屋子咖啡

营业中

休息中

難得是夜大圍晚飯，然後想去吃甜品作完結，甜品給了朋友幾個選擇，最後選了屋子咖啡，剛開業的時候也光顧過，不過總結不值得花太多時間去等。2年多後再來又會是怎樣？Menu 有發黃退色現象，應該用上一段日子，不過上面的符號又幾有趣。甜品款式大部份也是一樣。因為當晚下雨，氣溫有點寒冷，正正需要一杯熱飲，點了黑板上的蜂盛牛奶 $39，牛奶中帶著濃郁蜜糖味道，呷一口既甜又暖胃，頓時很滿足，而且牛奶有助入睡。朋友點的熱可可 $33，奶泡上加上用可可弄成的趣味圖案，有點邪惡！而朋友說味道不過不失。小倉抹茶奶酪 $36: 想點抹茶甜品，又有「絕配」的紅豆出現，然而我覺得綠茶跟紅豆不算太夾吧。賣相平庸，如果menu 有照片我應該不會點。幸好還有內涵，抹茶味不重，不過奶酪幾滑幾香。岩醬朱古力蛋糕 $46: 厚木板盛放著朱古力蛋糕、雪糕，夠簡約，不過木板沾上糖粉，這裡有點扣分。蛋糕四散朱古力香味，一必開便有朱古力醬流出，正正做到「岩漿」的效果，蛋糕鬆軟，每一口充滿朱古力味濃而不膩，品嚐後心靈獲得滿足，很完滿。

之前就好想黎屋子咖啡，因為E度係沙田區少見既咖啡飯。今次終於食到，不過排咗成15-20分鐘，先食得。今次叫咗過吉列豬排套餐，飲品要咗抹茶奶綠，杯野淡咗少少，吉列豬排都幾鬆脆，最好食係個飯，上面D佩料同個飯好夾！ 下次會再黎！！！

同朋友係大圍食完午飯，但佢仲想食甜品，於是去左平日經過成日都好多人等既屋子。雖然過左lunch hour都仲係幾多人食，所以都要等左陣先有位。睇左餐牌一陣，我同朋友不約而同選擇左食窩夫，所以一個叫左士多啤梨一個叫左芒果，可以交換試。由於即叫即整，都等左陣先有得食。但屋子既裝修幾精緻，又有音樂，環境都舒適，店內仲有寄賣一d精品，我咁岩坐左係個度隔離，所以睇睇下d時間好快過。熱辣辣既窩夫終於黎喇！佢裝飾得咁靚，差d唔捨得食，咁當然相機食先啦熱窩夫加上凍既雪糕同生果，都幾消暑。芒果個個就配cream，士多啤梨就有雪糕同oreo碎。而我自己就鐘意士多啤梨多d，因為口感複雜d。希望下次黎都一樣唔駛等咁耐，同埋可以試埋其他甜品啦。

次次想去試都見到有人排隊見早左收工, 就同男朋友一齊去試入到去,裝修簡單,但因為都幾細下,所以檯與檯之間好近完全聽到隔離檯講咩menu 款式唔算多大家一人叫左一個餐男朋友叫左杯牛奶綠茶我偷飲左啖,覺得有d稀我個杯係桃味既茶..冇咩特別, 有少少桃味主菜到啦, 我叫左個吉列豬扒, 好香口, 豬扒唔算特別"鞋"男朋友叫左炸雞, 我食左舊, 覺得好肥本身都有d期望, 因為次次都見到好多人食,門口又貼左咁多獎但試完會失望, 野食冇咩特別, 價格普通,唔係貴但都唔係抵所以都未必有下次..

今天~我和朋友一同到了這間咖啡店外型真得像屋子有種到了家的感覺我叫了吉列豚肉定食$64跟餐飲~抹綠奶茶天婦羅茶渣飯$50另外叫~蘋果茶$22貓井飯$25吉列豚肉定食豚肉一啲都唔粉又唔油口口肉唔錯小食豆腐乾味道唔錯天婦羅茶渣飯 右上食落幾得意但味道唔吸引但好多配料貓井飯好味有醬汁又靚到甜品啦小倉抹茶窩夫$42紅豆看落唔靚食落唔香紅豆甜窩夫有蛋香口感軟唔係我杯茶綠茶雪糕無咩綠茶味忌廉又有少少奇怪焦糖杏仁芭菲$40正一黎到好香焦糖同杏仁味底仲要有片杏仁脆脆食落唔算太溜唔錯

中午一點到達大圍嘅屋子咖啡，因為佢12點半先開，得一枱客唔洗排隊。 室內裝修為日系簡約風，有家的感覺。樓底好高，足足有2層，空間感令人好自在。 餐牌有好多頁，影唔晒，值得一提嘅係餐牌上嘅圖案好可愛，封面更係簡單解釋左logo嘅來源。 我揀左屋子定食嘅關西牛肉定食($69)，配抹綠奶茶。我杯抹綠奶茶...好災難性。完全冇綠茶味，我覺得自己似係飲緊溝淡左嘅奶水，好嘔心。 我嘅關西牛肉定食($69)。好多野食。個牛肉比較碎，有啲難夾。肥肉比較少，感覺冇咁肥膩。 下面啲粉絲(?!)，好得意，係烏冬嘅形狀。我以為會似韓式粉絲咁彈牙，但原來口感係比較腍嘅，幾好味。 食左$70左右啦。下次會再黎嘅！

有一日，同朋友冒著大雨，由大圍站搵過黎呢間小店🙆雖然唔難搵，但係第一之黎都需要花啲時間同Google 神先搵到。入到去，餐廳面積唔大，但係裝潢好家庭式，配埋黃光，好warm好舒服。餐牌就係一本好日式既小本子，熱食既選擇唔太多，反而甜品就有好多款式😝最後同朋友每一叫左一個餐，我既係：漢堡扒定食🐷。而朋友就點左關東牛肉定食🐮野飲分別係鮮奶抹茶🍵，同蘋果茶 ☕️（出賣左朋友個咀😂sorry)食物方面，我認為朋友既關東牛肉定食冇咁漢堡扒咁出色，可能係同吉野家太似啦😂 而且味道偏甜 （所以連相都冇幫佢影😝） 漢堡扒定食，一黎到個樣已經吸引死人，作為「外貌協會」既一群，心入面已經為佢默默加左不少分數☺️ 佢分別有漬物，沙津，珍珠米飯，再加兩塊漢堡扒👏份量黎講呢，女仔係絕對夠食既（如果好似我咁為食唔夠，就加甜品囉🙊）甜品就叫左一個綠茶窩夫呢到既窩夫同出面食既有啲唔同，紅豆另上（岩晒想食又唔愛太甜既人）窩夫既質地比較乾身，每一啖都要用雪糕黎點綴佢總結：呢到每一樣既擺設都好吸引人影相，好岩女仔姊妹團黎傾下計食下野，甜品方面，因為我只係食左窩夫，唔知其他出唔出色，但係如果有機會，我都會再黎試下既☺️

男朋友住大圍就上左openrice睇下呢邊有咩食，發現呢間有好多好評，又精緻就去試下，食左天婦𡤢烏冬，飯團，梳乎厘同埋窩夫。烏冬麵質不錯，天婦𡤢就普通。梳乎厘比較硬身我比較中意食林小小。鮮果窩夫既柚子雪巴5錯。整體都ok既

難得的平日有機會經大圍，品嚐下輕鬆的屋子味道。下午茶只一款，scone 英式鬆餅1 set2件不包飲品收50蚊實在很貴，有點餓，都係叫鮭魚迷你飯 另加一杯番石榴蘋果汁 。等待的時間有點耐，15分鐘左右，趁此時影下相，畫下畫。第三次黎，唔駛等位，慢慢欣賞這兒裝潢，柔和格調，牆上掛滿相片及名信片，感覺溫馨。 終於等到果然迷你，但新鮮熱辣的白飯淋上日式燒汁醬油，白芝麻，混和微熟的三文魚，實在出奇地搭配，家常味，食曬，但醬汁太少，食到尾只得白飯三文魚少都可以了解，但30蚊一碗白飯，感覺好克薄。。。。 最唔值呢杯飲品因為無套餐，單點32蚊一杯，外表如茶餐廳冰飲，味道淡得可以，只飲到淡薄的甜味，其他嚐不到，被冰味完全蓋過講真，32蚊這樣的質素，好呃錢枱與枱之間很逼，我身型算瘦削，連出入都好困難，食客的對話都難有私隱地被陌生人聆聽，坐得唔舒服，又侷促擠逼，cafe最重要係環境舒服，收得貴點都叫合理，但食物貴，又坐得唔舒服，這樣價錢，在市區仍有更多更好選擇呢！

可能是lahris期望過高，今次試過屋子之後，覺得不怎麼樣，除了價錢相宜，食物質素不特別高，lahris怎麼覺得這裡大排長龍，只因為價錢比較公道?門外貼了一個帶着笑臉的「春」，感覺挺溫馨，由於無預先訂枱的服務，lahris和特別愛試日本料理、健康素食的美女朋友T（形容得夠好吧）六點九就乖乖到店外拎籌，還好只需等十五分鐘 這邊選擇不算多，朋友T選了飯團飯，lahris則選了揚物餐（我們都竟然錯過了期間限定，旁邊的情侶都點一個牛肉定食，建議大家望望牆上的限定推介）鹽味鮭魚飯團及日替飯團，算是普通吧吉列豚扒揚物餐，賣相挺好的，lahris覺得整體算是不過不失。先說這碗飯，飯粒唔夠軟熟，而且唔夠熱（都說溫度好重要），由於灑上味粉（飯面上的調味粉），味道口感比較豐富，而右邊的開胃前菜竟然係沾有白芝麻的乾豆腐卜，坦白說，不怎開胃，左邊的芝麻醬沙律就較為普通不過，lahris揀的揚物餐已經夠dry，豚扒就特別dry，肉汁都唔多滴，有個沙律濕濕地，調和吓，都算合理這塊豚扒，基本上是瘦肉，肉質唔夠鬆化，外層的皮基乎跟肉分離了..有一點失望跟餐的有蘋果茶和杏桃茶最後還是點了個伯爵茶梳乎里，配有雪糕，算是特

說好的屋子咖啡，想食既時候遇著新年假期無開門，唯有等多幾日，終於等到啦！自從食過一次之後就好想再食佢既梳乎厘！今次食左磯燒雞扒手工烏冬配香桃茶，鹽鮭魚及日替飯團餐配薑茶，當我地差吾多食飽就追加一個香草梳乎厘，因為佢三點後先供應架！

看到推薦而入黎試下、地方唔算大，感覺還不錯，有文青既味道。另外有少許設計既產品售賣。七味雞唐揚($39)3粒小小既七味粉炸雞，並無食評中講到真係咁好食，炸粉較多，而且份量太少價錢都不算平，呢樣有點失望小倉抹茶窩夫($42)小小的一個，紅豆唔膩一大堆好好味，同窩夫好夾。抹茶雪糕屬於傳統帶苦既抹茶，非常好食，尤其係令雪糕溶溶地，混埋大顆紅豆蓉一齊食，口感非常充實。總括黎講一般coffee shop/cafe既感覺，不過甜品類同飲品都較為有吸引力之處。可能當天下午茶時間較人多，服務質素還可以理解

好耐無黎屋子, 因為次次黎都要等好耐先入到去.. 佢係不設訂座既今晚朋友黎等位先.. 佢晚上8:50黎到, 排第一.. 因為過左晚飯時間, 等左只係15分鐘就有位~!因為唔想食炸野.. 所以試左期間限定既漢堡扒餐 $72漢堡扒得三塊, 而且睇落好細塊.. 所以上枱時有d失望.. 但係食落真係好好味!漢堡扒入面有雜菜, 加上食落啖啖肉香, 點埋旁邊既沙律醬更加好味!  推介!!飯旁既生菜蕃茄有好多麻醬所以好好味, 但生菜好唔新鮮..而另一邊既配菜味道麻麻 所以無乜點食朋友叫既係我之前黎叫過既吉列豚扒餐 $59呢度既吉列豚炸得好鬆脆, 而且唔會有平時食吉列食品既油膩感, 仲有好多件.. 抵食之選飲品我地揀左森林蘋果茶同杏桃茶.. 杏桃茶偏淡, 一般..蘋果茶幾清新~ 之前都食過呢度既窩夫, 有水準, 口味獨特, 所以今次都係叫窩夫做飯後甜品PS. 特別推介之前食過既清酒香梨窩夫, 係其他地方食唔到既清新今次我地試期間限定既森林晚安窩夫 $58佢係窩夫+朱古力味雪糕+Brownie+Cream+朱古力醬窩夫一如以往好大陣蛋香同埋暖笠笠.. Brownie都幾甜成個窩夫好味, 不過都幾hea

12月小妹生日，早兩天和同事去屋子吃午飯慶祝生日，來到屋子試試。本人叫了紫蘇豆腐沙律，但份量太少，價錢要$5x，有點貴以及不值得。同事叫了漢堡扒餐，份量還好，有扒有少許沙律及飯，也有飲品，價錢大約 $7X然後重點來了，我叫了聖誕版朱古力窩芙，即製，窩芙跟出面食店不同，圓形似冬甩形獎但熱熱香軟，很好味，不過本人近年多少吃雪糕，所以感覺稍為失望，但整體很好味。同事叫了聖誕版士多啤梨，賣相比朱古力更好，不過我不吃士多啤梨，呵呵。。同事很滿意。

可能因為平日下午四點，店內不算太逼人，第一次幫襯所以點了招牌菜～七味雞唐揚餐 ($66), 加$3 要杯凍清新杏桃茶。1) 環境一般：店內很細，坐得不太舒服(尤其靠走廊位), 而且有點嘈，沒有咖啡室的閒暇2) 食物質素平平：七味雞唐揚餐包括～日式芝麻醬生菜蕃茄沙律(賣相吾錯，份量多，但味道普通，毫無驚喜)～醃漬菜 (味道一般)～飯素白飯 (份量對女仔/不好飯既人ok)~主菜七味粉炸雞 (失望，外皮脆，但內裡一半雞脂肪一半鬆肉粉色雞肉，毫無肉質可言，唉…～凍杏桃茶 (茶+糖漿+冰，冇溶合)3) 食外觀：自然系裝修，餐具精緻用心，賞心悅目的一餐4) 無服務：由入座、落餐到埋單，店員就好似點到即止，對話內容仲少過去麥記買餐...結論：食左一餐現成住家快餐(快速上到餐既原因), 由沙律，飯，漬菜到飲品都係三分鐘入廚房搞得掂既菜式都算，日式炸雞啲肉軟林林到好似食牛肉球咁，最後埋單加一俾$75，真係吾值，見識過呢間Openrice熱店，食過一次招牌菜就好了，所謂到此一遊...同樣價錢待寧願行遠少少去火炭食伙X工業，至少可以坐得鬆D，食完仲可以慢慢睇下書，飲埋杯野飲～（當然係平日下午茶非繁忙時間XD