峰壽司魚屋

晚餐份量唔多，等餐比較耐尤其是兒童餐，有扭蛋唔錯算有心做，壽司新鮮，但醋飯太酸，壽司款式唔算多，墨魚壽司面有柚子鹽太鹹，無得揀唔要我就覺得影響左件壽司味道，而且唔係個個人鍾意咁鹹嘅柚子鹽，整體無咩特別，都係醋飯太酸影響壽司味道，峰玉子壽司超乾，好似擺左好耐咁…查看更多

壽司唔新鮮，真係好唔新鮮。有啲詞窮，諗唔到其他形容詞。呢間連鎖都開左好多年，估唔到keep 唔到水準。到炸物方面，唔知係唔係翻叮左好多次？炸粉叮到黑晒又乾。問問侍應可唔可以換一碟新鮮啲，佢話碟碟都係黑色，唔需要換。咁好啦，起碼得個知字，了解餐廳個standard 去到邊個level 。優點：唔洗等位，假日夜晚唔洗等就有位坐。上菜速度快，叫壽司盛有十幾件壽司，好快就上到枱。同埋每舊壽司飯都夠大，會食得飽。…查看更多

同朋友去食壽司，見到「峰」，就諗起以前Vwalk果間峰壽司，可惜已經冇做😭，所以今次係荃灣見到～就入左去食！今次叫左火灸盛、蝦天婦羅卷、軟殼蟹手卷、峰鰻魚、軟殼蟹卷和火灸蟹柳。蝦天婦羅卷的外皮酥脆，搭配的米飯也恰到好處，讓整體口感均衡。👍🏻軟殼蟹手卷，酥脆的外殼，口感層次豐富。手卷的米飯也不會過於黏膩，好食！峰鰻魚的鰻魚肉鮮嫩，入口即化。搭配上特製的醬油，正！火灸蟹柳則是將傳統蟹柳進行創新，火焰烤制後的蟹柳更加吸引。可惜當日既火龍卷賣哂😭佢係我最愛既卷物黎～大家有緣見到都要一試…查看更多

叫了個鍋，諗住追加碟肉。$59 牛西冷兩片。咁大個人第一次。你地自己睇加唔加啦。壽司都唔錯。只是這個追求肉實在是與合理期望有著太空同地球的落差。食物味道唔係差。一個字勁。…查看更多

峰壽司🍣是日星期六6點到達，不用等位直入，全場約6成滿，用QR code落單，坐位寬闊，環境舒適大約七點左右，門口開始人多，需要排隊！厚切吞拿魚 、火炙盛、北寄貝沙律、火炙三文魚沙律、火炙蟹柳、峰玉子⋯⋯壽司新鮮，有多款選擇⭐️⭐️⭐️⭐️（4/5⭐️）軟殼蟹卷六件軟殼蟹，味道出眾，整個配搭很好吃⭐️⭐️⭐️⭐️⭐️（⭐️4/5）蟹柳沙律沙律醬不夠，沙律菜不太新鮮，蟹柳份量亦不足⭐️⭐️（2/5⭐️）…查看更多

以前成日嚟，無嚟一排，質素差左好多。假日夜晚去到等位15分鐘左右就有，以前最少等45分鐘至1小時以上。真係人流反映一切。壽司飯全部勁林，一pat pat。真係超市壽司都好過佢。魚生都好多唔新鮮，顏色暗啞，好多都味道腥。 最令我呆左嘅係三文魚壽司成大條骨突哂出嚟都上碟，即刻搵佢換。無影低。換左但壽司飯都係一pat pat。怪唔得少人左咁多。食物令人失望…..壽司上碟亦都好求其，碟勁dirty。啲汁成個碟都係…衛生真係有待改善。價錢唔平，但質素咁差，真係難怪咁多人去食壽X郎。…查看更多

荃灣廣場的峰壽司好有吸引力，每一段時間都會幫襯一下。簡潔的日式裝修，座位舒適，又有大玻璃窗可以眺望街景。午餐時段我第一個入座，肚都餓到響起音樂，好快點咗一個午餐定食卷物餐。首先你係一個蔬菜沙律，新鮮爽口，一小碟泡菜，一大碗麵豉湯熱辣辣的，味道唔會太濃，飲完之後感覺暖胃。小食今天係炸三文魚腩無骨又香口，正。壽司有三文魚、三文魚腩、甜蝦、鰻魚、北寄貝等等，又有爽口的青瓜小卷上面沙律、吞拿魚蓉和三文魚，一頓豐富又清爽的午餐。…查看更多

今日星期六，老婆突然間想食壽司，就決定去峰壽司試一試入到去環境寬敞，有落地玻璃可以望到出邊嘅景色坐得非常之舒適服務員亦都好好幫我哋執好晒成個位有需要可以即刻嗌佢哋餐牌上邊有好多唔同種類嘅壽司，睇到個花多眼亂，最後決定叫一set的壽司嚟食壽司都算非常之新鮮，尤其是拖羅，有日本拖羅嘅感覺油質非常之豐富，真係想單叫多一碟唯一我覺得可以改善既係用綠茶粉取代茶包，同埋自助加水，成日唔夠水飲，飲多左，茶包無味…查看更多

估唔到峰壽司都有出下午茶，雖然食評嘅食物質素好似麻麻，不過都試一次啦，點知非常有驚喜！TEA: 火炙壽司set + 炸雞 + 迷你烏冬 $58 （加埋一總共$64）火炙壽司一啲都唔Hea ，有鰻魚蟹柳玉子同埋三文魚，蟹柳玉子其實間間都差唔多，鰻魚有啲入口即溶嘅感覺，正 。迷你烏冬：正常發揮，雖然等咗一陣先食蛋都冇淋到，烏冬都入味，其實呢個份量剛剛好 。我等晒啲嘢食嚟，食完壽司同埋烏冬，最後先食炸雞，但啲炸雞依然都熱到食唔到，即刻炸非常欣賞！雞肉嫩！熱氣嘢食三嚿都非常足夠 。下午茶平日三點至五點，我覺得好抵 ，可見而家真係生意難做。…查看更多

今日嚟到荃灣做嘢 順便搵下好嘢食， 好耐冇食日本嘢最後揀咗峰壽司， 呢間峰壽司 地方都都大， 枱與枱之間都有一定距離唔會好擠迫 ， 午餐時間 都唔係好多人 ，好多年前食過 覺得唔錯， 諗住今日再回味下😂， 因為唔係好肚餓所以 簡單點咗幾款壽司， 蟹膏壽司，帆立貝壽司， 甜蝦壽司， 赤貝壽司， 蛋壽司， 北寄貝沙律壽司。壽司米飯好食 唔會握得太實夠鬆軟， 不過比較細件 都幾迷你下😅 ，上面嘅 魚生 有部份唔太新鮮， 仲有啲風干左添，蟹膏偏鹹唔夠濃味， 整體嚟講其實係有點失望嘅，我覺得 比以前差咗😅…查看更多

本身住樓上樓下 成日黎食火龍卷同張圖差天共地 蟹子同少得可憐 全部係碟 炸蒜多過哂所有野 連張圖既醬都冇 難食到痴線 蟹子手卷份量又係少得可憐個烏冬套餐就直情漏埋單 但冇人幫手追 最後黎哂啲野 烏冬同我講後上 真係笑左其實真係想留港消費 點解可以差到咁 88蚊卷物食蒜 98蚊烏冬衰過自己煮 個天婦羅蝦其實就係純炸蝦 根本冇天婦羅粉炸 個沙律就直情同張相唔同左同個侍應講仲態度兇番轉頭 要惡過佢佢先態度好番少少 lunch 3舊幾水食啲咁既野又唔飽....真係好失望…查看更多

平凡是福 , 我個人好簡單 , 唔使下下話搞曬大龍鳳咁去食 fine dining/omakase, 做人最緊要知足，有魚生丼，有壽司吃，就應該好滿足 ~間八&油甘魚壽司：魚肉新鮮，間八的味道魚味濃厚，油甘魚油脂甘香；配上握得軟硬適中的壽司米飯，幸福感爆燈 ~吞拿魚蓉丼 : 吞拿魚又即是鮪魚 , 吞拿魚蓉加上香葱已經是很邪惡 , 吞拿魚蓉的味道豐腴鮮美 , 魚琢得細滑軟綿，配上偏向室溫的日本米飯、香䓤、紫菜、紫蘇葉 , 口感鮮美 , 有夠滿足 ~本篇完 ~…查看更多

突然想食壽司 就咁入咗嚟食日本嘢😂估唔到啲嘢大部分都幾正：.✨五點刺身盤裡面有：三文魚、呑拿魚、帶子、油甘魚、甜蝦👈🏻每一款刺身都好鮮 完全唔腥，同埋好快就咬完😳😳而我最鍾意係三文魚&甜蝦‼️三文魚係最帶有魚香嘅刺身，而甜蝦真係甜甜地 質地柔軟🦐.✨三文魚壽司 + 火炙三文魚壽司三文魚質地都係同上面刺身一樣，好有魚香 帶有鮮味🍣.✨海螺芥辣壽司🐚 + 八爪魚芥辣壽司🐙呢兩款嘅咬感幾好，不過芥辣方面 係攻鼻刺激….✨三文魚細卷（呢間啲選擇少，真係冇乜特別想食 先係咁叫三文魚🥹🥹）·✨峰玉子壽司玉子係好大個，但壽司飯嘅比例有啲少😗.✨迷你烏冬幾鍾意呢個烏冬‼️烏冬煮嘅時間剛剛好，軟硬度適中 滑身而煙靭，湯底好清甜 好香紫菜味🍜·✨藍莓千層蛋糕🫐一個千層蛋糕有啲藍莓醬喺裡面，幾特別💙千層嘅層次分明，千層皮都唔會太厚，整體係幾配…查看更多

呢間聽得多，我都是第一次試，門面裝修已經見到好日系feel,門口睇到嘅食物都好精緻，入去一坐低就見到餐牌上好多款式可選，今次我哋叫咗鰻魚飯同海鮮飯，再叫咗帶子刺身同墨魚小食，好鮮甜嘅海鮮飯帶子刺身好味道鰻魚飯比預期嘅結果都唔差太遠，但墨魚小食就比較略微無咁好味，但都好好食的，整體我對呢間店唔差，但因為我哋2個人，所以並唔可以叫太多來試，期待下一次再可以來試多次，下次我應該會試佢哋嘅壽司，海膽，刺身盤，應該都會令我有所期待的。…查看更多

環境：裝修日系，餐廳闊落乾淨企理冇異味，上菜速度都好快，座位與座位之間都有好大的空間，坐得都好舒服芝士火焰蟹柳壽司：呢個係去到峰壽司必食的，新鮮熱辣辣，沙律醬夠多，蟹柳鮮甜，新鮮上枱好好食三文魚刺身：份量不過不失，兩個人食每人幾塊份量係足夠的，三文魚新鮮，肉質都算鮮嫩刺身蝦壽司和腐皮壽司：質素不過不失，勝在新鮮上菜，他新鮮有口感大隻蛋壽司好食：好重蛋味，上枱熱辣辣帶點甜味，非常開胃飯後甜品，甜番薯，點楓糖醬食非常好食，口感好糯…查看更多