小食快綫

呢個我初中年代先至出現嘅街頭小食，依家買少見少，即使有，都同以前差別好大，呢間係算係比較好啲，但同以前都相差好遠，尤其是豬腸，差別最大，只有韮菜無變，豬紅都無以前咁爽咁滑，個湯都無以前咁好飲，以前個湯，只用簡單鹽水，頂多加啲胡椒粉，但呢個湯居然加薑粒，但又無薑嘅辛辣味，而且個湯你黃色，而唔係白色，因此我估計係南薑而唔係生薑，味道當然無以前咁好。以前啲豬腸係用新鮮豬腸，所以食落煙韌有香味，但呢碗豬腸唔香，咬落一啲都唔似係新鮮貨，因為新鮮貨同雪藏貨嘅質感相差好大，即使係咁，呢間連鎖小食店，都唔係間間有得供應呢個簡稱三樣嘅小食。以我所見，只有粉嶺名都商場嘅分店先至有，有興趣不妨試下。…查看更多

名都小食店，阿女由細食到大嘅小食店，而家改咗名叫做小食快線，但係唔係間間都有煎釀三寶，所以次同呀女係粉嶺，喺地鐵站附近，就會想食名都小食店嘅煎釀三寶，價錢咁多年嚟講都唔係加咗好多，好抵食，佢嘅魚蛋大大粒充滿鯪魚肉嘅味道，豆腐都好大嚿外脆內軟加埋豉油好好食😋😋😋😋😋仲有茄子茄子都好新鮮，大大嚿同魚肉釀埋一齊，又係好味的，另外青椒都係10分新鮮好爽口讓咗大大塊嘅魚肉加埋豉油又係好好食，同阿女一齊食食嘅係情懷，唔知係味道💕💕💕💕👍👍👍👍👍👍😋…查看更多

見佢買雞蛋仔條隊唔郁，問吓乜情況，個員工叫我等得就等，佢話佢好忙碌，因為佢處理緊一單大生意，價值$180，如果你唔等得，就唔好食，你去食其他，雖然你係平民小食，價錢平，唔代表你服務態度可以咁差…查看更多

每次跑完步都會黎到snack express 醫肚😀今次叫左兩溝-魚肉+ 碗仔翅魚肉就正常，無咩要求碗仔翅就有驚喜！杰身，唔會好水！同埋好足料， 木耳， 冬姑絲都超多！推介👍🏻…查看更多

返工返學時間好多人買早餐但店員都好快手基本上等8分鐘一定買到碗仔翅多冬菇成碗都有啲木耳絲一定要落調味，否則真係冇味㗎簡單快捷既早餐另外燒賣都ok不過飲品就一般般豆漿可以唔試…查看更多

又話express嘅？收工諗住快快脆脆買小小野返屋企食，點知排哂大隊，但係見到入面有兩個慢吞吞咁做，真係o咀，你地嘅賣點唔係快咩？仲要態度勁差，問一句都唔得！勁冇禮貌，話拎走但係膠袋都冇比我👎🏻👎🏻👎🏻👎🏻👎🏻我認住你啊，以後唔會再幫襯呢間😊😊…查看更多

小食快綫 有多間分店，粉嶺店位於名都商場2樓，由港鐵車站天橋入口到名都商場必經之地，繁忙時間間中會見排隊人龍，近年價格提高，但依然尚算便宜。有車仔麵，炸四寶，燒賣、魚蛋、生菜魚肉、魚翅，夾餅，雞蛋仔等等食物供應。:)店內沒有座位，只提供餐桌和幾個立食位置，桌上放有調味料，辣醬、甜醬等，自助形式。:)疫情關係，外賣客人較多，我也不例外，外買了兩款食物:豬紅、豬腸，韭菜$30價錢相宜，加價後，份量也加了，豬腸唔算入味，腸內有腸膏，沒有異味，炆得再軟腍點會更好，豬紅唔腥，又唔算好滑回家轉碗，倒出來底部的韭菜，分量頗多，因外賣已有點變黃，且有點"鞋"口，整體味道一般生菜魚肉$19份量足，魚肉不腥，肉質較腍，沒有咬口底部的生菜量很多，外買回家依然青綠脆口:)同是小食快綫的旺角東分店，生菜魚肉比此店好吃得多，而且可以用八達通付款。兩款食物總數$49，只收現金。味道普普通通，不過不失，地點方便，路過四寶新鮮炸起，可以買來嚐嚐，但不吃也沒太大損失。…查看更多

唔夠時間，食咩最滿足，就是咸點或甜點，但又要飽雞肚，又要係回憶殺，你會怎樣選……。 今日在超忙的工作後，仲要趕夜場聚會，體力感到用盡，甜食是my apple 🥧 鐵路沿線總有一間，你想幾點買，你想食咩，都有。最多人選是煎釀三寶，碗仔翅，車仔麵，這些我都喜愛，但今次選了夾餅。最愛是那熱辣辣的感覺，將牛油溶化，揉合了花生醬的香味，甜奶的幼滑，真的不得了。忘了說，我不愛沙糖的口感，明明軟軟糯糯，突然咬到卡卡聲，唔鍾意。 如果你忙得只有5分鐘，你會在此小小食店選擇………查看更多

抵食早餐！有兩個星期六都見到早上時間大排長龍，再望一望餐牌，普遍都係$10一樣小食，係平價、飽肚之選！不過有啲意外，呢間連鎖店淨係收現金。同埋包裝上都有啲問題，豉油、醬汁係發泡膠盒側邊流晒出嚟，有啲忙亂。魚蛋八粒$10- 魚蛋有輕微陳皮味道，都算彈牙。腸粉四條$10- 冇諗過四條腸粉剪下剪下份量會有咁多，擺滿左成個發泡膠盒。腸粉趁熱食，點住豉油、甜醬、麻醬一齊食，好滿足！…查看更多

由於我住喺附近 有時收工收野左想食碗麵我都會選擇喺呢間小食店叫外賣呢間舖頭都係我由細幫襯到大 我記得以前係叫粉嶺名都小食 由細細個一碗麵10幾蚊到而家20幾蚊一碗 質素我覺得從來冇變過同埋咁嘅價錢你都唔會奢望太多 呢間車仔麵$28有三樣餸 通常我都係叫米粉 三份都係雞翼但係今次想食少少菜所以就叫米粉兩份雞翼一份生菜☺️☺️☺️通常我都會喺度叫外賣唔會企喺度堂食 因為實在太多人嚟幫襯 佢哋嘅辣汁一定要嗌我每次都一定要多多多辣汁成碗面嘅辣有少少似咖喱味 辣得好過癮✌🏻✌🏻同埋我覺得咁嘅價錢有一碗車仔麵係真係好平好抵食…查看更多

此店鄰近車站﹐價錢平﹐附近又冇乜呢類型嘅小食賣﹐所以生意一向都唔錯。比得呢個價錢﹐對食物質素要求當然唔會高﹐但最少都要有基本衛生﹐尤其喺疫情下更為重要。早幾個月路經此店﹐見賣食物嘅姐姐襯無客﹐拉低口罩同同事傾偈﹐都知d姐姐無乜衛生意識﹐不過今日貪方便﹐又走咗去幫襯佢買煎釀三寶。我買完嘢仲企喺度整理近d找贖之際﹐個姐姐用個類似飯殼嘅嘢去攪蒸籠裡面d燒賣﹐因動作太大﹐有兩粒燒賣飛咗出嚟﹐一粒喺枱面﹐一粒落咗碗豉油度。飛咗落豉油嗰粒自然唔要得﹐而枱面嗰粒﹐姐姐用佢啱啱摸完錢、而且有灰甲嘅手﹐徒手拈起佢再fing返入蒸籠﹐若無其事咁用布蓋返住。我望實佢都姑且係咁做﹐如果無客見到﹐相信佢哋處理食物嘅手法更不堪設想。d煎釀三寶買咗返去﹐到最後都無食掉咗。希望店主可以改善一下店舖衛生同員工培訓﹐一盡作為食店嘅道德同社會責任。…查看更多

有兩個丫姐勁惡勁燥底，好似我得罪佢甘，同佢互罵完後，我無買就走左！雖然嘢食係好食，但啲丫姐態度好差！原來要惡過佢先得！宜家每次買嘢，對住果兩個丫姐我都勁大聲勁惡對反住佢地！…查看更多

有食開嘅人都知呢間野出名有個躁底阿姐，通常都係負責淥麵，成日都會好一把好唔耐煩嘅嘅聲線問你：「食咩啊？😡」不過今日當我好趕急想買完去追巴士時，前面個人諗嚟諗去都唔知叫咩，而躁底阿姐一喝，就成功嚇退佢，俾我入到位，拿拿聲買完去追巴士。碗車仔麵真係好食，所以即使要受氣都買…查看更多

晏就實在太肚餓，唔知係咪因爲天氣凍成日都食唔飽咁，又唔想坐低食野，淨係想食下小食經過見到幾個姐姐係店裡面百足咁多爪，有雞蛋仔夾餅，個邊寫車仔麵，另一邊整煎釀三寶魚蛋燒賣，全部都係香港小食不過價錢就唔似以前既小食店啦，有少少貴雞蛋仔好味道姐姐拎左係鐵網攤凍左既一底比我，個面好脆，不過蛋味唔係好濃，雞蛋仔裡面有多空位，我估倒蛋漿個陣唔係好滿，都知以家成本高，不過食落就有啲空虛整體黎講用黎飽肚同一解嘴饞都係一個唔錯既選擇…查看更多

我一直都好欣賞呢間小食店, 因為平靚正, 啲阿姐做嘢又快手。但係最近買架煎讓三寶, 發覺溝得太多粉, 比以往失免很多。可能係運作成本上升, 先會咁做。但我個人覺得寧願保持之前水準, 我可以多付一些。起碼要保持香港味道, 希望營運者能考慮！…查看更多