尚善

這是我最喜愛的日本餐廳，是一間社企，服務一流，他的手握壽司，是我最喜歡的食物。 他們的魚，是逢星期一，及星期四空運來港，所以10分新鮮。另外，他們的鰻魚飯，是我吃過最好的鰻魚飯之一，燒得又香，原條， 10分肥美。另外，烏冬，，安格斯牛肉，雜锦魚生飯也10分有水準。晚歺还有一个半價的季节選擇，超值其中一個我最喜歡的午餐套餐，是手握壽司配鹽燒牛舌及無激素雞翼、蕎麥麵。這個套餐可以說是包羅萬有有餘、肉、蔬菜、有冷有熱、真的是符合所有嘅食物要求。…查看更多

適逢上司請客，我有幸在平日繁忙的午餐時段享用了一頓難忘的盛宴。更讓我感動的是，這位上司不僅慷慨大方，還願意教育下一代，午餐期間不時分享職場智慧與人生經驗，令人受益良多。餐廳內木質裝潢典雅，散發日式溫暖氛圍，我們入座後各點了一套精緻定食，另加熱騰騰的蕎麥麵和烏冬，沉浸在這特別的時刻。定食內容豐富多元，以刺身拼盤領航，新鮮鮪魚、蝦和魷魚口感彈牙，天然鮮味與醬油芥末完美融合。海膽壽司黃橙色澤誘人，細滑濃郁，帶來海鮮甜味；旁邊的橙紅魚卵壽司增添爆破鹹香，層次感十足。烤鰻魚壽司是另一亮點，鰻魚條塗上甜鹹醬汁，外脆內軟，醋飯微酸調和整體風味。燒物包括牛舌和雞翼，金黃焦香，佐以檸檬和醬汁，口感豐富多變。配菜方面，沙拉清新爽口，混入火腿和水果提味；鹽漬毛豆簡單鹹香，作為小品增添風趣。味噌湯暖胃濃郁，帶海鮮餘韻；茶碗蒸絲滑細膩，內藏微妙餡料，收尾舒適。另一邊的蕎麥麵湯底清淡，麵條彈滑，配白菜和海帶，為平淡工作日注入一抹色彩。整體而言，這頓午餐不僅滿足味蕾，更溫暖了心靈。食材新鮮度高，料理精緻，壽司和燒物尤其令人回味。感謝上司的請客與mentor精神，這將成為一段難忘的回憶，值得在忙碌中細細品嚐。環境衛生：4.5/5（雅緻整潔，氣氛舒適）食物質素：4.5/5（食材新鮮，壽司和燒物亮點）服務效率：3/5（上菜慢，午餐時間人多）性價比：4/5（高質食材）整體體驗：4.5/5（美食與教育兼得）分店地址：尚善 (上環)上環文咸東街22-26號柏廷坊7樓#香港美食 #HongKongFood #日式料理 #JapaneseCuisine #鰻魚壽司 #UnagiSushi #上環美食 #SheungWanFood #文咸東街 #WingLokStreet #茶餐廳 #ChaChaanTeng #餐廳評論 #RestaurantReview #午餐推薦 #LunchRecommendation #上班族美食 #OfficeLunch #食物質素 #FoodQuality #性價比 #ValueForMoney #服務效率 #ServiceEfficiency #環境衛生 #Cleanliness #mentor精神 #WorkplaceWisdom #上司請客 #BossTreat #香港上環 #HongKongSheungWan #尚善餐廳 #ShouZenDining #美食探店 #FoodieAdventures #香港飲食日記 #HongKongFoodDiary…查看更多

📍上環 - 【尚善】上環文咸東街22-26號柏廷坊7樓（港鐵上環站A2出口）⁡呢日晏晝同事帶我嚟到呢間「尚善和式料理」食日本嘢，去到覺得裝修簡潔舒適，環境寬敞。⁡同事介紹先知，原來佢係一間社企餐廳，喺扣除成本後，所有嘅收益都會捐比有語言障礙嘅兒童。雖然價錢係貴少少，但知道原來可以食好嘢之餘，又可以做善事，都真係值得！⁡同埋一坐低就奉上茶同埋熱毛巾，而家好少餐廳會比埋熱毛巾抹手咁好Service🙊值得一讚⁡而且講真，食物質素仲要真係高！我自己叫咗個《廚師推介刺身壽司定食》 $388 嘅lunch set，包五款壽司同五款刺身，仲有沙律、漬物、麵豉湯、蒸蛋、甜品。一上菜已經覺得擺盤精緻，賣相好靚。嗰日仲好好彩，餐廳好好咁送多咗一件壽司俾我😋啲刺身每件都好厚切又有光澤👍🏻非常新鮮！第一啖食落去真係覺得好正❤️不過由於每件都超厚切，食食下真係超飽有啲漏，差啲食唔晒😅⁡總括雖然有少少貴，但佢嘅服務同埋食物質素都真係非常不錯，而且佢係社企餐廳，非常值得支持！得閒都會再嚟食😋⁡…查看更多

今日午市黎到呢間社企餐廳食日本野，入到黎見到裝修好靚，好似其他omakase嘅餐廳。叫左一個lunch set，包飲品、沙律、麵豉湯、蒸蛋、小菜、甜品，上菜實物好靚。魚生好厚切好有光澤😍，擺盤亦好靚，晶瑩剔透嘅三文魚子。但唔食薑 & Wasabi嘅記得要走，唔記得走添😭蒸蛋好滑好食，小菜、沙律好fresh，成個lunch set咁豐富好滿足；甜品係幾舊密瓜。魚生好有鮮味，魚味濃，功勞都要歸於厚切，令到口感好正大大啖、好好食。😋總結：水準同其他高質日本餐廳無異，好食、裝修環境、服務也很好；大家多d發掘社企餐廳啦，食餐飯又可以幫到社會！😍💕…查看更多

尚善嘅午市定食走開高檔路線，平均一個餐要200幾到300幾。壽司定食($280)最欣賞帶子壽司，厚身嘅帶子不但有口感，而且味道鮮甜。兩款炙燒壽司經輕輕炙燒後帶出馥郁香氣，增添風味。不過蟹柳小卷則令人失望，外層紫菜太濕而變韌，很難咬開。其他壽司均很新鮮，而且切得厚身，絕不吝嗇。壽司飯水分偏多，食落較粘口，味道則調配得好好，除咗醋外，亦食到甜味。茶碗蒸面層鋪了層膏狀醬汁，食落與蒸蛋很搭配。整體而言，餐廳魚生嘅質素係幾高嘅，不過呢個價錢，應該可以搵到更好嘅選擇😌…查看更多

先論環境，簡略且有和風味。坐位間隔完善。員工（尤其部長）招待殷勤細緻，壽司師傅非常了解常客的品味，好有專業。論及食材，質素高且穩定度好，沒有任何「失手」。無論刺身或熱食，非常有水準。本人對章紅魚刺身及蝦天婦羅極為欣賞，值得一試。…查看更多

呢間喺上環好新鮮嘅魚生飯，中午午餐set 要左呢個刺身定食，有七款刺身嘅套餐套餐仲包埋有沙律，茶碗蒸，湯，漬小菜刺身好厚切，好多種類 好豐富，好新鮮👍🏻👍🏻👍🏻…查看更多

因為係附近返工既原因，間唔中都會到呢間社企食lunch，原因魚料新鮮，滿足到我同同事既口福。今次到放lunch時間，忽發奇想，問左有位walk in 就即刻上去。竟然，同以前唔同，以前座無虛席相比今日，竟然食完成餐飯座位都未滿。都唔緊要，可能日本通關，好多人去曬日本食好西。一如既往，我地慣常點左貴價既「廚師推介刺身壽司」lunch set，雖然唔係真正既omakase，我地都期望著品嚐到新鮮魚料，但一上菜，我地不同地面色一沈。點解？廚師推介竟然比左既刺身有2件吞拿、4件油甘、2件薄切帶子、2隻瘦甜蝦，5件壽司入面有三款同刺身魚料同款，魚料新鮮程度、沙律&蒸蛋都比以前遜色。係師傅問題定係來貨問題呢？不得而知。綜上，我有同經理反應，例如以前有鮑魚等。經理好有禮貌回覆，你講想食乜，我幫你安排，跟住就加左隻鮑魚比我，但係都無乜味道既。總結，經理好有禮貌，唯獨魚料鮮味欠奉，廚師基本無推介可言，加上我同同事之後有輕度肚瀉，我去壽x郎都未必肚痾之餘，根本唔洗比$390 + 10%呢個價錢for 個lunch。過往座無虛席到現今空空如也，事必有因。以前vs 今次體驗有圖為證…查看更多

與三個舊同事相聚一齊食－齊，其中一個朋友話要食日本餐，揀了上環尚善。去到一個人客都沒有滿清靜，店內裝橫擺設充滿了日本氣氛，環境滿大乾淨整潔。燒牛舌～香口，咬下去口感也較軟腍燒雞翼~ 失望？？肉會早晨早晨質乾，雪味太重鰻魚炒飯~ 鰻魚的鮮甜，炒飯米粒分明、口感豐盛飽滿，濃郁有層次色香味俱全。炸天婦羅～ 香酥清脆的外皮包裹新鮮蔬菜食材，咬下去 啪哩的聲響。壽司拼盤~ 十款不同口味，味道都好鮮、口感佳。整體來說食物賣相和食材都好新鮮，餐廳環境滿不錯，價錢就是稍貴了點。…查看更多

約咗朋友食生日飯，今晚第一次幫襯，擺盤有心思，食物質素好，環境舒服，味道不錯。餐後還送上免費甜品及寫上祝生日祝福，好nice的店長細心幫我們拍照，下次會再來的。…查看更多

Maybe it is because I have not had Japanese cuisine for long that I was surprised by the food here. Sashimi are very fresh, they come with the taste of cream, which I think is what good sashimi should taste of. Sushi is very tasty too, the rice fuses perfectly with the seafood on top, thanks to the chef.Tempura was okay, not that good quality but not bad. It came with the taste of oil which makes it a bit heavy. But being not that picky, it is alright.Ox tongue tastes quite light and soft.Environment is okay. I saw many middle-aged couples, haha maybe this is where the old money goes~Certainly would revisit with my friends.…查看更多

朋友帶領才知道上環有間隱秘高質日本料理餐廳。由於店舖屬社會企業。未料無論食物質素及員工服務都令人喜出望外。#雜錦漬物#分別有甜酸苦辣四種味道先喚醒味蕾。#(極上)雜錦刺身#共有八款如三文魚籽、北海道海膽、鮑魚、日本牡丹蝦、元貝、油甘魚、劍魚及拖羅。擺盤賣相吸引，色彩繽紛又奪目。更有紫菜供包裹海膽輔食值得一讚。切成厚件的刺身魚先由淡至濃細味，每款都鮮味無窮。牡丹蝦爽滑豐厚，肥美拖羅入口即融，肉質及味道極致。#雜錦天婦羅#店員把炸得金黃發光般的天婦羅呈上時更細心叮囑食物燙熱要小心但需及時享用。當然每款都酥脆可口，完全沒有粉漿過厚及油膩感。還會令人上癮吃過不停。#蔬菜稻庭烏冬#清甜湯底碰上口感細緻幼滑的烏冬簡直絕配。可以來多碗!…查看更多

第一次來到尚善難得有份莫明親切及十分自在的感覺員工很有熱誠服務態度在這時代來說更是極之值得表揚環境份外寧靜及舒適魚生刺身種類很多，尤其拖羅，帶子，金目鯛，龍蝦，最重要是真的很新鮮好有水準這也吸引了我多次的光顧和牛方面肥美肉超級 juicy溶入囗中總之一句頂瓜瓜很棒日本酒類十分配合刺身鮮甜…查看更多

係上環既尚善係一間日式餐廳 仲要係一間社企！食飯之餘仲可以幫到人 一舉兩得😊之前佢舉辦左個清酒之夜 有晚飯食仲有清酒任飲👍🏻岩晒我！▫️前菜 - 蕃茄沙律 五目玉子燒 冰頭漬 三文魚漬 芝士焗南非鮑魚～個人好鐘意個冰頭漬 第一次食 有驚喜❗️好爽口 原來係三文魚頭既軟骨 用左醋醃 作為前菜非常適合😍▫️刺身 - 北海道海膽 秋刀魚 廣島蠔 油甘魚腩 赤貝 - 好鮮甜！而且而家食秋刀魚既季節 真係不時不食☺️▫️燒物 - 蒜片炒日本A4和牛 - 炒得岩岩好 入口即溶 用蒜炒過 有種外面少少脆入面嫩既感覺🤩🤩▫️火炙三身刺身丼🐟🐟 - 用火燒一燒個左口魚邊 油香好出～其餘兩款刺身就中規中矩▫️火山卷 - 係個卷上面放左吞拿魚茸 加左少少酸酸甜甜既汁 都唔錯～▫️味噌湯 - 🦐櫻花蝦個香味 令味噌湯無甘單調清酒之夜有4款清酒同1款梅酒任飲🍶🍶真係好滿足☺️…查看更多

同事想食日本菜，選擇咗好耐冇嚟過嘅尚善。 一坐低奉上茶同熱毛巾。今時今日已經好少餐廳會有熱毛巾咁old school 嘅嘢。感覺不錯。今日揀左魚生飯套餐。尚善所有套餐都係一tray上。 魚生飯不過不失。新鮮不過切得比較薄。配魚生飯的酸薑過酸，食咗一塊就放棄了。配菜同沙律同魚生飯一樣：不過不失。套餐包括飲品及甜品。咖啡幾好飲，同甜黑糖紅豆糕幾夾。以性價比尚善其實不錯，只怪自己今日揀錯套餐 - 因為同事的壽司餐吸引好多…查看更多