山戶屋

营业中

休息中

服務態度差, 之前預約了一次, 但到場時候話日子未有提供優惠, 所以大家預約了之後到前要再電話confirm 後才作實, 因為店員態度實在太差, 話唔係去接電話所以什麼都不知道, 食物一般, 湯底無味淡如水, 但環境可以, 價錢一般, 肉類選項小但肉類質素還可以.

第一次去呢間餐廳食好有驚喜，值得更多人識！！星期日8:30後入席，有8折優惠，可以唔洗用openrice訂位9折優惠，最後2位連加一都只係hkd398!! cp值高過牛大人或者其他連鎖火鍋店🤤🤤唔只價錢，食物質素都好有驚喜🥰鍋底有好幾款選擇，每人一鍋，每鍋可以揀2種鍋底，個人覺得壽喜燒推薦🤤另外，原本以為呢個價錢牛應該比一般食再普通啲，點知肉質油脂都好好，完全唔似200蚊嘅質素，仲可以任食🤤出面都有飲品、菜、丸等常見食材選擇。食完每人會送一杯movenpick作結尾。最後，員工服務都抵讚，feel到餐廳有心做好。下次會再encore🤤

今日去咗食午餐，點咗一個牛肉蔬菜美肌$78，本身係配白飯嘅，不過唔想太飽，+$5轉烏龍麵。美肌鍋嘅份量細細個，但我覺得材料都豐富，有金菇，有豆卜，有牛肉，有豆腐同埋娃娃菜。蔬菜新鮮，豆卜給晒湯汁嘅味道，好好食。牛肉質素正常，唔係超肥美，但係都唔會嚡口。烏龍麵較粗身，吸唔到汁，如果係手打或者讚岐烏冬更加好！湯底香濃，唔會好鹹，我覺得都唔錯。因為我唔食辣，所以就原味湯底，想食辣可以揀麻辣，或者兩樣都想試，可以叫鴛鴦也可以。餐廳環境都舒適，但空氣爭啲，當日其實天氣都好凍，着咗好多衫。但係射燈太多，唔知係咪開唔夠冷氣，覺得好焗，空氣唔流通。

平日晏晝唔駛等位，個位坐得舒服，價錢又唔貴，好難得係觀塘發生。 照燒雞扒丼雞肉嫩滑仲要脆，醬汁香濃又有啲甜味，搭配埋白飯，食落去完全無得輸！大推！！雞肉蔬菜美肌鍋配飯如果你想食得健康，雞肉蔬菜美肌鍋都係一個選擇。不過，味道有啲淡，雞肉又煮得有啲老，唔算特別好。除非你本身食開清淡，否則建議選擇其他更好味嘅菜式！蜜桃紅茶 甜度無得調整，有啲過甜，但凍飲唔使加錢，係抵既！如果你鍾意蜜桃味，呢個都可以考慮試下！

剛好想吃火鍋，朋友的親戚推薦了這家店，說不錯，所以我們就去試了。進去後發現環境不錯，人不算多。我們每人點了壽喜燒和美肌湯底。上菜很快，每次一下單牛肉就送上來，質量也沒有任何不同。雖然這家店款式相對較少，但牛肉切得很薄，肥肉較少，但不會“嚡熠熠“或韌，十分美味。如果喜歡吃牛肉火鍋，這家店值得推薦。

聖誕節正日知道出邊人好多，所以諗住唔出街，結果有個朋友話搵我去食飯介紹去個地方或夜少少去應該唔會太多人，果然去到真係冇乜人，可能大日子啲人會去啲特別啲嘅地方食飯為主。其實環境都幾好。去到見到可以選擇嘅食物其實都算幾多，飲品方面亦都唔算少，食品選擇種類都唔錯。另外就係每人一鍋都仲可以選擇兩種唔同湯底，所以可以食到嘅味道更加多，點肉嘅時候嚟嘅速度都好快，完全唔覺得拖拖拉拉，肉類都好新鮮同有味道。唔敢肯定而家仲有冇，但係食嗰日佢仲係原來過咗夜晚8:30之後仲有八折，實在太抵啦。唯一希望嘅係食飯嘅時間長多少少就會更加好。

星期日帶小朋友去西九博物館 轉車觀塘順道在觀塘覓食本來search好諗住去食台式午餐點知星期日關門，唯有在附近看看見到依間環境唔錯選擇又多，於是入去試下日式環境坐得舒服星期日唔難搵位午市選擇好多仲有廚師精選鯖魚鰻魚飯鯖魚鰻魚大塊，有好多沙律菜，對得住個價錢，份量的話女士一人是夠食的麻辣牛肉美人鍋在這裏飯量都是偏細碗的如果畀多啲唔同品種的菜可以更好只是豆卜金菇娃娃菜好似單調咗啲豬骨湯豬軟骨拉麵拉麵有嚼勁，好味 豬軟骨份量都多一大碗熱辣辣好開心檸檬水職員親切有禮， 見我哋有大有細好細心主動問我哋要唔要多幾個碗仔share食，讚

第二次幫襯於差不多完結時,店員來到詢問Last Order需要什麼我們order了一碟牛肉和一碟牛舌加選擇了雪糕味道其後只來了雪糕,我們禮貌詢問order了的牛肉和牛舌還沒有來店長稱你們已過100分鐘用餐時間所以不會提供肉類及餐廳Last order會提早20分鐘即.....埋黎last order已經不能叫所以肉類只能叫雪糕,Last order只係做戲其實沒有last order,變相100分鐘扣減20分鐘用餐時間

今日下午同老公搵午餐食，見山戶屋冇咩人就諗住去試下。佢有2個menu ，一個係午餐，一個係廚師精選。咁見佢好似係出名shabushabu ，我同老公分別就叫左一個雞肉美肌野菜鍋同埋雞肉鰻魚丼。當待應上個鍋既時候，當堂打左個突。 就基本上係一個已滾起既鴛鴦鍋兜，一格雞肉、芋絲及少量豆腐，一格係娃娃菜、一粒菇及少量金菇。 材料其實不是問題，但個湯十分清淡，上面有少少杞子囉，唔講以為係白烚，價錢亦都唔算好平，呢個餐要$78。試過一次就不了。

星期日大人只係219蚊一位，walk in都唔洗點等我地5位大人一位細路埋單都1000蚊多啲食物質素ok，出餐快，即叫即到員工服務良好，用餐體驗良好，值得推薦😋

現在只做火鍋，完全唔吸引🥺到店坐低左，我話於open rice 訂咗位係唔係有9折，有個男侍應話無喎，好似無。我再叫個女侍應查下，佢之後又話有😅。不過因為只有單一火鍋，配菜又少又唔吸引，所以最後走左無食

100分鐘 任你食 價錢（個人價值觀二百幾）非常抵食，牛肉有三種你選擇，牛舌都唔錯，唔食牛你可以食豬或雞，其基本上總會啱你心水。講完個價錢，不如等我講個環境先啦，坐得舒服，環境光線都好充足，冷氣我去既時候就唔太多人未能提出意見，多人先見真章。先講湯底-湯底可以選擇一人鍋鴛鴦湯底，滿足哂想試多種湯底種類既您地，不過唔好預期湯底好高質，不過也不失，皇帝舌頭做美食品嚐家既話，你當食飽就算。醬料方面 - 芫茜控、蒜頭控、辣椒控同埋豉油都有預備比你，總會啱你口味。（我見到有花生粒可能日式既關係）配菜 - 選擇唔多你要食啲冬菇蘿蔔粟米蕃茄菜都會有芋絲就大量畀到你， 如果想食粉麵既您地，我就見到得烏冬唧。小食 - 冷盤螺肉中華沙律任你食。仲有技豆，怕唔飽既朋友，佢仲有炒飯任你拎可以食到你作嘔。（100分鐘內）飲料 - 可樂、 無糖可樂、 荔枝烏龍茶、 橙汁我無睇錯見到有啤酒添。甜品 - 晚飯食飽飽既時候，帶著老婆女友既您地就可以話佢有個MöVENPICK雪糕，口味又係朱古力，合桃味個啲。唔講咁多，價錢唔貴大家咪試下，食飽就知😂😂希望佢長做長有，我又多個食飯好去處。🤗

今日同個舊同學食lunch, 佢就介紹我嚟咗山戶屋，我哋大概12:20去到，竟然仲有好多位，我心諗唔通有伏嘅呢一間嘢！？雖然餐牌有好多選擇，由於怕有伏，咁我都叫啲穩陣啲嘅嘢，就係鍋物！我叫咗麻辣牛肉蔬菜美肌鍋配飯HK$82。個鍋一嚟到，飲一啖湯先，第一時間就想讚啦，湯夠熱又夠濃味，正呀！食下啲牛肉，咦， OK喎，竟然唔韌又唔會好老，麻辣味又唔過多，美肌鍋嗰邊個豆卜又好好食，竟然冇煲到淋晒，仲有少少脆口！下次真係要再同同事嚟食啦！

星期六傍晚工作完畢後有些肚餓。行經此處地下有姊姊派傳單。單上寫$219再85折一人火鍋任食。價格可以還包一盒movenpick雪糕, 加上見到6款肉品中有牛舌便二話不說上一樓光顧。時間大約6:15左右, 因晚餐時間尚早故此可以立即入座。店員說明可選2種湯底並可在外面取蔬菜飲品。選了藥膳和美肌湯底送上後發現兩者其實沒太大差別只是一邊有桃膠另一邊有杞子😂從菜單中先向店員點第一轉6款肉品包括3款牛的部分、牛舌、豬肉及雞腿肉先試味。等湯滾了後, 就了牛後, 特別喜歡牛板鍵及牛舌故此也不斷再下單。另外豬肉也滑溜及值得一提是雞腿肉出奇地滑！在湯頭內不斷翻滾後夾出來吃仍是肉滑。可惜我今晚目標是牛所以雞只吃一輪就好了。用餐時間100分鐘也足夠享用, 向店員下單也很快送到並且不斷會收拾盆子也有禮。到了last order點了合桃雪糕, 很飽足的一餐！連加一後$208左右經過可以再吃。

平時觀塘食午餐好多打工仔都會揀呢一附近嘅餐廳以前食過係有成本Lunch Menu有壽司餐有好多種類前幾日去食 竟然得返一張紙嘅Menu印象中得嗰20個餐左右想食壽司餐職員話已經冇做🥴然後咁就揀咗個咖喱牛舌飯朋友就揀咗個雞扒丼嘢飲就揀咗冰白桃紅茶 係幾好飲嘅朋友個雞扒丼佢話好鹹嚟到我個咖喱牛舌飯我咬咗一啖發覺唔係牛舌然後同職員講係咪比錯咗牛腩職員就拎住碟飯問個廚師咁啱廚師喺樓面大大聲望住啲飯講話我哋呢度冇牛腩個喎點會有牛腩但係明明一睇就知一定唔係牛舌囉😅😅😅牛舌點會一絲絲？就算唔係牛腩都一定唔係牛舌啦睇張相就知 大家評下理佢唔換返真係牛舌都算啲咖喱仲要鹹到黐線好耐冇食過咁鹹嘅咖喱😂聽到隔籬枱都係叫咗咖喱都係話好鹹見咗食咗幾啖就冇食最後埋完單之後再上返OpenRice發覺原來個飯係叫咖喱牛肉飯😀仲要係比我個餐平兩蚊 兼且唔好食😅