尚小館 (已結業)

朋友啊，我真係一試就愛上呢間店嘅味道❤️！嗰碗紅燒牛肉飯啊，真係令人回味無窮，牛肉嫩滑到溜走，味道重而唔膩，脆脆生菜爽口得嚟，完美平衡曬！嗰醉雞飯諗起就流口水，雞肉嫩滑，啖啖肉，唔夠酒香但照食得咁開心。酥炸雲吞呢，外皮點起泰式醬真係正😋！豆漿一流，夠凍夠香，完美收尾。我走過好多食肆，但係心思思都想返嚟食佢哋底傢常菜🙏。記住啊，唔好因為平就睇低眼，正宗美味絕對唔會只係高檔餐廳先有。這家店，正！讓人仲想再多嚟幾轉！👍🤤🥢…查看更多

長沙灣CP值高之選，尚小館上海菜，有菜飯粒麵食配各類口水雞， 紅燒牛肉，雲吞⋯等口水雞係冷盆，但原隻大雞髀的確係啖啖肉，配熱辣辣既香飯，午餐只需47，下午茶時段更只需39作為平民食堂不足為過唯一要改善辣汁應該要加返多，保持整件雞味道一致外觀：👍👍👍味道：👍👍👍*滿分=5👍#我是吃貨組長 #Nicky的味道 #吃貨的態度 #美食 #尚小館 #上海菜 #中式 #foodieleader #foodie #foodiehk #blogger #長沙灣 #cheungshawan #香港 #hongkong…查看更多

同朋友平日去食，感覺真的非常非常非常差，特別系一個女服務員短髮高高瘦瘦果個態度特別差，體驗非常不好，野食黎得超級慢，等左半個幾鐘現有野食，但呢個都唔系重點，我等方面系冇咩所謂的，但真系服務態度差到一個極點，我耐心等候的同時得到的不是安慰，而是受氣，我以為我欠個服務員錢，根本受呢d氣已經冇曬胃口食野，味道就普普通通，冇胃口食咩都唔想食。今次系我第一次俾咁低嘅評分。同朋友出到黎食野梗係開心緊要，但今次真系嘥曬一日嘅好心情。總之就係激氣激氣激氣啦！！！…查看更多

嗌左一個怪味雞髀飯同一個酸辣麵仲有兩個小菜，分別係手拍青瓜同皮蛋豆腐。一開始黎左一個飯先，怪味雞髀其實味唔怪，係幾好食的，不過原來雞係凍食，但肉質都啱啱好，唔會鞋同硬。食完等左好耐先黎小菜，原來漏單，係飯打後嘅全部漏單。味道上兩樣都幾好食，味道同其他地方有啲唔同，感覺正宗，皮蛋豆腐都幾推薦。黎左小菜先話個麵冇酸辣湯底，問我地轉得唔得🤥，我地等左好耐決定cancel個麵。成間野得兩個人但勁多單根本做唔切。但公道講句野幾好食，價錢都好親民，惟望請多一兩個幫輕廚房🙏🏿…查看更多

第一次幫襯，叫咗醉雞配菜飯（下午茶）$41，由於細食原故，故留待做晚餐。雖然係下午茶，但醉雞用長盒盛載，有雞翼及雞胸等起碼10舊，雞非常滑，雞胸亦嫩口。相信份量可媲美其他餐廳晚餐，唯欠點兒酒味。雖然放置咗好幾小時，飯中菜粒依然青綠，粒粒分明，不會淋及一舊舊；餐飲豆漿有豆味，甜味適中，以這價錢來説性格比高！下次會再試其他。…查看更多

這間店每次經過都見人龍排隊.但我見食物款式選擇不多.只係一般上海麵食食品。今天下午兩點見有點時間.便來試食! 可能午膳時間就快過.人龍已經散咗七七八八，這間店舖坐位不多.在我隊前還有兩枱客.不到十分鐘.我們兩公婆便可以坐低咗！坐下不久.見老闆不停接聽外送來電.還有客人親自前來買走.可能小店價廉物美關係！點餐如下：1. 紅燒牛肉飯（要菜飯加兩蚊）送凍豆漿一杯。2. 醉雞飯（要菜飯加兩蚊）送凍豆漿一杯。3. 酥炸雲吞一客（有五粒）。第一度上枱是醉雞.用一個長方小碟上枱.另加一碗菜飯.雞肉鮮嫩幼滑.可惜酒味不重.稍微偏淡.唔夠香.總算過得去！第二度紅燒牛肉飯.都係用一個長方小碟上枱紅燒牛肉有五至六粒.旁邊擺設少許生菜.牛肉都幾大粒.牛肉入味好林.賣相OK讚好！兩碗菜還有點凍又唔熱.又唔暖.我都係比較喜歡吃熱飯多啲！第三度酥炸雲吞.雲吞皮超脆身.餡料唔錯.點了泰式雞醬超好味.雲吞上枱還是熱辣辣。兩杯豆漿.夠凍豆味香濃.都唔錯！…查看更多

讚1.菜飯好味道，雞件份量好多2.侍應服務態度係幾好，會叫客人坐啲風口無咁大既位彈1.怪味雞可能真係叫錯左，醬汁同下面果個醉雞好唔夾下，本來醉雞件係皮薄肉滑，但同個辣汁唔夾…查看更多

突然想食上海菜，知道附近有間就過去食，幸好仲有下午茶時間，叫了一個回鍋肉菜飯加一個熱豆漿共四十元都可以，價錢以下午茶飯來講都合理。等了一陣豆漿來到，味道都幾好飲，豆味都幾香同夠熱又大杯，食物之後來到飯都熱但不夠菜香，幸好入面菜都不少口感加回少許分，回鍋肉份量一細碟差不多，但咁看就不見肉，底部有5片肉，菜不少但醬汁太杰身，而且有點咸同完全一點辣都沒有，食不到回鍋肉味道，又沒有豆腐乾絲，來吃一次就夠了。…查看更多

今日過嚟長沙灣，任務喺同親戚有啲交收，兼順便落福榮街一帶買嘢，任務完成後，又要搵地方食晏，沿路向青山道方向行，偶然經過呢間「尚小館」，仲記得之前睇過食友嘅食評讚過呢間賣上海嘢小店，啱啦，都好耐無食過滬菜嘞。餐廳都屬小店規模，地方唔大，但想做多點生意就自不然有少少逼，不過，環境都算整潔企理。見此時客人唔太多，加上有啲隔板間住，自行搵個自閉位躲埋一角，食得安心啲。雖然睇嚟客唔多，其實，好多外賣客。 影餐牌時有啲反光，好彩攞咗張外賣單張，有涼拌小食、小菜、飯麵年糕、點心、飲品、客飯餐、粉麵餐、飲品及一張廚師推介菜單，定價都好相宜，始終，幫襯嘅都喺附近嘅街坊多。順帶一提，雖然餐廳人手少，但殷勤嘅服務搭夠。 醉雞菜飯 $46醉雞一大碟，菜飯又一大碗，先講啲雞，咁啱咁好彩，俾咗個脾位我，我見餐牌要脾位喺應該貴啲。而啲雞肉真喺好嫩滑，有鮮甜嘅雞味，散發出淡淡酒香，恰到好處，雞皮亦好爽口，最好喺無乜皮下脂肪嘛:)！ 菜飯唔止就咁搵啲菜碎撈飯，而喺啲菜粒處理過，令到啲飯有微微鹹香味，又有啲油潤感，飯粒分明，入口感覺更好。豆漿（免費）所有客飯餐、粉麵餐都奉送豆漿，亦可以加錢轉其他嘢飲，但選擇唔多，都喺汽水、熱蜂蜜柚子茶（+$3），或轉凍奶茶（+$5）。豆漿嘅豆味好濃郁，涼涼哋唔會太凍，飲得咖啡、奶茶多，都要飲吓啲健康嘢，加上喺免費跟餐送。 睇見餐牌都仲有唔少小食、特別菜式都幾感興趣，一個人真喺食唔到幾多嘢，有機會再嚟就試吓其他嘢。…查看更多

星期五竟然要加班😖，做完嘢差唔多八點半，行咗去長沙灣嗰邊鬆下同睇吓有乜食。行到福榮街盡頭，見到有間上海嘢「尚小館」，好多人幫襯，而且又未收舖，仲肯做我生意，咁就入去啦😉。店舖細細，座位唔多，坐滿街坊熟客，厲害厲害👍。餐廳用隔板將餐枱分開，食客食得安心。餐廳定價超抵，$4X一個飯或麵仲送嘢飲，就算砂鍋雲吞雞都只售$68，簡直係益街坊。基本上你唔會搵到有任何嘢係過$100‼️，傻的嗎？由於夜食嘢，所以我主要食餸而已。不過餸嘅份量超多，要多碗飯就真係未必食得哂，而家咁樣已經好飽🤰。紅燒牛肉菜飯($44)，🐮紅燒牛肉有好多件，而且每件都好厚身，唔係平日薄薄一片，食落好有嚼勁，因為同時食到肉同筋，但其實牛肉係煮得好淋同好入味的。另外，牛肉旁仲有幾片生菜，有意外驚喜。菜飯要加$2，抵加啦，菜飯有好多菜粒🍚，而且好夠味。食落你唔會覺得菜還菜、飯還飯。醉雞肶($45)，未清楚見到碟雞，已經聞到酒香。🍗雞肶好大件，賣相吸引，上碟好整齊，有放左右兩邊。本身以為得一邊雞肶，仲覺得好貴，點知完全相反。雞肉嫩滑，帶有濃濃酒味🍶，內裡夠熟，雞皮無毛，好好食，必食推介！麻辣雲吞($28)，雲吞有六粒🥟，餃皮偏厚，唔易穿。我要咗麻辣味，店員落單時已經有溫馨提示問我哋食唔食得辣，我話都OK嘅。誰不知口水雞醬真係辣到一個點🌶🌶🌶，我完全食唔到，好彩佢主動比多羹麻醬我中和一下。豆漿係飯餐包咗嘅，🥛夠凍夠大杯。小店可能冇設立水吧位，但顧及到香港人鍾意飲凍奶茶嘅關係，所以有賣樽裝凍奶茶($5)，同事話味道中規中矩。題外話，餐廳用有蓋嘅盒放餐具🥢，感覺衛生啲。總括嚟講，小店係臥虎藏龍，你以為佢只係一間平平無奇嘅街坊店，無錯佢係做街坊生意，但食物出品意外哋高質，大份夾好食😋，同事讚不絕口。老闆娘(定女店員?)好好人，就算得佢一個負責樓面，都仍然保持禮貌。我推介依間性價比高嘅平民上海小館✨！…查看更多

今晚放工去了長沙灣近明愛附近食晚餐，今晚想食中餐，見到有上海菜又好想食。天氣有點涼，乾燥，叫了砂鍋雲吞雞煲配菜飯，先飲啖雞湯，無味精，用整隻雞煲湯，好香濃，鮮甜，亦去了大部份的油脂。雞件算多，就算雞胸很很嫩，雲吞是菜肉餡料，很飽滿的樣子，菜飯比例平均，增加纖維，雞煲內還有切絲的雜菜。雖然一人份量，但湯都夠兩三人飲用，很滋補。紅燒獅子頭煨麵賣相吸引，很大件豬肉球，肉味甚濃，包裹住一隻鹵蛋，老公都好中意食。麵條沾上湯汁，熱騰騰，麵條彈牙有口感。皮蛋豆腐是涼盤，少少辣，豆腐嫩滑，刀功唔差，必切得薄，皮蛋很甘香，連肉鬆食，正奶茶真心推介，茶味香濃無澀味，奶，茶比例甚好，當日即沖即入樽，確保新鮮，待涼放雪櫃，本身以為杯裝叫走冰，店員話無冰的，因為加冰會影響了奶茶的茶底及奶香，十蚊樽都好抵。因為我們住附近，抗疫價全日客飯餐，粉麵餐外賣自取減六蚊，支持下小店…查看更多

早陣子在青山道試過一間清湯腩粉麵店後，偶然發現附近有間吃上海菜的小館子，故是夜乘着過來長沙灣探望朋友，就一同到訪這賣滬菜的店子「尚小館」。店內裝修簡約、整潔，既然是小店，故座位不太多。是夜在晚市繁忙時間到來，坐不久已滿座了，而店員招呼頗殷勤，又有禮貌:)。餐牌只是幾頁紙，但麻雀雖小，卻五贓俱全，包括了涼拌小食、小菜、點心、飯麵年糕、客飯餐、粉麵餐、飲品，定價都經濟實惠。先來一客「三絲粉皮」（$48 ），平常只是雞絲的，這次就多了青瓜絲及火腿絲，三絲既下得足，又切得工整，並下了大量麻醬，粉皮爽滑，把所有材料拌勻，口感有不同層次，着實是很不錯又抵吃的冷盤來。 粉麵餐中，可以選擇「雙拼麵」（$45），而我們選了鎮江骨拼紅燒牛肉。份量可不少啊，上海麵特別有咬口，而鎮江骨肉質十分鬆化，酸香好吃；紅燒牛肉同樣做得出色，炆得軟腍，富肉香，有水準。 店長推介他們的醉雞，是自信的菜式，所以，另一個主食就選了「醉雞菜飯」（$46）。的確，不單止雞件皮爽肉滑，皮下脂肪又少，而且，散發出清醇不嗆喉的酒香。菜飯亦做得有心，不單菜多，亦帶點鹹香味。叫得粉麵餐、客飯餐，當然奉送飲品：豆漿，亦可改飲汽水或熱蜂蜜柚子茶，需加$3。雖然沒有問豆漿是否自家製，但味道很濃郁，亦不會太甜，熱蜂蜜柚子茶就很合適此時秋涼的季節時候享用，入口很滋潤喔。今晚所試的幾款食物都很有水準，而且，份量大，定價相宜，怪不得有如斯多街坊光顧，或來買外賣。友人受疫情影響，生活不太好過，希望這餐飯能為他打打氣。…查看更多

呢間唔起眼嘅上海小店位於荔枝角與長沙灣交界，主打紅燒獅子頭、醉雞、口水雞系列～ 店舖細細主要做街坊生意，定價非常親民。飯餐或上海麵 大約50幾就有交易。醉雞髀上海麵 $52醉雞髀份量好多，酒香濃郁～雞肉厚肉而且好嫩滑。飯餐/麵餐均配豆漿，味道唔太甜不錯。麻辣雲吞 $28共有6粒，細心店家表示驚口水汁過辣，可以分開辣汁。味道麻辣嘅後勁的確較嗆。紅燒獅子頭菜飯 $60 菜飯+$2 菜飯煮得夠乾身獅子頭脹卜卜，內藏左一隻入晒味嘅鹵水蛋不過獅子頭豬肉就略嫌欠點彈性。疫情期間全日外賣自取減$6～全店最推介 醉雞髀 + 菜飯 …查看更多

近排多咗嚟長沙灣搵食，因為呢區真係有唔少既經濟又抵食嘅小店。上兩個星期來吃了頓客家菜，今日有人話要帶我嚟試下福榮街呢間「尚小館」。原來間舖頭都開咗有一段日子，不過門面睇落仲係好新淨。店內環境亦不錯，乾淨企理，配上一室淺木色檯櫈，簡潔舒服。先睇餐牌，食物選擇都幾多，有客飯餐、粉麵餐、涼菜小食、飯麵年糕、小菜、點心、飲品，另外亦有幾款廚師推介。我哋揀咗個三絲粉皮、南乳炸雞中翼同砂鍋雲吞雞煲配菜飯。每次到上海餐館用膳，都會點雞絲粉皮這個菜式，不過呢度個三絲粉皮 ($48)，用料就更加豐富，除了雞絲同青瓜絲之外，另外仲加咗火腿絲。粉皮薄而透明，麻醬味香，吃得出用料不俗。雞絲嫩滑不韌、火腿粗身，唔係一般超市貨色，頗有誠意。青瓜絲清爽脆口，撈埋麻醬和黑白芝麻等一起吃，超開胃。接著上桌的南乳炸雞中翼 ($28)  亦非常美味，外皮炸到脆卜卜，入口充滿南乳嘅咸香，而且入面嘅雞肉食落仲好 Juicy，啖啖滋味。砂鍋雲吞雞煲配菜飯 ($70)，餐牌寫明係一人份量，無諗過原來都咁大煲，非常足料。雞湯味道很清甜，無落味精，入口濃而不膩，好好飲。雞肉鮮嫩幼滑，加上皮薄餡靚嘅雲吞，簡直係絕配。菜飯水準亦唔錯，飯質鬆軟，而且唔會油淋淋，食完真係好飽肚。用餐期間，不停見有街坊嚟買外賣，足見店子的出品很受食客歡迎。…查看更多

-🔸湯雲吞 $28🔸醉雞髀 $45🔸椒鹽小黃魚 $45🔸豆漿 $6-呢間位於長沙灣嘅上海菜館，屬家庭式經營，店員姨姨好nice咁推介菜式，感覺好溫暖。除咗上海麵、菜飯之外，仲有多人款上海小菜同小食，選擇豐富喎～湯雲吞皮唔會好厚，餡料係新鮮芥蘭同肉，湯頭幾清甜。醉雞髀一上枱就聞到好香紹興酒味，食落入晒味，肉質又嫩滑。聽店員姨姨介紹再試埋個椒鹽小黃魚，比想像中大條得多，而且即叫即炸超香脆，連軟骨都食得，性價比超值！…查看更多