山見台式火鍋 (新都會廣場)

Fafafoodblog為食花太郎 山見台式火鍋 🍴388 蚊和牛海鮮食到飽 好正既打邊爐放題 , 各種唔同既牛肉 肥牛 手切牛 牛頸脊 牛肩肉 豬肉都好多款 海鮮有海蝦蜆肉魷魚 各種蝦滑魚滑 水餃 熟食都好正 鹽酥雞 杏鮑菇 小酥肉 各種炸物 湯底點左台灣鴨血麻辣鍋 同芫茜皮蛋鍋 打邊爐好入味 仲有好味蜜桃沙冰 各式自家製茶同雪糕 yummy#火鍋 #打邊爐 #雪糕 #手切牛 #水餃 #芫茜 #皮蛋 #麻辣Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#山見台式火鍋葵芳興芳路223 號新都會廣場4 樓 484 至487 號鋪~~~~~~~~~~~~#fafafoodblog #為食花太郎 #fafafoodblog葵芳====================…查看更多

今次到左主打台式火鍋放題既「山見台式火品嚐Level 3嘅「極品吃到飽」套餐，無論係湯底、肉類、海鮮定係各式小食甜品，款式多而且質素唔錯，性價比幾高。餐廳裝修幾有心思，模仿台灣十分車站同老街，懷舊郵筒、舊式招牌等，幾有台灣風情。座位都算寬落，坐得舒服。🍲 湯底選擇我同朋友揀咗鴛鴦鍋，一次過試兩種口味：· 上素蟲草木耳鍋：湯底有木耳蟲草等滋養食材，味道清新。· 芫荽皮蛋豬骨鍋：期間限定，芫荽香味好出，配上皮蛋同豬骨熬製，味道濃郁香甜。Level 3套餐嘅肉類選擇幾好，牛肉質素令人滿意：· 美國牛小排：雪花紋均勻，輕輕涮3-5秒就食得，牛味濃郁，口感軟嫩。· 封門柳：切得夠厚身，咬落有嚼勁，油脂比例適中，牛香十足。🦐 海鮮與其他火鍋料海鮮幾新鮮，款式都算多：· 松露墨魚滑：墨魚滑彈牙，加上松露香，幾好味。· 自助區有各式丸類、蔬菜、菌菇、響鈴、台灣麻辣鴨血、魚子蝦滑等，選擇豐富。🍢 台式小食與熱食· 夜市鹽酥雞：外脆內嫩，香氣四溢，有台灣夜市風味。· 港式情懷檔（期間限定）：有即叫即製嘅街頭格仔餅（花生醬煉奶多到漏）、足料碗仔翅、港式滷水牛孖筋（滷水入味，牛筋軟綿）等。🍧 甜品與飲品· 黑糖豆腐花：豆腐花口感滑溜，黑糖甜度適中，食完火鍋用來解膩一流。· 芋圓仙草：有台灣九份食芋圓的感覺，幾地道。· 自家製冷泡茶：例如白桃烏龍、鳳梨烏龍，清新解渴，唔會太甜，打邊爐時飲幾舒服。· 此外還有台灣進口紙包飲品、罐裝茶，以及套餐可能會贈送珍珠奶茶。…查看更多

最近去新都會廣場見到門外設計特色嘅山見台式火鍋，餐廳裝潢打造台灣懷舊氣息風格，感覺好像去了台灣一樣！我地揀左 Lv4 特選澳洲和牛海鮮吃到飽套餐 $348/位 (120分鐘，免費加時30分鐘)～期間限定港式風味主題湯底 芫荽皮蛋豬骨湯/上素蟲草花木耳鍋揀選鴛鴦鍋，芫荽皮蛋豬骨湯底奶白色，散發芫荽香氣，皮蛋口感幼滑，另一款係上素蟲草花木耳鍋，湯味潤喉，有好多材料。未開爐前先飲少少試下，濃郁香甜，味道層次豐富，感受到經典港式情懷風味！除左火鍋湯底有港式風味之外，仲有多款經典港式小菜、小食及甜點：羽衣甘藍菠菜粉果、碗仔翅、響螺片、白果腐竹鵪鶉蛋糖水、情懷紅豆冰等等，款式多樣化。羽衣甘藍菠菜粉果外皮用上菠菜汁製成，內餡嘅羽衣甘藍，翠綠鮮爽，營養又健康。港式滷水牛孖筋牛筋帶有黏黏嘅口感，柔滑軟綿，滷水好入味。街頭格仔餅格仔餅係香港經典街頭小食，即點即製，金黃鬆脆，蛋味香濃，塗上煉奶同糖霜，美味可口。情懷紅豆冰食火鍋配杯冰凍紅豆冰，簡直透心涼～套餐供應無限肉類及海鮮，有澳洲和牛肩胛肉眼、 頂級無骨牛小排、牛扑肉(CAB牛頸脊)、福隆刺參、花膠、原隻大海蝦、新鮮白鱔片、原隻鮑魚等等太多選擇啦。澳洲和牛肩胛肉眼 - 色澤紅潤，肉質軟嫩，充滿濃厚嘅牛肉香味，每一啖都香氣十足。牛扑肉 - 品質極佳，入口即化，肉質Q彈。頂級無骨牛小排 - 油花分佈均勻，質地柔軟，牛味香濃。原隻大海蝦 - 蝦肉彈牙，味道鮮美。原隻鮑魚 - 鮮嫩Q彈，充滿海水味。新鮮白鱔片 - 口感爽脆、滑身，食起嚟軟軟綿口感。花膠 - 爽身黏口，有豐富骨膠原。自助區無限追加台式食品和甜品，多款台式夜市小食及自家製蛋糕，濃郁軟滑，香甜滋味，仲有多款美味嘅台式美食選擇。冷凍櫃擺放各類蔬菜、丸類、菌菇，另有粉麵、前菜小食，以及多種飲品供應，包括台灣紙包飲品、罐裝茶、自家製樽裝冷泡茶，揀咗桑椹洛神花冷泡茶、甘桔檸檬，解渴解膩，好飲。呢度嘅台式火鍋真係食到飽飽，而且又好味，下次一定要再嚟呀！…查看更多

夜晚同朋友嚟咗山見打邊爐，揀咗LV.4嘅特選澳洲和牛海鮮吃到飽套餐($388@)，包兩個鐘任食一共104款嘢飲嘢食，當中梗係唔少得有澳洲和牛同唔同種類嘅海鮮。依家火鍋店做緊港式主題，我哋就揀咗芫荽皮蛋豬骨鍋拼上品蟲草木耳鍋嘅鴛鴦湯底。芫荽皮蛋豬骨鍋一上桌就香氣撲鼻，豬骨湯底呈奶白色。至於上品蟲草木耳鍋就夠晒養生，湯頭清澈，帶有菌類的天然鮮香。除咗有港式火鍋湯底，仲有多款港式主題食物。好似黃金蒜茸烤扇貝，鮮味扇貝吸收晒蒜蓉嘅香味；仲有爆漿咖喱魚蛋，彈牙得嚟入面仲有濃郁咖喱漿；另外又有街頭格仔餅，外脆內軟加上蛋香濃郁嘅格仔餅配埋煉奶同花生醬，超邪惡；唔少得仲有情懷紅豆冰，奶香順滑，甜度適中。🥩肉類方面當然有必食嘅澳洲和牛肩胛肉眼，油花分布均勻，只需輕涮幾秒就食得，肉質細膩軟腍，充滿和牛嘅脂香。月見封門柳亦都非常高質，牛橫隔膜肌肉肉質緊緻肉味濃郁。另外仲有口感爽脆彈牙嘅薄切牛舌芯同其他唔同部位嘅牛肉同豬肉。🐟海鮮嘅種類亦都有好多，好似新鮮彈牙嘅原隻鮑魚、爽脆鮮甜嘅白鱔片、飽滿水嫩嘅福隆沙白。另外仲有響鈴魚籽蝦滑卷同竹笙抱蝦滑呢d特色嘅創意火鍋配料。火鍋料上菜速度快，加上仲有自助嘅蔬菜、小食、飲品同甜品吧，兩個鐘食得非常飽。。。山見台式火鍋 (葵芳)葵芳興芳路223號新都會廣場4樓484-487號舖。。…查看更多

台式火鍋吃了幾間，但這次的值得推薦入座前先點好湯底，這次我點了鴛鴦鍋，包含兩款湯底：牡丹美人鍋（靚靚花膠）喝湯也覺得自己變美了，十分濃郁好味道海帶魚骨豆腐清湯（全新湯底限時免費）這款是店員推介，味道不錯這兩款湯底各有特色，牡丹鍋的香濃與海帶清湯的清新互補不足呢。套餐包括的澳洲和牛我點了2遍，肉質鮮嫩，非常適合火鍋的烹煮方式，瞬間吸收湯底的精華，跟朋友都吃過不停這裡的小食選擇相當豐富，特別是推廣的澎湖美食，我特別推薦的幾款：夜市鹽酥雞：外脆內嫩，香氣四溢。鬼馬油炸鬼：口感獨特，令人驚喜。金沙蝦球：鮮蝦搭配金沙，味道絕佳。黃金酥蝦：外皮酥脆，蝦肉鮮美。脆炸雞卷：搭配特製醬汁，風味十足。山見和牛蛋餃：薄薄肉餡多，值得一試。黑糖豆腐花：甜而不膩，是完美的甜品選擇。眷村-台灣拔絲蔥抓餅：嚼勁十足，口感層次豐富。芝麻蝦多士：搭配香脆的多士，令人回味無窮。火賞梳打：清新解膩，完美的搭配，火鍋非常適合。還有可以自助的超大飲品櫃，各款甜品，不同小吃，多種類雪糕，及火鍋品... 這次的台式火鍋體驗非常滿意，湯底與食材都讓人驚喜啊！結帳後，還有金幣夾波波，有不同的優惠券啊。📍山見台式火鍋葵芳興芳路223號新都會廣場4樓484-487號舖…查看更多

山見台式火鍋的Lv4特選澳洲和牛海鮮吃到飽套餐，近期推出港式食品🍲 今次選擇了上素蟲草木耳湯底，選用蟲草和木耳，滋味清甜且帶淡淡草本香氣，非常養生，令食材更鮮美😎澳洲和牛質素高，肉質嫩滑多汁，配合多款新鮮海鮮如蝦、帶子，加上豐富蔬菜和配料，選擇非常多元化👏🏻👏🏻環境明亮舒適，座位間距適中，適合朋友和家庭聚餐，尤其適合愛吃海鮮和和牛的人，限時2小時內可盡情暢吃，整體性價比高，值得一試！套餐：Lv4 特選澳洲和牛海鮮吃到飽套餐限時：120分鐘主題：港式食品 及 上素蟲草木耳鍋…查看更多

嚟到山見，店舖充滿台灣風格，今個月仲係港式情懷主題😍🍲 火鍋必試湯底• 芫荽皮蛋豬骨鍋：豬骨湯濃郁，加上芫荽+皮蛋令到層次提升• 上品蟲草木耳鍋：蟲草+木耳，底湯滋潤養身！港式小食亮點• 咖喱魚蛋：咖喱收係魚蛋入面，食時小心咬開爆汁！• 格仔餅：夾花生醬+奶油，酥脆香甜，過下口癮！🥞• 黑白煎堆：外層金黃香脆，鋪滿黑白芝麻，咬開芝麻餡，• 碗仔翅：用料豐富，懷舊味道重現，暖心一啖！私心大推• 麻辣鴨血：鴨血Q彈滑嫩，吸滿花椒香同微辣，食唔停• 竹笙蝦包：清脆竹笙包住彈牙蝦滑，外形似小福袋，爽口又Juicy！🎮 食完憑單換幣玩小遊戲，食得又玩得，好過癮！…查看更多

真係火都嚟！同朋友去食LV5，一入座已經覺得唔對路。有個着黑色恤衫嘅女員工（短頭髮嗰個），由我哋坐低開始就全程黑面怒啤，眼神兇狠到好似我哋欠佢錢咁！明明餐廳唔算忙，但啲用過嘅碟同碗堆到成枱都冇人收，舉手叫埋單，叫極都唔理，當我哋透明。點解我哋要受差別待遇？ 服務態度差到爆燈！人均消費唔平，我過嚟都唔係受氣，完全破壞晒食飯心情，以後絕對唔會再幫襯，亦會同身邊朋友講千祈唔好中伏！…查看更多

山見台式火鍋之前去過沙田新城市廣場分店嘅「山見台式火鍋店」，今次就嚟咗葵芳新都會廣場分店食午市100分鐘任食任飲火鍋，呢間葵芳分店都開咗一段時間，今次店員安排咗我坐一人一鍋嘅枱，一人一鍋真係好正，湯底唔洗諗得咁煩，我就揀咗LV3（$288一位）午市任飲任食，時間有100分鐘，湯底揀咗椰子雞湯（+$28）同牡丹美人鍋（+$25），如果時間耐少少就更好！呢間火鍋店入面都算寬闊，輪椅人士入去坐都非常舒服，店員今次非常好，安排一人一鍋嘅枱比我坐，仲提我食完記得去門口寄明信片去你屋企就會有50蚊優惠券，同埋記得夾公仔，揀咗惠顧LV3嘅人就可以每位獲贈兩個金幣夾公仔，每次夾公仔要用兩個金幣，我第二次就夾到公仔啦！自助區有好多不同種類丸類、豆卜、蔬菜類、芋頭、粉麵同糖水等！LV3仲有任飲烏龍珍珠奶茶（星期五六日及公眾假期除外）同火掌梳打，其他飲品可以去雪櫃拎，雪糕有兩款口味！LV3極品吃到飽$288（每位）1.椰子雞湯+$282.牡丹美人鍋+$25以下係我推介之選：1.鵝肝醬多士（9.5/10）呢個多士咬落好脆身，鵝肝醬搽喺多士上面，鵝肝醬味淡淡地！2.金沙芋泥球（10/10）呢個金沙芋泥球外面炸得好香脆，入面芋泥滿滿，食落非常香！3.藤椒魚皮（9.5/10）呢個藤椒魚皮都幾辣下，食得辣先好叫！4.芝麻蝦多士（9.5/10）呢個芝麻蝦多士入面蝦膠滿滿，咬落又脆又熱，蝦多士上面仲鋪滿芝麻粒，食落更加香！5.沙爆魚肚（9.5/10）呢個沙爆魚肚好大舊，放落湯底吸哂湯底汁，咬落去勁有口感，正！6.牛爽腩（8/10）呢碟牛爽腩肉質有算ok！7.卡樂BEEF（9/10）呢碟卡樂肉質有算唔錯！8.嫩肩里肌肉（9.5/10）呢個嫩肩里肌肉係咁多碟牛肉之中，肉質係最好，最有牛味，油花又最靚！9.薄切牛舌芯（9.5/10）呢碟薄切牛舌芯勝在切得夠薄，幾彈牙，有牛味，唔韌！10.竹笙抱蝦滑（10/10）呢個竹笙蝦滑幾特別，外面係竹笙，入面係包住蝦滑，食落去竹笙脆脆地，蝦滑好有鮮味！11.牛丸（10/10）呢個牛丸非常彈牙，牛味好濃！12.脆肉鯇魚片(9/10)呢個脆肉鯇魚片雖然切得好薄，食落好新鮮，無骨，唔錯！13.福隆沙伯（9/10）呢個福隆沙伯個蜆肉無沙，好新鮮！14.爽滑牛骨髓（8/10）呢個爽滑牛骨髓實在切得太薄，切粗少少口感會更好！2人總共價錢$796.4，其他有加一服務費！個人口味總評分：9.29/10@sankinn.tgg @metroplazahk 地址：葵芳興芳路223號新都會廣場4樓484-487號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#山見台式火鍋 #火鍋店 #任飲任食 #火鍋放題 #香港美食 #葵芳美食 #葵芳好去處 #新都會廣場 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

山見台式火鍋．台式火鍋放題 港台混搭撞出驚喜作為一個打邊爐狂熱分子，今次試完葵芳「山見台式火鍋」真係要急不及待寫低佢！呢度玩港台crossover，一邊食到台灣直送芋圓炸物，一邊又有港式街頭小食，最正係個鴛鴦鍋底濃到癡線，仲有Lv3極品牛任食，八百幾字都未必講得晒啲驚喜啊！#濃郁湯底打頭陣 花膠芫荽皮蛋雙重享受我同朋友揀咗「牡丹美人鍋」拼「芫荽皮蛋豬骨鍋」，上枱已經聞到香味！美人鍋有完隻花膠浮面，飲落膠質重到黏嘴唇，打邊爐前飲兩碗絕對係常識吧～芫荽皮蛋鍋更加係驚喜，豬骨湯底撞皮蛋竟然零違和，芫荽控必試！兩款湯底愈滾愈濃，涮牛肉同吸湯食材簡直絕配。#Level3極品牛+QR code任點 性價比爆燈今次衝咗「極品吃到飽」Lv3套餐，牛肉真心有驚喜！美國牛小排雪花紋靚到發光，涮3秒入口牛味濃到似喺口腔打風暴；封門柳厚切夠嚼勁，油脂比例啱啱好。QR code點餐仲有超過50款配料，必點「黃金酥蝦」同「香芋脆脆果」——蝦肉彈牙包住鹹蛋黃脆皮，香芋球咬開流心奶黃，邪惡到停唔到口！#港台小食掃街體驗 甜品區仲有驚喜期間限定嘅「港式情懷檔」一定要試！「街頭格仔餅」即叫即製，花生醬煉奶多到漏，仲有「碗仔翅」足料過街邊檔；台灣區嘅「眷村蔥抓餅」層次多到數唔晒甜品櫃仲有「黑糖豆腐花」同「芋圓仙草」，豆腐花滑溜到似食緊雲朵～#必食清單mark低 服務加分位除咗上面講過嘅，仲有幾款必食：「芝麻蝦多士」麵包脆蝦膠彈牙、「脆煎一口生煎包」爆汁要小心、「爆漿咖哩魚蛋」辣得過癮！最感動係店員超貼心，上菜收碟快答問題全程笑容滿面非常有耐心#玩味彩蛋 寄情書扭蛋過足癮飽到捧住個肚仲有餘興節目！門口可以寫情書俾未來自己，消費滿額玩扭蛋抽公仔！山見呢個「混血火鍋仔」，真心值得再次幫襯！ 這次的台式火鍋體驗非常滿意，湯底與食材都讓人驚喜啊！仲可以寄出情書同扭蛋，勁好玩！餐廳：山見台式火鍋 地址：葵芳興芳路223號新都會廣場4樓484-487號舖…查看更多

今日收工同班friend吹水，突然好想打邊爐，但成日食麻辣雞煲有啲悶，行過新都會見到「山見」個芫荽皮蛋豬骨鍋海報，好似好吸引咁，原來個湯底係期間限定，即刻同朋友入去試吓。我哋中午時段揀咗Level 3「極品吃到飽」港式情懷，呢個餐包咗港式小食，例如格仔餅、黑毛肚、點心等等，湯底係鴛鴦鍋另一款係椰子雞湯，湯底好清甜，因為用咗新鮮原隻椰青，仲有嫩雞件吊味，成班人未落料已經開始飲湯先。套餐最正係海鮮同牛上枱，松露墨魚滑她彈牙，牛同羊同朋友encore 咗兩轉，另外啲小食同炸物好出色，完全無hea你一上枱全部都係新鮮炸起熱辣辣，除咗可以qr code落單點你想食嘅嘢之外，出面仲有甜品區、飲品區、火鍋配料區、雪糕區等等，多款選擇真係食到飽到嘔🤣。最後要讚佢哋自家製飲品，最鍾意係白桃烏龍冷泡茶同鳳梨烏龍冷泡茶，好解膩唔會太甜。…查看更多

今期係做港式情懷美食，都幾吸引，因為一向都好鍾意食港式小食，加埋台式火鍋，可以一次有2種享受。佢地嘅湯底都幾多款式，我地就簡咗鴛鴦火鍋，芫荽皮蛋豬骨鍋同鐵路豚骨鍋，2款湯底都好濃郁，要黎打邊爐就最啱。我地選擇咗level3極品吃到飽，呢個level牛肉都幾靚，肥瘦均勻，好重牛味，除咗牛，QR code點餐都仲有好多火鍋配料任點。今期係做港式情懷，我地都叫咗幾款試吓街頭格仔餅，碗仔翅，瑞士雞翼都唔錯，出面仲有好多台式炸物，台灣芋圓炸物同飲品任攞。…查看更多

這間火鍋店門口有個夾公仔機和一個紅色大郵筒，裝修好有特色，用餐環境闊落舒適。當季主題是「澎湖遊」，點選了Lv4 特選澳洲和牛海鮮吃到飽套餐 (限時120分鐘)，湯底是鴛鴦鍋：古早藥膳牛骨湯底藥味香濃，椰子雞湯滋潤鮮香。先吃些台式小食，黃金酥蝦、金莎芋泥球、黃金蝦球、黃金裹粉柳葉魚和炸九層塔花枝丸等，熱辣辣好香脆。肉類食材好新鮮，以牛肉類為主，牛小排、和牛肩胛肉眼、牛頸脊、封門柳、牛五花和牛爽腩等，淥幾秒就食得，鮮嫩幼滑有牛味，食完當然要再三添食。海鮮類最喜歡原隻駅前海老，大隻又厚肉，蝦肉鮮甜美味。白鱔片好爽脆，竹笙蝦包好得意，蝦肉餡料鮮味，竹笙外皮爽口。還有鮑魚、花膠和遼參，夠曬滋補。華西綜合豆腐花有和黑糖豆腐花等台式甜品，甜潤滑溜。火掌梳打甜香清爽，烏龍珍珠奶茶煙韌甜滑。還有多款飲品和雪糕，暢快滿足。…查看更多

🥢最近同朋友去咗山見台式火鍋（葵芳新都會廣場），食咗佢哋Lv4特選澳洲和牛海鮮放題，120分鐘食到飽真係食到好滿足！🍲一坐低就見到枱面超整齊，海鮮拼盤即刻上枱，有鮑魚、青口、蝦同扇貝，全部都夠新鮮，落湯即食啖啖肉！和牛方面真係唔得了，油花分布靚，輕輕一燙就入口即化，鍾意食牛嘅朋友一定要試！🫕湯底我揀咗麻辣同藥膳，辣得嚟好香，配和牛一流。配菜款式都多，魚腐、丸類、蔬菜樣樣齊。職員上菜超快，服務態度一流，仲有自助區任你拎飲品、醬料，仲有小甜品收尾，飽到上心口！…查看更多

主打台灣風味的火鍋放題店.提供多款「吃到飽套餐」由基本款到殿堂級和牛海鮮都有。豐儉由人。湯底選擇也非常豐富。香港有多間分店。//古早藥膳牛骨湯底湯色金黃透亮.濃郁.藥膳香氣十足.帶有淡淡藥香與牛骨的甘甜味。//Lv4 特選澳洲和牛大理石油花分布均勻.風味濃郁.肉質細緻.入口即化. 還有好多款牛肉可以選擇。//新鮮海鮮刺參：身上密集堅挺的刺狀突起而得名.被譽為「海中人參」肉質爽滑有嚼勁。脆卜卜的感覺.具有補腎益精的功效。//多款台式飲品小食味道很好//推薦海鮮粥：鮮味十足。//台式鹵肉飯：地道美食…查看更多