小魚鴨子

食过最难食既酸菜鱼，未食已经闻到好腥，汤好淡配料好少，薯粉好淋，鱼肉好重泥腥味，食几啖已经食唔落。酸菜炒肥肠~肠冇处理过，一阵嗅味，雪藏味，成碟冇食。一间冇良心既餐厅，仲可以经营咁耐，食物质素好唔掂！…查看更多

夜晚同家人黎到将军澳新都城三期哩间小鱼鸭子， 经过唔少，不过第一次食佢。不过当日早上望过食评， 评价麻麻，所以带住忐忑不安姑且一试既心情黎食…哈哈…入到里面环境类似冇地毡既酒楼咁啦， 好彩我地都算人多，分配到角落圆枱，叫左个6人餐，再散叫少少野食。 6人餐 $1358前菜: 云耳青瓜, 葱油海蜇, 鸡丝粉皮 : 全部正常野, 冇咩特别之后叫左个蒜泥白肉， 我个人钟意谭仔果D香D… 佢唔够蒜主菜:北京填鸭: 正常野，有一半皮, 一半皮+肉去夹，唔错。 值得一赞系佢D饼皮会有野蒸一蒸一阵咁，唔会咁快硬西兰花伴千岛虾球: 西兰花冇味, 虾球较咸, 两个一齐咬就刚好。糖醋鲈鱼: 哩个应该系全餐我最欣赏，酸酸甜甜最好食蟹粉狮子头: UM… 唔识欣赏，食紧一堆肉 =.=”京葱豆干爆牛肉: 哩个睇你好唔好彩， 牛肉有时咬唔开， 有时又算嫩..哈哈 瑶柱蛋白炒饭: 都可接受，重味多少少，再炒干少少会更好寿包6个: WELL… 唔香既寿包…. 杞子桂花冰粉: D糖水好食… D粉就算啦…哈哈服务就一般般啦， 有个短发姨姨几好， 有个长发既就好似唔想捞咁… 所以都系睇你好唔好彩啦….. 完。…查看更多

10月6日家族聚餐订了2枱20人去食晚餐，我地10人一枱，自己个枱自己叫𩠌，叫了云耳青瓜，炸银丝卷，煎锅贴，蒸银丝卷，蒜泥白肉，上海粗抄 ，赛磅蟹，回锅肉，蛋白炒饭，火腿津白，桂花糕，高力豆沙。进餐有限时段5：30pm至7：30pm，位子不算迫，坐在商场范围选开扬。吾嘈吵。云耳青瓜：调味很特别，不是酸的，有麻油，醋，蒜，酱油，很好食切割小块，云耳遍少，青瓜很多。蒜泥白肉：一长碟上枱有9件，个个都到，酱汁有麻椒油香食落口好清新，肉里卷住块青瓜，辣味在咀嚼后回辣带甜。好开胃:)。炸银丝卷：叫2两客，第1客十分㶶，反映后第2客就好左，一上枱小孩子就不停吃点媡奶蒸银丝卷：不过不失煎㶽贴：个客5只，它只煎底，底脆，皮面很松软，里面饱满有汤汁像小龙包口感，肉大旧但不腻口，调味适中又大只，皮不厚。估吾到长期在这饮茶，都吾知锅贴咁好味。赛磅蟹：系蟹肉丝炒蛋白又系一绝，呢个价钱吾平，上枱较细兜，但系很好食的系好滑，吾油，吾洗加饭都可以净食，蟹肉多过蛋白上海粗炒：系我食上海菜必叫，很好食多椰菜丝，食到底较碎金，底积了很多油，份量很大碟，几个人先食得哂。回㶽肉：够辣带少甜，一定要叫饭附和，食到底很多辣油，我觉得豆干遍少，只吃到猪肉及椰菜，肉都遍少较细块。之前饮茶都会叫的。蛋白炒饭：饭面洒了咸鱼丝好惹味，米粒好分明，少油干身较健康，虽然食到饱尾声先到，但系好食，大家都食光了。火腿津白：吾太记得个名叫咩津白，叫我菜食下，块腿遍咸，津白一疏疏上碟，湿润，块腿要夹住条菜食才吾咸，份量多。最后我地加甜品，高力豆沙桂花糕share食高力豆沙：同样出色，里面有小粒香蕉及豆沙，成旧蛋白球，另有糖霜粉可洒上。桂花糕：较失望，叫左2客8件，够涷，但冇味。食食下睇到佢送错2碗桂花冰粉，卖相吾错，下次可试下。整体上十分满意，碟碟大，份量多，岩哂大家族人士食餐。上菜算快，啲食物够热。平时我都有去饮茶的，佢啲凤爪特别好食，无其他酒楼一patpat酱。今次无影相，因为聚餐尊重家人。…查看更多

食物质素OK，性价比OK，环境气氛就一般，有些枱与枱之间只隔1块胶板（不足一米距离）！收银员的服务态度令人难堪，与客人对话时双眼上下眼皮明显灯大地望着客人，使客人不知如何应对！ ？建议唔好叫凤爪和蒸饺，凤爪酱汁唔够好味，垫底面筋韧到咬唔到；蒸饺皮厚虾又有点老。…查看更多

食物正常，晚市唔多人。员工根本不会用会员App里面的优惠券，优惠券上面写完全可以重叠使用，但员工坚持不可以用，连试一下都不帮你试。失了预算，破坏心情。食物可以留住客人，但员工态度有机会可以令我成为常客，现在就算好食，都唔会再去，唔会洗钱受气。…查看更多