尚廚

中秋節翌日，梗係要繼續慶祝啦～🥮 今次同老公去咗將軍澳嘅九龍東皇冠假日酒店1樓「尚廚」，嘆鮑魚盛「燕」下午茶自助餐！由鹹點到甜點都充滿驚喜，仲要網店訂有8折優惠！💖✨ 環境同服務 ✨一入到酒店，環境好舒服，樓底高，空間感十足～座位之間唔會太逼，同老公可以慢慢傾偈慢慢食。服務員態度好好，收碟速度好快手，值得一讚！🦞 海鮮控必食：👍🏻凍熟蝦、新鮮蜆、黄金螺👍🏻蜂蜜燕窩水果沙律：一見到「燕窩」兩個字已經心心眼~配上燕窩同新鮮生果，養顏又開胃！👍🏻鮑魚蟹肉慕斯泡芙：賣相好精緻泡芙好鬆軟，裡面係好香濃嘅蟹肉慕斯，仲有一小塊鮑魚，口感層次好豐富！🍲 熱食系列：👍🏻鮑魚雲吞雞燉湯：湯底超濃郁，飲到好香嘅雞味，雲吞裡面真係有鮑魚粒，真材實料！👍🏻鮑魚汁花菇炆鴨掌超入味：鴨掌炆到好腍，入口即化，花菇索晒鮑魚汁，超級入味！👍🏻鮑魚海鮮炒烏冬：鑊氣十足，烏冬煙韌彈牙，仲有鮑魚同魷魚做配料，好好味！🍰 甜品區（成個甜品區都係焦點！全部都加入咗燕窩，真係未食先興奮！🤩）👍🏻開心果疏乎厘班戟 — 即叫即製，口感超空氣感，配上開心果醬，有出面嘅水準！👍🏻燕窩芒果熱情果比利時窩夫 — 外脆內軟，加上酸甜嘅生果同燕窩，完美配搭！👍🏻法式燕窩啤梨撻 — 賣相滿分！啤梨清甜，撻底好酥脆。👍🏻燕窩草莓蛋糕 / 白桃乳酪蛋糕 — 兩款都唔會太甜，口感輕盈，食多件都唔會膩～👍🏻燕窩香印提子芒果酥條 — 酥皮好香牛油味，配上香印提子同芒果，味道出奇地夾！👍🏻燕窩蜜瓜慕絲蛋糕同燕窩黑芝麻豆腐布甸都好有特色，值得一試！👍🏻任食Haagen-Dazs雪糕同朱古力噴泉！☕️ 飲品任飲即磨咖啡、紅茶同檸檬水…Read More

廚師團隊毫不吝嗇地將兩大珍饈：鮑魚與燕窩，完美融入多款鹹甜點之中，輕鬆一嚐便能瞬間「回本」。⏰ 供應期為星期六、日及公眾假期，下午3時15分至5時15分，經網店訂購可享8折優惠，折後人均低至$214，超划算！食物：🫖 鮑魚盛「燕」下午茶自助餐*因應食材供應，菜式或可能會略有改動，敬請見諒。🦐 冰鎮海鮮、即切刺身及壽司類✨想不到下午茶時間也供應凍熟蝦、新鮮蜆、黃金螺等海鮮。即切刺身及壽司類則備有：港人最愛的三文魚、吞拿魚、不同的雜錦壽司等等。🥢 熱葷、現場烹調✨熱葷選擇偏濃郁惹味，包括鮑魚汁花菇炆鴨掌、鮑魚雲吞雞燉湯、泰式香蘭葉包雞、越式牛油雞等，供應源源不斷。✨還有廚師即場料理的鮑魚海鮮炒烏冬、粉麵檔、照顧不同所需，大胃王絕不用擔心會被餓壞！🍮 甜品類✨絕對是當日的重點，位於門口的「C位」，包括燕窩葡式蛋撻、法式燕窩啤梨撻、燕窩亞麻籽鮮果凍燕窩草莓蛋糕、燕窩白桃乳酪蛋糕、燕窩香印提子芒果酥條、燕窩蜜瓜慕絲蛋糕、燕窩芒果熱情果比利時窩夫、燕窩黑芝麻豆腐布甸等，還有即叫即整的開心果疏乎厘班戟，軟綿十足；以及8款 Häagen-Dazs雪糕及朱古力噴泉，「甜螞蟻」的食慾也定必能被滿足！🥗 沙拉吧、水果✨素食人士或注重均衡飲食的人亦不用擔心，設有水耕菜沙律吧、水果吧，色彩繽紛。…Read More

節日慶祝大家會揀食咩？我地就鐘意食 Buffet，食物款式多，海鮮、刺身、熟食、甜品樣樣有！今次我哋就揀左香港九龍東皇冠假日酒店嘅「尚廚」，宜家做緊海鮮薈萃自助晚餐，6月份全新 menu，即試！重點！有即開生蠔，無限量供應，每次去拎都出得好快，食多幾轉已經回本！海鮮有長腳蟹、翡翠螺、青口，愛吃海鮮嘅真係啱晒！特別推出左香草脆筒三重奏，包括黑醋珍珠鮟鱇魚肝脆筒、赤海蝦飛魚籽脆筒、 鹽蔥拖羅蓉脆筒，迷你脆筒放上不同材料，一支一口，可以試晒三款口味！仲有必食香煎法國鴨肝，好厚嘅鴨肝放上多士，配埋畫碟，真係可以吃上3,4轉！👍熟食推介：忌廉芝士菠菜焗虎蝦球、龍蝦汁燴大蜆、香煎法國鴨肝、葡式燒乳豬配香料炒飯，葡式燒乳豬即燒即切，脆卜卜好好食！甜品都有好多款式，必食即制雲呢拿梳厘及即焗朱古力果仁棉花糖，即點即焗，熱辣辣出爐，一定要趁熱食吖！逢星期五至日、公眾假期及前夕有限定菜式：麵包蟹、油甘魚、帶子刺身、阿根廷天使粉紅蝦刺身～…Read More

今個週末同朋友去咗將軍澳Crowne Plaza Hotel入面間尚廚食下午茶自助餐，用餐時間兩個鐘，食物種類豐富，而今次嘅重點係有鮑魚同燕窩，食材尚算新鮮，而且refill嘅速度都算快，性價比極高！🍊 鮑魚有幾款用咗鮑魚做食材嘅熟食，鮑魚蟹肉慕斯泡芙上面嘅鮑魚爽口彈牙，中間夾住蟹肉絲拼沙律，底層有酥脆嘅撻皮；鮑魚雲吞雞燉湯入面都好足料，每一碗都有一隻鮑魚同一大粒鮮蝦雲吞，雲吞嘅蝦肉非常彈牙，燉湯亦都好重雞味同花雕酒嘅味，我一個人飲咗三碗；鮑魚汁花菇炆鴨掌嘅鴨掌炆到好腍身，而且吸收曬鮑魚汁嘅味道🍊 燕窩燕窩做食材嘅大部份都係甜品，例如法式燕窩啤梨撻、燕窩亞麻籽鮮果凍、燕窩草莓蛋糕、燕窩白桃乳酪蛋糕、燕窩香印提子芒果酥條、燕窩蜜瓜慕絲蛋糕、燕窩黑芝麻豆腐布甸等等，甜品嘅賣相全部都好靚，而且味道唔算太甜，值得一試；另外仲有一款燕窩雞蛋沙律多士係前菜，味道清新🍊 Haagen-Dazs雪糕另外值得一提嘅係餐廳有八款Haagen-Dazs雪糕可以選擇，職員會幫忙整雪糕球，當中最吸引嘅係開心果果仁同Tiramisu味，平時喺自助餐比較少食到📍將軍澳唐德街3號香港九龍東皇冠假日酒店1樓位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…Read More

新推出✨鮑魚盛「燕」下午茶自助餐⏰食足兩個鐘仲要都坐得幾爆💦凍海鮮有三款凍熟蝦、新鮮蜆、黄金螺望落賣相都OK，食落都新鮮鮮甜，質素都可以鮑魚方面全部都係熟食🔥款式都有唔少例如鮑魚蟹肉慕斯泡芙、鮑魚雲吞雞燉湯、鮑魚汁花菇炆鴨掌、鮑魚海鮮炒烏冬鮑魚雲吞雞燉湯都有不停refill，湯底濃郁入味，好足料每碗都會有鮑魚同雲吞雞；見到最多人拎就係鮑魚汁花菇炆鴨掌，鴨掌同冬菇都好掛汁炆得腍；鮑魚海鮮炒烏冬即刻現場炒，除咗有鮑魚亦都有魷魚，調味方面做得唔錯，炒得都幾入味燕窩方面款式全部都係甜品估唔到甜品方面都幾多款甜品賣相都幾好，大部份款我都有試，蛋糕都鬆軟唔太甜，味道可以✅蜂蜜燕窩水果沙律✅法式燕窩啤梨撻✅燕窩亞麻籽鮮果凍✅燕窩草莓蛋糕✅燕窩白桃乳酪蛋糕✅燕窩香印提子芒果酥條✅燕窩蜜瓜慕絲蛋糕✅燕窩芒果熱情果比利時窩夫✅燕窩黑芝麻豆腐布甸最驚喜係有既整開心果疏乎厘班戟嗰班戟空氣感幾重，不過開心味唔算好濃郁🍨有八款口味Häagen-Dazs雪糕少見喺下午茶自助餐會見到咁多款仲要有幾款係好推介🤩焦糖脆餅、開心果、TiramisuHäagen-Dazs雪糕會偏甜啲，但係同時會多啲配料，例如焦糖脆餅啲脆脆、開心果碎都會有，另外仲有配料可以自己加，有軟糖、杏仁片、脆脆等等💁🏼‍♀️任飲即磨咖啡、紅茶、檸檬水，連鴨屎香檸檬茶都有🤩…Read More

長輩喜歡吃自助餐，因為不怎麼吃肉。自助餐食物種類選擇多，容易遷就不同飲食習慣的各人。餐廳有很多座位，成人正價$348，網上訂座或以會員卡結賬，均有不同折扣優惠，雖然自助餐的價格相宜，但人流稀少，入座率不到一半。自助餐的指定動作便是先吃魚生、冷海鮮和沙律作為頭盤。魚生和海鮮的種類屬大路貨色，鮮度也算合格，作為午餐非常足夠了。熱盤與主食也有不少，例如燒牛肉、燒味和即煮粉麪等，食物的質素中規中矩，以價錢論質素，也沒有什麼可以投訴的了。甜品枱七彩繽紛，選擇非常多，只是中午較少吃甜品，幸好餐廳也明白這一點，把甜品的份量做得很迷你，讓客人可以多嘗試不同的款式。一杯簡單的茶或咖啡便能為餐後的閑談提供輕鬆的觀感。———————————————————————使用優惠：以 Afiniti 卡結賬，其中一位食客可以免費。…Read More

週末2.5小時自助午餐，買一送一，兩位總數合共466元。以這個價錢來說食物種類很多。雖然沒有什麼特別驚艳，但是性價比的確很高。有長蟹腳，紅蝦，魚生壽司，凍蝦，翡翠螺，青口，蜆沙律前菜即開生蠔，雞肉卡巴燒西冷喇沙及越式牛肉湯粉麵海南雞，泰式豬手各式中西熱葷，如炸魚柳，雞球，炆牛尾，中西湯。蛋糕甜品，雪糕，焗梳乎厘，朱古力噴泉，葡撻等。職員服務很好。不過如果可以有多些冷飲選擇，燒牛肉少啲筋，雞肉卡巴燒香啲，便更加好。以前好像有雞蛋仔及中式糖水，今次不見了，希望可以再加返。…Read More

今日放假，經過將軍澳，去咗將軍澳皇冠假日酒店，去試吓個自助午餐，熱食方面種類都算多，魚生方面不過不失，但係三文魚有少少腥，生蠔品質係唔錯，坐得都算舒服，收碟速度都好快，都算係一個休閒午餐之選，都有各式各樣嘅熱食，海南雞味道還算可以，仲有豬手去選擇，沙律選擇唔算太多，甜品方面都應有盡有，總體嚟講，食物款式都係足夠，食完都好飽。飲品選擇唔算太多，所以都係飲杯咖啡，都係自助形式自己去攞，整體方面尚算滿意，…Read More

位於將軍澳嘅香港九龍東皇冠假日酒店-尚廚，最近咗海鮮薈萃自助晚餐🥘有多款海鮮選擇：新鮮生蠔、紐西蘭青口、松葉蟹腳🦀生蠔仲係新鮮即叫即開☺️冷盤比較特別少少仲有香草脆筒三重奏：黑醋珍珠鮟鱇魚肝脆筒、赤海蝦飛魚籽脆筒、 鹽蔥拖羅蓉脆筒，好似雪糕筒嘅脆皮加埋魚生一齊食幾正🍣最估唔到係連鵝肝都有，仲要擺盤好精美！香煎法國鴨肝油香十足，大飽口福🤤麵檔除咗經常有嘅配料同湯底之外，仲有喇沙湯底，味道好濃郁又夠香🍜雲吞大大粒最後一定係留肚食甜品🍨呢度有自家製雲呢拿梳厘，新鮮出爐，空氣感極佳，另外仲有朱古力果仁棉花糖，都係即整🍫呢期開心果咁hit，餐廳仲有開心果巴斯克芝士蛋糕開心果號角酥，真係要留肚食🤭雪糕方面有八款口味的Haagen-Dazs雪糕及朱古力噴泉，雪糕加埋疏乎厘食都幾正，冷熱交替🤣飲品有任飲即磨咖啡、紅茶、檸檬水、橙汁、蘋果汁☕️💛好味指數:4.5/5💜回頭指數:4.5/5📍尚廚 (將軍澳)將軍澳唐德街3號香港九龍東皇冠假日酒店1樓…Read More

海鮮薈萃自助晚餐$638/位好味指數：😋😋😋😋抵食指數：💲💲💲💲環境舒適：😌😌😌😌😌環境衛生：🧹🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️💁🏼‍♀️為慶祝父親節，去了將軍澳一間五星酒店享用海鮮薈萃自助晚餐。自助餐確是有不少海鮮。凍海鮮有蝦、蜆、螺、青口、長腳蟹腳、麵包蟹。海鮮沒腥味。蝦🦐爽口。長腳蟹鮮甜多汁。麵包蟹🦀有極多膏。有即開生蠔🦪，新鮮度十足。三款海鮮脆筒夠精緻。一款是鮟鱇魚、一款是赤蝦、一款是香蔥拖羅蓉。赤蝦鮮甜，拖羅蓉口感綿密。刺身有三文魚、帶子、吞拿魚、阿根廷紅蝦等。當中最愛如手掌般大的阿根廷紅蝦。熱薰有燒鮑魚，夠腍不韌。除以上海鮮，其他值得試的包括擺碟精美的鵝肝、不帶血水的燒牛肉、越式星州湯麵。甜品區佈置好看，選擇極多。有近期大熱的開心果味甜品、小朋友極愛的朱古力🍫噴泉、Haagen Dazs 雪糕、焗葡撻、生果🍊等。必定能滿足嗜甜的你。另外，有非酒精飲品供應，包括鴨屎香茶、橙汁、熱咖啡、熱紅茶等。只要多吃海鮮，就可輕易回本！…Read More

今次帶爸爸嚟將軍澳嘅皇冠假日酒店嘆dinner buffet🍽️6月仲有全新menu 先嚟一人一碟 香煎法國鴨肝先🤤🤤🤤擺盤勁有誠意，一點一點嘅醬汁配上高級鴨肝多士！仲有生蠔🦪長腳蟹等等…全部不限量供應！任食食到爽！！熟食有：忌廉芝士菠菜焗虎蝦球🍤龍蝦汁燴大蜆葡式燒乳豬配香料炒飯逢星期五至日、公眾假期及前夕🔅更有限定菜式 : 麵包蟹🦀 油甘魚、帶子刺身、阿根廷天使粉紅蝦刺身😋甜品都有好多款🍰🧁🍮🍧開心果巴斯克芝士蛋糕、法式焦糖香蕉可麗餅、雜果仁朱古力蛋糕、開心果號角酥、即制雲呢拿梳厘快啲一家大細嚟食餐豪嘅！慶祝父親節啦！…Read More

👧🏻😋👅🍽✨抵食自助餐🤩-😋 海鮮薈萃自助晚餐平日$598, 網上預付可享75折, 另加$98可享紅白啤酒free flow▪️冷盤🦪 除左凍海鮮松葉蟹腳黃金螺, 呢個價錢既自助餐竟然有即開生蠔好開心! 🐠 特色之選推介黑醋珍珠鮟鱇魚肝同鹽蔥拖羅蓉脆筒, 鹹鮮又脆卜卜, 當然唔少得魚類貝類刺身都好新鮮!▫熱盤🪿 香煎法國鵝肝無限量供應仲有埋擺盤🤭 薄荷醬羊架嫩滑多汁又唔羶🐠 清蒸比目魚魚肉厚身仲好滑; 葡式燒乳豬超脆皮; 燒雞連個胸都勁滑🍜 越式星洲湯麵唔係講笑好好食, 尤其是個喇沙湯, 仲有自家製大大粒蝦雲吞👍🏻▪️甜品🧁 超多款式仲要全部都好特別: 佛手柑蛋白批, 法式泡芺配焦糖燉蛋, 即焗雲呢拿梳乎厘; Häagen-Dazs有八款口味, 綠茶真係好好食🥰🍰 開心果迷切勿錯過: 開心果巴斯克芝士蛋糕同開心果號角酥都好正!…Read More

難得放假又近屋企，優惠訂購平台有特價，便試一下這裡自助午餐，真的很久未試過在酒店食得咁差。首先，大部份餐碟都有肉眼可見的油積，令人喪失食慾；食物選擇少，始終午餐一般都少選擇，味道也是普通得不想重複再吃，難得午餐有即開生蠔，但開蠔的那位廚師太盡力，把蠔肉也開爛，生蠔味道也偏淡，不合本人口味，甜品除了häagen-dazs雪糕外，其他甜品也十分失望，酥皮不脆，面包布甸又太干。服務方面，簡直以為自己去了茶餐廳，執枱侍應太勤力了，檸檬茶還有四分一未飲便被收走，芒果布甸食了一啖，只放低匙羹一會又連其他碟一起被收走。總結是，食物＋服務也水準以下，再平也不會再來吃。…Read More

以士多啤梨為主題的下午茶buffet,食物質素，款色都有驚喜，不停補給食物，服務員有禮貌，行動勤快。餐廳位置在將軍澳酒店內， 若搭地鐵在將軍澳站C出口，再經由Pop corn商塲地面層直達酒店,始終不是位處市區，所以應該主力做將軍澳居民生意，目測只有70%入座率，食客反而坐更得舒服。主打士多啤梨甜品，蛋糕外觀吸引，款色也非常多，還有即製鬆軟厚pancake，多款雪糕，萄撻....整體味道也相當不錯生果，沙律區的食材新鮮，菠蘿，西瓜，蜜瓜的甜度也非常高凍海鮮，刺生壽司區的選擇相對較小，我只試了煙三文魚，也相當肥美熱盤孰食款式也不小，亦有點心，老火湯，肉丸麵食提供自助飲品區…Read More

是日放假，一家大細嚟食自助午餐，食物多種類，生蠔即場開，夠新鮮。片皮鴨，層皮即場整類似班戟皮，等候煎皮時間等得耐。燒牛肉肉質比較韌。甜品款式多，生果有橙，蘋果，哈蜜瓜，西瓜，火龍果同菠蘿。…Read More