尚麵 (京瑞廣場1期)

小店装修简单舒服，而且食物口味仲好住家感，价钱亲民，啱晒放工后唔想煮饭嘅朋友。奇味鸡煲特制酱料惹味，随个人喜好选择辣度，鸡件嫩滑份量亦足料，配饭一流。干锅咸肉椰菜咸肉腌得刚好，唔太咸又干身，清甜椰菜花炒得够爽口。鲜味海味白菜豆腐汤浓白奶汤以元贝，虾干，蛏子干一齐熬制，所以特别鲜味，豆腐煎得嫩滑，蔬菜又吸晒汤嘅精华，健康又暖胃，冬天必选👍老板原来系大㕑，间中出嚟同D客人倾下计问下食物意见，非常亲切。小店真的越来越难做，佢哋食材新鲜煮得用心味道又唔错值得支持😋尚面 (沙田)沙田石门安群街3号京瑞广场1期2楼230号舖…查看更多

石门呢度有好多高性价比既餐厅。价钱平又好味道。今次食左尚面，隔离就系整回乡证果度😛下次如果整回乡证，可以食住等喔。食物都非常满意。午餐50-60蚊就有，仲包埋饮品。$20有6件饺子6件，有三款唔同馅料，平靓正。鱼介豚骨酱油猪软骨拉面同鱼介豚骨酱油叉烧拉面都推荐。啲面都高质，好多肉，面质适中好好咬，食得好满足，呢个价钱超抵啦，经过一定要来试下先喔。🥢尚面 (京瑞广场1期) 🌏沙田石门安群街3号京瑞广场1期2楼230号舖…查看更多

石门美食｜日本面馆私房菜超惊喜🤤沙田石门呢个宝藏地方，有间好特别嘅日本面馆，日头卖拉面，夜晚变身私房菜！今次试咗晚市小菜，真心推荐～✨自制五香卷必食之选！外皮炸到金黄香脆，啖啖肉香仲有蔬菜丝，口感满分👌莴笋炒鱼卷鱼卷弹牙，莴笋清爽，炒得够镬气！健康又好味🌱卤水拼盘卤水汁香甜入味，鸭舌卤到啱啱好，软嫩得嚟带点嚼劲，卤水香完全渗入骨髓！👅 鸭掌胶质丰富，咬落去黏滑弹牙，卤汁甜咸比例完美，每一啖都系享受！仲要份量十足，两个人食超满足总结：三款小菜都高水准，环境舒服价钱合理。石门揾食一定要试呢间私房菜，保证回头！🥰…查看更多

去沙田揾食，试咗尚面几款小菜，虽然店名叫尚面，但原来佢哋啲小菜都几见功夫，镬气够，调味亦做得几好半只鸡煲奇味（不辣） $168今次试咗不辣版本，酱汁偏咸甜，鸡件斩得大细均匀，半只份量足，炆得够入味但肉质唔会霉或柴，骨位都吸到味虽然无麻辣𠮶种刺激，但胜在酱汁够惹味，加埋芫荽、姜葱同紫洋葱捞埋，用嚟送饭真系几唔错莴笋炒鱼卷 $78莴笋切片炒得好爽脆，咬落有声，带淡淡清甜，好解腻。鱼卷切片，食落弹牙，调味唔重，镬气足干锅椰菜花 $98干锅做得几干身，椰菜花收干晒水份，食落好爽口，唔会淋，带少少椒香，油分控制得几好，唔会成碟油，咸香惹味500ml SAPPORO生啤 $39📌尚面 (沙田)地址：沙田石门安群街3号京瑞广场1期2楼230号舖…查看更多

系沙田石门揾食嘅朋友，一定唔可以错过京瑞广场呢间「尚面」！佢哋主打日式拉面同小食，今次试咗几款真心推荐俾大家～🍖叉烧拉面：汤底系鱼介同豚骨熬制，浓郁得嚟唔会太咸，仲带啲甘甜！块叉烧肥瘦均匀，边缘微微焦香，肉质软嫩，浸透汤汁之后入口即化，正！下午茶只系$39，so crazy!🥟鸡软骨饺子：外皮煎到金黄香脆，内馅鸡软骨爽脆有嚼劲，点少少醋更加提鲜！🍗唐扬炸鸡：外皮炸得超酥脆，入面系juicy嘅鸡腿肉，腌得好入味，配沙律酱食一流！小食三款都$10一款，呢间真系性价比之冠。…查看更多