小草十八怪

营业中

休息中

呢間餐廳出名食石鍋米線，最近喺油麻地開咗分店～ 超大間！裝修幾有特色，有霓虹燈同食物插畫，仲有好多卡位👍🏻 佢哋推出咗無火生滾石鍋煲仔飯，聽個名都覺得特別，味道仲幾好添！仲有好多食物選擇，串燒、荷葉飯、石鍋米線等等，開到凌晨兩點，食宵夜都得呀！✨無火生滾石鍋煲仔飯 三拼$76自選要咩餸，都幾多選擇～ 想食膏蟹，但無晒，最後揀咗排骨、乾魷魚仔同海蝦～ 落單後，店員就會拎個燒熱咗嘅石鍋同餸過嚟，石鍋入面有啲油，放薑絲落去炒一下，之後就會放洗咗嘅米同水，再放餸喺面頭，等9分鐘之後就食得啦！睇住店員整都幾好玩咁🤣 望住啲米變咗熟飯，都唔使好耐～煮好加啲豉油同蔥花落去撈下，食落都幾好味！同傳統煲仔飯都幾似，一樣有飯焦架！勝在可以自選要咩餸，要多幾款餸都得😆乾魷魚仔鹹香，幾好味！✨蒜蓉燒生蠔（半打） $98半打好抵食！而且生蠔大大隻，非常肥美juicy~ 蒜蓉又夠多同入味😋 抵食過一啲串燒店呀！✨蒜蓉金菇錫紙燒蟶子仔 $78超抵食！一份有10隻蟶子，而家都唔細隻架！蟶子爽口唔韌好鮮味！仲有金菇同粉絲入晒味，好味推介！✨燒韭菜 $18✨甜粟米粒（10串） $18韭菜係一定好食架啦😂 粟米有啲驚喜喎，

收工要返學，因為遲左收工又唔夠時間揾野食。附近見到呢間唔使等位，就入左去食。鋪頭入面只有幾枱食客，可以時間仲早，加上平日關係。為求快，都係食米線，▪︎酸菜魚湯 貢丸 米線▪︎$32+$9貢丸+$2酸菜魚湯貢丸無乜特別，但同平時食個啲貢丸唔同味道，口感質地偏爽，同個味道我個人覺得似墨丸味同魚旦既混合版😂湯底其實唔太酸菜魚，只係有輕微酸味，亦無辣味，個人覺得個湯底唔係咁好味，我煮公仔麵個味應該仲出色過佢。米線份量唔算多，如果太餓應該係唔夠飽個隻....配菜得一啲芽菜，一兩片腐皮。。。$43好似之前去過旺角嗰間分店話過唔再黎，以為呢間係唔同，但食完好似應該同一間？

之前有去過旺角既小草十八怪，今日行經油麻地既時候，見到呢間超大間既小草十八怪分店😮😮😮，就入左去試下啦。 油麻地店同旺角店既一樣都係有勁多選擇。一場黎到梗係食返碗米線先啦～🟥自選米線 $32起我地叫左蘿蔔、可樂雞翼同牛柏葉，湯底就叫左極品蟹皇湯底。見到呢個名就忍唔住叫左，個湯底夠晒特別，蟹皇味好濃，仲有咸蛋味既after taste🤣🤣🤣好有趣！🟧串燒我地叫左青椒排骨同埋雞全翼。青椒排骨好好味，上面灑滿孜然粉，好惹味。雞翼都燒得好好 夠晒juicy！🟨蒜蓉錫紙燒金菇蒜蓉金菇無得燒，好入味，好大兜但因為好味，轉頭就清晒🤣下面仲有粉絲，幾抵食。🟩蒜蓉金菇錫紙燒蟶子仔蟶子份量十足，而且隻隻都幾大隻呀～夠新鮮。

油麻地新店十八怪⭐️✨🦥✌🏻🎉旺角店的小草十八怪深受年輕人的歡迎，經常坐滿客人，現於油麻地也開了分店，空間更廣闊！！！⭐️自選米線是人氣No.1的菜式，串燒燒物也是很受歡迎！《自選米線》六餸起$90～這次選了六菜，包括有：貢丸、溫泉蛋、鯛魚片、封門牛肉、豆卜和翡翠苗，選了伊麵底，配上極品蟹皇湯。這個湯底很有驚喜，吃得到有咸蛋的香味，配麵類的確是一流！客人可請店員幫忙煮，也可以自行煮，很好玩！先把菜類放底，之後在上面放其他餸，之後加入湯，再放上蓋等一會兒，看到霧煙，就可以再加麵類，這次點了伊麵，之後再放上蓋再等一等，即可享用！又好玩又好食！《封門牛肉石鍋飯》$90 以韓式道地風味為醬料，滿滿的泡菜舖滿表面，食材選用了封門柳，咬起來口感細嫩，肉味濃郁，油花較少，且石鍋的配合，滋滋聲的治療感，令人開胃，吃得惹味！《沙爹錫紙燒金菇肥牛》$75這款是燒物，份量也夠多！沙爹味很香濃，蒜香也是！很好吃！《特大桶裝凍檸茶》《苦瓜檸檬茶》餐廳的飲品是很大杯！真的很誇張！😆😆

依家米線店都幾正，除咗有普通米線之外仲會有石煲米線，石煲飯雞煲，各種串燒美食等等，選擇非常之多。佢下午茶時段仲會有菠蘿油同埋各種特色美食。十八怪招牌金湯過橋石鍋米線，份量都幾大碗，而且勁多配菜包括腐皮，花膠，封門牛柳，鯛魚片，芫茜，翡翠苗，海蝦，棉花魚肚，蟹柳，腐皮。而味道都好好再加上由於佢係用石鍋嘅，所以上到嚟都係好熱辣辣，慢慢食都唔驚變凍，非常之推薦。佢哋嘅下午茶餐仲會包飲品，我叫左京式燒牛肉烤餅下午茶。食落去就好似墨西哥卷餅咁，隔離仲會有水果沙律同埋薯角，超級夠飽。順帶一提，芒果凍頂烏龍茶幾好飲，就算無糖都唔錯　。

知道小草十八怪在彌敦道開了分店，今日第一次探訪。孖鋪面積好大啊，樓底又高，牆上裝有大型霓虹光管，用語地道，甚有香港特色。坐下打開餐牌，和去慣的亞皆老街店無分別，總之包羅萬有，石鍋米線、石鍋飯、烤魚、串燒、荷葉飯、雞煲、茶餐……要乜有乜。還有一樣新產品可未試過：「無火生滾石鍋煲仔飯」！今日就試試它。🏅無火生滾煲仔飯，雙拼$68，三拼$76我們選了排骨、棉花魚肚和鯛魚片。不久店員捧着個石鍋和配料來到，石鍋燒得滾熱，只見他把生米和清水放入鍋中，跟住平放配料，然後冚蓋，說10分鐘後開蓋食得。10分鐘無火由生米煮成飯，確是厲害。10分鐘後打開蓋，嘩！香氣撲鼻，米飯粒粒分明，軟硬適中，還有飯焦呢，好正。🏅肉骨茶雜錦石鍋米線 $62小草有自選米線的，也可選已安排好的套餐。好像這個雜錦，包括有豬肚、肥牛、豆卜、冬菇、雞肉和腐皮，不用煩惱選什麼餸和湯底了。肉骨茶湯底雖無藥材味，但也十分濃郁，餸料又豐富。石鍋保持溫度，熱辣辣很惹味。此外，小我們還叫了一堆串燒。小草的串燒一向性價比高，燒得又有心機，新店同樣無令人失望。🏅蒜蓉錫紙燒金菇$45🏅原條燒茄子$34🏅五花肉金菇串$18🏅羊肉串x2$26🏅甜粟米粒x

秋風起，又到行山食煲仔飯的季節，三條友行完山落左油麻地食tea 新開茶記小草，鋪面勁大，裝潢好搶眼，茶餐都好吸引和風大阪燒配薯角沙律$52大阪燒同平時日式餐廳食的有得fight 薯角好脆，雜果沙律都好正花生醬西多士$32花生醬西多勁邪惡，但系多士浸落蛋漿，再炸兩炸，真系好好味無火三拼煲仔飯$78朋友見秋意濃，即刻試左新出的煲仔飯系列價錢好抵食，三拼都只系$78三拼簡左臘腸、雞肉同排骨，完全足料一桶水果香檸茶$18特飲真系勁大杯，味道正常喇，一定飲唔曬金桔檸檬茶$18

竟然見到小草開左咁大間分店係油麻地，樓底仲好高，比起旺角店寬敞左好多!! 中意滾熱辣又中意米線既我，小草既石鍋米線就最吸引我😋今日唔想食辣想食清d，揀左個火腿瑤柱肉骨湯底，清清甜甜👍🏻哩度既自選配料超多，迷你羊肚菌，蟲草花，雞肉，豆卜，封門牛肉，翡翠苗，大部份都係傳統米線店無既配料。土魷馬蹄香菇肉餅荷葉飯朋友就中意食蒸飯，米飯唔會蒸到過淋過濕，肉餅都幾厚同足料，好多土魷粒粒。甜粟米粒（十串）哩個粟米🌽串埋比你超過癮，又香又甜。蒜蓉錫紙燒娃娃菜大份娃娃菜仲有d金菇，加埋蒜蓉，粉絲一齊焗，好味😋哩度d野飲用桶裝😂特大桶装凍檸茶大啖啜唔洗懢住飲，仲係用真檸檬🍋

一入到餐廳，就比佢巨大嘅港式霓虹燈設計吸引，超有香港味道，好適合打卡，好有氣氛！同一般茶餐廳唔同，餐廳菜式超豐富，有米線、串燒同川菜涼拌小食，仲有茶餐，店員話嚟緊仲會有煲仔飯，超級正！🌟 麻辣涼拌海蜇（小辣） $38涼拌海蜇好爽口，甜甜辣辣，好開胃，超好食，忍唔住叫咗兩碟食！🌟 雞軟骨（兩串） $24雞軟骨燒得好香脆，食落好爽脆，而且面頭有燒汁，更入味可口。🌟 自選米線（六餸起） $127 - 石鍋店員煮、幼薯粉、極品蟹皇湯 - 鹹蛋黃炸魚皮、五香辣豬軟骨、響鈴、肥牛、鯛魚片、封門牛肉、花膠- 配 金桔檸檬茶 +$18為咗試石鍋煮米線，叫咗呢款要叫六餸起嘅自選米線套餐！本身以為要叫六款唔易簡，但餐廳嘅餸好多都好吸引，最後叫咗７款，包括有鹹蛋黃炸魚皮、五香辣豬軟骨、響鈴、肥牛、鯛魚片、封門牛肉、花膠，而湯底就簡咗極品蟹皇湯，配幼薯粉！用石鍋上，一擺上枱已感受到熱辣辣又暖粒粒嘅感覺，幼薯粉好煙韌，有嚼勁的，蟹皇湯湯底蟹味濃郁，鮮味十足。餸方面，封門牛肉大大塊，肉質夠嫩滑，鯛魚片超鮮美，花膠好滑口，又養生健康！鹹蛋黃炸魚皮超好食，食落好脆，鹹蛋黃味濃，而豬軟骨軟腍入味！整體味道都好唔

係油麻地做完facial都已經9點半，大部份餐廳都已經last order，幸好仲有小草十八怪。而且仲營業到凌晨三點，今時今日黎講，香港好少有。桶裝飲品青檸檬薄荷梳打香水檸檬草莓梳打大大桶夠醒神解渴，跟餐價錢一啲都唔貴。原條燒茄子串燒不可或缺的項目，滿是蒜蓉、葱花香。燒得恰到好處，茄子肉肥美又滑嫩。串燒點了大墨魚鬚、五花肉金菇串、牛肉串，全都燒得香口惹味，墨魚鬚真係好巨型，口感彈牙。十八怪招牌金湯過橋石鍋米線石鍋米線是招牌，全都新鮮熱辣上枱。湯底咸蛋黃味好香，配料好多，包括封門柳、花膠、海蝦、棉花魚肚、蟹柳、鯛魚片、翡翠苗、腐皮和芫茜，一碗滿足晒所有愿望，唔使心大心細。瑶柱蒜蓉海鮮荷葉飯新鮮即蒸，荷葉飄香，有海蝦、帶子、魷魚圈、魚片、蟹柳等。飯蒸得乾身，加上滿滿的瑤柱蒜蓉，送飯一流！小店是第二分店，比舊店更大更多座位，最重要係營業至凌晨，為夜鬼提供一個宵夜地方。

油麻地新開咗間小店，除咗招牌嘅石鍋米線仲有荷葉飯、石鍋飯、煲仔飯、烤海爐、奄仔蟹、雞煲、湯粉麵、乾撈、大碗飯、前菜小食、錫紙燒、串燒，樣樣有齊，老少咸宜，地點方便，經過可以一試！天氣凍凍地，最啱食煲仔飯暖暖胃～ 無火生滾石鍋煲仔飯超級特別，店員會喺你面前製作，加入食材後等十分鐘左右就食得！配料可以按個人喜好選擇，要咗風爪、排骨同羊肚菌，份量唔多，幾入味，最欣賞係個飯底，粒粒分明，仲有焦飯，食完都幾飽肚🤣相比之下個人更喜歡呢度嘅荷葉飯，籠仔上，好可愛，配料有臘腸、冬菇痛蒸雞，雞肉嫩滑唔嚡口，荷葉飯比煲仔飯腍身，而且帶淡淡嘅荷葉香氣，性價比高！石鍋米線同樣可以自選餸料，亦有option揀，要咗酸菜底，香辣惹味，越食越過癮，配料有芫茜、雲耳、腐皮、豆卜、鯛魚片同雞肉，吸飽湯汁，米線軟身，入口滑溜，幾有驚喜！小食選擇好多，簡簡單單叫咗個酸菜、蘿蔔、泡菜拼盤同蒜辣青瓜，配飯一流，而飲品方面真係不得之了，好大杯，超級誇張，夠冰凍，又解渴，茶同梳打各有千秋，反正無可能唔要啦😂

今日收工經過呢度，睇到有石鍋煲仔飯，我好好奇點樣石鍋煲仔😆九分鐘居然生米煮成熟飯，仲有萵筍墊底，啲飯完全吸收曬萵筍嘅香味，超級驚嘆同驚喜，真係諗都冇諗過煲仔飯居然十分鐘食得，仲要係勁勁好味，我叫咗臘腸排骨蟲草花煲仔飯，個排骨對我嚟講係勁有驚喜，味道一流，啲排骨醃得好好味，潤腸正常味道，蟲草花都好香，連埋萵筍成個飯基本上香氣撲鼻，齒頰留香，本人口味比較挑剔，特別外餐對豬肉和雞肉，我覺得大部分啲豬肉啲雪味好勁，仲要係勁霉，但呢度啲我認為真係超級好味，個飯唔會太多飯焦，啲米熟度係完美，我好怕出面嗰啲煲仔飯，試過幾間都唔掂，又貴又難食，飯焦多過飯，搞到冇啖好食跟住熟同唔熟之間仲要等勁耐，，但係呢度嘅煲仔飯真係嘆為觀止，好彩有小草間餐廳，畀我食到神奇特色煲仔飯😋😋😋😋😋😋😋😋

♡ 油麻地招牌荷葉飯｜小草十八怪石鍋米線 ♡-最近行過油麻地附近 見到開咗一間好顯眼嘅米線鋪呢間米線舖除咗做米線之外仲有荷葉飯出名～ 呢度就連串燒都有 食物多樣化- ♡ 棉花魚肚蟲草花蒸雞荷葉飯 ♡ $62荷葉飯真係幾正🤣雞肉蒸得鮮嫩多汁，加埋棉花魚肚同蟲草花，味道更加濃郁。每一口食落去，都感受到雞肉嘅鮮甜同棉花魚肚嘅鮮味，配上蟲草花嘅香氣。-♡ 十八怪招牌金湯過橋石鍋米線 🍜♡ $82湯底以金湯為先，加上花膠、封門牛柳、鯛魚片、芫茜、翡翠苗、海蝦、棉花魚肚同蟹柳等多款海鮮同肉類配料。每一口湯底都帶有濃郁嘅鮮甜味道，一碗過橋石鍋米線食足多樣配料🤣-♡ 原條燒茄子 🍆（小辣麻辣 ）♡ $34外皮炭燒香脆，內部柔軟滑嫩。加上麻辣調味，食落真係好香🌶️-♡ 鴨屎香檸檬茶 ♡ $36估唔到喺呢度都飲到咁好飲嘅檸檬茶🤩呢個真係值得一叫。-♡ 一桶水果香檸茶 ♡ $36入面有多款水果，水果香味濃郁，解渴又開胃。❥#⇢店鋪資料：小草十八怪石鍋米線 (旺角)旺角亞皆老街36-38號龍飛大廈地下3-4號舖#

之前去過女人街間舊舖 最近係油麻地開咗新舖餐牌大致上一樣 唯獨小食有少少分別 當然唔少得招牌石鍋米線、荷葉蒸飯晚市仲可以食到明爐烤海鱸/奄仔蟹雞煲⸝⸝⸝⸝自選米線｜𝟳𝟴湯底有8款，香辣金湯 / 酸菜魚湯 / 火腿瑤柱肉骨湯 / 沙嗲湯 / 馬來肉骨茶 / 胡椒豬肚湯 / 柴火麻辣湯 / 極品蟹皇湯配料有40幾款，分為$7/$9/$12/$15如果想用石鍋上 就記住要揀夠六餸⸝⸝⸝⸝瑤柱蒜蓉海鮮荷葉飯｜𝟳𝟱魷魚、蝦、魚、蟹柳 加入蒜蓉粉絲鋪面下層蒸飯吸哂海鮮精華⸝⸝⸝⸝除咗主食 仲有前菜小食 / 錫紙燒 / 中式串燒今次淨係點咗串燒牛肉串、雞軟骨、原條燒茄子、章魚鬚

🐷蒜蓉燒扇貝扇貝都大又新鮮，燒得啱啱好。扇貝同埋蒜蓉嘅香味超夾，勁香蒜蓉味。絕對係海鮮燒烤愛好者的必點之選。.🐷自選米線 (石鍋米線+貢丸+肥牛+牛柏葉+火腿瑤柱肉骨湯）米線用咗熱辣辣嘅石鍋裝住，質地爽滑，湯頭濃郁鮮美有淡淡的火腿香。配料全部都俾得幾多，每一樣嘅味道都唔錯，特別推薦大家可以加牛柏葉。🐷瑤柱蒜蓉海鮮荷葉飯呢個瑤柱蒜蓉海鮮荷葉飯真係好有驚喜！😋飯粒鬆軟，荷葉包住啲飯菜，keep左飯菜同埋荷葉既香氣。海鮮嘅份量俾得好多，有魚有蝦又有又魷魚。加埋鹹鹹甜甜嘅醬油每一啖都勁香蒜茸味。.🐷牛肉串調味主要係係好香嘅孜然味，肥瘦比例啱啱好。.小草十八怪📍油麻地彌敦道525-543A號寧大廈地舖.