屋子咖啡

营业中

休息中

原本諗住去馬鞍山個間屋子。但實在太遠，所以決定去大圍朝聖。個氣氛真係似文青既屋企。屋子既門打開，就好似去到另一個世界，環境清新又靚，影相一流。貓丼細細個好得意。睇落無乜特別，但就係要食佢個簡單又原汁原味既野食。所有野都好簡單但係呢個環境食特別好味。甜品方便，覺得比較出色。抹茶窩夫好好食，尤其窩夫整得鬆脆。好香既窩夫味道加上抹茶，又係一個完美既甜品。係度可以慢慢享受野食，體驗慢活既氣息。好chill。

見到OpenRice有很多好評，就趁放假去試一試！大約下午一點，無需排隊😎Cafe的裝修都係簡約風~~主要係木既傢私。都幾舒服既食物方面，都係一D日式丼、烏冬、冷面、仲有scone , waffle之類：）朋友叫了這個七味雞塊套餐，配一杯飲品。這個還不錯，雞塊剛炸好脆卜卜好香口。個飯加咗七味粉🤩配埋沙律健康點。他選了這抹綠奶茶，味道比較淡，但有抺茶的味。我點了一杯鮮奶咖啡，比較細杯，但幾好飲的我仲點了一份抺茶紅豆窩夫。但由於店員落錯了單，等到朋友飯都吃完了，我的咖啡都喝完了~~~窩夫才剛送上枱🙁🙁窩夫賣相是不錯的但份量很小。味道就普普通通啦🤔沒有其他食評説得那麼好吃喔。。。所以係有點失望的。

呢日係大圍踩完單車，想找點輕食，又想有甜的，有涼的，經過Openrice一輪搜索，最後揀選左呢間屋子咖啡屋。黎到門口已經覺得佢好特別，一大扇趟木門，有點與世隔絕的感覺。當時兩點幾，裡面只有五個客人，簡約的裝修，感覺好舒服。餐牌像兒時的練習簿一樣，又有插圖，好特別好靚呀。上至甜品下至飯團套餐樣樣都想食！先點了個燕麥榛子梳乎厘，在點了兩杯飲品，一杯芒果檸檬汁，一杯Flat white，其中一杯仲可以同梳乎厘跟餐添！咖啡先上，木碟上放着一支鯨魚樣的小茶匙，好可愛啊！😍咖啡只屬正常，但可愛的鯨魚給它添了不少分數。再來是芒果檸檬汁，飲了一啖有驚喜！完全估佢唔到的好飲！芒果味好突出，飲得出真是新鮮芒果攪拌出來的，小小檸檬的酸味帶出了芒果的香味，真係超好飲呀！推薦👍🏻！跟住燕麥榛子梳乎厘，佢個樣最適合用嚟影相呃like！呢個梳乎厘又鬆又軟，有蛋味，甜度適中，梳乎厘上面個啲應該係Apple crumble個啲餅乾碎，配上雲呢拿雪糕，一定要試下！然後再叫一碟芒果千層塔，係芒果薄餅忌廉蛋糕，薄餅唔係咁多層，多cream，芒果少左啲，鍾意cream既朋友應該會鍾意。不我就覺得一般，唔試無損失。食完甜野，勁鍾

前幾日同朋友無聊入咗大圍搵野食，睇到d相覺得應該唔錯所以就直接揀咗呢間⋯⋯📍係大圍行過黎都要搵一陣路，唔算近但睇住地圖行都容易搵。可能星期六又撞正2,3點放工時間，都要等一陣先有位。⏰鋪唔算大，白色牆加木枱木凳，望落幾簡約清新店員帶左去最近門口既一張2人枱。位置唔太闊落但勝在有陽光，影相都靚😍因為我唔太餓就叫咗一個窩夫1. 清酒香梨窩夫 星其他口味都唔算太特別，見到呢個好似幾小清新，無乜諗就叫咗。果然都無失望，首先個造型靚，唔似平時食開大大份既窩夫甜品上面既提子乾對於我黎講係有d多餘，梨粒食落去有淡淡嘅酒香，唔飲酒嘅朋友都啱食。加上側邊既cream真係唔會太甜，配合得好好，唔會好heavy之於個窩夫就似無砂糖既冬甩，唔係好鬆化個隻就，係唯一一樣相對比較遜色嘅地方。朋友無食野就出黎，所以直接叫咗個茶漬飯2. 三文魚茶漬飯半星首先50幾蚊咁大碗飯我覺得叫扺食，仲有咁多配料，份量對於女孩子黎講絕對夠。癡咗幾啖飯食，覺得味道普通唔算特別，米係家常嘅普通米，就性價比黎講，不妨一試。去cafe又點少得叫2杯咖啡扮下嘢😌3. Cappuccino 星唔識品評咖啡，就個可愛既立體熊仔造型，我比3粒星

今日同同事收工，就去左附近食飯。意猶未盡的我倆就周圍揾甜品舖。由於我太想食熱的焗製甜品，所以經偉大的Openrice揾到呢間屋子。呢到的餐牌以學校的單行簿做設計，非常得意。我點左一份餐廳的特色甜品：燕麥榛子梳乎厘配雲尼拿雪糕。梳乎厘比想象中大杯，燕麥榛子只係放上面有少少失望。不過食落的口感更豐富，都唔差，而且梳乎厘的都幾香！餐廳仲有好多冰沙及奶昔選擇，而朋友仔就叫左一份芒果柳橙冰沙。冰沙酸酸甜甜幾好食，係天氣熱的好選擇！

即係諗住放假揾間諗住唔錯既餐廳吃飯，其實人多都冇問題，等等囉去到人滿左，仲有人喺門口拎住飛等，咁我諗都好，起碼唔會難食。咁我又喺門口等有人出來招呼下拎定飛都好，然後有枱人走，拎飛既就俾佢招呼左入去，咁我諗依叫佢俾張我時果條四眼仔望左我一眼跟住閂左門，我當當傻左咁樣招呼人我都係第一次見，你間野幾好食我都唔會再去！

放假緊係自己一條友扮文青😝＂屋子咖啡＂係大圍非常受歡迎文青cafe，店內設計裝修連餐牌都係台式風格，好有特色，店內座位都唔多，星期六日好多人排隊架，我自己都幫櫬過幾次！好彩今日閒日😎✌🏻order左＂芒果千層塔＂＂玫瑰拿鐡＂賣相就相當吸引～千層塔未必多層😂但入面cream非常滑配上芒果漿有清新感覺～值得一讚係芒果肉同士多啤梨肉都好甜😎＂綜合鮮莓窩夫＂勝在即叫即整，窩夫仲係又熱又脆，上面嘅cream口感香滑。👍🏻而玫瑰拿鐡就正正常常！玫瑰花瓣令賣相生色不少💕但配甜點始終果茶才是皇道🤣🤣 大家下次經過都不妨入去試吓😎👍🏻

一直覺得而且如果想係呢個煩囂既都市入面忙裡偷閒一下環境清幽既屋子都不失為一個好選擇加上自從上次食完呢間既飯團之後念念不忘一直好想再黎今次再與同行重遊舊地鹽味鮭魚飯團及日替飯團首先當然係介紹我今次黎既目標:飯團小食前菜依然係沙律同豆腐,但係少左D涼拌青瓜呢兩樣都係唔太需要功夫既野,所以都唔會有咩驚喜飯團一如以往完美拿捏握飯團既力度軟不至於令飯團鬆散,硬不至於令影響口感食落口你會FEEL到你係食緊飯團而唔係食緊飯因為飯團同飯既口感係略有不同飯團本身握得好好,只係鮭魚略為孤寒日替飯團係栗米加少許紫菜碎口感都係唔錯,但配料都係少左D接住係關西牛肉定食其實我叫之前以為味道會似係我至愛既壽喜燒上台後其實有D失望,比佢個關西風三個字呃左我感受唔到佢關西風既點係邊如果知道既麻煩指教下(真心想知)睇份關西牛肉好似好大份咁其實個碟好矮,份量唔多牛肉只係普通料,薄而且少,牛肉味普普牛肉下面係類似我地食開既粉絲所以牛肉既份量真係唔多不過粉絲既好處就係可以索晒D肉汁分分鐘粉絲仲好食過D牛肉總結而言呢間店既食物其實係唔錯不過就可能唔係太岩大食既朋友但細食如我既,就不妨一試(飯團必試)

來到小房子，除左覺得有文青風，仲覺得好女孩子，因為全部食物都是小份小份，很適合女孩子的胃口，全部都想試，但總是怕吃不完。二人同行等了一會就有位置，有點擠迫，樓底高也幫助不了創造空間感，不過香港地租金貴，就只能這樣做生意了。有飯有小食，每樣有幾款，第一次來的關係都隨便點了，隨便點了個茶漬飯, 和一個飯糰餐,老實說,份量對女孩子來說都是偏小,不過有好處啊!可以留肚食甜品=]茶漬飯味道不錯,濃淡適中,清清沒有肥膩感,怕肥的女孩子也可以吃啊!飯糰餐,連薑茶飲品的,有一小份沙律配茶,不過個人覺得這個比較像下午茶,味道也是好好的,有種日式風味。不過由於趕時間的關係,等這兩個主食差不多用了30mins,所以下次才有機會試甜品啊T.T

同男朋友食飯，叫左佢入黎大圍，帶左佢去屋子咖啡。我自己住呢頭就黎過好多次，呢度位唔多，間唔中要等位等好耐，不過今次去就好快有位。之前幾次都係同friend黎食甜品，第一次食正餐。我叫左吉列豚扒揚物餐($63)，超級豐富，包一杯熱飲，我叫左蘋果茶，陣陣幽香撲鼻而來，蘋果味七成，紅茶味三分，正。跟餐配生菜蕃茄沙律，撈左芝麻沙律醬，好fresh。醃蘿蔔都好好食，酸味較淡，都係行清新路線，我諗應該係想畀客人好好中和下食炸野嘅口感掛？真貼心。主菜吉列豬扒整得好好食，香但唔油膩，皮薄肉厚，口感同味道都好好，除左沙律醬之外，仲另外畀左個酸酸地嘅醬我地(唔知係乜唔記得問lolll)，好香好好食。食完之後驚嘆原來食炸野都可以好清新😍😍男朋友叫左贊歧叉燒湯烏冬($65)，因為比較細碗，好擔心佢男仔會唔夠食🙈🙈不過佢話都幾好食咁就算了~ 偷左佢一塊叉燒，味道適中，始終呢度都係走清新路線，d野食一定唔會好味濃，重口味嘅人就唔啱架喇，中意食得淡嘅人就會好中意呢度。總括而言，價錢黎講我個餐係抵嘅，但男朋友嗰個我覺得略貴，食面嗰d似乎冇咁值。不過呢度勝在個vibe好，夠曬休閒舒服，拍拖或者同朋友聚下都好適合，非常推

星期六因有事要去大圍一趟，趁有少少空檔又有點肚餓，與老婆一起在大圍找了間靚靚的cafe坐坐，吃點東西。這間屋子咖啡，外觀平平無奇，內裡的裝修亦像一般文青系cafe一樣簡單，但食物款式卻出乎意料地有創意。兩個人叫了兩杯飲品和兩份食物。飲品叫了Affogato (後來才發現本來想叫的其實是餐廳的招牌咖啡)，和一般Affogato一樣，都是一shot espresso加上一球雲呢拿雪糕，先淺嘗一口咖啡，味道幽香不見苦澀，再把咖啡倒進雲呢拿雪糕上，雪糕的奶香和甜味與咖啡混和，成為醒神佳品。另一杯是熱薑汁奶茶，茶底似台式奶茶，帶有啖啖的薑汁香味，在連日嚴寒的天氣下飲一口，身體也暖了起來。食物方面有栗子窩夫，份量不像外面台式精品咖啡店一般大堆頭，反而像一個冬甩，上面是栗子醬和雪糕，還有一顆士多啤梨在最層，賣相吸引。栗子醬很香甜，配合雪糕和窩夫一口吃下，非常完美。窩夫外脆內軟，帶有濃濃的蛋香。另外一款小食是大阪章魚燒，味道比較普通，也未有一般街頭即製的那種熱騰騰的感覺。來cafe還是吃cafe的小食比較合適吧！一直也很喜歡到這類咖啡店幫襯，靜靜地坐著喝著咖啡，悠閒地消磨一個下午，讓精神抖擻過來，也不

日本野一直都係港人至愛作為日本控既我當然都唔例外估唔到可以係呢一間偶爾行經見到既日系CAFE可以食到咁高水準既甜品一如佢簡潔既裝修食物都係實而不華唔似有D食肆為左gimmick而搞d花巧野飯團餐一份有兩個飯團,仲有d小食前菜唔好睇飯團好似好易整其實要整得好食一D都唔易飯太硬,飯團就難成形飯太軟,飯團就口感差仲有握飯團力度既拿捏真係少D技術都唔得而屋子就正正可以做到以上既野令飯團拎上手唔會鬆散食落去又保持到飯團獨有既口感實在難得梳乎里配柚子雪葩柚子雪葩似乎唔係時時有,平時係雪糕今次一食真係不得了食落口香濃既柚子味已經爆出黎雪葩口感豐富,入口即溶令呢味甜品入面雪葩取代梳乎里成為主角梳乎里入口蛋味香濃得黎唔會有蛋腥味一個字,正!期間限定草莓芭菲有別於一般認知上用個杯放到靚一靚既日式芭菲蛋糕既外型放係個小碗上面奉上芭菲口感似雪糕.,但比雪糕滑得多草莓唔算甜,但唔會酸值得一試

😋清酒香梨🍐悠閒時光🍵隱世小店🏮我地三人平日下午五點左右黎到，呢個時間基本上無客人，大把位任坐。我地每人叫左一個主食，味道都係偏清新，唔會太heavy。整體味道幾好，唔會好令人讚嘆但都係唔錯既一餐。我地再點左一個甜品，未見過清酒梨既甜品所以一致通過試新口味。✅清酒香梨窩夫 (含荔枝) Poached peer & lychee waffle $43 : 好特別既口味！味道清新，值得一試👍🏻🏠小店遠離大街，好靜好舒服！

我叫左個xx冷烏冬定食(定食包茶,沙律同丼),叫完我都有少少奇怪佢做咩唔問我飲咩茶之後佢剩係上左個冷烏冬同一杯水俾我,咁我心諗佢以為我單點。咁好啦,我食完個烏冬(個烏冬勁韌,食橡筋咁) 坐左一陣(兩三分鐘左右)望左個侍應生幾下,佢都無咩反應,咁我就決定叫杯野飲。我最後叫左杯屋子咖啡(英文名: ice cream coffee)杯野係凍齋啡+一球雪糕,我一望落去已經覺得有少少伏(哇d冰多到..)一飲落口...(頂,難飲到一個點)咁好啦我食佢個雪糕,頂佢個雪糕入面有幾嚿膠係入面(買一盒雪糕一打開個蓋有塊膠係面嗰塊膠)最後我埋單佢仲要收我個冷烏冬定食價佢係我食過同飲過最差嘅一間咖啡店(無之一!!!)

今天到屋子咖啡上網睇見唔錯主食款式不多，甜品較好主食既飯唔係用日本米，仲要加左酸，搞到啲飯又爛又酸兩個主食都普通，好肚餓時食都唔覺得好味反而甜品真係唔錯，個窩夫夠晒熱，而且啲啤你同埋醬汁都好味，所以建議到此都係食甜品好了。不過這一間應該試一次就夠了吉烈豚扒餐（包前菜，沙拉，抹綠奶茶） 鹽味鮭魚飯團及日替飯團包前菜，沙拉，抹綠奶茶）清酒香梨窩夫