山見台式火鍋 (屯門市廣場1期)

有時想簡單咁樣打個邊爐，就會諗到嚟山間！因為佢除咗有打邊爐之外，仲有好多台式小食，仲有滷肉飯添！好吸引，而且價錢都唔算貴，食慣咗日式火鍋放題，間唔中轉下台式嘅都真係幾唔錯！…查看更多

之前同朋友食過，都係食午餐，今次都一樣今次食lv 2，手機落單，有肉有海鮮有小食最欣賞係小食可以嗌嘅份量，一件都可以落單仲要勁尊重你嘅選擇，唔會你落一件然後比一大兜湯底就不過不失啦，我哋一個酸菜白肉湯，另一個係椰子雞湯（的確有椰子+雞，足足一兜雞，仲有漏斗計時10分鐘）外面自助區都算多嘢食最開心係雪條區有bulla乳酪雪條一啲都唔孤寒，有三款口味可以揀最後門口有得比你寄Postcard，同尋寶機不過尋寶機就要食lv 3以上先有金幣嚕…查看更多

見到很多人的comment 都好正面，今次跟家人去光顧，果然真係很好食。除了食物種類繁多新鮮外，亦有台灣特色的甜點及飲料。座位很寬敞舒服，侍應生態度很親切，很快清理枱上的碟子，值得推介的餐廳。…查看更多

我哋已經唔係第一次嚟喇😋🤭每次嚟到最鍾意就係呢個靚靚打卡位座位舒適環境寬敞，再加上光線柔和對住山景景色食火鍋份外充滿田園風味😂餐廳提供多款套餐迎合大眾口味；湯底我哋揀咗蕃茄湯同花膠雞湯；自助吧有多款熟食如台式小食鹽酥雞、台式腸、地瓜條，除了新鮮蔬菜、菇菌類、肉丸類、雪糕外，還有台式甜品芋圓添👍飲品亦有台式冷泡茶、汽水等等！..…查看更多

第一次食呢間店舖，座位舒服、環境優美，好好既服務態度、食物種類多。非常建議大家來臨試下，以台灣美食為主題，野食好豐富、飲品眾類又多，LV 4-5 更可以多三十分鐘用膳，時間非常充裕、加水超過10次、又幫你換碟，非常多謝員工既工作態度。…查看更多

椰子雞湯底清甜，有D特別D嘅肉類好似烏雞卷，卡樂B牛肉，松露墨魚滑。台式熟食都唔少選擇有order有自取，味道亦夠道地。地多乾淨，嘢食擺放整齊，冇漏單，員工有禮貌會主動加湯。…查看更多

上星期我先同朋友係荃灣山見食完，老公炸哂型話冇佢份🥲叫我陪佢食，今日就黎屯門同佢食返餐補數啦🫢我今次都係叫lv.4, 牛肉既品質同荃灣果間都差唔多，睇黎每間分店既水準都相近，唔會話某一間特別差👍今日我仲試左新野：炸蛋，我見內地好興食呢個，不過食落我覺得一般😅淨係食到d 油味，呢個可以唔洗再嗌- 鵝肝多士佢係用鵝肝醬，但係我都完全食唔到鵝肝味，加上多士有dd 淋，呢個又係叫一次就夠。。。最後叫左個甜品，唔太記得個名，好似係椰果仙草芋圓🤔都幾好食既，不過略嫌芋圓太大粒。總括嚟講，我覺得呢個品牌牛嘅質素係相當唔錯嘅，但係某部份嘅熟小食味道要改進一下…查看更多

夜晚係屯門吃晚飯, 山見夜晚未試過, 所以試一下, 出奇地唔洗点等位😆, 有幾款套餐, 有d 吃100分鐘, 有d吃120分鐘, 我哋揀左LV3, 另外加$要左一個美人鍋, 一個藥膳養生鍋, 一人一爐真係幾好😋👍, 由於我哋是即興walk in, 所以並沒有使用openrice訂座優惠, 而且我哋也沒有citibank, 所以我無得扣80蚊😄, 唔洗好耐d水就滾, 二個湯我也有試, 可能我較喜歡藥材的香味, 我就比較喜歡藥膳, 飲落幾香😚, 美人鍋飲到太濃雞味, 我反而唔係敢鍾意, 外面有各三款冷泡茶🥤🍵罐裝飲品紙包飲品🧃同啤酒🍺, 亦有雪糕雪條蛋糕, 台式麵線, 台灣腸, 小籠包, 雞同鴨, 肉羹, 炸物, 醬料好多款可以自由配搭, 菇類🍄‍🟫亦有多款, 還有丸類, 麵有新竹米粉, 准山刀削麵, 王子麵, 菜有d講明係水耕菜👍👍油麥菜唐生菜通菜皇帝菜, 第一次見的☘️🪴🌿石斛苗同人參葉😅, 亦有芋頭, 蓮藕, 萵苣, 芋絲, 水蓮, 翡翠苗, QR code落單有豬🐷牛🐮羊🐑雞🐔, 穀飼豬唔錯, 海鮮的沙白, 墨魚仔同黑魚都幾好, 另外有台式小食, 例如醉雞卷,藤椒魚皮, 麻辣雞腎, 鴨血整得幾好食😋, 刀削麵浸左湯的味道幾好食, 手工餃🥟皮太厚唔建議叫, 還有台式甜品仙草紅豆花生芋圓, 愛玉紅豆花生芋圓, 豆腐花等等, 其實100分鐘好快過, 不過勝在他們人手足夠, 上菜收碟都好快手👍👍值得再食, 下次試下其他分店🥰…查看更多

老實講，我每個月都至少會嚟一次，因為其實你呢度服務真係很好，加上多款式質素亦都很高，但有一個問題，好似每一次都解決唔到，就係菜嘅品質，我明白有時有一兩條唔靚都好正常，但是又黃又爛又黑都可以拎出嚟俾客人，都已經唔係第一次，係我黑仔定係你哋公司比較慳？唔靚嘅菜都比客人食。呢一樣係我最唔滿意。希望呢一點可以你哋改進！…查看更多

這次去嘗試山見台式火鍋，真的覺得超值，尤其是服務實在太正了！店內的員工態度非常親切，每次我們有疑問，他們總是耐心解答，甚至還會根據我們的口味推薦適合的醬料和食材，讓人感覺非常貼心。一進門就有服務員熱情迎接，讓人感到非常舒適。每隔一段時間都有店員需不需要加湯，如果需要他們都會立刻幫忙，而且動作迅速又細心。這種服務真的很讓人舒服，也讓整個用餐過程變得輕鬆愉快。火鍋的食材新鮮無比，湯底味道濃郁，尤其是麻辣湯底簡直令人上癮。同時他們的醬料區，種類多到令人目不暇給，想怎麼搭配就怎麼搭配，完美滿足了我們一家四口的各種口味需求。整體來說，這家火鍋店的食物和服務都很出色，值得大力推薦。如果你想找一個環境舒適、服務優質的地方來聚餐，這裡肯定是個不錯的選擇。…查看更多

山見台式火鍋，以其獨特的風味和多樣的小食選擇，深受食客喜愛。今天我終於有幸品嚐，他們的火鍋真是值得一試。火鍋湯底選擇了椰子雞和豚骨。豚骨湯輕盈清爽，適合喜愛原汁原味的食客；椰子雞湯底則清甜，喜歡鮮甜口味的人會感到非常滿足。湯底熬煮得恰到好處，鮮美的底湯為各種食材增添了豐富的層次感。這家店的食材新鮮度堪稱一絕。薄切的牛肉和豬肉片在鍋中煮熟迅速，保留了豐富的肉質鮮香。海鮮部分，特別是大蝦和貝類，肉質鮮嫩且口感滑順，令人垂涎。除此之外，各種新鮮的蔬菜和豆腐類食材也是火鍋中的亮點，搭配不同的醬料，讓每一口都充滿驚喜。醬料區的選擇非常豐富，從經典的台式醬油、花生醬、辣椒醬甚至有山見自家製辣椒油，都可以讓人隨心所欲地調配自己喜歡的味道。每一種醬料都能為火鍋增添獨特的風味，使每一口都不乏變化。總體而言，這家台式火鍋店不僅食材新鮮，湯底風味獨特，還提供了豐富的選擇和舒適的用餐環境。無論是與朋友聚餐還是家庭聚會，都是一個極好的選擇。如果你是火鍋愛好者，不妨親自去體驗一下，相信你會被它的美味所吸引。…查看更多

父親節係紅日，所以同屋企人特登早啲喺app到拎飛，7點入座啱啱好。揀左Lv4 特選和牛海鮮餐，120min吃到飽火鍋，每人$408(另加一)，唔算好平，不過同屋企人食揀120min放題唔使食到咁趕🤗父親節仲有promotion送手工啤🍺同燒豬手🐷都幾抵食～🔸肉類澳洲和牛肩胛肉眼同牛扑肉🐮都唔錯～仲有款台南烏雞玉卷幾特別都好食🐥🔸自助區基本既蔬菜、丸、麵類都好齊全又夠新鮮；飲品都好多選擇，自家樽裝茶🧋同罐裝飲品🧃都有；甜品就麻麻可以唔使試🌝🔸小食Scan qr code可以叫埋台式小食，鹽酥雞、地瓜條呢啲都ok～最緊要係有埋仙草芋圓任食🍧，質素都唔算差，不過偏甜少少☺️。另外有個荔枝樣既炸蝦球(?)好好食💯💬雖然加一後唔算平，但服務同環境都唔錯，同野食款式夠多，最緊要屋企人滿意🙈…查看更多

今天同老公一起去山見食火鍋， 好彩坐了一個卡位， 可以見到環境優美山境，食物質素高，第一次來已感受到服務員服務態度良好，他們首先用碟上了一些給乾濕紙巾，是方便我們吃不同食物時用。另外我因喜歡甜品，早早已叫了，服務員送來時會友善地說女士一定是喜歡先吃甜品。其實好耐沒有試過在一家食店中得到了友善，殷勤的服務。在這裡感受到了。香港都可以有好的服務食店，只是他們願意行多一步做多一些，這裡做到了，令我感覺留港消費都找到好的。…查看更多

今日試左呢間係屯門市廣場3樓台式火鍋我地揀左Lv1 精品套餐，包30款食物，嫩肩里肌肉、精選梅花肉、嚴選豚五花、阿公花雕醉雞等，仲可以出去自助吧挑選超過五十款甜品、食品、飲品等湯底我地揀左兩個，分別係鐵路豚骨湯同椰子雞湯味道香濃唔錯，不過肉類方面味道較淡，甜品亦較淡味，感覺一般，唯一特點是台式小吃味道較好。…查看更多

基本上，每個月都會黎幫襯一下，一如既往 服務質素一流 上菜快，蚵仔煎都好食左 賣相也不錯 煎得邊位脆 有進步👍🏻👍🏻👍🏻👍🏻不過有一樣食品質素我和朋友都覺得差了，就是自助吧熱食啦，淡而無味，除了豬大腸好味道👅以前來吃，味道是非常入味，現在就比較淡味，希望可以改進一下！值得一讚本公司 每次提出的建議也會去跟進👏…查看更多