山東餃子館

其貌未必突出，不過你會食到一陣陣傳統嘅北方食物味道。1️⃣4️⃣0️⃣0️⃣ 午餐時間🥗酸甜皮蛋豆腐老實就皮蛋份量小，基本一隻皮蛋都無，呢碟定價為$48 （同餃子價錢差唔多）不過作為開胃前菜真心幾好食，醬汁調校恰當，豆腐本身吸味，再夾皮蛋食幾香口。🥟 牛肉餃子感覺上皮比一般南方餃子厚，肉夠多，不過煮出嚟既汁唔夠多，屬保持水準之作。🥟 韭菜豬肉餃對比起牛肉餃子，豬肉餃入味出色得多。🫔春卷鋪頭姐姐話佢哋自己包的，所以入面餡料好足，有蘿蔔、木耳、生菜等，咁食落麵係脆口而不膩的。其實佢仲有伴麵、酸辣湯，賣相都不俗，價錢還好，值得冬天一試。…查看更多

外賣一碗酸辣湯，返到屋企打開見到得半碗，打返落去問職員，佢答返係得咁少，碗野仲要賣$43，超級搵笨🤮絕對唔會再有下次。味道還可以，但真係接受唔到得半碗😥😅…查看更多

雖然餐廳環境比較舊式，但食物選擇多， 份量大，性價比高。今次我選擇了雞絲粉皮，豆漿，及細份醉雞。醉雞酒味濃郁，不過微熱，不是冷盆。雞絲粉皮，有行多雞肉絲及青瓜，正！…查看更多

平時主要都喺食米線多，今次我地去左附近小店試下山東餃子同粉麵。✨麻醬伴麵聽聞呢到既麻醬伴麵都幾出名，我地都特別叫左一碗齊齊食。麻醬好香花生味，食落咸咸地，麵質喺偏軟腍個種，每條麵條都均勻沾上麻醬，麵同個醬又真喺幾夾。雖然麻醬好味，但食多幾口都開始有飽濟同油膩感，所以同朋友share喺最好。我地另外都試左兩款餃子，餃子皮薄透餡，每隻都包得好飽滿。✨津白鮮肉水餃 一份有十隻水餃，津白餡味道清清地，豬肉新鮮，但整體味道唔算好特出。✨金肉滿堂鮮肉水餃反而呢款水餃味道突出好多，粒粒金黃色的粟米除了加添了水餃的口感，更帶出了豬肉的鮮味，味道甜甜地好好食。最後叫多左串烤羊肉串，羊肉偏瘦所以烤完出來肉質較為乾硬，亦都欠缺羊肉那陣獨有的油膻香味。調味方面，羊肉串面頭灑滿了味粉和自然等香辛料，食落都幾重口味。肉串要20元一串，個人覺得唔值得特別去試。…查看更多

近排經常行商場， 晚餐也多數在商場裏的餐廳， 開始感覺有點悶， 於是星期六晚上我們就專程到深水埗找好吃的， 經過一間山東餃子館， 就一於入去一試。 入到餃子館當然要食餃子啦， 最吸引就是京蔥羊肉水餃$38、 然後還有炸醬麵$32、 酸辣湯麵$34和自製豆漿$8。京蔥羊肉水餃～ 皮薄餡靚， 餃子裏肉汁豐富， 羊肉味已經很香濃， 加上京蔥的調味， 喜歡羊肉的一定要試。酸辣湯麵～ 酸酸辣辣的， 開胃惹味， 麵的質感彈牙， 食材裏面有少量的冬菇和木耳。炸醬麵～ 炸醬麵反而一般般的， 面層有很多青瓜絲， 但炸醬沒有味道。自製豆漿～ 豆漿點了一杯凍的和一杯熱的， 凍的比較大杯， 味道都唔錯。小店應該在深水埗已有一段歷史， 水餃的確是有質素的， 下次有機會再來吃。…查看更多

呢日同事懶唔想出街，所以lunch要我買埋外賣返嚟餵食😒。由於外賣自取app有優惠，所以喺app到落單再去拎。餐廳位置喺元州街，隔離幾間舖都唔係食肆，所以唔多起眼。一去到外賣就已經ready，但個收銀阿叔禮貌唔多好。麻醬雞絲粉皮($34)，涼拌小吃嚟講份量算非常多！🐔雞絲多到一個點，非常慷慨，真係每一啖都食到。麻醬亦都唔算膩，唔係太杰嗰種，撈埋涼皮食好正。啲粉皮好得意，一捲捲的，唔係平日河粉狀咁攤平。西洋菜鮮肉水餃($36)，食餃子有得揀，我一定揀西洋菜💚。如果要淨餃子，就有10隻，餃子麵，就有5隻；叫煎餃就加多$3。我哋要咗淨餃子10隻🥟(無湯的)，本身驚放耐咗啲皮會痴埋一齊，好彩無。餃子皮滑、厚度適中，無爆餡，西洋菜味濃郁，點埋醋食，真係唔錯👍。總括嚟講，因為食過今次外賣，我認為係可以嚟堂食下，雖然環境望落一般，但都正常，好似唔係太差。今次食呢兩樣食物都好食，特別係麻醬雞絲粉皮，真心推介，如果喺夏天食，更加不得了😋！餃子館定價非常相宜，平均都係$3x，絕對係抵食之選。…查看更多

今天好姐妹相約我到深水埗元州街的山東餃子店聚餐。中午時段，全場滿座，餐廳的面積不大，但座位舒適，地方乾淨。 看看餐牌， 餃子的口味選擇十分多，我們點了一客茴香鮮肉淨餃和一客韭菜鮮肉淨餃。 餃子未到前我們點了一份麻醬雞絲粉皮 ，麻醬雞絲粉皮的口感豐富，一口爽脆的青瓜絲，一口香濃的麻醬雞絲拌上粉皮一起進食，十分清涼、好味。餃子方面，我比較喜歡它的茴香鮮肉淨餃， 餃子皮薄餡靚，咬開時肉汁擠出來，還有淡淡的茴香味，非常好味！價錢也不貴，每人才大約50元。…查看更多

今天難得放假，就來深水埗逛逛吧，順便買電話卡呢，因為二月就和媽媽到曼谷了!本身也喜愛吃餃子,所以特意選了這家山東餃子館來吃！見到店家有茴香鮮肉水餃，比較特別,所以我也大膽的點了!吃下時，茴香的特別香氣襯托起鮮肉的味道，是一般的廣東餃子所吃不到的。餃子的鮮肉豐富，38 元便有十隻。其實，我還點了麻醬雞絲粉皮呢，可是麻醬的份量比較多，哈，使雞肉的鮮味都蓋過了，下次再點點其他呢。…查看更多

深水埗一向都係一個平價ga美食天堂，而e間山東餃子店，就係其中一間值得幫襯ga小店之一🤤👆🏻蕃茄鮮肉煎餃表皮煎到金黃，煙煙靱靱，入面重有一粒粒ga蕃茄粒，食落既juicy又開胃👍🏻👍🏻👍🏻👆🏻涼伴手撕雞伴青瓜味道比較淡，大蒜同醬油應該可以再多一D（可能係我個人比較重口味喇🤣🤣🤣）總括黎講，價錢合理，係e個咩都貴ga世代，三十幾蚊就有十隻質素唔錯ga餃子，絕對值得下次再黎幫襯‼️…查看更多

平時喺港島區返工，D餃子閒閒地都5-60蚊得八隻，真係叫多個油菜都肉赤架!所以平時最鍾意就係放工落深水埗搵野食想食清清少嘅時候，第一時間就會諗起山東餃子！水餃一睇就知道係每日新鮮人手包架啦。入面有肉汁，菜肉比較都好合理。唯一可以更好嘅地方就係個湯底，依家好多其他舖頭都轉哂用老火湯底架啦，湯都可以飲埋就更吸引啦但呢個價錢黎講（$36/10隻淨餃/5隻水餃麵）收貨有餘架啦另外麻醬四季豆都係$20大大碟，最啱我地呢D長期缺乏蔬菜嘅外食族。…查看更多

工作之餘做D手作仔裝飾品來舒緩工作壓力，經常到深水埗逛逛搜尋配件，今日尊程約咗老友珍到深水埗前往探索，一見佢老友珍就嚷著先醫肚後逛街，深水埗多懷舊小吃，一輪掃街已半飽，見到一間山東餃子店，一向喜歡食餃子的我，當然入內光顧醫埋另半肚，老友珍點了炸雞翼、炸春捲、豆漿、當然少不了韮菜鮮肉煎餃子，加點醋和辣椒油吃，簡直絕配，吃飽飽，有氣有力去逛街😌…查看更多

今日放假心想在家中休休息，煲吓劇過日神，人算不如天算，手機叉電線弄斷咗，快快落樓乘二個站巴士去深水埗新高登買線，經過呢間山東店被店內煎餃子香味吸引咗我，一於不客氣直入店內坐下，看見鄰桌客食的餃子。我簡直流口水，快來一客韮菜鮮肉煎餃，加點醋辣椒油，嘩我的至愛，一口氣吃晒成碟10隻，飽到上心口，但眼睛望到餐牌上有一些小吃，忍不住又叫了炸雞翼三隻，炸春捲二條，簡直飽到上頭頂，最後還叫了一杯熱豆漿，簡直圓滿✌…查看更多

去深水埗相信大家都食開美x餃子館， 其實我本身都係去嗰度㗎但係咁啱閂咗門，立眼記得前面仲有一間山東餃子。北方人通常都食餃子所以山東餃子呢個名又好似幾信得㗎喎。 我哋入到去咁啱有張枱走咗，據我觀察呢間餃子舖 翻檯翻得好快而且有好多人係外賣嘅。我哋叫咗醬牛肉做小食， 另外我叫咗個樽白鮮肉蒸餃。 將牛肉好似係呢度嘅招牌菜所以就叫咗嚟先上去之後都好surprise 因為得嗰幾塊， 好多青瓜絲， 感覺唔係咁抵味道同我哋平時嘅鹵水牛展差唔多。而餃子喇佢個皮係比較後厚嘅， 一邊嘅料唔可以話好多， 唔知佢啲豬肉點整食過佢個感覺好似軟綿綿咁唔係好似食緊餃子，個情況都幾特別。 最近視咗另一間餃子同佢好大分別嗰一間餃子，啲料好脹卜卜好實嘅 同呢到好大對比。對我嚟講山東餃子店可以一試嘅，但係可能要叫多幾隻先會飽， 又或者可以試下佢嘅面同其他山東菜。…查看更多

和太太2人去深水埗電腦商場買野，行完街餓餓地，深水埗食肆選擇極多，最好都選了這間幫襯多次的店子-山東餃子館。茴香鮮肉餃子麵-茴香味道很特別，不是好多地方可以試到茴香。蕃薯苗淨餃子-滿滿的蕃薯苗，薄薄的皮。蔥油千層餅-炸得很香很好味，我覺得 蔥油千層餅和蒜蓉千層餅都是這店子必食的。羊肉串雞肉串- 孜然粉很惹味。豆漿-$8杯大大杯夠冰涼。2個人下單叫得太多野，差點食不完，但很好味。店員服務方面就不要要求太多了。…查看更多

我都算係一個餃子控， 山東餃子館都能滿足我的要求。他們的餃子款式好多，如果叫一碟十隻的餃子，可以選2款。 我選了白菜馬碲及津白鮮肉。 餃子的皮好彈牙，肉很鮮甜，真的不錯。兩款都好味。今次再點了皮蛋豆腐，炎炎夏日，這度冷盤真的不錯，豆腐配了皮蛋及炸菜，好有口感，略嫌個汁太濃。…查看更多