小皇府 (MOKO新世紀廣場)

营业中

休息中

其實我都係一個傳統既中女🙋🏻‍♀️ 好鍾意飲茶食點心食中菜😽上星期同朋友去左MOKO一間齊備粥、粉、麵、飯、點心、小菜等既中式食店🤩店面開揚坐位舒適，當日6點半去到唔算好多人。·🔸️古法生扣柚皮  HKD$108依家唔多地方有得食啦🤤 哩款手工菜好花技巧功夫，見到有梗係要order啦😍估唔到都整得唔錯，柚皮蒸煮得軟腍😽 肉同皮都軟綿綿，唔講個口感都分辨唔出係柚皮😋醬汁都好入味，值得一試。·🔹️大良炒鮮奶  HKD$118又係一道顯功架既菜式👏 鮮奶🥛口感軟硬適中，近似8成固體2成半固體狀，覺得還可以的，因個人較喜歡較軟半固體口感~·🔸️頭抽吊龍炒河  HKD$138用上頭抽炒成的“炒牛河”，夠鑊氣加上即炒🔥一夾出煙香噴噴😚河粉每條都上到色，唔碎條條分明，而牛肉食不出是不是吊龍呢😄·🔹️虎松茸魔鬼餃(3件)   HKD$36三角透明餃造型👻 餃上面點左2粒黑點做眼仔👀 來形造小魔鬼造型😜雖然唔算好似，但都花左點心思，加左分啦👏 內餡有菇菌同蝦肉，富有口感。·🔸️小皇府叉燒腸粉  HKD$36腸粉皮做得中規中矩，唔薄亦唔厚(好矛盾咁😂)，叉燒反而不錯👍叉燒切粒都食到厚切口感。

食物冇乜地方好挑剔當日全店得兩三位枱有人啲呀姐企到好開咁serve客又要自己吹水呢個價位黎講我唔expect自己用餐環境咁似街市買送聽你高談闊論希望餐廳之後有改善！

這晚約了朋友去MOKO食飯，朋友想食中餐，我們就去了小皇府試下！地方幾寬闊，坐得舒適！如果不想散叫，酒樓都要套餐，要龍蝦，都幾吸引！打開餐廳，最意想不到晚市都有點心供應，而且不是一般普通點心，都好有特色，所以都點了兩款試試！台式脆蝦腸粉開頭沒為意，以為點了普通的蝦腸，原來入面的蝦是裏了脆粉的，腸粉好滑，裡面又脆，好有層次感！啤梨鵝肝咸水角造型好可愛的咸水角！外脆，咬落裡面qq，還有甘香的鵝肝，好驚喜！粟米蟹肉羹粟米本身好甜，加上鮮味的蟹肉，蟹肉的分量還要有好多，一絲絲的，兩份鮮甜！水煮牛肉朋友鍾意食辣，點了這個，比較重椒麻味，是新鮮牛肉，比較有咬口，不會掩蓋牛肉的鮮味！還有爽口的豆芽和雲耳！蝦膏海鮮炒飯鑊氣夠，炒飯粒粒分明，蝦膏味不算太濃，但可令飯更香，有好多帶子粒！見到有芝麻蛋散超級開心，本身這個食物已經不是很多地方有，因為難整！這裡整得好好，好香蛋味，口感非常鬆，一咬就化開，配合糖醬，好好味！我覺得這晚真的很完滿！

這間餐廳第一次去，食物可以，服務也好。選擇也多款式。我叫了生菜煲，咸蛋黃蝦，牛肉點心，炒鮮奶及薑汁糕。整體食物好味，尤其生菜煲，好野味，夠熱又唔太咸。咸蛋黃蝦也野味，咸蛋黃味夠但不算太咸，好味。薑汁糕甜度適中，正。其餘的食物也不過不失。員工服務也好，整體來講，讓人吃得也舒服，不會好似趕頭趕命，又無限時，這歺廳可藉得再去。價錢方面，兩個人吃了$500。算可以。如你有moko咭，可有85折。如下次再去，試吓其他食物再分享。

自疫情以來，都沒有好好跟母親大人一起吃點心，加上難得我們二人都有空，所以我便決定帶母親大人到「小皇府」盡興一番。小皇府內裏的光線充足，設計上又帶點時尚感，卡座又相當多，座位又舒適，我們都相當滿意。這裏除了有點心外，還有小菜和粥粉麵飯，選擇相當多，而饞嘴的我們頓時也變得有選擇困難症。雖然如此，我們還是點了好幾款食物來品嚐，先上的就是蝦餃。小皇府鮮蝦餃小皇府鮮蝦餃可選兩件或四件，我們為了可以品嚐更加多的食物，所以選擇了兩件。蝦餃皮薄餡靚，而且相當大粒，鮮味十足之餘，又爽口彈牙，我們都非常滿意！小蜜蜂流沙包一向愛吃流沙包的我，在餐牌上看到流沙包當然忍不住要把它點下來。雖然流沙包外層不算是十分薄，但流沙餡料絕不馬虎。鹹蛋黃味相當濃郁，吃得到鹹蛋黃的鹹香之餘，又帶有絲絲的甜味，作為流沙包控的我都感到非常滿足！原隻花膠灌湯餃想不到這個原隻花膠灌湯餃只是$58，但它那原隻花膠比想像中還要大，帶有滿滿的膠質感外，鮮味又十足，配上灌湯餃和鮮甜的湯一起吃，實在是美味！台式脆蝦腸粉嫩粉的腸粉包着香脆可口又彈牙的蝦，已經不錯，加上腸粉的米香味和蝦的鮮甜在一起就更為美味！啤梨鵝肝咸水角咸水角外層香脆可口又不油膩

小皇府進駐MOKO，介於酒家與餐館之間，除了全天候供應港式地道粥麵、手作點心、中式菜餚，更設有貴賓房提供私人聚會。菜牌粥粉麵類齊全，點心蝦餃、燒賣、飽類應有盡有，菜餚亦多樣選擇。小皇府鮮蝦餃蝦餃餃皮晶瑩剔透、蝦餃蝦汁豐富、蝦仁爽口彈牙、蝦鮮味甜。鴛鴦大蝦球蝦球整隻大小適中，炸皮薄而香脆，蝦肉鮮嫩爽口多汁。咸蛋黃醬汁豐富，蝦球咸香帶鮮，味道更富層次。千島汁可說是百搭醬汁，蝦球鮮香帶甜，冷熱口感。乾鍋肉末福建菜花菜花干鍋爆炒是最合適的煮法，肉末爆香後混在清甜軟腍的菜花里，入口微辣香口。頭抽吊龍炒河炒河濕度適中，河粉條條分明不粘糊，碟面亦甚乾爽不油。味道咸度適中，對比大排檔重味風格，會顯得清淡健康，本人較喜歡。蛋白杏仁茶較為平凡的甜品，相較下可以留肚吃其他。整體來說，平民價錢在乾淨舒服的酒館吃上一頓順心豐富的晚餐，是不錯選擇。

約了幾位同學聚舊，要找一家寬敞舒適，交通便利，食物款式多而且好味的食肆，我立即想起曾到過飲早茶的「小皇府」，它具備以上所有要求。「小皇府」在旺角東站的商場內，除了四八達外，下雨天也不怕淋濕。餐廳地方整潔，坐位也很舒適。看過餐牌後，我們點了幾個小菜。“松茸黑椒封門柳”，牛肉鬆軟可口，肉味十足，松茸滲著黑椒汁的香味，是非常好的配搭。“香杧西檸雞”，雞肉鮮嫩，厚切大塊，外皮鬆脆，淋上酸酸甜甜的檸檬汁，更併有片片新鮮香杧，入口混集著雞肉與果香，十分可口。“宮保雞丁”，爆香的朱古力辣椒（不是朱古力糖，而是有名的勁辣辣椒）和雞肉，入口非常刺激，喜歡吃辣的朋友千萬不要錯過。“福建炒飯”，多隻鮮蝦，爽口的芥蘭，還有雞肉粒、蛋花、甘筍......等，再配上惹味芡汁，令人食慾大增。“小蜜蜂流沙包”，鎮店之寶，必食之選。外形趣緻的小蜜蜂，真不忍一口咬下去，雖然牠是一個美味的流沙飽。邊吃邊談下，很快又渡過了一個愉快又滿足的晚上。

男朋友同我都鐘意食中菜/點心，但兩個人選擇又叫得唔多野食呢間小皇府唔單止有點心、仲有好多粉麵粥品同小菜選擇，價錢亦唔貴😼最令我地期待一定係呢個小蜜蜂流沙包($30)，好可愛，仲要唔係得個樣，裡面夠流夠熱！造型點心仲有虎松茸魔鬼魚餃($36)，清清地但亦夠juicy~我都幾鐘意啤梨鵝肝咸水角 ($32)，比普通咸水角多咗啲好香嘅鵝肝脂香味😗男朋友就較鐘意台式脆蝦腸粉（$38），滑溜腸粉皮包住炸腐皮，唔會好似炸両咁，令入面個皮淋哂蟹皇滑燒賣（$40）就算係不過不失～另外叫咗兩款小菜，都幾岀色濃湯海鮮脆米泡飯($148），佢用石鍋上，keep住熱辣辣，而且個湯真係好濃! 加埋脆米，口感好豐富上湯海味雜菜煲($108)亦好足料，大大條蝦干，食完唔會好口渴仲一定要讚呢到嘅職員好好服務，又有禮貌

旺角優質中菜看到這裏的menu，除了小菜之外，也可以吃點心。因為想吃點心，所以進來一試，有臥虎藏龍的感覺！我們點了：原隻花膠灌湯餃：湯底清甜，味道濃郁。花膠有一整條，而且是厚身大條的花膠，熬得柔軟。這麼真材實料的灌湯餃才$58，CP值非常高。滑蛋炒蝦仁：蛋漿非常香滑，炒得半熟不過火。蝦仁大顆又新鮮。份量很多。調味偏淡，很突出食材的鮮味。小蜜蜂流沙包：新鮮蒸熟的流沙包。裏面的流沙醬甜味和鹹蛋黃味也很突出，不會過甜，味道又有層次。非常推薦。這裏雖然裝修得像一般茶餐廳，但是味道和食材也很優質，有機會會再來。

陪媽咪食最愛既粥，這間媽咪曾經食過一次，今次話要再食，做乖乖女既我當然奉陪啦內裡裝修是我喜歡的藍色，坐位闊落乾淨Menu 十分多選擇，有粥/粉/麵/飯，還有點心和小菜，總有一款合你心意一坐低先點杯檸檬薏米水，清爽透心涼鮮滾豬心粥媽咪最愛食粥，鮮滾熱辣，新鮮豬心，爽脆，粥底夠幼滑，媽咪食得滋味，我見到都開心原隻花膠灌湯餃湯底熱辣辣，原隻花膠很驚喜，灌湯餃十分內足料，超好味石鍋生菜上菜時服務員即場係你面前炒熟生菜，因為石鍋熱力，令生菜很快煮熟，內裡鹹肉碎撈勻生菜，十分惹味豉汁帶子蒸豆腐豆腐十分嫩滑，新鮮帶子配上碎豆豉，餸飯一流見到媽咪食得開心，我就心滿意足

今日在MOKO睇完電影係時候晚餐，第一次試小皇府。呢個粵菜非大排檔或者酒樓風味。环境：冷色調的裝潢提高左層次感，感覺黎左西餐餐廳。服务：樓面幾個服務生執碟上菜擺位都有講究，我地張檯比較細，但食品就好多。因此每次上餸服務生服侍周到。原只花胶灌汤饺^令我想試一試噶系，呢種上湯同點心類搭配的菜式，既有中湯風味，又可以試一試浸左上湯噶點心。花膠灌湯餃清淡，裡面有什菌。羊肚菌湯牛肉球^呢個對比花膠湯就相對系藥材類味道，陪襯牛肉球剛剛好。宮保雞丁^辣椒有類似燈籠椒仔，擺盤好靚，甜味適中，菜肴精緻。|石鍋生菜^熱辣辣生菜同蝦醬混搭一起，可以加埋之前宮保雞丁噶辣椒，遇熱會加辣，生菜都好惹味。鮮蝦雲吞撈麵^主食我地無叫白飯，因為想試一試招牌雲吞。因為之前有兩款上湯，因此叫鮮蝦雲吞撈麵，雲吞裡面蝦肉大大舊。實淨厚身。對比其他酒樓點心來講，別出心裁有不同口味體驗。粵式川菜例如宮保雞丁，春捲之類恍如小食精緻而開胃。甜品最後叫薑汁千層糕熱騰騰蒸籠上，柔軟不黏。價錢相對環境黎講物有所值。

應承左媽咪帶佢去食一盅兩件, 但每朝都唔願早起飲早茶, 記起早前經過MOKO小皇府, 全日都有點心供應, 今晚就同媽咪去嘆返餐。餐廳設大部份卡位, 坐得舒服,除左點心, 仲有多款小炒, 粥粉麵飯都有, 款式多多, 【小皇府鮮蝦餃（2件）】HK$22蝦餃脹卜卜, 皮厚薄剛好, 蝦肉餡料鮮甜彈牙, 足料好味!!【蟹皇滑燒賣（4件）】HK$40皮薄, 蝦肉跟豬肉餡料各佔半, 鮮味juicy, 蝦肉彈牙【台式脆蝦腸粉】HK$38腸粉皮包住脆蝦, 一咬落去, 中層炸皮還是脆脆的, 包住爽口蝦肉, 食落有層次, 點少少甜豉油提升味道。【紅燒BB鴿】HK$68/隻BB鴿雖炸皮不是脆脆的果種, 但肉嫩多汁, 味道唔錯。【海鮮酸辣羹】HK$45有豆腐絲、蝦仔、帶子粒、紅椒絲, 酸酸辣辣, 辣度偏高, 惹味開胃【粟米蟹肉羮】HK$45粟米、蟹肉份量多, 整體鹹左少少【小皇府鮮蝦雲吞麵】HK$52麵質彈牙, 大地魚湯清甜, 有淡淡韮菜香, 雲吞皮薄又足料, 蝦肉餡料鮮甜彈牙, 一碗有5粒, 正!【和牛牛丸麵】HK$56牛丸質地有如牛肉球, 軟腍腍的, 配上清甜大地魚湯底+彈牙麵質, 同樣不錯。

今晚約咗一個就嚟結婚嘅朋友，去到旺角呢一間小皇府食個晚飯，輕鬆吓。我特別鍾意餐廳環境舒服，光線又充足。因為朋友就嚟結婚，所以今晚食嘅嘢都唔會太肥膩，或者係油炸，美顏緊要。見到有啲得意點心，就叫咗個小蜜蜂流沙包，非常可愛。再加一個台式脆蝦腸粉，同埋一碗正雲吞，全部都係蝦，非常足料，但亦係清淡一啲嘅選擇。為咗飲啲湯，朋友要左個海鮮酸辣羹，都幾辣，我就揀咗一個粟米蟹肉羹，有啲湯滋潤吓都係好啲。我依家終於講到主菜，就係松露黑椒煎封門柳，少少辣，味道香濃，所以揀咗一個清清地嘅炒飯，瑤柱蛋白炒飯。好滿意今晚嘅選擇，無論係餐廳，食物，特別係朋友。

同媽媽去完花墟，諗住小皇府有粥粉麵飯、點心、小菜，儼如一間小酒樓，老人家一定啱食。賣相普通，一般雲吞大小，蝦肉彈牙，做餐前小食唔錯。懷舊灌湯餃的外型和餡料，加上原隻爽口花膠浸喺濃濃嘅上湯内，懷舊+新派，有特色。比起坊間的灌湯餃或花膠燉湯更吸引牛柳外面煎得太乾，但裏面好林，黑椒味唔夠，反而松茸同配料吸收了醬汁，好入味。媽媽話好耐冇食過柚皮，所以叫呢個餸。柚皮炆得好林，入口即溶，如果有埋蝦子，可以提升味道，更有懷舊感覺唔太甜，冇乜薑味，只想少少食飯後甜品都可以。

呢間小皇府因為未食過諗住入去試下，叫咗個鹹蛋黃炸九肚魚，但見等咗成半個鐘都未有得食，於是問個侍應係咪漏咗單，佢話冇，話係要耐少少，然後再等，等多10分鐘，又再問，然後佢就話依家整，喂大佬，你話依家先整咁就擺明係漏咗單啦，又死口吾認，以後都吾會再幫襯，火都嚟埋😡😡😡