山頭火 (iSQUARE國際廣場)

海洋拉麵，湯底撐起全場，海鮮略失色。這碗海洋拉麵整體表現平平，海鮮食材未見鮮味突出，蝦及三文魚感覺不是太新鮮，口感亦略嫌單薄。不過湯底卻是亮點所在，鮮香濃郁。另外，壽司定食包含四件壽司，雖然數量不多，份量令人滿意。配搭的湯麵更是亮點，麵條彈牙，比預期中更出色。環境舒適，滿牆日式報紙頗有風味，氣氛悠閒；可惜服務生態度一般，欠缺笑容與主動，稍為影響整體體驗。…查看更多

通常落雨，唔會行太遠，就入咗iSquare覓食🤓🔹豉油拉麵 (中) $86拉麵碗係熱嘅，同係日本食嘅拉麵一樣，有一刻真係以為自己返咗日本🤣入面有兩塊薄嘅叉燒，叉燒入口即溶，唔錯🔹lunch set B $102咖哩飯+炸雞球2件+鹽味拉麵 (小)鹽味拉麵湯底幾清，佢有一塊叉燒，同樣地都係入口即溶，好好食😋呢個set跟埋個咖哩飯同埋小食，咖哩飯嘅份量都唔細，值得提係佢個咖哩係用雞肉粒、薯仔粒同紅蘿蔔，雞肉粒好有咬口，大細啱啱好👍🏻小食嘅炸雞球炸得好好，唔會話好乾，仲好juicy添🤤…查看更多

朋友請我食嘅生日晚餐，我地搵咗呢間日本過江龍，本店位於北海道嘅拉麵山頭火(日語：らーめん山頭火)，除咗响日本各地有分店外，海外分店除咗香港iSquare分店，响台灣、泰國、菲律賓、馬來西亞，遠至美國同加拿大都有分店，來頭原來都唔簡單。佢間店唔係話好起眼，同埋佢响香港唔算話好出名，真係咁啱行過見到去試下。我點咗個吞拿魚刺身定食，有一碟四片嘅吞拿魚刺身、一碗拉麵，同半隻烚蛋。吞拿魚刺身好新鮮，切得稍為薄身少少，但味道OK；拉麵我揀咗辣味噌拉麵，睇番官網指佢個湯底係用上秘制味噌蘸料，加上三種嚴格篩選嘅辣椒製成。一直以嚟我唔太喜歡味噌拉麵，感覺製作佢個湯底偏向簡單，但嚟到山頭火一改我對味噌湯底嘅印象。個湯底做到好似豬骨湯咁好濃郁，好濃厚同紮實，唔係一般味噌湯好水咁，而且佢濃厚得嚟又唔會過咸，做到恰到好處，最重要嘅係，食完後冇好嚴重嘅口乾感覺，我覺得值得再嚟品嚐佢其他嘅美食。…查看更多

去尖沙咀睇戲🤓，順便食埋晚餐，揀咗呢間喺ISQUARE嘅日本餐廳💁🏻‍♀️，餐廳望落去都好有日式嘅風格😂❣️豬頸肉鹽味拉麵(M)$140拉麵軟硬度適中👍🏻，豬頸肉味道正常，湯底唔算太濃，成個餐普普通通，定價$140略高🥸❣️三文魚魚生飯定食(M) $150魚生新鮮💁🏻‍♀️，仲配有一碗拉麵，但份量唔算太多🤓🏦是次消費總額 $319（人均消費 $159.5） 🍴須加一服務費👅好味度：7（10分滿分）食物味道一般，唔算太正宗嘅日本拉麵🍜，而且價錢偏貴，唔推介🥸🍽️ 山頭火尖沙咀彌敦道63號iSQUARE國際廣場6樓608號舖…查看更多

昨天在陽光明媚的午後,來到了尖沙咀isQUARE 國際廣場六樓的火頭山，享受了一場充滿日本風情的午餐體驗🍽️餐廳內部設計溫暖而舒適，木質桌椅和傳統的筷子讓人彷彿置身日本的街頭小店🎊開放式廚房是這裡的一大亮點，看著廚師們熟練地準備食物，增添了不少用餐的樂趣👨‍🍳裝飾架上，精美的木雕熊和幾盆小盆栽，營造出自然雅致的氛圍🧸首先上桌的是我最期待的吉列豬扒定食🐽金黃酥脆的外層包著多汁鮮嫩的豬肉，搭配清新爽口的小菜和白飯，令人回味無窮🥢濃郁的醬汁豉油恰到好處，既提升了豬扒的風味，又不搶走肉本身的鮮美🍱接著是熱辣辣的鹽味拉麵，鹽味拉麵中加入的紅色小梅子為整碗拉麵增添了一絲清爽的口感，讓人感受到北海道的獨特風味🍜拉麵軟硬度適中，掛湯的效果很好，與日本的拉麵店無異🇯🇵配上新鮮蔬菜和叉燒，實在令人滿足。湯頭的鹽味恰到好處，既不鹹膩，又能襯托出食材的原汁原味🍴用餐過程中，我們一面暢聊生活趣事，歡笑不斷，一面享受著美食帶來的滿足感❣️在忙碌的生活中，這頓午餐讓我們感受到了片刻的寧靜與美好👍…查看更多

睇戲前仲有成個鐘，而且過咗差唔多成個鐘Lunch time 所以冇乜人，今次第三次食呢間嘢，啲魚生唔係特別靚但都新鮮，拉麵仍然保持水準，今次叫咗個中size啱啱唔會太飽，如果價錢低啲嘅話😅我都多啲嚟食😊…查看更多

見好多人話佢服務差咗好多今日就去試試幫襯咗好多年我覺得服務態度比以前更好味道唔係平時食嗰啲超濃味集團式拉麵類似你喺日本細細間家庭式拉麵嘅味道一個麵加個帶子飯中size都係百幾蚊平時出去食一碗拉麵都差唔多咁嘅價錢唔明啲人話佢性價比低佢哋平時食開究竟幾多錢你要食嗰啲超濃味湯底拉麵呢度唔會係你想要嘅你想食一啲好似舖頭仔形式拉麵再加個細飯我覺得呢間真係唔錯尤其是佢牛油帶子飯🤤🤤🤤不過個人手真係少咗好多…查看更多

係尖沙咀國際廣場行完，搵餐廳食，見到有拉麵🍜店，就入左鋪頭試下。但係似乎中哂伏，8點幾入到去，鋪頭好似冇哂員工咁，特別係玻璃位睇到廚房入面，好似收哂野準備收工咁，冇人係入面，而食客都係得番兩枱。叫左個三文魚飯，迷你飯黎，但熟既三文魚係凍既，係雪櫃拎出黎就咁鋪係飯上面，係煮定放雪櫃備用，咁樣收$60加一，三文魚仲要有骨，而同行叫左個過百蚊細既套餐，份量都係好少。味道冇話特別好食，但係份量太小，價錢太貴，試過唔會想再去。…查看更多

今日同呀女去左尖沙咀行街，順便食埋飯先番歸，呀女話要食拉麵，見唔洗等位有得入座就揀左呢度。餐牌選擇都幾多，有拉麵、飯、定食等等，我地兩大一細一齊食，我哋就叫咗兩份L size既定食吉列豬扒定食(L)、煎餃子定食(L)吉列豬扒即叫即炸，香脆鬆軟，有一部分略嫌有較多肥膏，不過整體都好香口😋定食除左拉麵仲有半碗米飯，珍珠米食落好有米香，口感軟糯，好好食😋拉麵配料幾充足，有木耳，筍同叉燒，湯底食落有豉油香，拉麵質地爽口掛湯，拍得上日本既拉麵，唔錯👍煎餃一碟有5隻，煎得香脆，皮夠薄，內裏肉質多汁細滑😋…查看更多

好耐之前呢間拉麵店喺康怡嘅時候已經經常去食😅覺得佢個湯底唔錯幾貼近日本嘅口味🇯🇵原來而家剩返尖沙咀一間店舖🥹 座位都係比較迫似日本嘅拉麵店😨 味道比起以前稍為倒退而且價錢唔算親民💔留返錢去日本食更加好✈️⭐️ 鹽味拉麵 🧂值得一讚鹽味湯底唔算太鹹而且唔會太膩太重口味☺️ 但份量及配料都不多CP值不太高🤔⭐️ 豉油拉麵 🍜湯底入口口感比較水比起日本嘅湯體欠缺層次🤎 叉燒嘅口感普通整體冇咩亮點 🤯…查看更多

今日趕趕地，又想食熱嘢，又唔食得炸嘢，朋友又想食炸嘢，咁呢間就最好。有炸有唔炸，坐位舒服，放小袋放大袋都可以。今日輕鬆選了中碗海鮮拉麵，仲加了一隻溫泉蛋，朋友就選了炸豬扒盛，有叉燒拉麵有飯及半隻蛋。炸豬扒盛，真心太豐富了，太多澱粉質了，好在朋友餓底，可以清哂。炸豬扒超正，粉漿唔厚，又夠熱，睇到都想食。海鮮拉麵……讓好多海鮮，有青口，蝦，帶子蜆肉，三文魚，仲要拉麵軟硬超啱我，唔會太硬，我鍾意。朋友謝謝你帶我嚟睇戲又食餐好。…查看更多

少有的一人時光係isqaure行咗一陣糾結食乜嘅時候見到6樓角落有間拉麵 仲要有貼米芝蓮指南門口的拉麵美食模型睇落都十分吸引餐牌嘅的價錢其實超出咗原本簡單晚餐的預算但係啱啱OT收工嘅我本著獎勵下自己的心態估估下行入去店員好有禮貌，熱情招待晚餐7，8點時間 人不算多拉麵套餐的價錢實在超出預算最後揀選咗一款簡單的中份鹽味拉麵在店員的熱情介紹下 仲加咗20蚊嘅一隻蛋上餐速度正常，賣相吸引湯嘅味道比想像中普通，不過不失麵咬落去幾有勁道撈少少湯加拉麵非常惹味都算為忙碌的一天帶來美好的晚上整體來講，除咗價錢偏貴之外，算係不差的拉麵店。但係性價比不高，偶爾試下都可以嘅…查看更多

好多年前係aeon鰂魚涌分店熟客，可惜執左笠。今日食翻，水準依舊咁正！仲冇加過價！見d人食評話服務唔好，又唔覺喎，亦主動酙水！呢個價位，百零蚊個set，真心抵食！…查看更多

食物味道其實唔差，食左燒帆立貝定食，帆立貝飯+紫菜係好食的，但服務太差，兩個店員，每枱客人都會比店員背後批評，我與同行友人亦是被批評的對象，同行友人叫了小食炸雞打算待冷後才食，我叫了定食並進食中，店員見到，背後私下評論：下？佢睇住佢食呀？其實我就坐起到，要講可以過黎詢問，我可以解釋比店員聽，友人唔係睇住我食，係待食物攤熱先食！並非在客人背後討論！煮面店員出黎幫忙落單，亦答非所問。不會再去！亦不推介！…查看更多

因為係tst返工，經常食，今日放假出黎費時諗食咩就去食lunch，叫左午餐C，食物一如以往即煮，好食。但唔知係咪得我一個人食啦，個短頭髮阿姐從來都無幫我refill水，我旁邊2枱無開口都已經refill左幾次，但佢每次都無幫我，完全跳過我去幫其他人。我唔明點解？ 因為得我自己食晏？（旁邊係2-3人食緊），然後呢間餐廳每次都要收加一服務費，我食左$102, 加一要比$10.2，可惜我一杯水都無續到，咁點解間鋪都好意思收服務費呢？食物好食有咩用，我真係以後都唔再食。…查看更多