小麻吉滷肉飯 (已結業)

嚟大埔平遊台灣好味道🥳 呢間台灣小店客人源源不絕，唔少街坊鍾意光顧。Lunch set：🎈滷香豬手飯 + 滷肉 $50🎈大仔麻辣滷肉飯 $45🎈阿薩姆紅茶（凍）跟餐+$3🎈珍珠奶茶（凍）跟餐+$6✨嚟呢度必點嘅當然係滷肉！所以細佬想食豬手，都堅持要加滷肉😂 一上檯就嗅到滷汁飄香，啲滷肉肥瘦參半，潤口滑嫩；豬手亦滷得好入味，啖啖肉。另外，麻辣滷肉飯好惹味，加咗唔少花椒粒，麻辣香濃，要配多飯！如果可以去除花椒粒，只保留麻辣香味，就完美喇😚 仲有，我叫咗杯我狠愛嘅阿薩姆紅茶，滿足🥰小食：🎈逢甲鹽酥雞（8粒）拼炸木魚豆腐（2件）$50✨鹽酥雞外脆內嫩😙 炸木魚豆腐好好味，輕盈香脆嘅炸木魚，包住軟滑嘅豆腐，配埋炸木魚上面嘅特調醬汁，好有台灣夜市小食嘅風味🤩食完呢餐，想旅行嘅慾望小火龍又蘇醒了🔥 唯有買2包滷肉快煮包（$45/包）返去，得閒止下渴🥲🥲🥲…查看更多

今日去左呢間看似普通 但食落有驚喜嘅台式食品店 餐牌非常多選擇, 由常見台式食品 鹽蘇系列 到少見特色麻辣台式湯麵都有 仲有尖椒皮蛋 當然唔少得台式食品店必備嘅珍珠奶茶啦！ 真係一間"有得揀" 嘅食店 而且價錢又相宜我叫左個黃金雞扒滷肉麵 上到枱第一印象係 香！非常香！ 雞扒夠咪又唔會死鹹 椒鹽調配得剛好 咬落去仲驚喜 非常蘇脆 而且唔會有油膩感炸粉厚度非常值得一讚 唔會太厚 又有脆口感覺滷肉麵湯頭清甜 食完唔會口渴 而且好熱辣辣！滷肉味香濃非常值得一試！…查看更多

🔸黃金雞扒拼小香腸飯配麻辣滷肉汁黎小麻吉就想定要食下個滷肉飯，今次我就試麻辣滷肉汁，唔算好辣但好惹味！呢個真係值得試！啲滷肉肥瘦均勻，撈飯好正，雞扒同小香腸都係正常水準，唔錯唔錯。🔸肉澡豬軟骨湯麵🍜麵既湯底都有成9款揀，例如係擔擔湯、牛湯、麻醬乾麵等等，今次就揀左蕃茄湯，有驚喜，個湯好濃茄味😳豬軟骨唔算好淋，不過勝在份量好多，麵又大碗，好抵食！🔸炸花枝丸、滷水豬耳加錢可以配小食，個豬耳醃得好入味同好淋，好食😋🔸台灣胚芽奶茶、百香綠茶Lunch set加幾蚊就可以轉特飲，正常發揮😌😌…查看更多

小麻吉 滷肉飯🍚｜大埔 特色台灣 麻辣滷肉飯｜☺️講到台灣特色，唔可以唔提既，更係滷肉飯啦，半肥瘦，肥美多汁。簡單咁撈飯食已經好夠滿足。今次黎到大埔分店既小麻吉。睇下食完係咪真係可以變麻吉～😂🍛麻辣滷肉飯好少見有麻辣既滷肉飯食。唔好見佢顏色平平無奇，實際真係好麻辣，有興趣既可以試下。其實都好大碗，米飯粒粒分明，軟硬適中。滷肉肥瘦既比例大概係瘦比肥8:2左右，食落口一d都唔油膩。我揀左晚市既套餐，仲可以包埋主菜，小食。🐣蜂蜜芥末鹽酥雞鹽酥雞炸得好酥脆，但入面既肉質好嫩滑多汁，肉質十分好。無雪藏味。配上蜂蜜芥末既醬，好惹味，甜甜鹹鹹咁，真係好好味。好推介比大家～🐷麻辣滷豬耳尼個麻辣豬耳係熱食，所以偏軟。佢比起普遍既麻辣豬耳，無咁爽脆，多左嫩滑同脂肪既滑溜。同樣，麻辣味真係好出。🐮紅燒牛肉麵大大碗，千奇唔好睇少佢既份量！牛肉使用左牛腱既部位，煮得好入味同軟，但保留到一點既煙韌，口感唔錯。麵質都好彈牙, 湯頭都好唔錯，有蔬菜既鮮甜味。🦑炸花枝丸花枝丸大大粒，仲有唔少墨魚粒，真係夠曬鮮甜同口感🍹珍珠奶茶甜度適中，如果係用鮮奶就更加好啦。最鍾意係佢既珍珠，好煙韌，煮得啱啱好！🍹百香果綠茶少甜百香果酸酸地好開胃，再加上綠茶既清新，好飲～…查看更多

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗今日入咗大埔搵朋友食lunch，見到呢間小店門外面都幾多人，入面都幾多人食緊，見到餐牌午市優惠套餐好抵食，就入去試下！我本身好鍾意食台灣嘢，因為台灣就好似鄉下咁，疫情前每年都去幾次！🍴鹽酥雞拼小香腸飯（$52）加麻辣滷肉（+$8）個飯大大碗，鹽酥雞大大粒，炸皮好薄（即係好大粒雞肉），用料足，唔會好似有D店咁炸粉厚過雞肉！台灣香腸烤到個皮好香，正！不過，最最最正係個麻辣滷肉汁，夠麻小辣（我食得辣，對我嚟講只係小辣，其他人我唔知😆），勁香，我係撈晒成碟落個飯度，好惹味！入面嘅滷肉半肥瘦，食到肥肉嘅油香味！如果你係食得辣嘅，記得要加呢個！🍴肉燥鹽酥雞湯麵（$52）加麻辣牛湯（+$8）呢個係朋友食嘅，佢一食就不斷叫好好味！我就梗係叫佢俾D我試下！圓圓嘅麵好彈牙爽口，個湯又係好正，有香濃牛肉味之餘，加埋麻辣真係好正呀～ 因為太好味，朋友勁快食晒成碗麵，佢只願意分咗一啖俾我試！攪到我後悔冇叫湯麵！我惟有下次嚟再食啦！😫食得辣嘅記得，要叫麻辣牛湯！🍴胚芽珍珠奶茶（+$9）好大杯，有茶味、唔嚡，珍珠煮得啱啱好，夠煙韌，粒粒分明，好飲！食得台灣嘢，梗係唔可以錯過小食啦，呢度嘅小食都幾抵食！🍴滷水拼盤（+$26）入面有豬腸、豬耳、滷旦，雖然佢寫係小份，但份量都幾多！個滷水汁好好味，豬腸處理得好好冇異味，煮得好淋好入味；豬耳煮得夠淋帶少少爽口，同樣好入味，正！🍴甘梅脆薯（+$14）放咗響檯面幾分鐘先食，都仲係好熱辣辣，熱到辣咀😂！甘薯大大舊，個皮勁脆，入面軟軟甜甜，個梅粉好有台灣風味，呢個味最可以勾起我對台灣嘅味道！🍴尖椒皮蛋（+$14）皮蛋好味，完全冇刺鼻怪味，因為好多時都會遇到難食嘅皮蛋，呢個口感同味覺都好正！雖然食到好飽，但都想試埋佢嘅甜品！🍴珍珠紅豆仙草凍（$25）都幾大碗，兩個人share 啱啱好！仙草嘅味好清新，好Q 彈，紅豆有一粒粒嘅又有起沙嘅，甜度剛剛好！成餐飯叫咗咁多嘢，每人都係一百蚊鬆D，好滿足又可以止下台灣癮，當自己去咗轉台灣㗎啦！性價比好高，食得好開心，會再返嚟食，一定會食個湯麵！😂…查看更多

呢日黎大埔食個台式晚餐，點左兩個定食套餐，每個定食套餐有湯品、前菜、飯/麵、主食同小食 ～🔻湯品紫菜湯足料鹹淡適中，飲落暖胃舒服🔻前菜分別有涼拌小王瓜同糖漬蕃茄仔，王瓜爽脆唔會太酸，蕃茄仔酸酸甜甜清新開胃🔻飯/麵我地點左肉燥乾拌麵同肉燥牛湯麵，乾拌麵味道夠唔會太乾難入口，牛湯好濃郁帶微辣味道有層次😋，麵軟硬適中有咬口掛湯力不錯👍🏻麵量仲好多🔻主食滷香豬手有三大舊，豬手入味又腍身，紅燒牛筋腩有蘿蔔、牛筋同牛腩，全部都炆得好腍🔻小食台灣小香腸皮脆香口，滷水雞腎份量多滷得入味🔻飲品另外點左兩杯飲品珍珠奶茶🧋同珍珠紅茶，每杯飲品又係大大杯，珍珠大粒煙韌，偏好紅茶飲落無咁甜定食套餐有咁多野食好豐富，兩個套餐足夠三人享用，大份抵食性價比高#小麻吉滷肉飯#給你窮遊台灣好味道…查看更多

小麻吉滷肉飯好抵食又好好味，性價比好高，全部台灣定食 $65起🥰Set 1 揀左涼拌小玉瓜＋肉燥麻辣新竹米粉＋原味脆香雞翼＋台灣小香腸配胚芽奶茶 $85/一個Set係真係好多野食，乜都可以試下😂 個麻辣湯底好入味，加埋新竹米粉辣味好出，好大碗，超抵食！脆香雞翼係好似鹽酥雞一樣咁炸，啲炸粉特別脆！Set 2 揀左涼拌小玉瓜＋肉燥蕃茄湯麵＋紅燒牛筋腩＋蔥油青菜配珍珠奶茶 $79/濃濃既蕃茄湯底加上彈牙既台灣麵，完全係perfect match💓 唔好以為紅燒牛筋腩細細碟，但係份量十足，勁大舊牛筋腩，好淋好入味。特別推介佢哋嘅珍珠奶茶，奶味同茶味都好出，一啲都唔水，濃度適中，好好飲☺…查看更多

< 小麻吉滷肉飯 >📍大埔上星期入大埔同表姐食飯😛 佢地晚市嘅台灣定食餐好抵食 都係$65起😆 有好多街坊捧場 一於試下🥰🥗前菜有兩款 分別係涼拌小黃瓜同蕃茄仔小黃瓜好爽口 蕃茄仔酸酸甜甜幾開胃😆甘香滷肉飯+ 滷水豬手我試咗好多人叫嘅滷肉飯😋滷肉飯好大碗 女仔可能會食唔晒🙊 滷肉唔係得肉碎 而係見到肉粒 皮香肉嫩 好入味 啖啖都食到滷肉嘅甘香 唔錯🥰主食揀咗滷水豬手🐷豬手有三大舊 肥瘦適中 肉質好軟淋😛 豬皮食落會有啲黏黏地 好重骨膠原😋肉燥擔擔麵+ 鹽酥雞扒配蜜糖芥末醬另一個餐係肉燥擔擔麵 份量算幾大碗 擔擔麵嘅湯好入味 有少少麻辣 下次可以試下口水拌麵😆 鹽酥雞扒好大塊 唔會好厚粉 肉質幾滑 蜜糖芥末醬有一大碟 好惹味😋😋小食叫咗滷水豬大腸😛 豬大腸好大舊 而且唔多肥膏 好淋 好入味😋…查看更多

無得飛唯有食台灣野止住癮先🥺！🌖鹽酥雞配小香腸飯配大辣麻辣滷肉 $52+$8大辣麻辣滷肉嘅麻香幾重，而且都真係幾辣，好彩佢係分開碟上，咁就可以少少少少咁加，唔會辣到食唔到，而且辣味唔會係口腔last 太耐，飲兩啖野飲就已經解到辣；鹽酥雞唔算乾同柴，不過略嫌唔夠香脆；小香腸係standard 野，選料無乜肥膏粒。🌗紅燒牛肉飯 配滷牛肉燥 $48+$5諗起台灣梗係諗起肉燥飯，滷牛肉燥就真係好少見，最鍾意試新野嘅我梗係即點啦！味道同豬肉分別唔大，肉質更緊緻。紅燒牛肉係牛腩黎，肥瘦分明，但瘦嘅地方有啲柴，所以記得一啖食齊肥肉同瘦肉～🌖酥炸花枝丸（三粒） $18花枝丸嘅麵粉含量唔算多，炸得又唔油膩。🌖甘梅脆薯 $14脆薯其實係蕃薯黎，配上酸酸甜甜嘅甘梅粉就好似夜市小食咁，食飽飯都想繼續食，如果有甘梅甜不辣就更好，煙煙韌韌止下口癮又唔會太飽。🌗蔥油淋青菜🥬 $38以為個蔥油係白切雞果種蔥油，但原來係炸香左嘅蔥油😂😂。🌖胚牙朱古力、珍珠芋香牛奶 跟餐+$15芋香味幾重，珍珠細細粒，就算放入凍飲都keep 到煙韌👍🏻。🌖珍珠紅豆仙草凍（期間限定）除左珍珠同紅豆之外，面頭仲撒左幾粒花生🥜，不過我就覺得有少少突兀；紅豆都煲得幾綿，單食會太甜，但加埋珍珠同仙草凍就啱啱好。-💡飯量超多，建議正常食量嘅朋友都可以叫少飯無得飛唯有食住台灣野止住癮先🥺！👍🏻店員勁nice，會教你至慳錢配搭，等你慳住咁食，慳埋慳埋又可以食多餐😛…查看更多

有無人同樣係滷肉飯嘅ғᴀɴs呢🙌之前已經睇中咗呢間滷肉飯 終於有機會食到喇!🔖 肉燥鹽酥雞新竹米粉肉燥主要用豬肉碎和豬皮碎 慢炒製作對比起平常慢炆肥豬肉手法 會相對無咁肥膩鹽酥雞可能即叫即炸 上枱時仲熱辣辣 超香脆 再加埋麻辣湯底 正呀! (๑´>᎑<)~♡🔖 肉燥雞翼拼小香腸滷肉飯滷肉肥瘦適中 味道甘香可口 成件事生息不少 不枉加錢轉滷肉飯!簡直係撈飯嘅最佳拍擋🤝小香腸真係超好食 勁有台灣嘅味道(⁎⁍̴̛ᴗ⁍̴̛⁎)💕可惜的是 雞翼都幾大隻 但略嫌炸皮太厚…查看更多

🇹🇼大埔台式肉燥飯專門店 晚市套餐$70有找‼️😱▫️難得放假就同朋友嚟咗大埔行吓，咁啱路過呢一間台式餐廳小麻吉就去試吓～呢到主打台灣滷肉飯、乾拌麵，以及各種台灣小食等晚市套餐係最平$65，包左一個飯/麵，送埋紫菜湯、前菜、主食、小食～🍜肉燥牛湯麵($68)。牛肉麵份量都好多，湯底有好香嘅藥材味，感覺有少少肉骨茶feel，味道好清甜。重點係肉燥都唔會好鞋唔會好乾，質感好濕潤，唔錯～🍚甘香滷肉飯($65)肥瘦均勻，肥肉入口即溶，瘦肉唔會柴，而且份量重要好多，非常抵食！🍗辣味脆香雞翼(+$3)大隻得黎炸粉好薄，個皮係鹽酥雞嘅皮，炸得好酥脆、不油膩，真係比起平時出邊食嗰啲真係大隻好多😱🐤麻辣雞腎(+$5)香料十足，辣得過癮，雞腎唔會有怪味！🍆肉燥小茄子茄子炆得好琳 醬汁做得不錯 幾好味😋🐮紅燒牛筋腩(+$5)牛腩、牛筋炆得好軟淋粘口🤩蘿蔔見到係煮左好耐😍！完全係好易夾開，而且又煮得好入味😋🥒涼拌小黃瓜青瓜好爽脆，味道啱啱好唔會醃得好酸！好啱我口味～🧋珍珠朱古力🍫都係勁大杯！完全飲唔曬🙈整體來講，呢個價錢喺晚餐來講包晒咁多嘢，好似全包宴咁，而且份量又多，真係大份嘅😂其實真係好抵食，性價比好高🤩質素又ok，真係平民飯堂！地址：小麻吉滷肉飯 大埔翠怡街3號翠怡花園地下7號舖。旺角通菜街2A-2P鴻光大廈地下2C號舖。#小麻吉滷肉飯#小麻吉#給你窮遊台灣好味道#goeat旺角 #goeat大埔#旺角台灣菜#阿木台灣麵#台灣美食 #台灣牛肉麵#肉燥飯#滷肉飯#台灣蛋餅#甜不辣#台灣夜市#士林夜市#台灣鴨血#麻辣鴨血 #滷肉飯#肉燥飯#鹽酥雞#文青cafe#大埔美食#紅燒牛肉麵…查看更多

台灣晚餐 自由配搭不論前菜 小食 主食 飯 都可以自己選擇前菜 有 涼拌青瓜/ 醋蕃茄選擇 🍅🥒兩樣都係酸酸 好開胃嘅前菜小食 有菜 小茄子 麻辣豬耳 等等選擇今次揀咗小茄子 同麻辣豬耳 小茄子上有肉燥 茄子煎得脆脆 配上燒汁 7/10👍🏻👍🏻👍🏻麻辣豬耳就係比較軟身 唔係爽口6/10👍🏻👍🏻主食 炸豬扒 8/10 👍🏻👍🏻👍🏻👍🏻炸得超級脆口 鹽酥雞 7/10 👍🏻👍🏻👍🏻正常發揮飯 值得一讚有得揀健怡肉燥飯 相對瘦肉較多食落都唔會咁有罪惡咁不過就係當日 我哋8點9左右入去店員冇特別同我哋講關門時間但當我哋啲嘢食嚟到嘅時候 佢哋就不停咁樣收枱收凳清潔 我自己就一路好驚會唔會清潔期間有啲小動物走咗出嚟呢 好彩係冇嘅但其實感覺真係唔良好😫…查看更多

晚餐用了app叫外賣，點了一份二人餐，主食叫咗黃金雞扒飯，仲有香酥排骨湯麵。餐飲可以跟台式飲，分別點咗百香果紅茶同胚芽茉香奶綠。餐仲跟咗一份小食，叫咗一份青菜！最滿足係外賣員送到我哋度，啲嘢食仲好夠熱同好好味！特別係主食，黃金雞扒同香酥排骨，炸到金黃色，而且非常香脆，一啲都唔油膩，非常香口！湯麵同飯都好味，又大份。飲茶嘅百香果紅茶好香果味，而且可以叫熱，好正！二人餐真係食到好飽肚，值得比10個like你…查看更多

到左8點晚餐唔知依咩見到呢間無咩人就入去試。睇個餐牌好多選擇，價錢合理。點知中伏！😝😞😡🥵叫左以下兩個餐雞腎：硬而無味豬手：無味紫菜湯：味精湯撈麵：麻醬鹹到呢，多汁都無用豬腸；淋鹽酥雞：塊雞厚粉皮最後想食個甜品仙草凍，嘩～甜到喉嚨呢，無想過甜品都可以整到咁。唉！全程食到我火😡😡有樣野讚就係價錢唔貴和小黃瓜最好食。如果對食無要求既人想醫飽個肚都可以來。未去過一間野差唔多樣樣野咁難食。😱😱😨…查看更多

疫情關係差唔多兩年冇去台灣，對於一個年年都去台灣既人真係好掛住台灣既野食，超想去夜市掃街！！小麻吉既台式套餐CP值都幾高，而且價錢真心唔貴，份量又多，味道又唔差，唯有食住止下對台灣既相思滷肉飯既滷肉汁濃厚，有肥有瘦，而且滿滿的滷肉，撈飯食真係好正，雖然眼見到肥肉都唔少，但係唔會好漏配返杯芋香珍珠真係好有台灣既感覺便當擺盤好都好吸引，台灣腸都炸排骨亦十分有台灣風味胚芽奶茶亦唔錯整體來說，幾十蚊既價錢有咁多份量同埋台式飲品，我個人覺得性價比高，可以一試…查看更多