岡山一番店 (樂富廣場A區)

营业中

休息中

Miso, shoyu, shio, tonkotsu and tsukemen — I love them all$100以內有得食厚叉燒沾麵、免費芽菜增量至4倍任食、小食關東煮飯糰唔駛$10/個，加罐$6飲品，邊會唔飽、抵呀Tonkotsu Shoyu Tsukemen豚骨醬油沾麵 (小盛)150g> 叉燒唔會太薄脂肪和豬肉雙間口感唔嚡味道okay，麵質唔過淋，醬油質地較稀。點咗2倍芽菜，自己知食唔晒4倍份量無謂浪費，話你知芽菜可以叫普通至4倍量都係免費Mochi Kinchaku(關東煮) 年糕福袋> 餐廳有個自助關東煮吧讓客人自己夾心頭好。腐皮福袋外觀可以、中間嘅年糕煙煙韌韌幾好𡁻Onigiri飯糰> 有啲芝麻圍邊、略覺得飯嘅質感較黏糊。有保鮮膜包住放關東煮吧旁、要食自己拎Honey Pear Tea蜂蜜雪梨茶

聽講近排多咗一間拉麵喺樂富商場我同朋友勁鍾意食拉麵，忍唔住都要過嚟親身試吓😛約好咗朋友lunch time嚟，好彩我早咗少少嚟到唔係要排隊等位啦😝😝😝半熟玉子拉麵我同朋友一齊叫咗一碗特盛玉子拉麵，再追加6件叉燒😂 459g拉麵真係好大碗😲，職員送餐上台嘅時候我同朋友都已經驚訝🙀真係好大碗😳😳😳我哋再加上有6件叉燒，兩隻半熟蛋🫣🫣兩倍芽菜，再加兩倍蒜蓉🤣🤣湯底非常濃郁，而且唔油膩，拉麵比較粗，咬落去好有口感好煙韌，再配上佢嘅秘製蒜蓉好夾個湯勁重蒜蓉味😋叉燒飯細細碗都可以一個人食晒，叉燒碎肉上加一隻全熟雞蛋🥚淋上叉燒汁同埋8分一齊食，味道都好味😋食拉麵一定要加杯飲品，拉麵店有雀巢檸檬茶、OOHA 0糖同啤酒🍻一啖拉麵、一啖汽水🥤好chill😛

前2日同呀媽係樂富食飯，見呢間拉麵舖食飯時間排曬隊，所以都想試下。有5款拉麵揀。落完單去counter俾咗錢先。莞茜辛辣拉麵(小盛) $79我覺得正常食量食小盛有150g麵已經好夠。加上可免費揀芽菜同莞茜既份量，我2個都揀左3倍份量！淨係食芽菜都食飽我😂湯唔算油，我揀左重蒜😝辣度方面揀左2辛辣，不過只係覺得少少辣。有2大塊厚切叉燒，食落幾腍身。個太麵係粗身既，幾彈牙掛汁😋追加半熟入味玉子 $9有啲熟過頭，不過真係好入味。關東煮 年糕福袋 $9/個年糕略嫌唔夠實同煙韌。

香港的二郎系拉麵店並唔多，二郎系拉麵賣點係大，粗，多。大：份量大的意思粗：因為拉麵選用的就係粗身的太麵多：拉麵上面舖上滿滿的芽菜，呢間店仲可以加到4倍份量都係免費架！形成巨大的芽菜山，非常吸睛！由拉麵種類、芽菜份量、醬油濃度、蒜蓉份量等等都可以按自己需要選配，價錢最平$59已有一碗，絕對抵食。除了拉麵，呢度亦有關東煮供應，自己夾，好方便。價錢都只係$9至$12左右。一碗有齊大根、豆腐、魚蛋、年糕福袋同燒獅子狗卷，滿足又飽肚，鰹魚湯都算入味。半熟玉子拉麵（$63）雖然只係小盛，但加上其他配料都夠飽，醬油濃淡就視乎個人喜好，呢碗就係普通濃淡口味的。愛蒜者可以加到多份量呢。豚骨醬油沾麵（$77）相比之下，中盛的size大好多，仲有追加埋叉燒，多蒜同多蔬菜，非常飽足！

上網關注組大推！終於有機會黎試下呢間過江龍！芫茜辛辣拉麵 + 紫菜 + 叉燒對於芫茜控黎講，一下就俾佢個名吸住左，又加上鐘意食辣既我真係唔洗揀直接叫得。佢呢到出名有4倍芽菜加但怕眼闊肚窄所以叫2倍就算，我覺得大家可以挑戰4倍！除此之外仲有醬油既濃淡、油濃郁 同 蒜既份量揀！重口味之選！超級濃厚！然後我想大推佢既叉燒！本身跟麵既叉燒就係圓圓地，而我追加個2塊係 超 級 大 塊！ 超 級 厚 切！所以加12蚊黎講我覺得係值回票價！我都加埋紫菜既，吸埋拉麵既辣湯同麵一啖咬落去真係好爽！覺得自己加得好岩🤣🤣題外話。。。因為佢有4個size揀。見到隔離枱叫左個特盛既沾麵。黎到既時間嚇左嚇。大到好誇張！大胃王可以黎挑機！再加個4倍芽菜trytry🤣🤣然後我走既時候先發現到佢仲有關東煮可以追加。但我已經飽左🤣🤣留返下次再試下佢既關東煮！野飲都有既！唔算貴！良心價！

依間店嘅舖位以前係一間我成日去嘅日式石鍋烏冬，又平又好食，估唔到事隔半年後開左間係岡山開業15年嘅二郎系拉麵店，裝修同之前一樣冇變過🙈唔知係咪因為開係比較平民嘅樂富區，雖然係日本過江龍但定價算親民，最平$59就食到👏🏻二郎系拉麵使用太麵（粗麵），配以大量芽菜。依間店係自己圈點餐紙，再行出去比錢。好處係蒜、醬油同油脂嘅份量可根據自己喜好自由選擇，甚至可以免費加大芽菜到四倍，可惜我唔食芽菜未能受惠🤢店內設有關東煮自助吧，不過目測唔係好多人試。至於缺點係點餐紙冇標明小盛、中盛、大盛、特盛究竟係咩份量同每款有幾多配料🤦🏻‍♀️例如就咁望「岡山一番拉麵」完全唔會知有啲咩配料，望哂全間店嘅poster但一張相都冇，結果要捉住店員不停問😮‍💨另外服務好一般，本身安排左我入座，但我去比錢時有人坐左我原本個位，所以要再搵位，落單後亦等左超過半個鐘先有得食。Lunch去食所以時間好趕，體驗一般，但近年經常被打住日本過江龍旗號嘅拉麵店欺騙感情，依間絕對係好食同性價比高嘅😋🥚🍜 半熟玉子拉麵（中盛）$𝟞𝟛 (𝟡/𝟙𝟘)太麵比一般拉麵粗但比烏冬幼，粗身所以掛湯力強，望落呈淺啡色而唔係黃色🤩太麵煮熟後會用冰水極速降

🍜 #樂富 #岡山一番店喺朋友介紹下，我嚟咗樂富嘅「岡山一番店」，話呢度拉麵超抵食，即刻嚟試吓先😆😆 一入到餐廳，環境同餐牌都好日式😍 最吸引嘅係所有嘢都有分「小盛」、中盛」、「大盛」、「特大盛」，究竟大成點呢，好想試試😆！一落單，原來佢哋有免費芽菜份量，由正常至四倍芽菜，任君選擇，芽菜控一定要食！🐷 豚骨醬油沾麵 （$73/小盛）我叫咗3倍芽菜嘅小豚骨醬油沾麵，估唔到小盛都咁大碗😳😳 沾麵個湯濃度適中，唔會太油膩，食得超滿足！🥳🍳 温泉蛋叉燒芝士拌麵 （$83/大盛）男朋友叫咗4倍芽菜嘅大温泉蛋叉燒芝士拌麵，超多餸！ 估唔到連大大隻隻嘅佢都會食唔晒😆😆😆

這裏的拉麵除了可以自由選擇湯頭的濃度，更可以免費升級麵量和蔬菜量🆙🆙🆙！大家可以根據自己的食量去點餐，一定能吃到飽，哈哈。另外還有關東煮及叉燒飯呢！最後點了莞茜辛辣拉麵、叉燒芝士拌麵及迷你叉燒飯。莞茜辛辣拉麵很好吃！一般拉麵店添加的蔬菜份量是芽菜，這款拉麵則變了加入莞茜，莞茜控的嘅大滿足！！辣度挺溫和，較易入口，更可以嚐到湯頭的豬骨味🐷～至於叉燒芝士拌麵，麵底有好多醬汁！將醬汁、麵條及芝士撈勻後，有微微的拉絲效果！而醬汁亦挺濃味的，再配上芝士，味道濃郁～迷你叉燒飯，不像港式的叉燒肉般，味道跟口感比較像日式豬軟骨，亦十分入味，挺特別的。不錯喔。

呢間餐廳經常大排長龍，今日跟朋友嚟試試！雖然拉麵只有六款選擇，但餐廳有自選關東煮同加倍芽菜，所以都好吸引～同朋友分別叫咗岡山一番拉麵同埋豚骨醬油沾麵，仲加咗兩倍芽菜。最多可以加四倍芽菜！真係食芽菜都可以飽😋岡山一番拉麵不愧為招牌，好好食，麵底夠份量之餘仲好掛湯，加上湯底濃郁，真係每一啖都好滿足。推薦女仔叫中盛份量，男仔叫大盛份量，飽肚滿足！另一碗豚骨醬油沾麵都好有驚喜，本來以為沾麵湯汁顏色同岡山一番拉麵湯底咁相似會一樣味道，但其實係唔同味道。沾麵湯汁食落鮮味啲，配合配蒜嘅麵底，好香呢～自選關東煮有魚蛋、白蘿蔔、燒豆腐同燒獅子狗卷，全部都煮到入晒味。湯頭仲可以自己加，想飲幾多就加幾多～三樣食物埋單一共$200內，好抵食～難怪成日都咁多人排隊！另外，值得一提嘅係店員服務態度好，咁長條人龍都可以管理有序，坐得舒服又食得開心～

老公一向係拉麵控，所以見到樂富開咗間二郎系拉麵店就去試下。✨岡山一番拉麵 中盛 $634倍芽菜醬油濃淡：普通油濃郁度：普通果然有成座山咁高嘅芽菜。但原來正常份量嘅蒜茸係唔夠令芽菜啖啖都夠味，所以加芽菜嘅話建議加埋蒜。湯底夠濃而且食到尾都唔厭。麵底偏硬同特別彈牙。✨豚骨醬油沾麵 中盛 $772倍芽菜 醬油濃淡：濃厚油濃郁度：普通估唔到沾麵嘅湯底同拉麵好唔同。沾麵嘅湯底有好明顯嘅魚介香，尤其係鰹魚片嘅味道。👩🏻相對地更鐘意呢款。✨叉燒飯 $28同拉麵嘅叉燒好唔同，叉燒有切細再煮過，味道更加香甜。仲有大量醬汁撈飯。📍岡山一番店 (樂富)樂富聯合道198號樂富廣場A區地下L224-L225號舖

到岡山一番店，位於樂富聯合道198號樂富廣場A區地下L224-L225號舖，是一間日本過江龍拉麵，源自於日本岡山，已經在當地開業有十五年了。餐廳主打二郎系拉麵，以份量極大為特色， 賣點是用太麵，再放上大量蔬菜和芽菜。客人更可按照自己喜歡選擇芽菜份量、醬油濃度、油濃郁度和蒜蓉份量。店內更設關東煮自助吧和飲品自助吧，很有日本風味。晚餐 ～ 關東煮燒芝士狗卷$12、豚骨醬油沾麵(大盛) $87、半熟入味玉子$9、番茄芫茜冷拌麵(中盛)$77、半熟入味玉子$9、雀巢冰極檸檬茶$6。    ▫️關東煮燒芝士狗卷🍢 ～ 關東煮自助吧有魚蛋、白蘿蔔、燒豆腐和芝士狗卷，點了一條獅子狗卷，熱辣辣味道甜甜的日本小食。 ▫️豚骨醬油沾麵(大盛) ＆ 半熟入味玉子🍜 ～ (芽菜份量三倍、醬油濃厚、油濃郁度普通、 蒜蓉份量普通) ，麵條粗身，口感煙煙靭靭，掛湯力強，半熟玉子蛋味香濃，口感軟熟，叉燒半肥瘦入口即溶，加上濃厚的豚骨醬油湯一起吃，很滋味。 ▫️番茄芫茜冷拌麵(中盛) ＆ 半熟入味玉子🍜 ～ (芽菜份量二倍、 醬油濃厚、油濃郁度普通、 蒜蓉份量普通) ，夏季限定的拌麵，大量芫茜和蒜蓉，醬油濃郁又惹味，麵底彈牙

之前睇相都已經覺得哩間過江龍拉麵店主打大件夾抵食，你都試過先發覺簡直可以用黐咗線黎形容。蕃茄芫荽冷伴麵，雖然係中盛，不過份量絕對夠一個成年男人食，而伴有大量蔥蒜的冷麵，再加上芫荽同蕃茄，絕對係一個醒胃惹味的冷拌麵。半熟玉子拉麵（大盛）叫咗4倍蔬菜，為嘅就係想見下個像山一樣的芽菜。呢度完全不負所望，但係佢真正最恐怖嘅係麵底，我只能夠講一個成年男人都未必可以吃得下。講返麵質地是十分之有咬口，確實一流。連帶叉燒都是大大嚿，又淋又好味。早知就唔要叫關東煮啦，不過難得見到有，好懷念日本七仔嘅關東煮。睇嚟又要快啲返鄉下。

放假又去返搬屋前住嘅樂富，多咗好多新店新餐廳！今日就去咗新店 #岡山一番店 食拉麵🍜拉麵店位置非常方便，就喺商場地下～未到午餐時間已經有人龍，入咗錢會比拉麵紙你先點選自己喜愛嘅拉麵款式，另外可以免費添加芽菜、選擇蒜茸份量、醬油濃淡、油濃郁度，而拉麵可以按個人食量選擇不同份量收不同價錢，我覺得呢樣好貼心！ 點好拉麵之後，就可以到外面付款，收銀處旁邊另外仲可以購買關東煮小食和飲品～.我哋就分別試咗沾麵和拉麵🍜豚骨醬油沾麵 嘅食法係將面放入湯掛汁一齊食，可以自己決定多啲湯或者少啲湯，味道不錯👍 .半熟玉子拉麵湯底比沾麵淡少少，但麵條一樣，我幾喜歡💕 我地加配咗叉燒，立即超級豐富😆 叉燒厚身但肉嫩，我都幾喜歡這個質地～.兩款麵我比較喜歡沾麵😁，粗身麵掛汁多啲，自己可以控制麵掛上醬油多少～ 下次嚟開樂富又可再食～

唔係同事介紹呢間拉麵店都好少特登會去樂富食野好彩7點前去到唔洗排隊, 食飽飽時出面已經有人龍拉麵有分小盛/ 中盛/ 大盛/ 特盛見隔黎台咁大碗應該係大盛啦, 今日咁餓有信心食特盛完全無留意到GRAM數上左第一碗之後就知道大件事了, 原來隔離台咁大碗既都只係中碗即刻截單睇下可唔可以同一價錢但出細碗算, 可惜個麵已經黎左兩大碗(4-5人份量)真係嚇親, 仲相當尷尬其實如果食得晒既話仲尷尬 ╮(╯_╰)╭ 人地都係一碗兩份食兩個特盛係成張台咁大, 成為全場焦點之後只好埋頭苦幹地食個湯有濃厚既蒜香味, 同埋叫左4倍芽菜好清爽一開始戰鬥力十足, 一口氣吸食左一個麵餅先食叉燒拉麵係麥味重比較粗身的, 好喜歡呢種拉麵!叉燒每碗都跟左2塊. 脂肪比例較高, 入口嫩滑豬肉味濃郁轉一轉口感之後繼續戰鬥,又一口氣食左半個麵餅食左個半麵餅之後真係不敵了, 只可以食埋D芽菜連隻勁靚既流心蛋都食唔落不過即使咁飽依然覺得佢好好味最後唔想浪費打包左, 足足打包左兩碗滿既.又點諗到$93蚊一碗拉麵可以咁多咁抵食加埋ANSON LO水都只係$6下次一定要問清楚店員份量先點餐!! 同埋想試埋佢既沾麵同拌麵芽菜有普通/2倍/

呢間來自🇯🇵日本岡山縣嘅二郎系拉麵🍜過江龍，每次經過都排長籠，佢嘅性價比實在太高🔝，最平嘅小盛拉麵$59就食到，仲要全日免收加一，一個字「抵」👍🏻。二郎系拉麵會喺面上面鋪滿海量蔬菜🥬、芽菜🌱，就好似成座山咁🤩；而麵底用上極粗太麵，粗身夠Q彈有咬口😚；加上湯頭係熬製而成嘅濃厚豚骨醬油湯🐖，一上枱好澎湃！·拉麵有4個size可以選擇 (150g、200g、300g、450g)，芽菜仲可以最多免費增至4倍😍，超誇張!! 醬油湯濃淡、油程度都可以按自己喜好選擇，另外，除咗拉麵，亦有拌麵同沾麵選擇，收銀處側仲有關東煮🍢、飯團🍙及飲品自選。·♡ 半熟玉子拉麵(中盛) HKD$67重口味嘅我梗係揀濃厚醬油湯同油度👻😼，加埋蒜蓉mix埋，超濃郁!! 4倍芽菜嘅份量幾乎多過麵嘅份量🙈，真係食芽菜都食得飽。加埋兩片叉燒🐖同半熟蛋🥚，中盛已經超大碗，細食嘅女仔建議叫小盛啦～·♡ 芫茜辛辣拉麵(特盛) HKD$109特盛個碗大過我個頭😆😂(自稱大頭的我) !! 最低嘅2級辣唔算好辣，食唔到辣嘅朋友都會食得到。冇額外增量都已經有好多芫茜🌿，*留意呢碗增量蔬菜佢會增芫茜俾你(唔係芽菜呀～)，芫茜味道突出，個人