岡山一番店 (樂富廣場A區)

营业中

休息中

最近樂富新開的拉麵店🍜我去的時候無咩人排～都好快入到去🤔特別的地方係～尼間拉麵店可以免費選擇～普通~4倍蔬菜的份量！同埋最平$59小盛可以食到拉麵圖為選擇了2倍蔬菜的份量！個人覺得2倍已經好夠食．．！💛岡山一番拉麵💛味道都正常還好既，只係湯底偏咸。💛豚骨醬油沾麵💛至於好唔好食就．．咳咳．．有點失望的🥺😢湯底太咸！特別係沾麵！（已經選擇左普通濃度的湯底．．食完好口渴．．個人認為．．普通food court拉麵仲好食💔（樓上就有food court 🤓🤓

一家3口，同呀爸呀媽一齊食晚飯，叫咗一碗湯麵，麵要軟的；另一碗沾麵，麵要正常，點知正常個碗d麵鐵線咁，湯麵個碗還可以，但整體同我食過既日本拉麵比較，哩間同好食真係拉唔上任何關係，一句到尾，失望，仲排咗咁耐，喊！

二郎系拉麵係指油脂濃厚的豚骨醬油湯底🐷配上粗麵條🟡，再盛放豬肉與免費大量蔬菜🥗，超重口味的拉麵。今日收工有時間就去試過江龍，揀左最基本的岡山一番拉麵（$59），湯頭要左普通，免費蔬菜就要左3倍，要蒜蓉，硬度普通！現場聽到有日本師傅駐場，除左拉麵仲有關東煮做配菜。一上枱見到肥嘟嘟綠豆芽菜真係好多，堆到成個小山丘咁！湯頭係醬油豬骨湯，唔算好濃厚，偏普通拉麵湯頭，不過一定要加蒜蓉，層次會多d。🍜太麵粗度同稻庭烏冬差唔多，麵質好有彈性，不過冇咩麥香，麵嘅顏色偏深色，食落反而有d醬油味。芽菜有事先飛水👍，就算沾唔到湯都唔會係生勾勾，不過可能係芽菜太多，d湯就唔覺得好濃厚。🐷叉燒唔錯，外層偏肥，所以咬落幾軟熟。p.s 走個時見到有人叫特盛，真係面盆size....總括係lunch time放飯可以食，不過唔駛特登去食嘅程度🙊

樂富終於再有一間拉麵舖，頭先試咗。可能新開張，感覺職員仲未好熟流程。樓面見餐廳有位就放人入去，完全無顧及廚房出餐能力，等食嘅客遠多過食緊麵嘅客。偏偏餐廳採取先付款後送餐模式運作，又令客人無法取消訂單只能繼續呆等，我碗麵22分落單，嚟到係46分，前後等咗24分鐘。舖位本身係半開放式，面積不大。隔離就係樓梯同扶手電梯，都係人流多嘅地方。偏偏舖頭不停播住日本歌，結果嘈上加嘈，唔播歌反而更好。講返食物本身，叉燒好食，溏心蛋入味，呢兩樣嘢係令我加分的。但由於點餐紙或者圖片顯示到生芽菜1倍至4倍嘅份量。我點咗4倍，結果要攞多隻碗夾開生芽菜先勉強夾到麵，而且食咗一半我就已經開始飽，下次應該會只叫1倍。我個人較喜歡食幼麵，因為掛湯能力比粗麵強，但佢哋用嘅係粗麵，好在麵質唔差。我諗再遲三兩個月等職員run熟啲間舖，再試其他。

樂富商場開了一間新食肆，日本拉麵店😊。11:30己開始排長龍，見十多人左右，於是乎試吓等。店舖寫住11:30正式開始，但等到11:40才開始放人，仲係好慢，坐位空著呢😅，好多食客抱怨。但員工欠缺策略性。入到去，要自行到前台購買食物，再去搵位，cashier好慢，出菜好慢，仲之好唔掂。終於有得食🍜😊湯底不會太鹹😊麵質非常有嚼口，有彈性，好味🙃叉燒太肥，不是我喜歡的🥵最要讚係芽菜可點一份，二份，三份，最多四份，完全不用加$🙃。整體碗拉麵好味，但服務仍然有待改善和提升。

每次回家經過都見到好多人排隊。今日週末約上家人（2大人3小朋友）一起去試一下，沒有傳統拉麵嘎味道，湯底好鹹，味道很一般。消費$200幾，試食後不如普通餐廳拉麵。總結不願意再光顧多一次。order左2個餐、一個特大for 3個小朋友食。另一個根據order紙填寫要辣🌶️，意外驚喜係完全與小朋友order嘎set A無分別。需要自行先付款。關東煮🍢與飲品都是自助。飲品基本$6算OK，關東煮🍢$9一件。

開張第二日嚟朝聖，等左10分鐘左右已經可以入內，今日挑戰特盛（450g），真係好好大碗，除非你真係好擦得、食得曬先好叫。講番味道：湯底：分三種，我選左特濃，侍應再提醒我本身咸底，特濃會好咸！於是我改番正常；芽菜：選普通份量（實際都唔少），但真心太「草青味」，我放棄左冇食；叉燒：略嫌偏瘦，肉身較鞋，要改善；麵底：掛湯爽口，唔錯。食後感：雖然鄰近屋企，但應該唔會有下一次了🥹#樂富廣場#岡山二郎系拉麵店