峰壽司魚屋

服務態度非常之差，我哋仲食緊飯個陣，就用好大既滴露+漂白水清潔店舖，成個鋪個環境好大陣味，啲食物都有味道，個環境味道好刺鼻。食物魚生完全唔新鮮，有好大唔知咩味。質素好低，價錢唔平，可以話貴。服務態度非常之差，我地未食完，就不斷同我地講話要走，幾時走得，明明仲有食物，仲未食完，都仲可以叫人走。非常之差。仲要係幾個唔同職員輪住黎叫你走。食物水準好低，睇得出啲食材冇好好存放，啲食物應該買返黎應該都唔係好好，因為啲有陣‘益’ 味。食物有消毒藥水味。…查看更多

Lunch Set 有壽司餐，刺身set, 仲有唔同既熟食set今日試左壽司餐，有5件手握壽司同6件卷物。午市套餐包左麵豉湯，漬物，沙律同2小件炸物。壽司都幾新鮮，而款式都算多。手握壽司黎講大蝦會比較岀色，食到蝦既鮮甜味。 呢個餐既份量for 女仔黎講都還好 11件手壽司加前菜。 但for 大食啲既朋友就可能要再加$18加多個烏冬先夠飽了。見其他朋友叫左炸豬扒飯，海鮮丼飯。感覺上會比壽司set抵食啲。因為份量都好似多小小。壽司set $99 + 10% ，$109埋單。 食物質素ok。…查看更多

去完維園花市經過皇室堡上去食嘢，剛好見到這家餐廳即管試一試。看來是比較平民化的價錢。我叫了一個三色壽司60多元另加一個壽喜燒110多元，價錢算是便宜了。三色壽司水準不達標，海膽完全無鮮味，吞拿魚蓉亦沒有什麼味道，只是三文魚子有應有的鹹味。整體來說不合格。壽喜燒以這個價錢來說不能苛求，雖然是迷你版本，但係牛肉也挺多加上少量的菜可以算是合格了。埋單都是$200，價錢很平民化，但水準就真的是一般了！尤其是壽司不能期望太高。注：我的茶杯都有多點崩的地方，也見到有其他客人要求換走崩了的茶杯，這種情況一般的食肆已經更換了。…查看更多

成間餐廳職員好似機械人，淨係會同你做手勢，唔會出一粒聲 。豉油碟明顯有漬照拎俾客用 。叫左個lunch 壽司set, 由上前菜到主菜，都係求其擺低就走，唔會理客人坐邊，要食客自己移食物去面前食 。壽司盤一擺上枱已經好唔開胃，擺盤亂七八糟，食材仲衰過爭鮮 。影完相發現，卷物上面嘅刺身/沙律，已經跌哂落枱，而我只係係侍應擺低之後移左一次去自己面前 。食左舊油甘魚，苦嘅 。試埋三文魚腩，真係衰過去百佳買 。其他已經唔想試，埋單走人 。連加一$109🙄…查看更多

沙律裏的天婦羅粒是益的，依家仲諗起浸益味🤪，唔明咁都可以比客食，魚生同蝦完全冇魚同蝦味，得惺味，北寄貝有殼碎，午市二百幾三百蚊性價比極低，冇下次😤，壽司郎好食太多…查看更多

好耐無食峰壽司 依家lunchtime都無乜人lunch set 都幾抵食唔覺意嗌咗成枱嘢食特上壽司定食 $119[三文魚腩 | 油甘魚腩 | 吞拿魚 | 油甘魚 | 千尋海老 | 海螺 | 三文魚 | 赤貝 | 帶子 | 鰻魚 | 三文魚子軍艦 | 蟹碎軍艦]壽司手卷定食 $89[北寄貝沙律手卷 | 三文魚 | 墨魚 | 八爪魚芥辣軍艦 | 葱粒吞拿魚腩軍艦 | 千尋海老 | 醋鯖魚 | 三文魚腩 | 海螺]每個定食都有湯有沙律有小食全部嘅味道都中規中矩啦 無中伏 但又無話好好食:)勝在夠豐盛同幾抵食墨魚軟骨 +$28每次食都會嗌 志在有啲嘢咬吓咁鐵板炸餃子 $49 都炸得幾香脆 味道就正正常常啦磯邊炸雞 $39ummmmmm 有啲乾有啲柴嗌咗咁多嘢食 每人都只係$1xx …查看更多

lunch set三文魚份量超多，多到食完啲飯都仲有好多三文魚，而且質素好ok! 朋友的鰻魚又係好足份量，扺食！唔係第一次推薦依間，再黎都真係好滿意！好中意依間日本野！咁食抵過壽司朗！…查看更多

等位等左10分鐘左右坐得舒服、掃QR code落單沙律不過不失如果可以多啲沙律醬會更加好刺身方面對比元氣同板長嘅話反而覺得呢到唔太新鮮 特別係三文魚係似爭鮮嘅質素火焰蟹柳一般元氣個款會好食好多左邊嗰個係唔知咩海螺爽爽地，但係唔好食😂仲要勁黐牙，好難咬，難消化好彩淨係叫咗一件:(到最伏嘅海膽壽司好想講從來未食過咁苦嘅海膽壽司原本隻色係好暗沉灰灰地色睇到都好唔開胃，唔想食嗰種係加咗調色依家睇落去先咁靚總結性價比都算高埋單差唔多$400兩個人但係如果有得揀寧願食返元氣/板長/壽司郎…查看更多

皇室堡樓上嘅餐廳呢幾年基本上冇乜轉手，呢間壽司店都開咗好耐，今日嚟到呢頭，又唔想食和民，就入嚟試吓佢啲壽司。-佢嘅壽司set都幾抵，大概$100 ，有齊三文魚腩、油甘魚、海老、鰻魚、北寄貝、同埋三款卷物，仲包埋麵豉湯同漬物，都幾抵食～-三文魚腩同油甘魚油香都幾重，海老同埋鰻魚都冇腥味，算係唔錯。另外嗰三款卷物就麻麻哋，唔係好食到魚嘅味道，唔知係咪因為包得太多飯，不過$100有齊咁多嘢食性價比都好高。…查看更多

收工之後去食飯，可以選擇刺身，炸物同小食，呢間都可以試一試。 环境： 皇室堡四樓，座位不會太多，之間距離ok 三文魚盛合，一堆剛剛不同口味的三文魚刺身，小卷，火炙壽司。而且全部厚切，口感新鮮。 不過成個盛合擺盤可以，就缺少了薑片。正常薑片都可以擺盤，方便客人食幾片。 餐台上面也無擺，主動要求才提供。 食了類似前菜的三文魚新鮮盛合，就像再加哋肉， 點了壽喜燒烏冬，又可以飲湯，又可以食牛。 本來想再鵝肝壽司。最後都改選了藍鮨吞拿魚火炙壽司。 服務有主動帶客，不過紙巾等我差不多用完一半先提供，🤣當時可能大臺分兩張臺無左一邊的餐具。…查看更多

日日喺銅鑼灣搵食真係頭都痛🤦🏻‍♀️間中食吓壽司🍣都唔錯呢度午餐定食款式都算多壽司，定食，壽喜燒⋯⋯今次揀咗午餐B有麵豉湯，有沙律，有炸物🤩以為開胃啲嘅話，仲要+多$18嘅迷你湯烏冬🍜😆呢度定期會因季節推出新菜式有時嚟食吓晚餐都唔錯😌…查看更多

去到銅鑼灣食個平價壽司🍣以壽司店黎睇、算係平價之選、而且質素都五錯、平均款色都物有所值😋三文魚盛有五同方式做架三文魚、以甘架價錢算係甘、加上三文魚都新鮮、五同架配搭、令到三文有五同架感覺！每次去食壽司都會必叫南瓜天婦羅、香脆可口、加甜甜的南瓜🎃再叫埋幾款壽司、海膽壽司還可以、五會太腥沙律就一般一般啦…查看更多

吸引我入去食嘅原因係門面吸引，展示出黎嘅壽司盤賣相好精緻好吸引😋午餐價格相宜<壽司手卷定食A> $89有2件炸物，一碗麵鼓湯，一碗日式沙律，一份小配菜，一客壽司盤（一個手卷，8件壽司）炸物有啲油咗少少，麵鼓湯都算香濃，沙律清爽，壽司方面：三文魚腩最肥美，油甘香。蝦就有啲失色，肉質有點鬆，感覺不太新鮮。整體都鮮味好食。<牛壽喜燒烏冬> $118牛肉脂肪分佈適中，甘香，都幾多塊吓。湯香甜，同蛋撈埋一齊好野味。侍應好好服務都會細心講解點食個牛壽喜燒烏冬。…查看更多

好幾年冇食過.今日有緣再食.估唔到水準爭咁遠!加洲卷一絕.居然有苦味!爭鮮好食過佢好多!拉面又淋又鹼水味.唯一可取.兒童餐仲係會令到兒童好開心.今次最後一次.後會冇期…查看更多

呢間峰壽司喺皇室堡，睇戲前去食啱啱好，在銅鑼灣要食到大眾價錢日本午餐唔多，呢間食物份量同質素都可以，價錢大眾化，午餐仲有好多選擇我哋叫咗蒜香三文魚定食同鰻魚飯定食，定食包括:麵豉湯，漬物同小食炸薯餅蒜香三文魚定食$89三文魚非常新鮮，三文魚嘅份量一啲都唔小，，飯就適量非常抵食，鍾意食三文魚嘅朋友仔可以試吓鰻魚飯$90甜甜的醬汁加算係厚切既鰻魚和暖暖的飯📍 峰壽司魚屋 (銅鑼灣)銅鑼灣告士打道311號皇室堡4樓405號舖…查看更多