屏山老地方

難得放假，山長水遠去到元朗屏山老地方諗住食個頹頹嘅肉餅飯，聽聞呢度嘅肉餅有好多唔同嘅配搭，所以就諗住嚟試吓🤓我哋一到步，就發現門口有一堆人，估唔到呢個咁偏僻嘅地方都咁多人嚟食飯，我諗一定係好好食，我哋等咗大概半個鐘，終於入到去🥱一睇餐牌，見有好多唔同嘅配搭，真係睇到眼花撩亂，一時之間唔知揀咩好，於是我哋望望附近幾台大概嗌啲咩，叫咗個藍莓芝士肉餅飯同埋法式羊肉煎肉餅飯大概10幾分鐘個飯終於嚟到，表面煎得金黃酥脆、芬香撲鼻，我哋首先試咗法式羊肉煎肉餅飯，發現一般🤫之後再試藍莓芝士肉餅，好驚艷，因為芝士留咗出表面，比油一煎變到金黃酥脆，入邊仲保留住芝士同藍莓爆漿嘅感覺，好值得一試🤤🤤🤤🤤…查看更多

之前上網見有人介紹煎肉餅，即刻第日就黎老地方試試佢！平時餐廳見到蒸肉餅，二話不說都必叫梅菜煎肉餅，今次蒸肉餅都想trytry佢😋外脆內嫩，肉餅夾梅菜係我必叫既選擇。永遠都受唔住呢個配搭既誘惑。果然都冇失望，一如既往既夾。試完穩陣嘅口味，就試吓新嘅配搭-苦瓜煎肉餅。有驚喜，苦瓜會中和煎肉餅嘅肥膩感。估唔到又幾夾。由於個飯黎到嘅時候係得肉餅同埋白飯，喺枱面會準備埋豉油同埋辣椒油。兩樣嘢都可以將整個煎肉餅飯昇華去更高層次。鐘意食煎肉餅既朋友一定要黎試！好少地方有咁多唔同款式既煎肉餅食🫶🏻…查看更多

元朗食肉餅，一定會諗起老地方。佢真係超級之多款式(幾十款)，有傳統、創新、暗黑類，黑松露、芒果、榴槤等等，超乎你想像！最緊要係佢有埋泊車位置，所以比較方便！🔷馬拉盞章魚煎肉餅飯 $54💫8/10佢地嘅肉餅即叫即煎，出黎超級香口！呢個口味勁惹味，加埋章魚粒有D咬口，個肉餅又唔會乾爭爭。超級之好餸飯！🔷黑松露鮮蝦香菜煎肉餅飯 $72💫7/10本身係想叫黑松露牛肝菌芝士個款，但原來已經唔再出。呢個都好食，黑松露味有，但唔算好突出。鮮蝦切成粒粒，但唔算超爽脆，但我欣賞個芫茜味，估唔到同黑松露都幾夾。呢款口味可以一試。🌟總結：太多款式，每次黎都叫唔同口味，試極都未試哂。住附近真係可以一試。…查看更多

屏山老地方嘅煎肉餅飯真係令人一試難忘，每次諗起都忍唔住想再去食！佢哋嘅肉餅飯選擇多到眼花繚亂，每次都有新驚喜。松露芝士牛肝菌肉餅飯絕對係必試之選，松露香氣撲鼻，芝士濃郁得嚟又唔會太膩，牛肝菌嘅獨特口感同肉餅完美結合，每一啖都充滿層次感。至於麻辣牛肉煎肉餅飯，辣度恰到好處，牛肉鮮嫩多汁，麻辣香味刺激味蕾，令人食到停唔到口。肉餅煎得外脆內軟，飯粒分明，配上秘製醬汁，真係令人回味無窮。我已經多次回購，每次食完都覺得物超所值。如果你係肉餅飯愛好者，屏山老地方絕對係你嘅不二之選！…查看更多

🇭🇰經典食堂 元朗屏山老地方（肉餅專門店）元朗屏山老地方係我最愛的道地餐廳之一，位於一些古蹟附近，特別適合喺參觀完屏山文物徑後，落嚟享受一頓美味的肉餅！🍽️1️⃣ **松露芝士牛肝菌煎肉餅飯**：肉餅煎得香脆，松露香氣四溢，芝士融化得剛剛好，搭配牛肝菌味道更上一層樓，真係好滿足！2️⃣ **薑蔥蠔豉煎肉餅飯**：這款肉餅帶有薑蔥嘅清香，蠔豉增添咗海味，口感豐富，令人一試成主顧。3️⃣ **（凍）芒果之顛（L）**：可樂底下配上芒果蓉，味道清新，真係好飲得上天堂！🍹4️⃣ **龍鳳檸樂**：混合飲品，酸甜可口，非常解渴。餐廳有好多不同款式的肉餅組合，以往我最鍾意食孜然羊肉肉餅，但今次試咗其他口味，發現每一款都有其獨特魅力！絕對值得推薦，期待下次再來！🌟…查看更多

今次來這裡第二次了～吃咸魚煎肉餅飯，不過不失，環境都還可以，你話好近地鐵站又唔係唔近又唔係，肉餅飯製作過程不太複雜但佢真係整得好大塊，同埋超級多款式揀，上次食過六重芝士煎肉重奏酒，不過就有啲膩。所以今次吃回比較舊式的咸魚煎肉餅，穩陣啲呀嘛！的確好過芝士嘅配搭（始終芝士配牛肉比較搭配）咁佢真係太多選擇啦，如果有選擇困難症呢就真係要下次再試吓其他款式我見到其他嘅食評都有介紹芒果煎肉餅都幾吸引，可能下次會再嚟試這一個煎肉餅…查看更多

去開元朗梗係揾下有咩好野食啦😋見到呢間好似幾出名又有得免費泊車啱哂我哋所以就決定試試佢！我哋揸車去唔算難揾，因為係過咗lunch hour所以唔駛排隊，不過入面都係full哂哈哈🤣🤣呢間主打肉餅有超過30種肉餅🔥有芝士肉餅，竟然重有芒果肉餅同榴槤肉餅好新穎😂😂😂我最後就叫咗鹹魚雞粒肉餅😎一上菜我就哇一聲，塊肉餅大過我隻手🤩🤩 味道好正入面真係食到一粒粒雞肉🔥🔥 外皮脆脆哋入面又爆汁真係明點解佢成日要排隊🤣我都會為咗佢再黎🤣 另外個凍奶茶都好有茶味👍…查看更多

今日揸車嚟到屏山，當然要試吓出名嘅煎肉餅飯啦😍小店平常做都係做街坊生意，所以店內裝修都係以實用為主，好有老店情懷❣️餐牌上肉餅款式勁多，如果你有選擇困難症，建議你去之前，就好諗定想食邊款肉餅🤣芒果煎肉餅飯 ⭐️⭐️⭐️⭐️上枱時第一印象覺得碟飯好樸素，有肉餅、菜心、白飯，沒有任何醬汁～ 枱上調味料有豉油，鍾意重口味啲嘅可以落少少～ 芒果煎肉餅大大塊好足料，內有大片芒果，配埋肉餅咸甜咸甜，味道又好夾喎！西多士 ⭐️⭐️⭐️⭐️我極鍾意食西多士，次次見手menu有都忍唔住叫返份～ 西多士正常操作，配埋糖漿牛油真係食極都唔厭🤭…查看更多

同事之前外賣及介绍過，今日就去左食中午飯。往元朗搭輕鐵761P，係坑尾村站落，沿輕鐵車頭方向行約3分鐘，再過對面馬路就到達。有2間舖，右面只得2張4座位，所以去左左手面大啲嘅舖。有2人及4人枱，大約9張枱，內有1間房，可座4人(共2張枱)，裝修簡潔，有大電視介紹特色食物，牆上貼著與藝人合照:枱上放左廚師推介:環境簡潔，木枱配圓椅背:菠菜蝦堡牛角包$42(同事推介)多菠菜而且好脆口，涵內有蕃茄，牛角包係圓型款，夠特别珍寶菇百里芝士肉餅飯肉餅好大塊，味道唔太濃，芝士配搭煎肉餅，好味道士耳其風味雞肉卷熱辣辣，內有唔同配菜，似墨西哥卷，唔錯吖餐牌:只收 現 金 …查看更多

每次都係外賣推薦蒙古辣孜然羊肉煎肉餅飯👍🏻👍🏻👍🏻外表煎到好香脆肉餅超厚身，啖啖肉，肉質唔會太散，好香，好正😋😋😋佢既菜心作為配菜，好食🥰🥰🥰如果做埋醬汁就更好了☺️…查看更多

今次去咗試呢家餐廳🤗，轉角一撩，勁！就係要食佢哋出色嘅肉餅飯！招牌六重芝士肉餅飯，拉絲恰到好處嘅芝士🧀，飯量同肉餅都比臉大，食完後個啖唔係脹得要命，仲好想再嚟一份😋！講真，唔係成日會遇到可以咁溫柔對待你嘴巴嘅肉餅。可能有少少膩，不過好味就冇得輸！而家講吓馬拉盞章魚煎肉餅啦，又厚又飽滿，嗰章魚仔真係切得啱啱好，夠晒彈牙溏心。我食完感覺自己彷彿都焗得脆喇！😂下次我一定會再嚟試個榴槤肉餅，望佢還係咁多驚喜同樂趣！這家，絕對係我跑足半個香港都要搵食嘅肉餅飯之選！👍🏻😄🔥…查看更多

踏入屏山老地方，巷子入面，隱藏起嗰份居民嘅熱鬧。店裡嘅裝潢簡單，就仿似見到嘅茶餐廳咁。但呢度嘅肉餅？真係令人眼前一亮🌟！每塊肉餅都厚實得嚟又唔沉闷，特別嗰六重芝士肉餅，啖啖肉香，間中夾雜著芝士嘅牽絲，食落真係過癮。蒙古辣孜然羊肉嘅肉餅另有一番風味，辣中帶香，再掛上孜然嘅特別味道，好似游走喺香料市集中咁，令人一試難忘。咸鮮得黎又唔膩口嘅燕麥薏仁豆漿，飲落滿是滿足感。嚟呢度，可以欣賞老屋村風光嘅同時，真係食到喺其他地方試唔到嘅肉餅。每一口都充滿驚喜，肉餅同味道搭配得天衣無縫，充分享受到居民對美食嘅熱情喺屋邨間嘅傳承。🍽️🥩🧀…查看更多

呢間寫明係肉餅專門店，黎到緊係要食肉餅！佢個餐牌有超級多款肉餅，有d 係諗都無諗過😆發現間店全部肉餅都係煎的，可能因為咁會出餐快d？！我聽到後面有人要芒果肉餅飯，但係第一次黎食，都係保守d 食傳統野🤣我要左個咸魚蓮藕肉餅飯。煎得好香口，咸魚味剛剛好，唔會太咸。如果蓮藕可以再多d就仲好，感覺會再清爽d。…查看更多

六重芝士肉餅飯地點唔難搵, 睇住google map, 出咗大圍西鐵站直行九分鐘就到, 唔想行可以坐兩個站輕鐵叫咗馳名嘅六重芝士煎肉餅, 芝士的鹹香味同肉餅出奇地夾, 就像咸魚蒸肉餅一樣, 對肉餅有提鮮作用, 肉餅亦即吃即煎, 且煎得很香脆其實感覺像芝士漢堡包走包加白飯, 喜歡食芝士漢堡的一定會覺得十分好吃, 不過感覺真係十分膩, 好有罪惡感, 不宜多吃！週圍係村屋, 有時間可以逛逛, 電話網絡收得唔係太好, 所以只收現金, 不接受電子支付…查看更多

幾年前係屏山食過榴連肉餅自此念念不忘，唔少區外人都慕名入黎食，難得連假有時間就貢入屏山望下，中午12點左右到舖頭唔洗等就入得😬諗住叫返個榴連肉餅，點知可能唔當造所以冇賣，唯有揀返本日MENU上面嘅香蕉肉餅。上枱時肉餅外層煎香左、內裡都Keep都D肉汁，但香蕉嘅份量有D少，被切成粒粒放入肉入面，食落覺得調末可以再咸少少，相比以前嘅味道淡左少少，朋友揾左蠔豉肉餅，味道相對比較濃，叫做路過食下回憶嘅味道😝…查看更多