小魚兒 (寶漢大廈) (已結業)

最近去咗銅鑼灣「小魚兒」食晚飯，一定要Order個招牌菜：烤魚試下先，另外，再試下佢哋嘅燒物出品如何，估唔到燒扇貝CP值都幾高。*此餐廳收取加一服務費。海鱸魚（單點$308），老壇酸菜豆花，表面鋪滿紫洋蔥、辣椒乾、指天椒、青花椒，魚皮口感香脆，魚肉口感嫩滑，肉質厚實、沒有細骨，味道鮮甜；酸菜口感爽脆，味道酸溜；豆花口感滑溜，豆香味濃；配料包括有青瓜、木耳、金菇、寬粉；金湯味道酸辣。精選美國肥牛片（單點$128），肉質肥瘦相間，牛味濃香。田園蔬菜拼盤（單點$90），包括有唐生菜、娃菜、金菇，食落好新鮮。蒜蓉牛油燒扇貝（四隻$80），扇貝食落帶有一絲口感，裙邊口感爽口，配以蒜蓉、牛油、香蔥食用，食落好香口。…查看更多

最近，我和朋友們來到了銅鑼灣的小魚兒，主要係食川菜爐中魚，我鍾意佢呢度環境舒適，裝潢簡約而現代，柔和的燈光讓人感到放鬆。今次我試吓新嘅嘢，我地點了極品魚包魚雞煲，這道菜的鮮味令人驚艷，湯底清澈透明，魚肉鮮嫩，估唔到有咁多隻鮑魚，除咗可以食到鮑魚仲可以食到雞煲，每一啖雞都朔晒肉汁，讓人每一口都能感受到海鮮的鮮美。鍋裡的多芫茜更是為這道菜增添了清新的香氣，讓人食慾大開。朋友鍾意食海鮮，我們品嘗了蒜香牛油燒扇貝。扇貝的肉質鮮嫩，搭配濃郁的蒜香和牛油，讓整道菜散發出誘人的香氣。因為天氣仲係熱熱地，想開胃啲點咗脆焦糖燒菠蘿，外脆內嫩，焦糖的甜香與菠蘿的酸甜恰到好處。另外重點咗冬瓜茶和甘蔗馬蹄汁，解渴又清新。本來諗住係點嚟食甜品嘅炸雙皮奶，最後忍唔住食雞煲嘅時候都一邊食一邊品嚐佢外脆內滑的口感，讓人回味無窮。…查看更多

港島人要北上，淨係車程都一兩個鐘，其實食烤魚都唔洗北上嘅，懶人如我，就決定留港消費！家母時常嚷著要吃烤魚，是日就帶她到銅鑼灣小魚兒吃過夠本！座位寬敞，相當整齊。吃烤魚這些惹味的東西自然少不了要喝飲料，為了喝得痛快，每人加了$34飲品放題!當中除了汽水那些大路東西還有「有得解」系列涼茶飲品。江團魚＋老壇酸菜豆花魚皮烤得香口，魚肉厚實鮮嫩肥美骨少酸菜湯底開胃，蒜味濃郁。配料有豆腐、豆芽、寬粉等，盡吸精華。香蒜燒茄子很惹味，茄子加入辣椒碎及蒜蓉更加惹味椒鹽魷魚鬚魷魚鬚炸得香脆惹味，一道外層薄脆，酥化而不油膩，彈牙香口!…查看更多

《小魚兒の食評》 by@ihungry.hk天氣涼咗，梗係要食熱辣辣嘅烤魚🐟！位於駱克道嘅川火堂，提供以麻辣鮮香川式烤魚為主打食品，提供不同魚款作選擇，仲可自選辣度及麻度，無論你係咪重口味人士，都絕對岩你口味🔥！🔸『老壇酸菜豆花海鱸魚 - $308』老壇酸菜豆花海鱸魚結合新鮮海鱸魚和滑順豆花，每一口豆花都散發著濃濃海鮮香氣，口感鮮嫩多汁。而海鱸魚其肉質細緻，味道鮮美，又唔會好多骨，重點係份量超足料，大大條魚連３個人都食唔晒🥰！去到湯底方面，老壇酸菜湯底湯汁濃稠，帶有酸菜獨特風味，酸酸辣辣，加入超入味嘅配菜，如寬粉、鴨血同埋芽菜等等，絕對令你回味無窮🐟！🔸『冰火魷魚 - $78』獨特冰火魷魚，結合了冰涼和火辣的口味，帶來前所未有味覺體驗💯！🔸『其他配菜』▶️寛粉$36▶️萵筍$48▶️出前一丁$28一路食烤魚，梗係要一路打邊爐！小魚兒嘅配菜有好多，超過20款配菜任你揀，而每款蔬菜都非常之新鮮，最後落埋一個出前一丁，簡直係一流😘！🤪iHungry肚餓指數：7/10…查看更多

⚗️今日熊妹等埋富妹放工，係銅鑼灣食她愛吃的雞煲🍲。📌之前熊妹係《小魚兒》尖沙咀總店食過烤魚🐟，大大份味道濃，再發現雞煲都幾吸引，今次就帶富妹食銅鑼灣旗艦店的雞煲喇！📌食烤魚、雞煲最好就係食完之後仲可以點火鍋材料繼續延續煲汁的味道打邊爐♨️。📌另外，仲有炸物小食、燒烤串燒可以選擇，真係夠哂豐富！重慶雞煲（半隻），$178兩個妹子又唔係大食，當然點半隻雞煲再點其他火鍋材料，咁先可以食多啲野嘛！雞煲有電磁爐一直煲住，面頭鋪滿芫荽，煮熟了，店員過來翻炒一下，食得！用上十多款材料調味，點了小辣小麻，醬汁香濃又唔過鹹，小辣唔太辣帶點麻味，完全滲透入雞件入邊，趁熱食雞肉滑嫩，好入味😋。半隻雞份量都真係唔少，雞脾、雞腳、雞胸位乜都有，醬汁夠杰身沾滿每件雞件，連骨頭都好夠味！愛吃雞煲的富妹都大讚好味😋！食哂啲雞，吸盡雞煲的精華，食開左個胃就要繼續食盡去，咁就繼續加湯打邊爐喇！牛丸拼墨丸，$68一碟六粒，望落平平無奇，就係一粒丸子模樣，但食落好大驚喜！墨魚丸係堅有墨魚味🦑，食落好彈牙又有墨魚粒粒，撈埋雞煲湯汁都唔會蓋過墨魚味道，可想而知呢粒墨丸做得幾出色。牛丸口感勁彈牙，咬落去，係竟然有爆牛汁出來的！絕對需要小心燙口⚠️滑牛肉， $90嘩！不敢想像！勁大一碟，本身滑牛肉係實淨嫩牛肉，紅噹噹的牛肉一啲肥肉肥膏位都無，仲要份量好多，食極都仲有。滑牛肉要烚耐少少🤏就好夠嫩，不要烚太久而變老，呢份牛係好抵食。油麥菜，$40一個菜籃🧺裝了滿滿的油麥菜，翠綠的菜葉洗得乾乾淨淨，油麥菜用來打邊爐真係係不二之選，淥幾下就食得，吸入湯汁的味道又不失菜青味，掂！紅薯粉， $29烚下烚下都要點個麵食的，紅薯粉配雞煲汁最好不過！圓碌碌滑嘟嘟的薯粉煮熟透後煙煙韌韌好惹味！流心榴槤炸彈，$49最後，當然點埋個飯後甜品。好少烤魚雞煲餐廳會食到榴槤炸彈💥，愛吃榴槤的富妹當然唔放過！一碟有五粒，size比想像中大，大楖乒乓波的大小，金黃色的炸彈入面係流心榴槤做饀料，榴槤漿的質感半溶又唔會液體狀態流出，同外皮軟糯的炸糯米皮一齊食，好QQ好味！📌《小魚兒》銅鑼灣店裝修好特別！以藍色燈光為主，再映襯周圍紅色寫上「Little Fish」字眼的招牌同走馬燈💈，成件事好太空艙feel📡，燈光對比強烈但又唔搶眼，感覺好科技。📌埋單$500，半隻雞煲加火鍋🍲，惹味勁飽肚，《小魚兒》除了烤魚之外，原來烤魚都咁🉐，係幾抵食！:)…查看更多

開始進入秋冬，除了行山戶外活動，小妹最喜歡就係雞煲、打邊爐😆是日到訪了位於銅鑼灣嘅小魚兒，佢地嘅雞煲和烤魚極具人氣，當然要去試試😚重慶雞煲(半隻) $178雞肉肉質嫩滑，醬汁香濃惹味，超多芫荽、洋蔥等配料 💯💯💯椒鹽大蝦 $158大蝦大大隻，卜卜脆，風味十足，夠鑊氣 💯💯💯炸蝦餅 $48蝦肉彈牙，配上醬汁，提升層次蒜香牛油燒扇貝 $40扇貝肉質厚，鮮味，鋪滿蒜蓉牛油炸雙皮奶 $39外面炸到金黃香脆，內裡乳香濃郁幼滑 💯💯💯有興趣嘅朋友仔，有機會要試試喔😋…查看更多

港島人放工可以考慮下食呢間，雖然個名叫咗小魚兒，但其實唔只烤魚，連雞煲都有，仲有串燒等等，樣樣都幾好食架！💡 鮮花椒BB豆花 海爐魚 (小麻小辣) $308 + 紅薯粉 $29烤魚睇落真係好澎湃，聞落已經好香，食落各種配料都令味道好有層次，唔係死辣。今次點咗基本款海爐魚，肉質實淨，啖啖肉，食落唔膩。配菜包括豆花、青瓜、寬粉同芽菜，口感多樣。💡鯰魚魚扣 $88魚扣即係魚胃，幾有咬口，質感得意。💡牛肉串 $25肉串仲好Juicy，孜然粉香氣十足，夠晒惹味。用鐵支串嚟燒，店員超貼心地先用紙巾包俾我地。…查看更多

小魚兒有幾間分店，銅鑼灣呢間位置方便，好闊落，坐得都好舒服！老壇酸菜豆花海鱸魚一盆烤魚份量勁多，4個人食都仲有得淨🫣魚肉好滑嫩，好鮮味，配上海量既芽菜/雲耳/酸菜/豆花，仲有吸汁既寛粉，愈煮愈濃味，超級正😍我地另外加佐黃花魚春，魚春好大條好飽滿，充滿蛋白質呀！辣酒東風螺估唔到呢度都有東風螺食，螺肉都好大粒，爽口彈牙，亦都好入味，辣辣地夠晒惹味！而且螺肉都有唔少，依家既價錢又平啲喎，真係勁抵食呀！…查看更多

小魚兒位於鬧市銅鑼灣其中一間大廈既樓上，另一間係尖沙咀金馬倫道，裝潢暗黑非常型格，以黑紅色作主調，有一點像內地烤魚店的風格。餐廳出名食烤魚，有多款招牌鍋底及魚類可選！招牌菜：［炭火風味烤魚］鳳梨香辣豆花 海鱸魚鳳梨鋪面，酸酸地減輕油膩感。而香辣配上淡味豆花非常惹味。湯頭調味香濃。正。小食：蒜蓉燒扇貝—用蒜蓉燒超香口邪惡。扇貝肉質彈牙有咬口。推介：金銀蒜燒黃花魚春魚春質感好軟身，配上金銀蒜鹹鹹香香。一碟用錫紙盤裝，份量好足。…查看更多

好似好耐冇食過烤魚，之前喺尖沙咀食過呢間都幾正宗，所以今晚過嚟銅鑼灣都見到有分店就唔使諗啦，直接揀佢。上到嚟佢呢邊個場大過尖沙咀好多，基本上全部都係卡位，坐得舒服好多。飲品方面，佢都有啲特別唔常見嘅飲品，我哋揀咗冬瓜茶同埋甘蔗馬蹄。如果通常你飲一罐唔夠喉想任飲嘅話呢度都係加$34就可以無限添飲，俾啲要飲好多嘢嘅人嚟講呢個價錢超級抵㗎。講返主題先條魚，佢呢度嘅口味大約有八種左右，每一種都好似會有唔同嘅配菜。我哋今晚揀嘅係酸菜味。配菜方面，佢又好滑嘅豆腐，呢個豆腐煲耐咗啲汁都好惹味。佢呢度嘅酸菜同其他地方用嗰啲好似有啲唔同，呢度呢個真係偏酸啲唔會得個死咸，但係都係一樣會越食越濃味，臨尾攞嚟淥下菜打吓邊爐真係一流。我哋今晚揀咗江團，貪佢啖啖肉，肉質夠嫩滑，最重要係冇乜骨。食到咁上下再錄埋啲薯仔同埋萵筍落去吸下個酸菜湯味，超滿足結尾。…查看更多

朋友想食雞煲，見到樓下派傳單，就試下啦！上到黎見佢地方都算大既，地方都唔會好迫，座得都舒服既。雞煲未到，我地叫左個小食魚皮，我地好鍾意食，佢既魚皮好大塊，好爽口。評分：👍🏻👍🏻👍🏻/5而且，我地仲見到佢有螺，我地都叫左，螺好大隻，唔會細細隻果啲。評分：👍🏻👍🏻👍🏻/5我地叫左半隻蟲草花花膠雞煲，佢個煲黎到，見到佢鋪滿蟲草花；雖然佢唔係重慶雞煲果啲味，但係都幾好食。佢哋有專人幫手煮雞煲，唔使自己郁手，加埋火候控制得好好，每一嚿雞肉都煮得啱啱好，嫩滑多汁。而個花膠係爽口既，好大塊。評分：👍🏻👍🏻👍🏻👍🏻/5食完個雞，我地叫左少少野打邊爐，叫左個手切牛肉！佢哋嘅牛肉切得厚薄適中，肉質鮮嫩，非常滿足。我哋仲點咗腐皮、粉皮，煮完索晒雞煲既汁好好味。評分：👍🏻👍🏻👍🏻👍🏻/5服務都幾好，佢地都好有禮貌，仲會主動幫手添湯，完全唔使自己理，真係坐低慢慢享受就得。整體味道指數：😋😋😋😋/5性價比：💰💰💰/5環境：❤️❤️❤️❤️/5服務：✅✅✅✅/5…查看更多

江團魚 $ 348鳳梨香辣豆花 +$18江團魚魚肉鮮嫩肥美，油份相對較重，含豐富膠原蛋白！今次試咗鳳梨香辣豆花湯底，呢個好值得試，鳳梨除咗可以平衡魚的油膩感，仲可以解辣，絕對值得試！口水雞＄68我哋另外叫咗個口水雞，size不算很大，見到同隔離$48lunch set客飯差唔多🤣問咗侍應話係差唔多size的～睇嚟下次都係叫lunch抵食啲～不過雞係滑同入味的～小魚兒 (寶漢大廈) (銅鑼灣)銅鑼灣波斯富街24-30號寶漢大廈1樓…查看更多

小魚兒 Little Fish📍銅鑼灣波斯富街24-30號寶漢大廈1樓近排秋意來襲，又係時候食返啲熱辣辣，㷫烚烚嘅嘢。除咗打邊爐之外，我同朋友最鍾意食嘅應該就係雞煲啦。近排食過高水準嘅雞煲，一定要數到小魚兒，絕對有質素保證嘅川菜餐廳！[價錢 Price] 💰$23鹽燒鵪鶉蛋 🥚孜然口味嘅鹽燒鵪鶉蛋，賣相似足一串咖喱魚蛋，真係好少地方有得食。鵪鶉蛋唔會燒到好乾，蛋黃味道濃香，孜然粉更添惹味，記得趁熱食啊！[價錢 Price] 💰$70椒鹽鴨血 🧆椒鹽豆腐、椒鹽魷魚、椒鹽豬扒，呢啲大家食得多，都食得厭嘅時候，不妨一試椒鹽鴨血！廚師將鴨血切成細小方粒，裹上麵衣炸香後灑上椒鹽，保留鴨血嘅滑順，同時做到外脆內軟嘅口感。一口一件嘅椒鹽鴨血令人上癮，愛食鴨血嘅朋友必定要試試。[價錢 Price] 💰$63食肉獸 🍖第一次喺小魚兒食冒菜，淨係湯底都有接近10款選擇，連主食都有五款，亦可以按個人口味調整辣度同配菜等等，非常高自由度！我哋揀嘅呢款食肉獸有五花腩、牛肉、雞肉、豬肚同娃娃菜，湯底選配暖身胡椒湯，再搭配土豆粉做主食，BB辣嘅口味剛剛好，同濃味胡椒一齊食都唔會覺得太辣。所有肉類其實都煮得相當入味，亦好腍身，索晒湯底嘅胡椒味。當中，豬肚係最好食嘅，因為爽爽哋，無腥臭嘅豬肚味。土豆粉比紅薯粉更軟糯爽滑，不失為一個好選擇。[價錢 Price] 💰$288極品鮑魚雞煲 🥘小魚兒嘅重慶口味嘅雞煲，味道既有辣香，又有麻香，即使叫BB辣同BB麻都可以品嘗到雞煲嘅辣、麻、香！今次我哋揀嘅雞煲仲多咗4隻鮑魚，味道比淨食雞煲更有層次，整體更加豐富！鮮鮑口感爽彈，自身鮮味十足，配上濃郁醬汁，變得份外惹味！雞肉依舊鮮嫩多汁，皮下脂肪唔多，兩人食半隻份量剛剛好！…查看更多

我不是太喜歡吃魚，所以朋友很少約我去食烤魚，但呢間烤魚朋友叫我一定要試吓，見佢咁大力推薦，梗係去試吓今次叫咗海鱸魚，食落肉質厚實，鮮嫩，一啲都唔鞋口，而且冇咩骨，啖啖肉，就算小朋友都可以輕鬆食到（因為我就係唔鐘意多骨嘅魚）而且佢哋係用一烤二炖嘅做法，一開始食嘅時候，魚皮香脆，再炖一段時間之後，魚肉開始吸收湯汁，變得更加惹味而我今次就選擇了比較少見的豆品三重奏醬香豆花，如果唔係好食得辣嘅朋友可以試吓呢個口味，因為真係超香，超惹味，佢唔係辣椒嗰種火辣辣嘅惹味，而係醬油那種豆香味，真係唔係好多地方有呢一種味道除此之外，三重奏醬香豆花這個口味還會額外有豆皮、豆卜、風琴豆腐，記住一定要等吸收晒啲湯汁先好食另外我還加了一份金菇，份量都不少，配搭一齊食簡直一流！我還叫了一份炸雙皮奶，食落熱辣辣又甜甜哋，大人小朋友都鍾意✨整體來講，佢哋除咗烤魚之外，仲有燒烤、雞煲、冒菜，總有一樣嘢啱你口味！…查看更多

平時銅鑼灣地鐵站一出就已經望到小魚兒，地理位置非常方便，不過硬係夾唔啱時間去試吓，今次星期六喺銅鑼灣收工終於可以順便食個靚午😜一入到去就見到餐廳係行摩登未來嘅感覺，裝修上面花咗好大心思😍🌟半隻重慶雞煲 $178朋友唔食辣，揀咗不辣不麻嘅口味，本身好擔心風味會減一半，點知都係咁惹味，雞肉唔會過老，同個醬汁好夾😍重點係佢冇出面嗰啲咁油啊！⭐️稻庭烏冬 $35烏冬好快熟！麵條滑順帶少少彈牙，唔係七仔嗰啲cheap牌子-🌟寬粉 $38分量多，長度適中，好快熟，口感勁煙韌😜🌟田園蔬菜拼盤 $90呢個拼盤分量大到足夠三個人享用，有新鮮嘅生菜、娃娃菜同金菇，塞到個菜籃滿晒😜🌟燒腩肉串 $22串燒嘅分量比我想像中大，肉質鮮嫩，連豬皮都烤得金黃酥脆，散發著濃郁嘅油香而且有肉汁，調味都唔會好重手，保留住食物嘅原味🌟炸雙皮奶 $39屬於甜品類別，即叫即炸熱辣辣，外脆內軟，炸粉有啲麵包香，仲有粒粒黑芝麻增加香氣，內裡柔滑嘅奶香係滑嘟嘟，半液體狀態，好正😍🌟炸香芋地瓜丸 $39其實就係平時放題食到嗰一隻，同樣即叫即炸，好食！-整體嚟講，餐牌種類好多，由串燒、烤魚、雞煲、甜品都有齊晒，而且質素都唔錯，更適合一大班人聚會😜此乃自費食評…查看更多