峇峇娘惹 (將軍澳廣場)

话说行左成日街去完大坳门放纸鹞，无端端行咗嚟呢一间野，心谂发达啰假日7:00冇人等嘅？原来系伏。仲要系好大嘅伏。本人对东南亚及马来西亚菜十分之向往，所以有少少心得。一见到呢一间野谂住一定可以试吓，见到个餐牌有个$168晚餐二人餐，上边可以拣嘅item虽然都好那古怪但系我都拣咗以下几样。头盘可以拣沙巴通菜，同埋怡宝芽菜，点知系全餐最好味嘅一样嘢就系芽菜。又大碟又真真正正嘅肥芽菜。第二样小食我拣咗咖喱汁配薄饼，个薄饼系好似百佳买最平𠮶种，家用式嘅，雪藏之后拎出嚟煎翻热佢，唔系话佢唔好食，系好似喺屋企食嘅嘢，所以呢样唔系最差。主菜嗌左两样，猪润肉骨茶同埋亚参鱼煲….！大家估吓边一个难食啲….先讲个肉骨茶，其实OK嘅有五旧猪润水准可以。𠮶个鱼煲…..大家知唔知乜嘢叫做亚参？系用酸鱼做嘅….呢度个版本就系…..用好似快餐鱼龙利柳加埋啲整色整水好似咕噜鱼一样….食到呕左出嚟…. 好讨厌啲人将自己话系马来餐….其实系茶餐厅…查看更多

峇峇娘惹（将军澳广场）😋😋这天中午和朋友光顾了这间食店-峇峇娘惹（将军澳广场），我叫了一碗星洲鱼丸渗渗喇沙，饮品叫了一杯青桔仔水。未食过马来西亚菜，几期待。😋😋图一： 星洲鱼丸渗渗喇沙有的意外，好似有两种米线🤔，一种幼一种粗。睇落好似好辣，食落又唔会觉得辣😋😋。碗面足料，几特别，有半个细细的青桔仔🤔🤣，鱼蛋弹牙😋😋。图二：青桔仔水 走冰一杯有四个既半粒青桔仔，饮落唔错开胃，青柠味浓😋😋。总结： 呢间野食唔错，几好味，值得一试😋。…查看更多

今日请左半日假，收工去左交表之后都未有时间食野，跟手三点又话要赶去接仔放playgroup。😅😅😅😅唉，一个字：赶。两点三去到将军澳广场，经过见到呢间竟然咁早有下午茶，悭家既我念都唔念梗系即刻冲入去喇。望下餐牌先：$33可以食到喇沙㖞。😍😍😍😍不过个配料就只得鱼丸拚鱼角或者系鱼腐。$33蚊仲要包埋野饮😍😍😍😍心心眼又再出现，咁抵，即刻加返个冻饮同埋小食善待一下自己喇～叫完野食，呢头岩岩先影完个餐牌，个头侍应叔叔就放低左杯南洋咖啡。唔通我个头写住个「赶」字？😂😂😂杯咖啡底个d系錬奶，捞完都无话好甜。咖啡就唔系特别香浓，不过不失咁喇。👌🏻过左一阵，喇沙同鸡翼都齐齐送到～喇沙既外观都算唔错既，系个鱼腐麻麻地，好似浸左一晚水，就黎溶化咁～🙈🙈🙈如果两个拣既话，或者叫鱼丸拚鱼角会好啲。而个份量就预左真系下午茶过口瘾既size。如果好似揾食我咁大胃王，系好肚饿既状态之下，呢个份量应该要食两碗先够顶肚。😝😝😝因为喇沙里面无咩肉得半只蛋，所以另外加左个$10既鸡翼。咁样食野先算均衡呀嘛😂钟意食肉既，小食入边仲有$8香茅骨可以拣。卖单承惠$46，呢个价钱，坐得舒服，上菜爽手，味道可以，叹到两点九卖单走人。👍🏻👍🏻👍🏻👍🏻👍🏻竭一竭脚又要走人喇。…查看更多

718三个人去食，唔使等位，坐咗阵嗌咗三个便当，一个系鱼两个系咖喱鸡，一杯热青桔水两杯热青桔茶，落单时间清清楚楚系13：05。等咗成15分钟支支助助先至见到三杯似样嘅饮品，但系个侍应对眼就好似唔知生咗喺边咁，明明自己张单都写住44号又识up出嚟，但系偏偏俾咗后面𠮶枱……大佬你系咪真系唔知边枱打边枱，咁啱人哋冇叫青桔茶先俾返我哋，但系我杯青桔水又要等佢出俾我，好在算快🌝大概20分钟左右上咗一个鱼一个鸡，质问佢点解两个鸡唔系一齐上，催佢快哋又叫人再等等，大佬你即叫即做都唔系咁耐啩，饿死咗系咪你负责啊🙂过咗好快佢确实拎咗个鸡便当出嚟，但系竟然唔系补俾我哋，而又系俾咗后面𠮶枱……其实系我哋到餐厅先我哋叫嘢食先，凭咩下下𠮶枱客都快过我哋，好明显系侍应对眼有事啦。差唔多等咗佢40分钟，催极都系𠮶句「我知你哋差个一个鸡便当」，但系等极都唔出，又唔话帮我哋跟，个脑有事❓❓❓你知漏单有屁用咩，等到40分钟真系唔想再等，个个慢过我哋都走晒，忍无可忍同佢讲唔要个鸡便当，反正杯热青桔茶又冇饮过，索性发佢老脾话唔想俾加一服务费。大佬啊，你集团式经营，收得人加一服务费，都要人等咁耐先有得食有冇病啊，你叫我俾服务费试问你除咗落单同出菜边到服务过我？到改完单取消完服务费个死人饭先出到嚟……服务态度差到咁，唔愿意跟进漏单状况，起步位已经差人一大截🤣咁嘅情况只可以俾个超级负评啰……加上青桔茶青桔水都唔入味！鱼便当鸡便当饭量就多，𩠌就得五嚿，略嫌过少！仲有啲饭真系好硬，硬过本新手煮𠮶啲！！！个鸡话椰汁咖哩鸡，点知冇椰味，仲辣到死🥵份量少少仲平均60蚊一个，加埋一仲得了咩？Overall: disliked and blacklisted🌚…查看更多

有日经过「峇峇娘惹」发现佢哋下午茶有叻沙拣见$33就一碗仲有野饮送无咩期望就行咗入去拣咗星州鱼丸拼鱼角渗渗叻沙估唔到仲要系渗渗咁正宗野饮拣咗餐厅推荐嘅热马来拉茶再加碟参巴通菜可能下午茶唔太多人好快就上齐3样野叻沙个样唔错㖞 又香～有齐鱼蛋、鱼角、豆卜、芽菜同半只蛋芽菜仲要系粗、短身十足十马来西亚出品份量对于女仔应该都够饱而且出奇地出色汤底同出面嘅贵四五十蚊嘅有得挥咁当然饮得出唔系用虾壳𠮶啲煲出黎参巴通菜辣辣地菜叶比较索到个辣汁8蚊都加得过嘅马来拉茶其实就系奶茶都几好饮唯一系觉得甜咗少少如果可以少返一半糖就好喇…查看更多