峇峇娘惹 (將軍澳廣場)

話說行左成日街去完大坳門放紙鷂，無端端行咗嚟呢一間野，心諗發達囉假日7:00冇人等嘅？原來係伏。仲要係好大嘅伏。本人對東南亞及馬來西亞菜十分之嚮往，所以有少少心得。一見到呢一間野諗住一定可以試吓，見到個餐牌有個$168晚餐二人餐，上邊可以揀嘅item雖然都好那古怪但係我都揀咗以下幾樣。頭盤可以揀沙巴通菜，同埋怡寶芽菜，點知係全餐最好味嘅一樣嘢就係芽菜。又大碟又真真正正嘅肥芽菜。第二樣小食我揀咗咖喱汁配薄餅，個薄餅係好似百佳買最平嗰種，家用式嘅，雪藏之後拎出嚟煎翻熱佢，唔係話佢唔好食，係好似喺屋企食嘅嘢，所以呢樣唔係最差。主菜嗌左兩樣，豬潤肉骨茶同埋亞參魚煲….！大家估吓邊一個難食啲….先講個肉骨茶，其實OK嘅有五舊豬潤水準可以。嗰個魚煲…..大家知唔知乜嘢叫做亞參？係用酸魚做嘅….呢度個版本就係…..用好似快餐魚龍利柳加埋啲整色整水好似咕嚕魚一樣….食到嘔左出嚟…. 好討厭啲人將自己話係馬來餐….其實係茶餐廳…查看更多

峇峇娘惹（將軍澳廣場）😋😋這天中午和朋友光顧了這間食店-峇峇娘惹（將軍澳廣場），我叫了一碗星洲魚丸滲滲喇沙，飲品叫了一杯青桔仔水。未食過馬來西亞菜，幾期待。😋😋圖一： 星洲魚丸滲滲喇沙有的意外，好似有兩種米線🤔，一種幼一種粗。睇落好似好辣，食落又唔會覺得辣😋😋。碗麵足料，幾特別，有半個細細的青桔仔🤔🤣，魚蛋彈牙😋😋。圖二：青桔仔水 走冰一杯有四個既半粒青桔仔，飲落唔錯開胃，青檸味濃😋😋。總結： 呢間野食唔錯，幾好味，值得一試😋。…查看更多

今日請左半日假，收工去左交表之後都未有時間食野，跟手三點又話要趕去接仔放playgroup。😅😅😅😅唉，一個字：趕。兩點三去到將軍澳廣場，經過見到呢間竟然咁早有下午茶，慳家既我唸都唔唸梗係即刻衝入去喇。望下餐牌先：$33可以食到喇沙喎。😍😍😍😍不過個配料就只得魚丸拚魚角或者係魚腐。$33蚊仲要包埋野飲😍😍😍😍心心眼又再出現，咁抵，即刻加返個凍飲同埋小食善待一下自己喇～叫完野食，呢頭岩岩先影完個餐牌，個頭侍應叔叔就放低左杯南洋咖啡。唔通我個頭寫住個「趕」字？😂😂😂杯咖啡底個d係錬奶，撈完都無話好甜。咖啡就唔係特別香濃，不過不失咁喇。👌🏻過左一陣，喇沙同雞翼都齊齊送到～喇沙既外觀都算唔錯既，係個魚腐麻麻地，好似浸左一晚水，就黎溶化咁～🙈🙈🙈如果兩個揀既話，或者叫魚丸拚魚角會好啲。而個份量就預左真係下午茶過口癮既size。如果好似搵食我咁大胃王，係好肚餓既狀態之下，呢個份量應該要食兩碗先夠頂肚。😝😝😝因為喇沙裡面無咩肉得半隻蛋，所以另外加左個$10既雞翼。咁樣食野先算均衡呀嘛😂鍾意食肉既，小食入邊仲有$8香茅骨可以揀。賣單承惠$46，呢個價錢，坐得舒服，上菜爽手，味道可以，嘆到兩點九賣單走人。👍🏻👍🏻👍🏻👍🏻👍🏻竭一竭腳又要走人喇。…查看更多

718三個人去食，唔使等位，坐咗陣嗌咗三個便當，一個係魚兩個係咖喱雞，一杯熱青桔水兩杯熱青桔茶，落單時間清清楚楚係13：05。等咗成15分鐘支支助助先至見到三杯似樣嘅飲品，但係個侍應對眼就好似唔知生咗喺邊咁，明明自己張單都寫住44號又識up出嚟，但係偏偏俾咗後面嗰枱……大佬你係咪真係唔知邊枱打邊枱，咁啱人哋冇叫青桔茶先俾返我哋，但係我杯青桔水又要等佢出俾我，好在算快🌝大概20分鐘左右上咗一個魚一個雞，質問佢點解兩個雞唔係一齊上，催佢快哋又叫人再等等，大佬你即叫即做都唔係咁耐啩，餓死咗係咪你負責啊🙂過咗好快佢確實拎咗個雞便當出嚟，但係竟然唔係補俾我哋，而又係俾咗後面嗰枱……其實係我哋到餐廳先我哋叫嘢食先，憑咩下下嗰枱客都快過我哋，好明顯係侍應對眼有事啦。差唔多等咗佢40分鐘，催極都係嗰句「我知你哋差個一個雞便當」，但係等極都唔出，又唔話幫我哋跟，個腦有事❓❓❓你知漏單有屁用咩，等到40分鐘真係唔想再等，個個慢過我哋都走晒，忍無可忍同佢講唔要個雞便當，反正杯熱青桔茶又冇飲過，索性發佢老脾話唔想俾加一服務費。大佬啊，你集團式經營，收得人加一服務費，都要人等咁耐先有得食有冇病啊，你叫我俾服務費試問你除咗落單同出菜邊到服務過我？到改完單取消完服務費個死人飯先出到嚟……服務態度差到咁，唔願意跟進漏單狀況，起步位已經差人一大截🤣咁嘅情況只可以俾個超級負評囉……加上青桔茶青桔水都唔入味！魚便當雞便當飯量就多，餸就得五嚿，略嫌過少！仲有啲飯真係好硬，硬過本新手煮嗰啲！！！個雞話椰汁咖哩雞，點知冇椰味，仲辣到死🥵份量少少仲平均60蚊一個，加埋一仲得了咩？Overall: disliked and blacklisted🌚…查看更多

有日經過「峇峇娘惹」發現佢哋下午茶有叻沙揀見$33就一碗仲有野飲送無咩期望就行咗入去揀咗星州魚丸拼魚角滲滲叻沙估唔到仲要係滲滲咁正宗野飲揀咗餐廳推薦嘅熱馬來拉茶再加碟參巴通菜可能下午茶唔太多人好快就上齊3樣野叻沙個樣唔錯喎 又香～有齊魚蛋、魚角、豆卜、芽菜同半隻蛋芽菜仲要係粗、短身十足十馬來西亞出品份量對於女仔應該都夠飽而且出奇地出色湯底同出面嘅貴四五十蚊嘅有得揮咁當然飲得出唔係用蝦殼嗰啲煲出黎參巴通菜辣辣地菜葉比較索到個辣汁8蚊都加得過嘅馬來拉茶其實就係奶茶都幾好飲唯一係覺得甜咗少少如果可以少返一半糖就好喇…查看更多

假日都有下午茶餐供應, 價錢好實惠! 套餐連地道飲品, 每份下午茶更可以優惠價加配小食。星洲魚丸拼魚角滲滲叻沙賣相好好, 湯底椰奶味重, 但又唔會蓋過辣味。濃得嚟又唔鹹, 整體好balance好香。附上青檸仔, 加幾滴汁後味道多咗層次! 手撕雞雞湯河粉手撕雞滑嫩, 完全唔柴。怡保芽菜肥嘟嘟, 脆甜爽口。套餐加配嘅油酥餅, 雖然無附上咖喱汁, 但熱辣辣脆薄, 幾好食。順帶一提, 餐廳有提供堂食同外賣餐具俾客人自行選擇, 疫情下令食客食得更放心!…查看更多

這家食店人流顧客量一般，雖然標榜是娘惹菜，但與普通馬來西亞餐廳菜單相若。我們點了四個麵/便當，分量尚可，其中喇沙湯味濃而不太鹹，食後也不覺口渴。咖哩鷄塊便當包薄餅和餃子，汁香而味濃郁，伴飯或餅食都很惹味。正當大家覺得咖哩汁較少，就隨便問忙碌中店員可否多添些汁，也沒太大期望有實際回應，要知道有些食肆會另外加收錢。怎料很快便給上一碗咖哩汁，叫我們能吃飯清碟！最後上的燒肉米暹，味道沒一般的酸，但最感動是四塊厚切燒肉，質量並重，相對過百以上日式拉麵只配上兩塊薄薄肉片，真叫人満足。最後一提，這店員工對顧客甚至商場遊人都很有禮貌，耐心並願意幫助，值得一贊👍👍👍…查看更多

叫左個峇峇無骨海南雞便當，馬來豬扒便當， 每個便當都有兩隻餃子，有野飲，再加一個魚腐滲滲叻沙，加$9一個涼伴豆腐。份量每個都足夠，味道幾好，我仔都清晒所有食物。配吉仔水吉仔茶，都不錯，下次可再來。…查看更多

下午茶·迷你份量·將軍澳街坊可以一去～·✨馬來咖哩牛腩飯 $44（+$3藍蝶花椰漿飯）下午茶時間，細細碗，唔太餓都夠食嘅咖喱食落似港式個種，有少少辣啦👌🏻，都幾惹味，牛腩份量正常，食落算腍唔韌😚特登加$3轉藍蝶花椰漿飯，純粹覺得影落應該幾靚💙，個飯食落都有少少椰漿味😗·✨手撕雞湯河 $34哈哈呢個份量就少咗啲啦😂😂味道就冇咩特別，清淡😅🤣下午茶嚟講都係會唔夠喉·✨青桔仔茶 +$3飲落有啲似凍檸茶😆換咗個桔🤣·🌟將軍澳街坊普通食飯之選，食物質素合格，價錢還過得去～…查看更多

峇峇娘惹喺將軍澳廣場都開左一段時間，一直未有機會試下，而家做緊外賣優惠，計返可能平過自己煮。《魚腐滲滲叻沙 $42》開頭見到個叻沙湯底好橙有d擔心，不過入口椰奶味濃，唔會過辣，粉麵方便亦用上傳統的滲滲，油麵混合米粉，吸取湯底精華之餘，同時食到兩種麵條口感。魚腐大大件，麵同湯分開上，確保魚腐唔會浸得太耐太淋，仍然食到彈牙又軟滑的口感。《沙巴甜酸雞飯 $58》沙巴甜酸雞應該係咕嚕肉，雞肉大大件，肉質鮮嫩，配上酸酸甜甜醬汁好開胃。底下有唔少洋蔥、三色椒，有少少蔬菜配搭，感覺無咁膩。《海南雞飯 $62》份量足，海南雞大件幾多肉，肉質嫩滑而且有雞味，無雪藏味值得一讚。無特別加錢轉油飯，加埋d咸香花生幾滋味。…查看更多

今次介紹下連鎖馬拉餐廳🙆🏻‍♀️午餐真係幾抵食，50蚊內有交易而且包飲品又大份好食，款式亦多。見下午茶都超抵食會想試斑蘭咖咉西多士🤩 ⭐️外賣自取全日7折，$35-49，包一杯菊花茶。👓香煎豬扒滲滲喇沙 $48 (午餐)豬扒好大塊香口有香茅味。喇沙有米粉同油麵，吸晒啲湯底。不過喇沙湯完全唔辣而且比較重奶，如果唔食得辣嘅人係啱晒，但同時因為多奶所以偏creamy feel同漏；但如果想食傳統少少帶辣惹味嘅喇沙就可能覺得爭咁啲。評分：7.5/10👓香茅骨炒貴刁 $48 (午餐)佢吾係果種咖喱粉帶辣嘅炒貴刁，反而似泰式乾炒河。炒河點都有少少油膩感嘅，香茅骨好多亦入味但炸得稍為過咗火太煎炸。整體係經濟好食嘅，好大碟粉🤣評分：7/10👓油酥餅 +$9有4小塊，唔太油膩，係香煎都香口不過不失啦，加幾蚊試吓都無妨。評分：6.5/10👓馬來拉茶 👓南洋咖啡 跟餐有茶味但吾夠奶，飲到陣熟悉嘅檸檬茶味🤔紅茶底🤔評分：6/10咖啡少苦吾夠奶，麻麻地好飲。例如如果同連鎖店吐司工房相比，工房嘅咖啡同奶茶都比較啱比例重奶好飲啲。評分：5.5/10…查看更多

路過將軍澳廣場，見到有間食馬來西亞野既鋪頭就入左去，之前喺九龍灣分店食過午餐覺得麻麻地，但啱啱好係下午茶時段，平均都係$2x-40，就再試下其他分店下午茶時段比較靜唔需要等位叫左份斑籣咖咉西多士（$28）多士幾香口鬆脆，但斑蘭醬太少，有啲啖下午茶餐加$3 可以配凍南洋咖啡，味道普通埋單$31，如果同外面茶餐廳下午茶餐嚟比，價錢都可以接受，仲可以食下馬來西亞式嘅食物，但味道有待改善，比較淡，但如果想食唔同style嘅下午茶都可以試吓…查看更多

要放No pay leave 其實應該慳D洗…但係一個月放5日，Ｄ嘢迫埋黎做，真係做死人。放工實在唔想再煮，反而仲多左出街食🤦‍♀️。最近又食得太多西餐，想食返Ｄ惹味啲既野。馬來西亞菜式似乎係唔錯既選擇！經過呢間就諗住試一試。明明就排緊隊，竟然有一男一女自己衝入去搵檯坐得，而個店員又可以由得佢？！兩個人叫左二個餐一個炒通菜。參巴炒蝦球配碟豆花椰漿飯 份量算大碟，蝦炒得爽口陣牙。椰漿飯不過不失，賣相夠吸晴，不過無咩味道。豬肋排肉骨茶，佢可以揀胡椒或者藥材。我地揀左藥材，不過有Ｄ失望。肉骨茶味道太淡，藥材味唔夠濃外，豬肋排好勒….應該係煮嘅時候太短, 唔入味之餘，豬肋排又難咬。以呢個份量二百幾蚊唔係貴，但食物整體係偏咸，食完果晚真係超口渴！…查看更多

今日喺將軍澳廣場搵嘢 行行下見到峇峇娘惹 就入去試下啦 疫情期間除咗正常午餐之外餐廳仲有另一個餐牌要做峇峇一驚喜 無論早午餐下午茶晚市都有一至兩款係做緊特價 咖哩香茅雞翼飯 三隻雞翼炸得夠香脆 伴菜有啲青瓜 半隻雞蛋 同花生 咖哩汁另上 整體嚟講算ok裝修簡潔整齊 自己去櫃檯埋單 唔需加一 可以一試…查看更多

Really disappointed as it does not represent the real Nyonya cuisine. Guess for real authentic Asian cuisine , will have to pay lots here in HKCheap and fast (food) style…查看更多