尼奧餐廳

尼奧餐廳 Cafe Neo F長沙灣街坊至愛！呢一間食咗好多年，睇佢表面係間普普通通嘅街坊餐廳咁，食物非常之有水準，價錢亦都相當廉宜，所以點解一直深得街坊們嘅喜愛🤤老闆娘每日都坐陣！行開行埋佢都成日打招呼又好笑容，而可能因為咁所以服務同出品一直keep得住🤣🌶️ 日式秘製豬軟骨地獄湯烏冬（$59連熱飲）豬軟骨大大件！有三件左右，完全無豬騷味同成咀毛，啖啖豐富骨膠原，軟骨部份會漿住個嘴，肉質絲絲分明，好腍好入味！配料有海帶、粟米、鳴門卷、半隻蛋同蔥花，地獄湯香辣惹味，唔似一啲餐廳咁就辣油溝水，烏冬係讚歧烏冬，靚嘢嚟！烏冬掛滿湯，一口暴風吞食，享受香辣湯底同埋煙韌烏冬，美味！🍜如果唔食辣可以揀豬骨湯底，亦可以揀泡飯或者拉麵🦞 白酒龍蝦汁海鮮長通粉（$62連熱飲）龍蝦汁完就係M字快餐嗰個味！人人都愛！配上白酒味道更加豐富，配料有青口、章魚粒、蜆肉、蝦肉，配上長通粉裡裡外外都吸滿哂美味醬汁，好Comfort food！🍚 葡汁雞皇焗飯新鮮熱辣鐵兜上！上枱時熱氣騰騰，睇見都流口水！配料有雞球、洋蔥、薯仔、紅蘿蔔、芝士碎，有葡國雞的濃郁風味和焗飯的香氣，米飯粒粒分明，唔會焗到軟爛無哂口感，個汁非常好送飯，唔小心𢳂𢳂下就食哂成兜啦！尼奧餐廳同街坊們渡過咗好多日子，即使環境再困難，即使旁邊開滿哂兩餸飯，依然屹立長沙灣咁多年，午市晚市都滿座，你就知佢堅啦！除咗以上介紹，我仲好鐘意佢啲鐵板扒、焗豬扒飯、車打芝士醬煙三文魚扁通粉、鰻魚炒飯etc好多好多，基本上你入去食嘢都唔會有中伏嘅可能！因為我都幫襯咗好多年，一次中伏都沒有！所以我可以好有信心同大家講！長沙灣係一個好住好行嘅民居地方，如果有日你得閒不妨過嚟行下，又幫襯下❤️…查看更多

幾十蚊一個鐵板餐，肉質非常鮮嫩, 遠超其他同價茶餐廳/連鎖式快餐店。部份叫價一百幾蚊的西餐廳，也不及他們的鐵板扒這樣好吃。食過佢哋嘅牛扒，雜扒，雞扒，全部都大件夾抵食，質素超高，白湯都好好飲, 平時成日去食。最出色，當然係牛扒, 又大又厚, 心諗邊有咁着數!可惜最近人比較多，晚餐比較難搵位。 有次試過佢哋嘅下午茶，同樣非常高質，價錢合理。老闆娘好有人情味，落去食過幾次已經認得我哋, 如果朋友去開長沙灣，必定推介佢哋食呢間！…查看更多

下午茶焗豬扒飯跟一個小食一杯熱飲$55珍珠飯小小偏硬車打芝士炸過豬扒有少少肥肉，ok肉丸似自制，裏面沒有香草最特別的是隔籬枱的卡邦尼意粉隔籬兩個人都覺得意粉太乾侍應知道收回廚房客人食過嘅意粉同另一個客人未食過嘅意粉分開兩碟再煮過之後原碟奉上…查看更多

首先是西冷牛扒（7成）,肉質超級嫩滑,一點也不乾,好吃😋。完全沒有燒焦的感覺,肉汁保留得非常好。配上一大碗香噴噴的白飯,太配襯了,白飯粒粒分明,煮得超級好吃。另外,他們的黑椒汁調味也超級出色,不會太辣,但是香氣十足,超級提升了整道菜的層次感。總的來說,想不到這間平凡的小店，鐵板的水準不錯從肉質到飯菜,一點也不輸給大餐廳,鐵板配凍飲也是$85，值得一試👍👍!…查看更多

加班咁辛苦，放工之後梗係去食好西啦😋。發現屋企附近有間平價西餐廳，就一於去探個究竟。大切特級西冷牛扒🐂先黎羅宋湯🫕，湯料好足，有蔬菜🥗及紅蘿蔔🥕，絕不欺場，但味道偏甜。輪到主角大切西冷出場，聽到黑椒汁響鐵板上噼啪✨作響，兒時食鐵板餐嘅回憶返哂黎🥳。牛扒都算易切，但略帶少少筋，黑椒汁夠惹味，口感當然唔及頂級牛扒，但都總算合格🆗，份量十足，搭配扁意粉🍝、香脆薯角、紅蘿蔔及椰菜，非常飽肚🤗。呢個價錢絕對物超所值，又唔使收加一服務費，真心抵👍！…查看更多

鐵板大切西冷牛扒（ $82晚市/$72午市）-大切厚肉，新鮮感欠佳，味道比較啞，多根，鹽份太重，遮蓋肉味，肉質鬆軟。跟桿菌汁，日式燒汁，黑椒汁。經典滋味鮮茄焗豬扒飯（ $59 ）-肥邊豬扒。肥邊口感幾脆，食落唔會反感。本地豬扒。佢哋另有嘅加拿大豬扒好同呢塊唔同。總括：餐廳質量能保持穩定，開咗好多年。餐廳比較繁忙，好多街坊熟客都會嚟呢度食。效率快。最近裝修完所以價錢又貴咗。佢哋有下午茶。值得推介佢哋嘅加拿大天然無骨豬扒，香草肉丸蕃茄扁意粉。…查看更多

叫咗個大利肉丸扁意粉，加拿大空運豬扒意粉，日式醬油。可以叫芝士粉唔使加錢。餐飲係凍咖啡同埋熱嘅即磨咖啡。啲人通常利息牛扒厚切。午市$68晚市$75。下次再返嚟。…查看更多

同朋友去咗長沙灣嗰邊，去咗朋友介紹嘅餐廳食早餐，叫左兩份雞扒餐，小弟另外叫咗個通粉。整體質素中上，叫左煙肉同煎蛋處理得啱啱好，另外值得一提嘅係佢嘅煎雞扒，分量比其他嘅餐廳比較多，而且配上佢嘅醬汁特別滋味餐廳名稱：尼奧餐廳餐廳地址：長沙灣青山道273號地舖#尼奧餐廳 #早餐 #整體乾淨衛生#安東尼日記 #安東尼美食日記 #美食博客#香港 #香港美食 #香港美食之旅 #香港好去處 #九龍 #九龍美食 #九龍美食之旅 #九龍好去處#長沙灣 #長沙灣美食 #長沙灣美食之旅 #長沙灣好去處…查看更多

這間餐廳可謂「飯堂」，因為一次偶然機會見到門口介紹牛扒，就走入去試吓，點知有驚喜！牛扒嘅份量足，肉質好，兼且價錢公道，性價比極高。下午茶 - 片芝士三文魚辣長通粉 $45粉面蓋上一整片芝士，配上磨菰，同時照顧食客嘅均衡營養，汁液係加有花奶嘅西餐煮法，只有少少辣，可以吊起味蕾嘅知覺又醒胃，食起來不會太膩，長通粉不會煮得太腍，並且可以吸收大量汁液，食起嚟富有滿足感。值得推介的係這裡的即磨咖啡，口感滑，沖起來不會太濃，濃淡恰到好處，我每次來用餐必選。另外，紅茶用料亦是上乘，茶膽沖得有水準，檸茶或奶茶都係不錯之選。下午茶 - 黑醋黑椒牛肉炒天使麵 $48 可走黑椒，大多數香港人都係「牛魔王」，我哋都唔例外，10次來有7-8次都會叫這款，牛肉份量足，肉質腍滑，選材屬中上，配大量嘅紅蘿蔔絲、洋蔥絲及磨菰絲，鑊氣足，微微的辣味滲透口腔之中，並微微發汗，炎熱夏日中及冷氣間用餐，是不錯的感受。下午茶 – 煙三文魚蛋蓋飯 $49今次見到鄰座叫這款蓋飯，所以叫了，由於係外賣未有拍照，近觀鄰座這飯外觀色彩鮮艷，十分吸引，份量足，想來這間餐廳都係以「薄利多銷」的宗旨來經營，尤其值得推介的是牛扒，下午茶時段賣$68，到晚餐時段$88，肉質腍滑，牛味重，若煎至3-4成最佳，因為配以鐵板上，ORDER太熟的話再上桌已過熟，影響肉質變硬。…查看更多

聖誕前食個平民版西餐，我覺得佢最好食係個牛扒餐，雖然加左少少價，不過60幾蚊有一大塊牛扒，都相當抵食。牛扒好淋唔薄切，薯角炸得好香好食。另外叫左碟意粉同豬扒，同樣好正，值得一試💪…查看更多

呢間舖計數都開左幾年, 位於青山道人流多但門口非常細, 經常行過龍以前曾經食過幾次, 有扒有拉麵幾多元化但正如小弟標題, 低端西餐, 價錢便宜, 水準中等唔算特別好食今日叫左個時令肉丸意粉+熱奶茶肉丸: 咬感鬆似魚蛋, 肉味有少少似貢丸, 明顯係豬肉, 帶少少雪味, 但其實我個人係接受既茄汁: 本來係好普通既茄汁, 唔算酸, 但又加左洋葱, 感覺有D怪意粉: 唔係傳統意粉, 係扁意粉, 咁做得西餐廳基本功點都有, 合格既奶茶: 因為坐響風口位置, 所以唔敢叫凍飲, 而奶茶濃味偏少少苦, 跟茶餐廳既味好似整體黎講好特別, 肉丸配意粉, 洋葱配茄汁, 呢個組合係幾古怪, 但食落味道又可以喎不過我個人覺得呢間舖水準一時時, 好似上星期食個照燒汁和風雞扒, 唔知點解有好大陣咖喱味拉麵試過, 係幾大碗, 但普普通通唔覺得特至於價錢就好親民, 所以行開行埋食飯無太大問題, 但燭光間餐果D就好掹水下…查看更多

今天終於可以食到一個滿足的下午茶，因為平時要返工，所以很少在屋企對面的小型餐廳食野，除了剛開業時曾光顧早餐和午餐，跟住就很少帮襯，老實講我呢區的確太多好抵及好食的小店，今天懶懶地費事煮晚飯，見5点多仍趕得及吃一個舒适的下午茶，二話不説即刻到對面先叫一個卡邦尼扁意粉配熱奶茶。在等待的過程中，見到很多都是熟客，還要個個都点選牛扒餐，但實在太大份量，等我下次约到好友来試下先。轉眼意粉送上，真的是即叫即煮，味道不错，唯一美中不足是水份多了少少，如果意粉隔水隔得夠，簡直一流。…查看更多

新年第一日就係去到長沙灣一間餐廳吃喝，品嚐和enjoy 一下下午茶時光！這下午茶十分滿意，有公司三文治和卡邽尼意粉，芝士味十足的意粉和多層料豐富的公司三文治真的好味道啊…查看更多

雖然成日係呢條街經過，但從來未被呢間店吸引入去。今日攰攰哋，廢事行太遠所以就打算入去求其食，不求好吃，但求不伏。結果令我喜出望外首先係佢嗰西冷牛扒，煎得剛好，肉質一點也不老，而且係軟腍多汁，雖然牛味不太突出，但也是高手之作另外佢啲配菜也值一提，珍珠米飯除左有飯香飯味不足的問題外，因為有略炒過，炒得也夠乾身，所以增添了風味，是心機之作，絕不馬虎。薯角雖然不是香脆，但也不是淋淋爛爛而且還是熱熱的，算是可接受水平。然後是鐵板甜酸燒汁蒜片牛柳粒這個甜酸燒汁，甜酸味也有，２者平衡得不錯，令人食指大動牛柳粒和牛扒一樣處理得很好，保持到肉嫰多汁，只有少部分牛柳粒有點韌秘制蜜味鰻魚炒飯調味也是不錯，清甜的味道。鰻魚粒雖少，但有其他配菜搭救，不會令整盤炒飯很少料的感覺，而且鰻魚也夠肥美但致命傷是炒飯太濕了，有一駝駝飯的口感，若果可炒乾身一點，口感會比較好香辣脆脆炸雞粒也能做到香脆的外皮，不會太肥，也不會太厚粉。調味也不太重好，鹹辣適中。…查看更多

之前嚟過幾次尼奧食早餐 覺得雞扒餐好正好好食 所以嚟食lunch 點知中伏!!!😵我嗌左個黑松露意大利飯 食左一啖就知奶嘢 黑松露味得好少 我好似食緊加水白飯+幾滴黑松露咁 好難食啊😫 同埋間鋪好焗 食食吓會覺得好熱 可能無開冷氣🤔不過都差唔哂 意大利飯份量算多(我食唔哂) 杯熱朱古力沖得幾好飲 同埋侍應姐姐服務態度幾好雖然黑松露意大利飯好難食 但值得俾多次機會俾尼奧 下次嚟食lunch會嗌意粉/牛扒 希望唔會令我失望啦👻…查看更多