小食皇

营业中

休息中

晚霞時分嚟到筲箕灣東大街街頭小食皇，少少肚餓，叫咗個辣魚蛋豬皮同腸仔$25,呢個辣汁我鍾意！辣魚蛋彈牙入味，辣湯勁夠喉，越食越上癮。豬皮浸得軟淋，吸晒湯汁精華，鹹香夠味，配埋辣汁真係絕！有機會又再來！

「小食皇」係我心目中一間充滿安慰感嘅街坊小店，唔止係小食好味，對我嚟講，佢仲係一份溫柔嘅陪伴。最鍾意佢哋嘅炸魚丸，外層炸得香脆、魚香突出，咬落彈牙又唔會太油膩，簡單但令人滿足。無骨炸雞亦係必食之選，外皮香脆入味，雞肉嫩滑，份量啱啱好，食完有一種實在嘅飽足感。偶爾我會轉下口味，食返碗生菜魚肉湯，湯底清甜，魚肉軟熟，生菜新鮮爽口，係炸物以外嘅溫和選擇。記得上一份工好辛苦，壓力大得連胃口都無，但我堅持每次放工都行過去買一串炸魚丸，唔係貪肚餓，而係需要一點點慰藉，一口炸魚丸，就好似對自己講：「辛苦咗，你仲撐得住。」小食皇嘅味道，簡單中帶力量，陪我走過唔少艱難時刻。

睇落平平無奇既小食店，如果唔係睇過幾個YouTuber介紹，真係未必會注意到（因為嗰條街好多選擇）。呢個無骨炸雞，竟然係用拆咗骨既雞翼黎生炸。香港會花咁既心思去處理雞翼既小店應該唔多。我去嗰陣啱啱冇人，我點咗全份（八件）$64，友善既店員話等五分鐘就得。攞上手就知道份量足，炸得透，無論顏色、香味，未食落口已經知道好味。但啱啱炸好既雞翼超級熱，我要等幾分鐘至食到。咬第一啖已經比佢征服咗！外皮好脆、好薄，非常多肉汁，雞肉嫩滑，因為雞翼已拆骨，啖啖肉。雖然價錢係小貴，不過睇得出雞翼本身應該好大隻。喺超級市場要買大隻、肉質好d既雞翼唔平，而且拆骨係手工，又唔可以拆爛隻雞翼，同坊間一件大雞肉切塊處理唔同。我覺得偶爾食一次，呢個價錢可以接受😋

🍗餐廳名: 小食皇地區: 筲箕灣評語:無骨炸雞(四件) HK$32 - 原來係無骨雞翼 超級出色 雞皮都係超脆 肉質超滑極爆肉汁 如果淨食呢個可以食多幾件 即叫即炸結論: 表面平平既小食店 出名係無骨炸雞 冇睇介紹既我以為係韓式炸雞 點知係無骨雞翼有驚喜 另外仲有其他小食都好吸引 再黎既話會再試環境衛生: 🌕🌕🌕🌑🌑 食物味道: 🌕🌕🌕🌕🌕服務態度: 🌕🌕🌕🌕🌗#小食皇#筲箕灣美食 #筲箕灣#無骨炸雞 #無骨雞翼#香港 #餐廳 #情侶餐廳 #情侶飲食 #幫你食 #coupleeat #helpyoueat #eatanddrink #hongkong #hkfoodie

講起掃街 相信大部分人都會諗起旺中、葵廣通常最多人推薦嘅都系日式、台式、西式等等嘅食物唔系因為唔鐘意港式街頭小食 只系好難搵到間好食嘅🥹而且好多時都唔乾淨 食完即肚痛😗今次小妹同Mami👩🏻嚟咗東大街掃街竟然遇到間有驚喜嘅港式街頭小食😳雖然價錢少貴 但幾好食 而且應該乾淨我哋食完都冇肚痛😂😂-㋡ 炸雲吞 $16/5件而家去酒樓食點心都冇乜邊間有炸雲吞賣就連街邊檔都買少見少🥺難得見到有 就梗系買嚟試下架啦😆Order之後即刻攞去炸我想講…真系超級脆😳咬落去系”咔咔”聲架🤭好似食緊薯片咁脆即使食到最後嗰件嘅脆度依然都系咁誇張雲吞餡就系魚肉嚟嘅份量好少 但呢個先系原始嘅炸雲吞🤣食落就系普通嘅魚蛋咁樣整體嚟講系好食嘅🤪真系值得一試😚味道: 8/10性價比: 8/10-☹︎ 咖喱魚蛋 $10/份一份有6粒 份量少而且好細粒唔系好食到咖喱味🤔只系見到底部有啲紅油 但系完全唔辣嘅鹹味就夠晒架啦不過唔辣就真系差咁啲🥺加上魚蛋嘅質素亦只系一般尚算有咬口嘅不過真系麻麻地 唔推薦😅味道: 3/10性價比: 3/10-跟住呢兩款滷味小妹就冇食 不過Mami👩🏻超鐘意🤭↣ 墨魚串 $12↣ 豬脷 $12Mami👩

雞粒$31😋🍴🍽️呢間舖頭其實出名食炸雞 但咁岩果次炸雞賣晒 我哋就試咗炸雞粒點知一食就返唔到轉頭首先份量來講好多 有一大袋 30幾蚊都幾抵可以自己加辣椒粉 本身佢調味椒鹽五香粉都好夠！食落去好惹味 辣辣地食得出佢用咗薑汁去醃過雞每一雞粒都好入味！就算淨係雞粒都食得出佢好滑食完一粒已經忍唔住要食下一粒就算擺到凍咗左都好好食！呢個係必食！好啱帶去野餐！好滿足！係東大街掃街必食嘅下次仲想試吓其他小食 試吓佢同炸雞邊個好食啲🤣🤭

經過筲箕灣，大家都知道應該要去試一試個雞蛋仔，但係因為太多人排隊同埋唔想食熱氣嘢。同埋比謝霆鋒吸引咗。唔想太熱氣，又想有少少湯濕下口，但係又唔肚餓，生菜魚肉就係最好嘅選擇生菜魚肉 $24 例牌一定要有麻油同埋胡椒粉整體味道其實唔錯，鹹咗少少同埋覺得太多油，係油，唔似麻油。魚肉份量都幾足夠，反而我覺得生菜少咗啲。雖然冇食到，但係煎釀三寶都唔係太貴，眼見唔係翻炸，都幾足料同新鮮。如果唔係因為自己熱氣我都想食返幾舊。

一般行過東大街， 都會忍唔住要幫襯買返幾件煎釀三寶😙😙炸魚旦會混埋洋蔥粒一齊， 香口又彈牙😋😋😋而煎釀三寶中， 喺呢度可以食到釀芋頭， 出面無咩地方有，雖然芋頭薄薄一片， 但都食到有芋頭味，唔錯架👍🏾今次人第一次食魚肉銀針粉，即叫即整， 要啲時間等下。一碗大大碗， 魚肉粉量都唔少🙈🙈🙈初初諗住係小食， 但食完飽左。。。連正餐都唔洗食🤣

🍴小食皇• 今次嚟到位於筲箕灣的小食皇😆Bookmark咗好耐 咁難得去到筲箕灣個邊緊係要trytry😋————————————————❶ 無骨炸雞(半份) $31半份大約有四件大大嚿嘅炸雞😆同我地平時食開嘅雞件唔同✨佢其實係去咗骨嘅雞翼！份份都新鮮炸起🙀炸得好香脆而且夠嫩仲保留到肉汁 夠哂juicy😚調味啱啱好唔會過分濃 仲可以自行加辣粉🤣4件真係唔係好夠 好快手就食完🤣價錢都少貴 不過真係幾好食🤪————————————————推薦指數: 🌕🌕🌕🌕🌕🌕🌕🌕🌑🌑| 8/10環境指數: 🌕🌕🌕🌕🌕🌕🌕🌑🌑🌑| 7/10服務指數: 🌕🌕🌕🌕🌕🌕🌕🌕🌑🌑| 8/10好食指數: 🌕🌕🌕🌕🌕🌕🌕🌕🌑🌑| 8/10性價比指數: 🌕🌕🌕🌕🌕🌕🌕🌑🌑🌑| 7/10回訪指數: 🌕🌕🌕🌕🌕🌕🌕🌑🌑🌑| 7/10————————————————🌟歡迎留言話俾我哋知你哋食完嘅𝐟𝐞𝐞𝐝𝐛𝐚𝐜𝐤🥰•🍴 小食皇 (筲箕灣)📍筲箕灣筲箕灣東大街76A號地下2A號舖• #hkfattyexplorer筲箕灣#hkfattyexplorer港式

呢間嘅無骨炸雞真係超級好味！去到念念不忘嘅地步！所以去到老遠嘅筲箕灣我都咁鍾意過去買來食！每一粒炸雞 係一隻拆咗骨嘅雞翼 味道係椒鹽味嘅！所以一啖一粒 食肉獸表示食到超級爽呀！雖然買到成$32 得四粒炸雞 係有啲貴！但煮過嘢食嘅人都知道 拆骨係好難嘅！呢啲係功夫錢嚟嘅！而且味道咁好食！係值得每次經過筲箕灣都要買來食！最緊要呢間小店係黃色經濟圈💛大家都要一齊支持小食皇 (筲箕灣)筲箕灣筲箕灣東大街76A號地下2A號舖

小食皇🌟之前聽朋友介紹過筲箕灣小食，今次可以試到呢間小店既無骨炸雞🍗因為即叫即炸，所以都等左一陣，炸雞外脆內軟熱辣辣，粒粒都幾大舊下，辣粉自己加，雞肉好入味好味😋

👍🏻炸魚蛋 $19/6件外皮煙韌，內裏既魚肉同啲洋蔥粒同蔥混埋一齊，好香好特別😋！大大粒，唔點豉油都好夠味，仲係即叫即炸熱辣辣👍🏻👍🏻味道：9/10性價比：8/10-📍#小食皇筲箕灣東大街76A號地下2A號舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #筲箕灣 #筲箕灣美食 #港島美食 #港式 #魚蛋 #小食 #港式小食 #東大街美食 #東大街

今日買咗兩串咖哩魚蛋，一條豬脷，一打開已經見到幾粒魚蛋都係黑色嘅。食咗兩粒都係燶嘅，有燶味，個皮硬嘅。再睇埋其他𠴱啲係粒粒都係燶嘅😡拎去同佢換，個女人都冇打開已經即係話「深色咋嘛，唔係燶」完全唔諗住理我🔥之後係後面個男人話換俾我。圖一係第一碗佢聲稱‘深色’嘅咖喱魚蛋，圖二係佢換俾我嘅，如果唔係燶嘅點解個色會差咁遠？！其實我係街坊，都幫襯過好多次，之前次次都正常，不過今次咁差嘅經歷之後都唔會再有下次！

無骨炸雞$30/4件🐣其實佢唔係食開嘅一件雞件，而係一件去咗骨嘅雞翼。即叫即炸得好香脆，入面仲係好juicy，更埋表面嘅調味粉，好香口超級好食！不過如果可以平少少就好啦！炸雞粒$29🐥食完炸雞唔夠喉食埋炸雞粒，味道同炸雞件差不多。一大包買走一啖接一啖食！正：3

呢間係筲箕灣係一間出名嘅小食店，主打炸雞軟骨，炸雞塊同洋蔥魚蛋。今次就試咗半份炸雞塊，價格就有少少貴，半份收$30/4塊，全份就$56/8塊。雞塊即叫即炸，大約等10分鐘左右就可以拎。叫得無骨炸雞就知道一咬落去啖啖肉，d肉超級嫩滑，咬落去d雞油就滴緊，所以食果時要好小心。而且上面加d椒鹽，提昇咗雞嘅香味。食4塊真係會唔夠喉，呢個價格物超所值。不過食完會有少少口乾嘅感覺，可能加咗少少“師傅”落去/炸野口乾掛。建議食之前買少少野飲以防食完會好口渴。