開咁樣上菜每件都好新鮮👍🏻白飯都算大舊，食完都飽哂餐廳內部闊落通風亦好充足上菜速度都好快侍應上菜時都會放喺食客面前👍🏻唯一敗北係冇紙巾提供同埋網絡收得比較差要用佢店內wifi 先掃到QR code 落到單侍應態度一般收錢時一句多謝都冇🥲個場冇咩食客，侍應都唔會主動出來帶我入座👎🏻要由廚師提醒先慢慢行出來帶入座食物質素唔錯而唯一嘅服務就只剩得上菜👎🏻冇諗過$120 食個午餐都只係咁嘅服務態度👎🏻👎🏻…查看更多

同同事放完工一齊去食返個飯，同事推薦呢一間壽司舖話個set抵食，於是就嚟咗一齊食啦睇完個餐單之後，我叫咗極尚壽司套餐，套餐入面包括12款嘅壽司，一個湯，一碟炸物，一碟小菜，一碟沙律菜，總價都係148，就咁聽落CP值都已經好高嚟到嘅時候我更加驚訝嘅係，鰻魚壽司條鰻魚同我隻手掌差唔多長，真係冇誇張其他款嘅壽司都好新鮮，一啲都唔馬虎，感覺可以再嚟食過呢啲真係魷魚都好好食，份量仲要唔係少如果話美中不足嘅係我覺得個湯可以變成一個迷你湯烏冬，咁樣好似更加完美。不過呢個湯都唔係難飲嘅。整體嚟講都幾滿意，同同事傾咗好耐偈，店員都冇話講我哋走服務唔錯👍…查看更多

呢份壽司牛肉烏冬定食真係色香味俱全，令我大快朵頤。首先，壽司嘅種類繁多，三文魚同油甘魚嘅鮮味喺口中交融，海鮮嘅新鮮感令人驚喜。赤貝海螺同甜蝦壽司嘅口感細膩，搭配上墨魚同蟹柳，令整體味道層次分明，令人一口接一口。牛肉烏冬則係呢餐嘅亮點，湯頭濃郁，牛肉嫩滑，烏冬麵條彈牙，為整體用餐增添咗滿足感。沙律清新可口，為豐富嘅海鮮同牛肉提供咗良好嘅搭配。今日嘅炸物亦唔容錯過，外脆內嫩，令人一試成主顧。最後，漬物嘅酸甜適中，為整餐畫上圓滿嘅句號。整體嚟講，呢道定食唔單止呈現出日本料理嘅精緻，仲帶嚟咗豐富嘅口感體驗，令人回味無窮。…查看更多

今日有多少少時間，可以慢慢同朋友仔傾下計諗住傾下近排好正個套《破。地獄》大家都好細心，睇到勁多細節位。感性感動。我地勁好彩揀到間好餐廳，可以慢慢嘆下。就係將軍澳廣場峰壽司。我好鐘意呢度既蒜香三文魚飯，雖然醃製嘅三文魚都係啲邊邊角角，但係佢嘅香氣同新鮮三文魚配合非常之好送飯。朋友揀嘅牛肉烏冬都唔錯，牛肉好多，烏冬份量都好足。海鮮飯定食尚算新鮮吧。定食配有主食，泡菜，前菜，麵豉湯，炸薯餅。牛肉烏冬仲配上煎餃子。份量真係好足，食完好飽。…查看更多

唔想係xx朗排隊，諗住試吓啦，點知。。。食物唔新鮮，卷物超迷你，個三文魚湯還好。。。好衰唔衰見到佢哋倒番檯上啲豉油入個原裝個鼓油樽🤮即刻俾錢走。。。出到門口即肚痛要去廁所一定無下次！…查看更多

前晚同家人去壽司朗擺位，諗住好耐無食，壽司無咁肥，雖然依家已差咗，不過算喇！點知要排百幾個，於是諗住求其食，經過峰壽司，唔係咁多人，又好耐冇食，取票後等咗15分鐘入座。食物送到，嘩！天婦羅過脆漿硬過石頭，鰻魚壽司好似罐頭貨、帶子壽司得過冰字，另外一款三條多帶嘅壽司，唔知叫咩名都完全冇味，本來想試吓佢啲拉麵烏冬諗諗吓都係無謂去第二間食好過，仲差過D現成貨，唔怪得知咁多香港人上大陸消費唔係冇原因，一個字*好唔掂*如果再唔改善，遲早消失。…查看更多

路過將軍澳廣場夜晚又想食壽司雖然附近有壽司郎但晚飯時間都多人等位於是去咗另一間叫峰壽司的地方見到個menu ，都啱食的於是就入去試一次啦由侍應帶位入座一坐低，侍應就先遞上兩杯熱茶跟一個QR code 去落單而枱面亦有一樽熱茶自行refillorder 咗一份峰壽司盛合但由於個盛合內，另一半唔係樣樣都啱食所以再order 咗個特大三文魚三點盛又驚自己唔夠食所以再order 多個三文魚飯，配麵豉湯落完order 唔夠五分鐘就上菜先上個麵豉湯，好熱好大碗，飲落唔太鹹然後就上個三文魚三點盛特長嘅三文魚，包住成舊飯咁食，好滿足再上埋個三文魚飯同埋盛合三文魚飯就正常發揮，飯都大碗的盛合入面嘅壽司飯大小適中，入口剛剛好各樣壽司我就唔識評論，不過好食食哂枱上所有食物都飽飽了全程用餐侍應態度好好上菜時都唔係推銀機咁擺枱邊餐廳環境整潔加埋一埋單 $359會再幫襯…查看更多

食物方面：壽喜燒唔錯，特別係個溫泉蛋撈飯，好滑😋😋😋壽司同刺身味道都ok，但鮮度同厚度可以更好～😛服務方面：正常，但杯茶真係好熱，特別我嗰時好口渴，等咗好耐先飲到～😣😣😣環境方面：坐得舒服，傾計都ok性價比方面：同其他日式料理相近，而且餐廳係起係商場入面，價錢可以接受👍🏼👍🏼如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆…查看更多

喺將軍澳廣場，見到另一間人氣壽司排長龍，只能望門興嘆，食”峰壽司”。唔好睇小佢係屋村壽司，以前”峰壽司”係有中檔水平，喺元氣元綠之上。雖然而家沒落咗，但佢嘅”辛辣龍之卷”仍然有當年風味，而佢啲長壽司喺香港已經買少見少。冇咩要求，間中食吓，還可以。…查看更多

呎間餐廳去過超過10 次，初初覺得都幾好，但近來食材愈黎愈唔新鮮。唔會再去了。。北寄北食到酸味。。。。生蝦同熟蝦都好霉。。。真係唔明白，點解會搞成咁？會唔會係附近嗰間連鎖店搶晒佢生意令到佢無客，食材自然新鮮…查看更多

環境濶落，坐得舒服餐牌也有很多不同選擇--- 峰壽司盛合 --- $198比旁邊的壽司朗坐得舒服，不用等位，也沒有限時。共有9款壽司大集合，魚生新鮮道比預期高，整體味道不錯，蛋壽司口感厚實…查看更多

之前都食過一次將軍澳分店和買過一次外賣壽司盛合，之前覺得價錢同質素對中規中矩，今次和小朋友一齊黎，小朋友食烏冬，我同太太散叫咗一啲壽司，嚟到都覺得OK，咁就再叫多一個盛合，黎到個盛合有三款魚睇落去冇油性，個吞拿魚仲係黑嘅，然後我不期然望過去壽司吧，一個四眼嘅壽司師傅冇帶手套不停抓佢下巴應該係暗瘡定唔知乜嘢嚟，我望住佢抓完之後又收到order，跟住手都唔洗就繼續做壽司，之後我叫老婆唔好再叫我哋都係走，返到屋企係咁發冷肚痾，一間集團式嘅餐廳，應該好好管理員工嘅衛生要求，尤其係做日本菜！…查看更多

有時晚餐諗唔到食咩，就會去將軍澳廣場的峰壽司。首先我喜歡這間店舖的環境很舒適，坐着很舒服，適合聊聊天。推介豆腐沙律，配上濃郁的芝麻醬和木魚，很好吃。另外我喜歡這間店的原因是刺身非常新鮮，每次都會食三文魚刺身。至於甜品方面，每次都會叫甜薯，配上很甜的麥芽喺上面，凍凍地，很好吃。而且每次都會叫軟殼蟹卷，配上黑色的蟹籽，吃上去味道鮮甜。還有每次都會吃龍之卷，我們都很喜歡吃上面的熱浪薯片哈哈😂總結而言，這間壽司店的性價比高，埋單二人通常$400內。…查看更多

峰壽司的壽司新鮮足料，每一啖都可以感受到海鮮的鮮味。壽司米的口感也非常好，鬆軟但不膩口。店內的服務員也非常友善，每一碟壽司上枱時，店員都會講多謝，食物上枱速度唔會太長。整體來說，這家壽司店的品質和服務都非常優秀，是一個非常值得推薦的餐廳。…查看更多

平時係香港要食性價比高嘅壽司，一定非壽司郎莫屬。但壽司郎長期排隊排到暈，唔等返一個小時以上都食唔到，唔係次次都有毅力去等架嘛。  今日同朋友係將軍澳行完街，行到去將軍澳廣場見到新開嘅壽司郎大排長龍，唯有轉移陣地去岩岩番新完嘅峰壽司。 峰壽司盛合 ($198) 呢個壽召盛盒總共有14件壽司，2件玉子燒同6件小卷。壽司有帆立貝，吞拿魚，油金魚，三文魚，千尋海老，魚背，秋刀魚。其中帆立貝真係好出色，質素拍得住壽司郎黑碟帆立貝嘅價錢! 特大三文魚三点盛 ($38) 峰壽司嘅特大壽司系列又點可以錯過。呢碟壽司包左三件勁長三文魚嘅壽司，其中佢個特大漁師風三文魚壽司真係好正。三文魚控真係要黎試下 如果性價比黎計，峰壽司真係不比壽司郎差。 …查看更多